新記雞粥 (鴻禧大廈)

Open Now

Now Closed

最近腸胃唔多好，想調理一下腸胃，為左減輕身體既負擔，唯有去食下粥😮‍💨。幸好，我係一個喜愛食粥既人😆，只不過每次都要加埋腸粉😎🤟。新記粥店由元朗衝到旺角，特點係食砂鍋粥。雖然係粥店，但餐廳亦有多種食物可供選擇，焗飯燒味少炒樣樣齊，就算同唔中意食粥既朋友黎都一定有野岩食。🥰招牌貴妃雞粥貴妃雞連皮食鮮嫩得黎有彈性，雞既油香味滲落粥底更好滋味，但略嫌粥底太稀，唔夠綿滑，而且唔夠熱，無砂鍋粥個種滾燙。田雞豬潤粥粥底比雞粥既好，但都係唔夠綿滑。但夠滾燙👍。田雞同豬潤份量十足，田雞多用腿部，啖啖肉，爽滑甘香。豬潤有返咁上下厚度，食落夠晒爽，而且加入九薑絲同蔥花辟味，完全唔會腥，仲非常香。炸両腸粉油炸鬼比較細，但都算新鮮，仲脆口既。腸粉皮都好薄滑有米香。但佢居然無麻醬😫得甜醬同醬油，無左麻醬係度硬係差咁d...🥲🥲。其實我地另外仲叫左牛腸，呢個勁好食！同酒樓有得揮，大家可以一試。XO醬炒蘿蔔糕蘿蔔糕煎到表皮香脆，再用XO醬去翻炒，香氣撲鼻十分惹味，好食！入面加左洋蔥同三色椒一齊炒，唔喜愛三色椒既朋友慎選😂。

CP值十足💯香港地道餐館點解咁講呢？因為我地樣樣都想食瘋狂order了五樣菜式但都係$300有找食到勁飽勁滿足💕一次過試哂...早餐既粥品、炸兩午餐既叉燒滑蛋飯下午菜既生腸、凍檸茶到晚餐既蒸䱽魚🫣.🇭🇰 貴妃雞粥 $56呢個絕對係招牌菜中既招牌粥品粥底幾綿密～主打用泰國絲苗米煮成用煲仔呈上保持熱辣辣既溫度貴妃雞雞肉幾紮實🐔份量都多加分位係雞粥顏色偏黃有雞香嘅精華🥹.🇭🇰香脆炸兩腸粉 $23油炸鬼夠香脆、腸粉幾滑屬正常發揮加埋麻醬甜醬真係一流😈.🇭🇰 XO醬叉燒炒蛋 $68見到佢掛牆有大大張叉燒炒蛋既相就試下點知又幾有驚喜喎！炒蛋唔過老仲有少少蛋汁🍳而且顏色金黃叉燒但竟然係用半肥瘦🥹加分加分仲要有一大羹XO醬混入食更惹味可以加$18轉套餐（有白飯、飲品）.🇭🇰 海蜇生腸 $55呢份小食份量竟然唔細😗特別中意食海蜇夠哂爽口入味～.🇭🇰豉汁蒸䱽魚配白飯凍檸茶 $83對於鍾意食蒸魚但又怕麻煩好少自家煮嘅朋友嚟講咁新記真係岩哂你蒸䱽魚蒸到啱啱好嫩滑既魚肉配埋豉汁撈白飯食真係一流🤤.食到捧住個肚走～份量夠大物超所值當晚都座無虛席🪑好熱鬧價錢合理又deliver到質量環境企理又夠光猛下次再試下其他粥

生滾魚片粥 $37嚟到新記當然要叫足，呢度嘅砂鍋粥keep住熱辣辣既溫度，個粥煲得好綿好滑，魚片大約有7片，鮮甜，好味。火腿炒米粉$33賣相已經好吸引，有鑊氣，炒都好乾身，而且配料既火腿芽菜都好多，最鍾意配粥一齊食。椒絲腐乳炒通菜$48大大碟菜，每條菜都沾滿滿嘅腐乳醬，通菜爽脆，一啲都唔老，好味。紅燒脆皮乳鴿$73乳鴿係我嘅至愛，即叫即炸，炸到外皮薄脆，裏面肉質鮮嫩，越食越香，加少少華鹽，味道昇華，清蒸盲曹 $61呢個好抵食，大大條清蒸盲曹，出邊餐廳好少見，佢唔算多骨，魚肉鮮嫩，加埋蒸魚豉油配白飯一流。泰式青檸冰 $25青檸味好突出，飲一啖成個醒神晒。熱檸蜜$18菊花物甜甜地配檸檬🍋 好味。

最近好像吃過太多西餐，有時候也會想吃點中式粥品跟小食，還好在旺角真的甚麼食肆也能找，這天在上韓文課前就來到一間主打吃雞粥的連鎖店，來轉換一下口味～貴妃雞粥 $56連店家的名字都有「雞粥」的字眼，就知道這店的signature food就是雞粥～ 粥品以小瓦煲呈上，保溫程度比膠碗會更好，慢慢吃也不會快速變冷，而且份量也足夠二人分享粥底煮得又綿又滑，沒有加添味精，還帶淡淡的雞香～ 雞件份量也是超級慷慨，帶肉的部份也是很多啊，肉質仍算嫩滑扎實，雞肉有稍作調味，味道還不錯啊！蔥花蝦米腸粉 $24豬潤腸粉 $27吃粥品配腸粉是不敗定律，跟閨密一人一碟：蔥花蝦米腸粉跟豬潤腸粉！腸粉全都是即叫即蒸，新鮮軟糯，帶米香，配腸粉的豉油也不會過鹹～ 而蔥花蝦米腸粉是比較香口，腸粉會相對厚身綿密；豬潤腸粉的腸粉就會較薄跟口感會比較滑溜，豬潤切成碎粒，份量很多也稍作調味，滑溜的腸粉跟冇口感的豬潤粒相映成趣，不過個人喜歡厚厚一片的豬潤片會更加實在酥炸魷魚鬚 $58很少粥品店會供應魷魚鬚，但這款可是店家的signature food之一啊！魷魚鬚全都是新鮮現炸，等候的時間會長一點，不過還是值得等待，份量十足，賣相吸

輕食或飽肚窩心風味小菜夠貼地傳統食物的種類豐富多元化之外，一鍋足料廣東新鮮生滾粥看似簡單但要做到綿而滑都要些技巧，偶爾堂食和外賣把自己個人口味豐富下或與一眾知已食飽飽分享美食滋味同樣抵玩兼抵食！「貴妃雞豬潤粥」即叫即滾招牌老字號粥底份量剛好，啖啖雞件肉厚突出不乾身滲出油分增添嫩滑質感更鮮味「硯介鯪魚球」味道比賣相優勝，一碟炸得金黄爽彈伴上蜆蚧一起共進，香脆熱騰鯪魚球惹味又吸引「韭黄蝦仁炒蛋」把蛋液打散炒得蛋滑蝦熟突出滑嫩鮮味，把食材融合在一起既簡單又家常餸菜的好菜式

從來未有去過一間，服務差到一個點的餐廳，小弟真心同大家講，如果旺角有一日無晒嘢食，都千祈晤好去，D樓面員工只係掛住吹水，無人理會過客人，入到店正常係需要招呼客人，到客人自已坐低又無人執嘢，當時下午茶時段兩點，店舖內晤旺，餐牌嚟睇好吸引，可能食物質素會好高，但係連最基本待客之道都非常之欠奉，不如轉行做其他生意好過啦，晤好比客人受氣，又或者如果唔想做不如晤好做。重要事情講三次🤬🤬🤬👎🏻👎🏻👎🏻其實係負負負⭐️

食物水準可以的，但侍應態度非常差到一個點，沒有招呼不在說，還要受員工面色，又鬧客人，可以說是本人的第一次這麼受氣。祇能夠勉強給負星⭐️一粒，唔會再有下次幫襯😡😡😡

香港茶餐廳蔥油雞扒撈丁開始每天都要出門了，需要吃點美食補充能量💪🏻雞扒的外皮非常酥脆，配上鹹香的蔥油很好吃，覺得肉可以再多一點😂撈丁的份量給的蠻多的，吃得很飽😋

今晚忽然想食粥，另一半帶咗我嚟食呢間出名食雞粥嘅餐廳。除咗有粥食，仲有中式小菜同小食選擇，一定過滿足幾個願望。餐廳主打雞粥，我哋點咗一個雞粥（$56），再加咗豬膶（$6）。雞粥粥底煮得好綿，雞肉鮮嫩，相當入味。豬膶入口好爽滑，配埋雞肉，令到個粥更加好味。另一個推介一定係魷魚鬚（$58），炸得香脆，份量勁多，淨係睇個賣相已經覺得好吸引。其他小食包埋蛋黃鹹肉糭（$37）、炸蘿蔔糕（$35）、炸兩（$23）同蛋白杏仁茶（$26）味道亦唔錯。兩杯飲品- 七喜龍眼冰同熱檸蜜，正常發揮。叫咗咁多野食先二百幾蚊，相當抵食呀。誠意推介佢俾鍾意嘅粥嘅朋友仔呀。

叫左個豬膶豉油王炒麵超級難食，啲豬膶同啲麵麵勁多油但完全冇鑊氣，我真係未食過咁難食既豉油王炒麵，啲豬膶係掉落去炸爐炸出嚟所以勁多油搞到食完係咁咳，叫左杯泰式青檸水都勁難飲仲難過平時啲茶記既凍檸水，總共$80食呢啲垃圾，好心你執左去唔好害人

餐廳位於旺角，主打的當然就是中菜，這天和朋友一同前往我們選擇的卻不是大路的雞粥，我們選擇了椒鹽豆腐、炸兩。食物味道方面，真的不錯，豆腐即叫即炸，十分推薦，加上不油膩，但卻做到外脆內軟的口感，相信也不是在每個地方也能吃到這個感覺，平民的價錢可以吃到高質素的食物。炸兩方面，外皮依舊是軟白的腸粉，內裏包含着一條美味的油炸鬼，這絕對是廣東人的最愛。內裏的油炸鬼不但香脆可口，最重要不油膩，配搭餐廳提供的甜醬、麻醬和辣醬，加上丁點豉油，絕對是一份美味的來源。

新記雞粥肥雞聽就聽得多，估唔到佢由元朗開分店出咗嚟旺角， 肥雞同朋友收工呢就去食宵夜決定試下呢間過江龍新記粥店。佢所有小菜價錢都唔貴，經濟實惠，佢嘅酥炸魷魚鬚即叫即炸，食落口香脆彈牙，配埋椒鹽同啲特色一流！脆皮炸乳鴿都要必試，焦香嘅乳鴿皮配埋鮮嫩嘅乳鴿肉，點埋淮鹽食真係送酒一流。黎到點可以唔試下佢嘅招牌菜貴妃雞粥，雞肉鹹香，配埋清淡爽口嘅白粥，再嗌多個炸兩腸，咁樣先係度度地地嘅中國人宵夜。佢嘅脆口炸豆腐又係一絕，佢個皮炸到非常香口又無爛到，點埋豉油喼汁食酸酸甜甜。

新記雞粥 (鴻禧大廈) (旺角).男朋友近呢排勁喜歡食粥🤭咁就同佢食下粥品！.▪️貴妃雞粥加皮蛋▪️.呢到雞粥應該係招牌之一，雞肉係幾滑，可惜冷氣太大好快就吹到個粥稠以及凍左🥲.▪️鮮蝦腸粉 ▪️.好滑溜！入面仲要勁大隻蝦！.▪️蛋黃鹹肉粽 ▪️.食粥我就好喜歡再叫粽食，蛋黃金黃色，有好多綠豆再加鹹肉，個人愛好配糖食.▪️薑蔥爆鯇魚骨腩 ▪️.呢個比我想象中失色左少少，唔夠爆同鑊氣，而且鯇魚係會比較多骨，但味道係入味同惹味嘅.▪️ 爽滑海蜇▪️.呢個推介必叫，夠香夠凍夠爽口，食完一條就停唔到口.▪️火腿炒米粉 ▪️.出色米粉，有鑊氣夠乾身，配韭菜，火腿絲等，簡單嘅配料但已經好好食.📌 新記雞粥 (鴻禧大廈) (旺角)旺角花園街1號鴻禧大廈地下5號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

🍪【#旺角】 新記雞粥 Sun Kee Chicken Congee💥元朗老字號 粥粉麵飯家常菜💥.🍪 新記雞粥喺元朗扎根超過30年，以招牌🐔貴妃雞粥聞名，近年擴張至筲箕灣、旺角、佐敦！除雞粥外，不乏粉麵飯同各式小炒，食物選擇多元🤩！~~~~~~~~~~~~~🦀 馳名海鮮粥 $77餐廳特選新鮮水產，有🦀蟹、🦐蝦、🐟魚同帶子。估唔到隻蟹都幾多蟹膏，有驚喜！粥煲得綿滑夠厚身。.🐙 酥炸魷魚鬚 $58餐廳招牌菜！熱氣食物難免較油🫢勝在外皮炸得夠酥脆，魷魚夠大條。.🐔 海蜇手撕雞 $55雞絲份量唔算多，主角係海蜇👑調味偏甜，口感有彈性。. 🍽️椒絲腐乳炒通菜 $48大大碟抵食時菜，煮得軟身又唔會老，每條菜都沾到腐乳。.🍽 熱檸蜜 $18.🍽 凍好立克 $21~~~~~~~~~~~~~📍 新記雞粥 Sun Kee Chicken Congee@sunkeechickencongee旺角花園街1號鴻禧大廈地下5號舖 (油麻地站 A2 出口)Shop 5, G/F, Hung Hay Building, 1 Fa Yuen Street, Mong Kok (Exit A2, Yau Ma Tei

呢間粥店近油麻地位置，環境乾淨企理，店員有禮貌👍最出名一定係雞粥，今次試加豬潤，原煲瓦煲上好地道。每啖都有好多料，加埋雞嘅精華令到粥嘅味道昇華😋豬潤都唔鞋👍一煲两人份量食粥點可以冇腸粉？蝦腸嘅蝦都好彈牙👍粥店名物仲要數硯介鯪魚球($55)每一粒都好大粒而且好香口，彈牙得來又好味😋紅燒脆皮乳鴿($70)做得好香口，加埋淮鹽，送酒一流😋腐乳椒絲通菜($48)份量好多，呢個價錢真係性價比好高👍