台灣太陽與海珍珠紅茶坊 (Closed)

喺元朗戲院對出附近有一間屹立咗喺元朗好多年嘅台式食品小店，對於好多住喺元朗嘅人嚟講，應該屬於一份童年回憶。喺網上得知咗佢將會轉手嘅關係，於是今日搭特登搭車落嚟食。餐牌上主要以一啲炸物， 小食，或者多士為主。飲品嘅選擇就有好多，最後試一試佢哋嘅招牌鹽酥雞米線，配上一杯玫瑰珍珠奶茶。其實最後食既都係一份回憶。鹽酥雞嘅炸粉唔厚，好香脆。但係飲品嘅甜度太高，而且珍珠非常之淋冇咬口。以香港咁多出色嘅台式食品店舖嚟講，佢一定唔係最出色嘅一間，對於一般人嚟講，只能夠用不過不失黎形容。因此如果你想特登嚟都食嘅話，我會推介食佢哋嘅炸豆角，同埋炸魷魚鬚，或者直接點一份炸物拼盤，再配一杯冰凍嘅珍珠奶茶，渡過一個悠閒嘅下午。