Sum Sum Dessert

Open Now

Now Closed

要不是到觀塘,也不知道這出名的店子在APM 的附近。由於是工廈,所以等待電梯的時間也定較耐。位於13/F,前來買糯米糍的有學生,家長,男孩子和上班一族。大家可以在雪櫃裹挑選自己喜歡的口味再付款,十分方便。我選擇了原味,$20有8粒,價錢都可以接受。麥提莎的SIZE再包住朱古力的糯米外皮,細細粒容易食。食落去是煙UN的朱古力皮,淡淡的朱古力粉,如果有些椰奶會香甜得多,之後便1 口咬落粒麥提莎度,脆卜卜,慢慢溶係口中。對比起就咁食,係多左種口感同食法,而且好有創意地將麥提莎包落朱古力的糯米皮,值得支持呢

觀塘的港貿中心毗鄰apm，要上去非常方便，這裡最多的是眼鏡店，想平平地配一副眼鏡，可以來這裡逛逛。而最近，港貿中還開了一間人氣甜品店，獨沽一味麥提沙糯米糍，只有外賣，不設堂食。買了兩盒回家，本來以為是不同味的，但原來只是我眼大睇過龍，兩盒都是朱古力味。店家很細心的配備了膠牙簽，拿回家或在街上吃都十分方便。糯米糍的外皮十分煙韌軟熟，有著淡淡的朱古力味；裡面是原粒麥提莎，咬下去卜一聲很過癮。外面軟綿綿，裡面脆卜卜，很有趣，與傳統的糯米糍很不同，實在令人回味無窮！記著，如要吃到最好味的麥提莎糯米糍，就不要將它雪藏太久，要趁新鮮吃呀！

之前見同事及朋友的面書都上載了有關<<麥提莎糯米糍>>的甜品，通常他們以網上買賣為主，今日冒名以來，來到觀糖這間實體店一試究竟！糯米糍有多款味道可供選擇，我選了朱古力口味，十二粒裝($38)。以糯米粉的皮包住整粒麥提莎，糯米粉皮厚度適中，可以一口放入整粒麥提莎糯米糍，外軟內脆，口感十足。糯米粉皮皮和麥提莎味道亦很配合，一甜一淡，真係食完又粒又想食下一粒，很快就把整盒食完。

前晚去左觀塘出席活動，見咁近就行左去 IG 熱店 sumsum_dessert 的實體店一遊，之前見朋友一星期買幾次，又要就交收點都去，內心都好好奇係未真係有咁好食呀？七點幾上到去見到口味都幾多，原味，咖啡，薄荷,綠茶都有，我揀左薄荷麥糯，用即棄膠盒包裝，一盒十幾粒，30蚊都唔算太貴打開盒會見到有膠籖在裏面，方便即時進食麥糯大小如湯圓，一口一個大小剛好好辛苦先咬到個橫切面，糯米磁的部分係淺綠色的，口感都幾煙韌，我覺得厚薄滿意，因太薄身就無明顯口感，薄荷味都幾出但又唔會好嗆鼻，入面粒麥提莎都Keep 住好脆，無淋到！最緊要係唔會似食緊香口膠，係未先？（薄荷味又煙韌仲唔係香口膠嗎？！）整體來說，我覺得感覺還好，經過的話可以一試，但專登到訪就不必了！之前食過墨魚絲，少少辣得來好惹味，感覺比麥糯更值得一試！當日收錢應該係Sumsum的爸爸，好好笑容，幫我把食物放入袋，一家人上下齊心。勁！ 

是日，與好姐妹到觀塘趴趴走，兼慶祝小妹牛一。在成業街某一假日市集中，見到Instagram大熱的Sum Sum Dessert麥提莎糯米糍，就買了一盒開心齊分享﹗原味麥提莎糯米糍$25/盒，一盒有八粒迷你糯米糍，外層乃甜中帶微苦的可可粉，內裏是軟糯煙韌且柔軟細滑的糯米皮，中間則有一粒香脆具咬口的麥提莎，一口一粒，教人既甜美又滿足。只是，性價比稍低﹗

綠茶味麥提莎糯米糍($20/8粒)細細粒糯米糍包住麥提莎，外面灑上可可粉，一咬落去就好香綠茶味同可可粉些少苦澀味，個皮又夠煙韌，真心正不過一下子食8粒會有點濟，最好買支茶飲下實店日日開朝十晚十，選址又方便，就喺apm隔離連住，經過觀塘可以買黎試下

數月前從instagram 得知Sum Sum Dessert的麥提莎糯米糍很出名，也有一點點想試，但要就時間交收覺得有點煩，最終也沒有的起心肝約時間購買.近日得知Sum Sum於觀塘區開了實體店，就襯到觀塘辦事，順道買盒來試.位於港貿中心的店子相鄰Apm商場，地點相當易找. 小店陳設簡單，內裡是工場，外面則放置巨型雪櫃放麥糯. 放工時間6時多，店內也有不少客人，大家都是衝着麥糯而來的，而我是首次購買，就選了朱古力麥糯(原味). 負責收銀的應該是sum sum爸爸，非常有禮貌，還替我們把麥糯放入膠袋，謝謝啊!朱古力麥糯 ($20@ 8)過了數小時才回家，即刻把麥糯放進雪櫃. 其後雖然已經午夜12:00，但貪吃的我決定要吃數顆才睡覺呢!以可可粉包裹着的是軟糯滑富彈性的糯米皮，相當煙韌的，內裡是香脆的麥提莎，味道是錯的.但個人覺得未至於驚為天人，但如果經過觀塘，又想一試，也是可以的! 假若是專程到來買，可能會有少許失望.不過一個22歲女生可以自己創立一門生意，也是值得鼓勵呢!觀塘巧明街117號港貿中心13樓05室64196407

買左3款口味：原味、薄荷、焦糖咖啡皮太厚，而且冇糯米香味，薄荷味有點怪怪的⋯焦糖咖啡一般比較好食就係原味，但冇網上既評價咁好。名過於實，不過價錢勝在平，試下都ok。

從近1年來開始專心只玩IG之後，IG的確比FB更加好玩 ，亦好多野看,早前見到IG興起自制麥提沙糯米慈,亦有不少IG SHOP開了這門生意，作為半個food blogger,我並非專業blogger ，只愛試下新品,我在IG上先揾了其中一間ig shop,個間冇記住店鋪名,我一向行動派,我想買想試第一時間聯絡IG SHOP店主，我真是有心想來試,這一間IG SHOP店主給我印象，感覺冇心經營IG SHOP,我當天立即whatsapp查詢交收,其實，這間shop冇一個交收時間，我問她邊日可以交收，起初話星期六西鐵等夠人就可以交收,呢個店主不太積極回應，等到星期六又末見她回應我,我再次問有冇確實交收日子，她約我星期三出來美孚交收,我出到美孚又是不見人影,連whatsapp都冇,只有我找她，她才講忘記起貨俾另一個客人，客人要她立即起貨，令到她不能出來交收，她有交帶的話是否應該通知我,我不是住美孚,專登由天水圍出來交收，到了第三次想再約她,又話前一天先知,你開得IG要有基本交帶，最後放棄揾這個冇責任冇交帶IG SHOP ,星期五時候無意中見到sumsum_Dessert，我立即whatsapp