新釗記 (Closed)

叫咗個炸髀沙律下午茶餐加凍奶茶外賣返到去打開個盒見到隻雞髀同鹵水雞髀無分別 食落一啲都唔香唔脆淡mou mou 沙律就係普通罐頭雜果撈啲沙律醬下次唔會再幫襯 杯奶茶都ok

開完工好肚餓，有乜食乜，最緊要係自己負擔得到而係熱食嘅話，就衝入去食。入到茶記，我通常都係食咸魚雞粒，又或者係炒粉麵，今日我就揀食炒飯。咸魚雞粒炒飯 salty fish and chicken fried rice，一啲鑊氣都冇，啲飯炒得唔夠乾身，應該係好濕身，好似未炒好咁仲係好濕，咸魚夠咸但唔係咁香，雞肉有冇乜味，炒飯食落去味道唔均勻。我個人感覺係個師傅好似未學滿師就出嚟撈咁樣，但係又有人夠彊請佢做廚師，咁先至出奇喎。 完全冇料到。

第一次到訪。早餐款款都幾吸引，不過我一見到百搭兩個字，就已經心意已決，仲要有得揀三款餸……！！！叫左D餐，揀左沙嗲牛肉，煎蛋同鮮茄配意粉，飲檸水。果頭叫果頭就到，好高效率！沙嗲牛如果多多少少就完美。鮮茄本身以為會係茄茸，好開心地係有好多片蕃茄！充滿營養既一餐！順便一提，檸水個杯係chocolate rain！用個靚杯心情都靚啲！店鋪好近碼頭，食完行過去上船番工係一流。小妹坐到就多鍾先行過去，話哂碼頭都無冷氣。

一如既往嚟呢度食晚餐。點解？因為平囉！50蚊一個小菜，一杯凍飲，一碗例湯，一碗熱辣辣嘅白飯，加上你飢餓嘅胃同埋無咩錢嘅銀包，perfect match。當然唔話好好食，但咁嘅價錢邊到搵啊！。煎肉餅幾好食

今日有事來到天后，要食早餐但不熟悉附近，又不想食大家樂，見到對面馬路有新釗記便入來一試。新釗記炒麵出名但食早餐還是第一次，比較特別係除左一般早餐外還有粥及腸粉餐，因此我揀左腸粉餐。如果作為一間粥麵家來講，呢個炸兩就比較失色，因為用餐時間早上7點半，但炸兩內的油炸鬼是淋的，可能我期望係熱同脆所以失望而回。

上次食咗滑蛋叉燒飯，俾同事話我竟然無食佢個焗豬，今次再嚟食一於嗌返個焗豬扒飯。個飯跟一杯熱飲，湯就唔要喇，避開高鹽分攝取。賣相同一般快餐店差唔多，汁面有少少焦，真係焗爐岩岩攞出嚟咁熱。飯係蛋炒飯底，軟硬適中而乾爽，加埋少少酸既茄汁容易入口。豬扒唔算厚，肉質軟身易咬，味道可以。豬扒份量唔算多，岩我唔想食太飽既人，炒飯就岩岩好食得哂。整體黎講，焗飯之中算唔會太油，食完唔會成個底係油，味道幾好，份量唔會太飽，42蚊真係幾抵，岩哂打工仔黎，同事無介紹錯！

老細連快餐都好 認真, 豬扒好淋。 好多老人家單人來吃飯， 真正是街坊生意， 值得支持。 菜牌有過百款 食物， 價錢又經濟 ，真是找不到缺點，人家的小菜份量大，老細好人，又有礼貌，下次再來吃！

係北角 見到好多間新釗記但門面又好似唔一樣其實係咪間間都係分店呢？跟住上openrice睇 呀佢又好似一樣唔晒咁好似唔係分店 但個名又一樣不過是鬼但啦 我都係去食個lunch啫42蚊個飯 唔可以話好平因為實有比佢平既飯咁42蚊碗都OK既講真快餐食都要呢個價啦內在環境係好一般迫啲 不過同一般茶記差唔多之後我地叫咗三個午餐既有個難飲既例湯 淡而無味 不過重點都係放係例湯到架喇我呢 就食咗個焗豬扒飯感覺好食過大家樂既都差唔多但佢有杯嘢飲 價錢上係比大家樂平既啲豬扒黎講呢 麻麻地 佢有啲根咁 有啲咬唔開同埋豬扒份量唔算多既 豬扒質素都唔太好啲汁比較酸但炒飯底炒得幾好有炒飯底既鑊氣呢個菜甫炒飯比較淡味反而但朋友鐘意淡味所以佢覺得幾好食我食咗少少覺得鑊氣不足干炒肉片河幾好食鑊氣夠味道比較濃郁但比較濃味 比較咸但我覺得呢個炒得好好食最後係杯凍檸茶檸檬冇味茶好澀呀

今日早咗起身，見有時間就去咗後面街新釗記食早餐，其實淨係北角都有三間新釗記，不過一直都係食開渣華道呢間茶餐廳早餐嚟嚟去去都係嗰d嘢，今日叫咗C餐加$2轉菠蘿油雞中翼煎蛋你冇睇錯，呢度早餐係跟雞翼的，唔使次次都火腿餐肉咁悶菠蘿油（加$2轉）迷你菠蘿油，但舊牛油一d都唔迷你，好邪惡沙嗲牛肉麵麵底係福麵，沙嗲略嫌太淡，唔夠重口味，牛肉都落得太多鬆肉粉，整體嚟講喺水準之下，但食公仔麵滿足到食junk food嘅慾望凍齋啡都係一般沖粉的咖啡，中規中矩間唔中會為咗個菠蘿油嚟食早餐，不過太遲嚟就會賣晒

我的這位朋友，是地產界的勁人，它叫D先生，工作的關係，我認識了他。緣份有時候不只是男同女的關係，我和這位豪氣萬千的D先生也是因緣巧合令我們相遇，他就像武俠小說裡的人物，風度翩翩，有內涵，體育高手，生活有品味，如果他寫blog，那些什麼lifestyle的知名blogger都要行埋一邊。最重要，那個接近退休的年紀，身形依舊好fit又靚仔又有型，他知我愛吃，所以每一段時間我們會聚下食下好野，因為他我吃了兩次的Hong Kong bankers club，這就是出外靠朋友吧。這個下午我們遲遲還未想到吃乜午飯，結果D先生一句，去我主場，包你有驚喜，有品味有性格的他一定係葫蘆裡有佢嘅藥，那管是迷幻藥還是什麼，我們跟就是了。於是，我們來到北角的新釗記。新釗記我去過幾間，上環那間從前有個頭工作經常去，反而在港島東工作了兩年多，都冇去過呢間。一坐底就知D先生係常客，個個伙計都熟。加埋我個同事，同行三個人，大約一如諺語所講，三人行必有我師。D先生就係啓蒙我食茶餐廳的老師。佢豪氣咁講，你應該唔會試過咁樣食茶餐廳，今日你要試下，知道我寫食評嘅佢，也幫我擴闊眼界，與世界接軌，佢真係好睇住我地呢啲後輩。一人一杯

 小B女眨下眼21個月大, 今日跟她到遊樂園玩玩, 中途又揾間餐廳tea下。想揾間環境舒服D又乾淨D的餐廳, 行左成了街但連續幾間都是非常本地的茶餐廳, 唯有隨便的走進這家「新釗記」。 經常在不同區域見到「新釗記」, 但是裝修格局都不太相似。究竟「新釗記」是連鎖經營、專營權或無關係就真係唔太清楚。説回這家位於北角的「新釗記」, 環境氣氛比較幽暗, 零裝潢, 衞生及服務都非常一般。但是牆上有不少冇乜名氣的藝人合照, 真係估佢唔到。下午茶餐選擇不太多, 最後點了個薯條併雞翼+凍奶茶$29食物即炸熱烘烘。薯條比較粉而且沒有薯仔味, 加上薯條表面沒有灑鹽, 非常淡味的薯條。雞翼有3隻中翼, 雞翼比較細隻又瘦。幸好外皮炸得脆口, 雞翼入味, 味道中規中矩。凍奶茶: 茶味濃郁, 甜度剛好, 茶餐廳中也算不錯。熱檸水: 小B女生日破例給她自己一杯。原來這杯飲品要$15, 出乎我的意料。

呢度系聚腳點，算幾好。伙計唔會趕人走，價錢偏貴！叫兩個小吃，都好一般，味道麻麻。特別系海蜇。西多士炸得計好，配埋蜜糖好味道！最難吃就是呢個雞粒炒飯啦，咸到不得了，很濃鹹魚味，吃唔到全部！只可以吃幾啖河粉一般般，賣相一般

" 日頭猛做, 到依家輕鬆吓。食過晚飯, 要休息番一陣....."   5pm放工啦, weekend 嚟啦, 心情超輕鬆。今晚8pm約了舊同事吃飯聚舊, 一心先回家扮靚靚, 抖一抖。到了屋企附近, 望望手錶, 5:45pm  , 趁下午茶時間未過, 入去曾幫襯 (曾三數次幫襯過買早餐)的新釗記買番個tea set, 食少少嘢都好噃 。望吓張外賣紙先.....已經好耐沒吃腸蛋麵 (因害怕三高?!), 不過今日就豁出去...再要杯凍檸茶(少甜) , 盛惠$25 ($18+$7凍飲)。看似簡單的下午茶配搭, 卻容易見真章。返家後急不及待除下膠袋先, 嘩, 未開蓋已經湧出陣陣香味來。  開餐啦! 福麵軟硬度剛剛好, 不太稔; 湯底夠味但不會過濃, 配料方面: 腸仔好好味 (係食開嘅廚X牌呀, 有D茶餐廳會用其他比較便宜的牌子, 不過一吃便知分別啦), 蛋煎得好, 可能是外賣緣故啦, 焗一焗反而令蛋黃介乎流心與不流心之間, 正  。飲啖凍檸茶先, 茶味夠濃, 檸檬不苦澀 (少甜情況下都好好味, 難得!)好味的食物正好為我叉足電, 回味無窮。