新記雞粥 (鴻禧大廈)

Open Now

Now Closed

我岩岩離開左旺角分店冇食到，今日係星期日我早上11：20入店，坐左10分鐘，中間叫過店員落單，淨係話等等好快，我坐近門口位，收銀可能當我透明，1位企近出菜地方可能離我好遠見唔到我，1位應我機，跟住只顧整外賣，好心唔好做堂食啦.已經間店既食物唔算平，味道係可以，不過幾位店員真係唔好做啦。如果大家想星期日去受下氣，強烈推介此店。可以比到好多負能量你，等你可以有1個好負面既早晨。真係祝呢間店生意興隆!，

最近食太多熱氣野，想食下粥清清腸胃，就是但搵左一間粥店，入到去裝修企理乾淨，門口姐姐都係有禮貌的。下午茶餐由2:00開始，全部都係一個粥加小食再加杯嘢飲，價錢就睇返你食咩粥，招牌雞粥餐就56蚊，凍飲加3蚊，其他粥就30-40幾不等～咁一場黎到就試雞粥。叫粥姐姐話要等10-15分鐘，但其實好似先等左5-8分鐘左右，黎到都幾大兜，心諗一定食唔哂，但再攪下個底發現入面其實有5-6舊雞，都幾大舊，胸、髀、翼咩都有啲，再食左啖粥都真係幾濃雞味，唔錯，而且佢啲雞夠濃味，所以唔會得粥有味，雞就無哂味，所以都有驚喜，最後食食下都食哂。其實我唔係特別鐘意食叉燒腸，不過係貴小小既兩個粥餐先有得簡，所以試下，叉燒都好多，腸粉滑但皮係偏厚身，都幾飽肚。整體來講今次體驗幾好，下次再想食粥都會再黎。

#kopo旺角#kopo💸淺嘗老字號😎新記雞粥堪稱元朗名物 分店開到各區都有 今次就去咗試試旺角分店😎貴妃雞粥 $55 🔖 3.8/5分- 大概有五至六件雞件- 粥底味道較為普通 感覺不夠軟綿😟- 雞件味道適中 不會淡而無味 整體還好（🐨食過👉🏼 #kopo3 生記雞粥後 真係好難搵到其他好味）XO醬叉燒炒蛋飯 $57 🔖 4.2/5分 - 反而呢個飯有驚喜🤩🤩- 叉燒唔硬 炒蛋夠滑 色澤搶眼😍- 加上XO醬 惹味得來唔會蓋過蛋的味道- 整體味道十分好 價錢適中👍🏼🐼 餐牌仲有好多選擇 感覺啲小炒會唔錯📍 新記雞粥 (旺角)旺角花園街1號鴻禧大廈地下5號舖 #kopo港式#kopo旺角#kopo荃灣線#kopo東鐵線#hkfoodie#foodiecouple#hkfoodblogger#hkfood#foodiegram#hkfoodiecouple#kopo116

想嗌自取 打幾次電話都冇人聽 專登入去落單 等左一排先落到單 落單又要打要踢咁款 冇啲耐性 飲食係好辛苦 但辛苦嘅都唔止飲食 想日頭辛苦前食個醒神早餐 結果咁俾人態度對待 怪唔知得香港咁多人情緒差

眾所週知，新記出名食粥，但今日我就試下佢嘅粉麵，都係抱住平常心去食，唔會太大期望，始終佢出名嘅係粥。今餐點左XO醬叉燒炒蛋飯，蜆介鯪魚球同魚蛋粉。XO醬叉燒炒蛋飯好食，但其實呢個組合都好難煮得難食。炸蜆介鯪魚球好食，但有樣嘢可以改善，就係每一粒size 太大，可以稍為細少少，食落去會好啲。最後係個魚蛋粉，我好耐無食過呢種無味而且完全唔彈牙好硬嘅潮州魚蛋，呢個價錢喺好多潮州粉麵店可以食到碗好好食嘅魚蛋粉。另外，建議餐廳賣埋coke zero, 佢得正常可樂，少左選擇。

因為係附近番工~所以成日會叫呢間餐廳既外賣🤭有個姐姐好好態度架超nice🤭野食還可以啦～但勝在平呀嘛外賣仲有8折喎😂啱晒我呢啲打工仔食。通常我會打定電話叫外賣，因為去到先叫要等好耐。太多人啦～有試過等左半個鍾😵

粥質素尚可不過發現內有蚊螆，小食就麻麻地而且價錢不值，最不能接受是服務態度。入門口時以呼喝形式招待我們二人量體溫，坐埋位後請求倒兩杯水，頭兩次敷衍，第三次直頭以唔奈煩的態度話冇晒水，呢間小店一次好了，要食粥左右附近大把選擇。

兩次分別order了「蠔仔粥」，「蠔仔湯飯」，餐送來後發現兩次都係有肉碎的。第一次我以為佢係送錯咗第二款啦，點知第二次叫又係咁。我打電話去問，原來係真係有肉碎的。兩次都唔食得，因為唔食得肉。建議更正番個餐單，特別係餐單其實係有一款「蠔仔牛肉粥」揀的，我已經特登揀「蠔仔粥」諗住避開啲肉碎😥😓

今次係第3次去食下午茶，下單叫XO醬豬扒炒公仔麵，由於前2次叫全走配菜，即走青及走蘿蔔絲，每次都一係咩都無走，一係淨走青，上返蘿蔔絲，剛好又係同一個侍應長頭髮束辮員工落單。今次再食，又係佢落單，已心知不妙所以已經特登搵另一個員工落單，特徵都係長頭髮束辮員工，已講3次要全走配菜，仲解釋埋淨係要麵，豬扒，同XO醬。等左20分鐘，終於上菜，點知又係咩都無走🤬好失望，最終收左我淨飲凍檸茶$19。已Blacklist。。。希望大家落單要搵個精精神神嘅員工好失望！一間米芝連餐廳嘅良好印象就比個員工一次又一次破壞！

新記雞粥今日放假當然又係出旺角行下散下心啦行開附近有間元朗名物店當然又係要試下啦下午茶餐: 生滾貴妃雞粥+炸兩+凍檸茶生滾貴妃雞粥用煲仔呈上時仍微微滾起，夠晒熱辣辣非常大碗雞件亦有好多，雞胸肉都好嫩好滑，而粥底充滿雞既鮮味，幾甜同有油香，粥質感稠身綿滑的確不錯好足料，煲粥都充滿雞嘅鮮甜味。炸兩好耐冇食炸兩，所以都有點期待，脆口皮又不厚入面嘅油炸鬼幾香脆，不要放太耐會開始淋個下午茶set味道唔錯，又多野食好抵食#foodie #hkblogger #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #blogging #newblogpost #instablogger #me #followme #comment💬 #like4me #smile #igers #hkig #follow4follow #like4like #look #instalike #igers #food #inst

天氣涼涼地就好想食碗粥暖下身😄係旺角行街見到依一間新記雞粥，鋪面都好乾淨光猛一坐低我當然要馬上叫一碗🍵我至鍾意嘅豬潤雞粥🥣豬潤流沙好正👍🏻非常新鮮！不得了😁再嗌多碟豬大腸🤪好耐好耐冇食過啦😍非常出色再黎多杯蛋白杏仁茶☕️潤下肺😛老公👨🏻照舊食佢最鍾意❤️嘅～蝦腸、豬腳撈麵&泰式青檸茶🍹每樣佢都鑽不絕口。食物價錢都好平民，而且分量好足料大大碗，性價比非常高！！絕對值得幫襯！！

早前經過新記，已經想幫襯，可惜當時爆場，直至今次終於有機會幫襯.點咗干炒肉片河走芽菜多青，貴妃雞例牌，菠蘿咕嚕肉.干炒肉片河：無hea做真係多青，原以為用一般嘅粗身河粉，點知用我中意嘅幼身河粉，入口幼滑唔胡口，每條河粉都上哂色，肉片亦juicy無話乾身柴口，滿意.貴妃雞：唔知咩原因，依家食雞總係熟過頭，有少少柴口唔夠juicy.眼前嘅貴妃雞，雞骨有少少血水，証明唔會熟過頭，雞肉肉嫩入口即溶無渣，驚喜.菠蘿咕嚕肉：數一數，總共有十一件咕嚕肉，每件都係肉唔係齋炸粉，無偷工減料，咕嚕肉炸得啱啱好juicy唔會太乾，甜酸度亦適中.缺點：1, 用嘅碟太細隻，睇埋去好似好大份量.2, 我超中意蔥，點貴妃雞嘅薑蔥蓉薑多過蔥，哩點我緊係唔滿意啦！

牛肉粥原來都唔差得過雞粥， 咁當然雞粥係會更好食啦， 如果唔好彩病咗想食得清淡D， 呢間粥舖未必啱， 因為佢無論係邊一款粥既粥底食落去已經係好有味， 雖然係覺得佢係味精粥， 但味道真係唔錯， 粥煲到好綿， 食一口就想繼續食落去皮蛋瘦肉粥， 皮蛋都幾多， 粥底唔使講應該就每款既粥底都係用同一個， 不過小心既係裝粥既煲， 好多都係破爛左， 特別係煲既耳仔部分， 小心界到 炸兩唔多脆， 唔知係咪食完個粥再食炸兩就覺得嗰炸兩唔係好熱 超濃黑既豉油王炒麵， 略為鹹咗少少

Love the Noodles. All type that is. Was in a mood to get multi noodles dishes. Taste is good. And other street snacks also have. Will try I’m future. But I only down part was when I ask the Lady Manager to make very less oil. Still found plenty oil left in tray. Hope they can understand to give what customer want

今日去了旺角，我們去了食粥店食蠔仔粥。今次去了"新記雞粥"我們點了紅燒乳鴿因為見好多人都點，所以我們點了一只！味道真不錯！香香脆脆，鴿味香濃！真的不錯！下午茶套餐～蠔仔肉碎粥配叉燒腸粉蠔仔肉碎粥蠔仔好鮮甜，粥底好棉滑，肉粹帶出粥的香濃！叉燒腸叉燒的大小剛好！腸粉質地細滑彈牙！碎牛肉粥配炸倆牛肉味好香！粥底好香滑！炸倆好香脆，外面的腸粉香滑，內面脆脆！有甜醬在台面可以加！不過沒有麻醬！雲吞麵雲吞爽口彈牙！味道不錯！