SUKIYA すき家 (亞皆老街)

Open Now

Now Closed

香港開咗呢間牛肉飯之後其實一直冇試過，有一日喺旺角諗緊食咩嘅時候，就醒起呢間sukiya，因為係早餐時間，所以行到過去唔使排隊直入亦都唔使等位。因為早餐食唔到太多嘢，所以就冇嗌set，淨係嗌咗一個鐘牛肉飯，價錢$29唔係好貴，但係食得好飽好滿足。因為個人比較喜歡多汁，所以就叫咗職員幫手汁另上，店員都好好幫我裝咗一大碗汁另外分開俾我，牛肉飯真係好好味，價錢又唔貴，性價比極高，最好係唔使排隊行到入去就有得食

每次經過都聞到好香嘅味道 每次都要排陣隊🥹❤️溫泉蛋牛丼飯+ 菜 + 冰紅茶 $49必叫牛肉汁 加埋啲牛肉汁真係好好食 我鍾意再加上溫泉蛋一齊食 真係好好味😍😍我自己覺得啲菜都幾入味 每次都會叫 杯冰紅茶都唔會好甜 用嚟解渴啱啱好🥰🥰叫咗M size 但係份量都幾夠 對於女仔嚟講應該啱啱好 可能會剩低少少🙈🙈不過以呢個價錢嚟講真係幾抵食 所以我每次太夜嘅時候都會食Sukiya - - - - - - - - - - - - - - - - - - - - - - - -

凌晨好肚餓食乜好？一定係出去旺角食牛肉飯！勁多蔥嘅牛肉飯，簡直係我至愛仲有一隻溫泉蛋附送雖然個飯有少少辣汁，辣到流晒鼻水，但係食完大滿足！普通牛肉飯會跟兩隻溫泉蛋(雖然唔知點解係兩隻🥲)不過呢個飯就冇辣汁，有啲似吉野家牛肉飯另外，仲可以加錢轉蜆肉湯，同埋加錢要埋炸雞味道都幾似韓國啲炸雞，雖然呢間係日本餐廳😂呢間餐廳二十四小時真係冇得頂希望可以一直營運落去💕埋單只係$101 ，飽飽的宵夜，好開心！

今日行到旺角見到牛肉飯居然唔使排隊。即刻過嚟食返餐。平時飯點間間都要排隊，所以都食唔到。佢今日沒到飯點。所以唔使排隊！日式牛肉飯真係好經典啊！最近做gym，所以要多食啲牛肉，同賣D健康野。所以牛肉首選!肥牛冇得講啦，好大份肉，有咬勁，食落好鮮甜，好經典。好有飽腹感！溫泉蛋最正。好滑呢個套餐只有一只雞蛋。下次點兩只雞蛋！環境都ok，幹淨企理好清爽！不過開放式，略微有小小吵！服務招呼可以，收銀靚女幾nice ！出錢請朋友一齊食！

無冷氣，熱到根本同桑拿一樣，有風扇仔吹住都無用，最慘係入到去唔多覺，坐低落完單就知中伏！野食係好食，但實左熱到無心慢慢欣賞！啲員工全部新手，唔好期望有任何服務，唔落錯枱已經好好

唔知d冷氣搞咩 冇冷氣咁有冇洗冷氣有冇洗隔塵網 漏雪種有冇加返雪種 點搞呀 先新開幾多年日本個邊見到真係即刻叫你地執咗間鋪陳設都搞到勁舊 冇翻新冇維修香港地痞店咁大佬呀 唔係茶餐廳

每次經過都超級多人排緊隊，不過今日經過竟然唔需要排隊 （可能只係around 5:30pm度未到食飯時間），咁就即刻衝入去坐低啦 🙌🏻🙌🏻睇到個meau 發現真係有勁多選擇，芝士癮發作所以今次係選擇有芝士既 M size 牛丼 「熱溶三式芝士牛丼」 🤤🤤🤤 點完餐好快就有得食啦 👏🏻👏🏻👏🏻 熱辣辣既芝士同牛肉鋪滿整個飯面，芝士溶得岩岩好，同個牛肉好鬼match，再加埋牛肉汁，簡直係好好食 ！！！ 咁大碗都只係 $45 😈😈😈 而且仲有優惠，加 $10 就可以配埋沙律套餐 🥗🥗 同埋飲品添！！我揀咗佢哋既特製冰紅茶 🥤 初初睇到甘平以為好細碗就叫左m size, 其實原來都唔係細 🤣🤣 建議細食既女仔叫s size就夠 😅😅 我叫左m size 只能夠食到一半有多就巳經好飽 👍🏻

本來今日返工，唔係好肚餓，但又要食少少野，所以去呢度買啲小食同野飲，落單後等咗十五分鐘都未嚟，我就問佢我張單係咪整緊，之後佢答我係，點知等咗20分鐘先同我講宜家先整我張單，話炸緊，仲話人手不足，但人手不足又可以好快咁出比其他客？最終我等咗接近半個鐘先有，返到公司食，炸雞又唔係好熱，即係唔係現炸，但唔係現炸又要等半個鐘？野飲仲要出曬水，明顯係整咗好耐先比我，即係一早整好都唔比我，人手不足唔係一個藉口嚟將我張單一拖再拖囉！

小吃貨成日行旺角都發現街頭的SUKIYA客人絡繹不絕，原來此店以其24小時營業和多樣化的日式牛肉飯聞名😀這家日本牛丼連鎖店自1982年起，已在全球擁有超過2500家分店，以平價和快速服務贏得顧客的心🧡今日放工時間見到仲有少少位，一於入去試下先😍我點了溫泉蛋香辣蒜芯牛肉飯M $43溫泉蛋用另一個碗裝着分開上自己打蛋，而溫泉蛋的滑嫩與蒜芯的微辣，還有少許洋蔥，為牛肉飯增添了層次感，不過蒜芯有啲渣，但細食的我都居然成碗食哂🤪整體來看，SUKIYA 以其經濟實惠和方便快捷的特點，無論是宵夜還晚餐都成為了旺角不夜城中的一個熱門選擇👍🏻

Sukiya 由日本開到香港的快餐店。每次行過都見到好多人排隊。今日有行過見冇人排隊於是快快手入內進餐。今次叫咗鰻魚牛肉丼：$79Sukiya 係好低食大大碗，味道好👍👍真係月尾最好的選擇😜

雖然香港成日話夜繽紛，但又有幾多餐廳開到夜一夜 😬 人在旺角想食飯就諗到24小時營業的SUKIYA，仲有期間限定韓式拌飯 🇰🇷～決定試一試！加碼要一份熱溶三式芝士牛肉韓式拌飯 🧀 芝士份量比預期小，牛肉和配菜剛剛好蓋飯面，加大後基本上餸菜不夠配飯。韓式辣醬味道一般，只有鹹味，拌飯還可以的。香蔥溫泉蛋牛丼 🍚 穩陣之選，不過不失。Sukiya 牛丼為平價牛肉飯，的確不能要求甚高；加配套餐，$50就有肉有菜還有湯，都算是一個划算的快餐 🥡

有時外食一族既我，成日出街食飯都唔知食咩好。如果要求快既，一定會食牛肉丼飯。我最欣賞佢常常有新款式登場。今次係香脆蒜子京蔥牛肉飯。蒜子炸左之後好香好甜，一啲都唔辣係產生左甜味，而京蔥就有辛辣味🥵🌶️而今次特別地方係，我帶埋女女出去食飯，女女得幾歲，好難可以食得晒一個牛肉丼飯，就算係S size都會有剩低。為咗唔浪費，所以今次黎呢度既其中一個目的，就係因為有兒童餐。兒童餐飯量比較少，亦都會配咗一包小零食和益力多。咁就啱啱夠食，而且唔浪費。

星期五夜晚十一點半去到店外，見到好多人喺度等，以為好好食，但原來個個係等緊號碼拎外賣。等左勁耐，滿心歡喜拎番屋企諗住舒舒服服咁食，點知個火炙牛肉飯一食落口勁大陣燶味！連啲飯都係一陣𤓓味！基本上所有牛唔食得，食每一啖飯都係𤓓味。食完一啖要飲啲嘢沖淡味道⋯⋯炸雞正常，但成個飯等咁耐又咁難食，仲要$81 真係接受唔到，俾屋企人試完都係同一評價⋯⋯垃圾！希望店家正視食物質素問題。（為咗俾個負評仲要寫夠200字⋯⋯。）

某位職員態度服務勁差!本來諗住搵間嘢食, 冇諗到入到去畀人喝, 趕返出去嗰位的職員話入面冇位要我哋出面等, 因為入面冇位等咗一陣之後,入面三位女中學生食完飯走咗本來諗住有位入去,點知有其他客入咗去先嗰位職員又唔截住佢哋, 嗰兩位客人直接入去坐我哋入去問嗰個職員,其實頭先係唔係有位,純粹唔記得嗌我哋個職員又喝住我哋叫我哋出返去等等咗勁耐先入得去食終於有位坐嘅時候又畀錯野畀錢嘅時候又啤啤貢如果真係要食sukiya, 建議去第二間分店食!

冬季壽喜燒鍋出咗兩個月終於食到！ 今次星期二去排咗半個鐘左右，對上個月月頭有個星期五 排咗一個鐘差唔多9點 到我哋先話冇壽喜燒鍋… 如果太晏去排嘅要留意下！嗌咗一個普通壽喜燒 一個辣味壽喜燒！個set分別有一碗白飯 同埋一個鍋鍋有 半個普通size個烏冬 少少菜 一個拳頭size份量嘅肉 同埋少少湯🍲因為好少湯 煮法建議：一開始將電磁爐開到最大 一滾熟曬啲食物，確保煮熟曬牛肉，就開200或400低火保溫。否則烏冬會痴底 菜會邊淋🥴因為日式雙主食文化 有飯又有烏冬，其實成個set都好飽 次次都食唔曬🥴而味道方面，1. 普通壽喜燒個湯好甜… 煲到最後 蒸發咗啲水 食到好似糖水咁😐不過檯面有芝麻醬 配牛肉一流！2. 辣味壽喜燒算5小左右 都幾辣加咗一大羹辣麵豉醬 一開頭嚟鍋會見到！🍲但係食到最後好濃味好鹹🥴 另外加咗一杯布丁士多啤梨牛奶！圖文相符！啖啖都有布丁 不過有啲太甜～總結：一季一次 抵食之選～ 🍲🤟🏻 埋單唔洗$200！