台灣太陽與海珍珠紅茶坊 (Closed)

好耐冇黎依間老店，聽講轉左手，宜家係原台灣人外甥黎做，野食有新舊，叫左隻炸髀薯條，隻髀都夠大隻而且生炸唔會太乾，算係幾夠味，野飲照舊老牌野，正常發揮，而且店員都唔算差，幾好傾，生意難做算係咁，如果多返以前有骨炸雞就好。

今日叫咗鹽酥雞米線同埋咖喱吉列豬扒飯外賣，個米線就正正常常，但個豬扒飯就中大伏…。打開個飯盒已經聞到啲咖喱汁有少少怪味，好彩食落都接受到，不過一咬落塊豬扒果陣，d酸餿味就走晒出嚟…。撥開啲麵包糠就見到塊豬扒好多地方都變晒色…，再用筷子夾開佢，就feel到成塊都梅晒…至於個鹽酥雞米線，個湯同米線就正正常常，啲鹽酥雞就食到有雪味同有少少咬唔開嘅軟骨。幫襯左好幾年，食物嘅質素真係每況愈下，睇嚟真係冇下次。

今日買左個外賣，有少少失望，50蚊個餐個份量真系好少.....啲反少到.....希望餐廳可以改善下個份量因為真系唔夠飽自問自己都唔系好大食嘅人 但系d嘢食系好食嘅

鹽酥雞（套餐）$46覺得冇以前咁好食，不過都ok現在辣粉係自己分開落，任君選擇魷魚🦑（單份）$35無做套餐只可以單分叫，比以前細分什錦拼盤$57⋯⋯魚蛋2粒、芝士腸2條、蕃薯條4條、鹽酥雞3-4件、豆角蕃薯條較好食😋豆角比鹽酥雞更好食，小朋友至愛🤩胚芽珍珠最好飲，其他台式飲品都ok這間小店，睇住轉變。由以前拍拖兩口子嚟食，到而家帶埋小朋友一齊食雖然裝修唔同咗，但味道依舊主要吃小食，飯、麵都麻麻😿

真係好耐都無入元朗，因為疫情嚴重，食肆不能提供堂食兩天後放寬至2人堂食；3口子就要分枱坐隔離，點了幾個餐就夾起遞俾家人😅好過無得食鹽酥魷魚只可散叫，無餐胚芽珍珠奶茶夠香滑

在台灣太陽與海珍珠紅茶坊點了肉燥鹽酥雞米線套餐總有鹽酥魷魚須，鹽酥豆角，很好吃😋😋😋，很有懷念的感覺，仿佛回到中學時期的感覺，抵食外賣自取總有9折優惠活動

第一碟送來之鹽酥雞賣相有點難睇，不過雞件都是嫩滑的。鹽酥青豆角一份，價錢跟鹽酥雞無分別，不過屋企人愛吃青豆，吃肉太多有點膩，簡單一點吃些青菜；跟餐都會送2條青豆，不過唔夠喉🙊再點多一份鹽酥雞炸得適中⋯⋯雞肉外脆內軟胚芽珍珠奶茶，珍珠唔太多，茶味恰好小朋友點了肉臊飯，見到都覺得賣相唔掂；食落口真係覺得自己煮都好食過佢🙊肉臊又乾又「鞋」，無厘味道，飯又唔夠熱除咗填飽肚，我都唸唔到有乜好處🙅🏻估唔到有牛腩麵，下次可以試吓跟餐價錢較抵包一杯飲品店舖什有台灣feel

鹽酥魷魚$30，必須另叫。沒有跟餐鹽酥雞+胚芽珍珠奶茶$46炸得剛好，雞肉嫩滑跟套可選$24以下之飲品散叫$34，估此跟套飲較抵，但$46食小吃真心唔平，但我們都不喜歡吃飯，故此點了兩份小食套餐鹽酥青豆套餐$46青豆唔係貴價食材，食兩條又唔夠，唯有叫一份餐鹽酥雞扒米線餐$48淡而無味，加左點辣椒油稍為好一點，雞扒雖然大份，不過跟雞塊比就輸晒鹽酥雞扒，大件夾抵食胚芽珍珠奶茶$26，普普通通，可以接受店舖翻新過，感覺清新鹽酥魷魚🦑真係唔錯😋呢間店舖由拍拖食到依家，雖然已轉手但味道仍保存到，我可以帶埋小朋友一齊去食，這份情希望可以延續落去😃

咁岩經過呢間餐廳外面寫住係廿幾年既老店而家周街都係連鎖店 老店已經買少見少當然要入去支持下啦店內裝潢比較舊式 地方不太枱凳都有破舊 有點像百年老店既感覺老店當然是食人情味同埋食物既質素店員既殷勤招呼 滿臉微笑 令我好受落☺☺因為都下午3點 唔係好肚餓 叫左一個招牌 麻辣雞絲墨魚丸米線 + 珍珠奶茶 麻辣唔係好辣 味道適合 湯底食得出唔係好多味精（食完一啲都唔口渴）米線硬度適中 唔係好淋 👍墨丸好彈牙有咬口👍雞絲不過不失珍珠奶茶叫左少甜少冰奶同埋茶既比例剛剛好 好似去左台灣飲地道奶茶既感覺再加上在播放張震嶽既海 感覺置身於台灣的感覺☺☺☺珍珠硬度亦好適當👍下次有機會一定再黎食

有朋友自細元朗大，話呢間嘢好有回憶，咁啱元朗戲院睇完戲就過咗黎醫肚，9點半度，唔係好多人，入去自己揀位坐！街邊小店，環境就一定唔係特別好，但好復古feel, 都坐得幾舒服！墨丸麵: 麵好食，煙韌有咬口，但湯底真係無咩味，自己加少少辣椒好味好多！鹽酥雞: 夠味，都炸得酥脆，係好食嘅！魷魚: 炸得太過乾身，味道ok，但口感唔係咁好！總括黎講，係滿足嘅，小店經營，多數街坊客幫襯，價錢公道，嘢食唔差，值得幫襯！見好多朋友話個味唔同咗，都正常，始終已經改朝換代，但有間咁嘅人情鋪畀人懷念吓好過咩都無晒！

太陽與海開店至今28年.不少顧客都係從小吃到大.老闆同老闆娘亦都係元朗人.他們睇住街坊長大街坊亦看着他們成長！這份感情.好難得的！慶祝伙記阿軒接手成為第三代老闆.我哋一班街坊會繼續支持你哋架！新老闆.加油💪

喺元朗戲院對出附近有一間屹立咗喺元朗好多年嘅台式食品小店，對於好多住喺元朗嘅人嚟講，應該屬於一份童年回憶。喺網上得知咗佢將會轉手嘅關係，於是今日搭特登搭車落嚟食。餐牌上主要以一啲炸物， 小食，或者多士為主。飲品嘅選擇就有好多，最後試一試佢哋嘅招牌鹽酥雞米線，配上一杯玫瑰珍珠奶茶。其實最後食既都係一份回憶。鹽酥雞嘅炸粉唔厚，好香脆。但係飲品嘅甜度太高，而且珍珠非常之淋冇咬口。以香港咁多出色嘅台式食品店舖嚟講，佢一定唔係最出色嘅一間，對於一般人嚟講，只能夠用不過不失黎形容。因此如果你想特登嚟都食嘅話，我會推介食佢哋嘅炸豆角，同埋炸魷魚鬚，或者直接點一份炸物拼盤，再配一杯冰凍嘅珍珠奶茶，渡過一個悠閒嘅下午。

算係一個情意結啦，讀書時期好鍾意呢度食嘢，可能當時無乜機會去旅行，或者去第二度玩嘅機會唔多，所以有d特別嘅小食，已經覺得好好食！！近年已經唔係住喺元朗，所以已經少咗嚟，今日突然間想食，就再次踏入呢度，裝修十幾年都冇變，別有一番風味！ 點了什錦拼盤及鹽酥雞什錦拼盤樣樣都有少少，兩個人分享啱啱好， 依舊鹽酥味香，炸過嘅雞，仍然都係嫩滑多汁。雖然覺得夠飽，但係忍唔住叫多個鹽酥雞，好味。豆豆並不是配角，其實我覺得佢係第二個主角！可能近年食嘢淡口咗，我覺得好似咸過以前好多， 不過我仍然會支持！

呢間小店係元朗開咗好多年，裝潢較舊有啲百年老店嘅感覺，地方唔算太大，但食嘅係感情同埋食物質素！👍🏻佢哋嘅鹽酥雞好出名，嚟到真係點都要試吓～（推介）💕💕💕*鹽酥魷魚豆角+香芋珍珠～（鹽酥魷魚🦑配豆角好正，炸得啱啱好！香芋珍珠真心唔錯，有濃濃嘅香芋味😍！）*鹽酥雞豆角+胚芽珍珠奶茶～（真係好鐘意佢嘅配角～豆角😹不過鹽酥雞都一樣咁好食，有台灣感覺嘅小食唔係間間做到。珍珠奶茶胚芽粉足料，好飲！）

今天過去食鹽酥雞加魷魚相鬚雙併，店員同我說，魷魚只可叫單拼，當時已經想想地走，因感覺他們好似轉了手，上次食質素已差左，今次去仲要冇得食相併！心裡沉了一下，於是改了食鹽酥雞加墨丸！之後我好心提個店員，你們的餐牌沒有指明魷魚鬚一定要單拼，會違反商品說明條例，個店員於是通知另外一位店員，點知他同我說，我地寫左在塊黑版上！當時他的態度是我寫在係度架喎！於是我就同他說，你地個餐版冇改到，咁就睇下我下次過來會唔會告你地喎…他才收聲！試問一個完全唔肯聽人意見的店鋪，點會有進步！我冇下次架啦，花生友覺得有同感的話，下次過開去開覺得有問題嘅話就幫手打電話去海關投訴他們違反商品說明條例啦，好心提他們唔聽，咁就付下罰款應該學到咩叫做做生意呱！可笑可笑！