新記雞粥 (鴻禧大廈)

Open Now

Now Closed

今朝小妹早餐都未食就要係附近做野, 做完野時間尚早, 同朋友經過E間粥店見天氣凍凍地🥶就入去食番碗粥仔暖下肚😊!入到去環境都算大而且乾淨企理, 餐廳提供多款一鍋鍋嘅生滾粥, 即叫即整, 仲有小食, 小菜, 飯麵🍛🍜等等, 種類繁多, 樣樣都好似唔錯咁😆, 於是我地就叫左兩個粥, 一碟腸粉, 一碟油條同一杯特飲😋, 上菜速度快而且每樣份量幾足!七喜龍眼冰味道正常幾解渴, 不過不失!油條（跟餐）新鮮即炸, 熱辣辣, 口感鬆脆有韌勁!叉燒腸粉腸粉大大條, 口感滑溜軟糯, 而且有好多層, 每層都足料, 食落口感豐富!馳名貴妃雞粥🐓雞粥呈淡黃色, 散發住濃濃嘅雞香味, 粥身有少許雞油, 入口軟綿帶微微嘅酒香, 雞味幾濃而且調味剛剛好, 雞件皮爽肉嫩, 味道唔錯!馳名海鮮粥🐟🦐🦀海鮮粥有蝦有魚有蟹仲有帶子, 令粥底嘅味道幾鮮甜, 蝦肉爽口彈牙, 帶子鮮甜肉嫩!

聖誕新年緊係同長輩一齊過啦，今日同媽媽黎到旺角行街，行到累就想搵間餐廳坐下食下野，黎到呢間餐服務員好熱情既招待就入左去坐，平日去都好爆滿，今日好采唔使等就有得坐。首先我地叫左個酥炸魷魚鬚，表面炸到金黃色非常香脆，而且唔會好油，外脆內軟，我媽媽最喜愛就係呢款。份量都好多，抵食。之後叫多個泰式鳳爪，酸酸辣辣咁食左非常開胃，而且骨好軟身，可以食落唔使吐骨，成隻食落口感覺好爽。再叫多個蝦腸，隻蝦好大隻，有三條蝦腸都可以，點咪啲豉油味道更豐厚。主食方面媽媽就選左鮮蟹粥，成隻蟹一齊上，非常芝味，粥底都好好，平日我媽每餐只食小小，今次都可以自己食完一鍋真係非常好味。我就選左個XO醬叉燒炒蛋飯，呢個真係世界級好味，好耐都無食過咁好味既味道，呢個一定要試一試。呢間餐廳都算抵食，樣樣份量都好足了，服務員既態度又夠親切，好細心留意到我既所需，讚賞。

新記雞粥店是老字號，在香港有多家分店，今天剛好好就腳，入到旺角的分店午餐。餐廳寬敞舒適，非常企理。招牌貴妃雞粥：熱辣辣粥底綿綢，有濃濃的雞香味，雞肉惹味嫩滑，冬天暖胃，非吃不可。蝦腸：蝦新鮮彈牙，腸粉滑溜軟糯包住大大隻蝦夠水準。每次必點的炸倆，一如既往的好吃，油炸鬼香脆香口，點上甜豉油和甜醬，口感豐富而滿足。X O醬叉燒炒蛋飯：好大碟，XO醬超多，蛋幾滑，包住嫩腍叉燒好香，是我小時候記憶中的味道。新記粥店傳承者老字號的香港味道，不斷改良，精益求精，是香港人的福氣！

天氣寒冷，食碗熱辣辣的雞粥最好，於是去左太子的元朗老字號新記雞粥。出名煲仔粥，必叫招牌貴妃雞粥配豉油皇炒麵，早餐有優惠套餐，非常抵食，份量夠曬大碗，有好6-7件雞，雞肉滑溜，粥底軟綿綿，另外叫左一碗豬潤粥配炸兩，豬膶亦新鮮爽口， 炸兩配上麻醬甜醬芝麻，好好味。胃口大開，再叫了幾樣小食，脆皮乳鴿，炸得皮脆香口， 又好夠啖啖肉，不是瘦鴿；炸豬大腸，平時要打冷先有得叫，想不到粥店都有，需且炸得不會太乾。仍然保持大腸肉質，還好涼伴皮蛋， 如果係辣辣地尖椒皮蛋會更好味，樣樣都係送粥小食，正到爆，大定有時想食粥，推介新記雞粥，粥品種類多，任君選擇。

呢期食得太豐富，想清清地食碗粥，沙田雞粥咁出名，旺角有分店梗係要試吓啦鍾意食海鮮，所以叫咗碗海鮮粥，好足料，有蝦有蟹有魚有帶子，海鮮都好新鮮，但係粥底就淡而無味，好似食白粥咁70幾蚊碗，有啲失望囉～但係椒鹽多春魚就好好味，雖然外賣返到去已經淋淋地，但無損味道，魚炸得好香口，又醃得好入味，50幾蚊算抵食另外仲叫咗個海蜇八爪魚，爽口好味，50幾蚊盒，都算大大盒，大件夾抵食下次試吓馳名雞粥，試吓會唔會好味啲先

📯每逢staycation旺角某酒店，都會經外賣平台order 該店的🐔粥和貴妃雞吃過佐敦和元朗分店的出品，都是喜歡旺角這店的品質🔰貴妃雞粥$57，皮滑肉嫩(除了胸外)，粥底軟綿，加上黃油，集「香、綿、嫩」一身，滋味好吃🥳🔰淨鮮蝦雲吞8粒$42，中型爽蝦安睡在雲吞皮內，足料之餘又有雲吞香，合我雲吞控的口味😍上次吃淨雲吞時已覺不錯，今次再吃，質量依然，好味😋🔰金牌貴妃雞(例牌)$72，同樣皮滑肉嫩(除了胸外)，味道剛好，食到舔舔脷👅🔰椒鹽豬扒$61，不錯，微辣，惹味，佐飯好🍚🥢🛵order外賣平台時，有75折👏🏼，吃得更抵😁

唔知係咪天氣凍左, 今次黎到勁多人, 等左一陣位!!!!照舊12點前仲有早餐, 套餐有粥有炸兩, 好鬼抵食, 因為個粥都好大煲~及第粥勁多料, 豬雜爽口, 粥底依舊棉滑~除左粥仲有雲吞麵,  雲吞爽口彈牙~~粥粉麵飯之外, 仲有好多小食, 小菜, 有排你揀!叫左個海哲生腸, 海哲超級超級多, 又爽脆夠味少少辣好開胃!生腸好脆口, 個汁酸酸辣辣好味, 重點係勁大兜 抵過企街邊食一串串!重點一定要叫鯪魚球, 新鮮炸起, 魚肉夠份量, 唔會勁麵粉, 好彈牙好好食!!:

天寒地凍，早餐最啱就係食碗熱騰騰的綿粥，食粥Fatbrown 就要推介新記雞粥俾大家識喇話說Fatbrown 之前有試過其他叫做有名氣的雞粥鋪都中中地伏，唔系雞唔夠嫩，就系粥唔夠綿，話曬Fatbrown 對雞粥真系有D要求<貴妃雞粥$53>早餐包一窩雞粥配一款小食貴妃雞舊舊都勁多肉，略嫌咸左少少，不是份量味道系正的粥夠綿夠淋，呢樣好加分小食選左馬拉榚幾有驚喜，有黑糖嘅味道，又夠鬆軟蝦腸$27蝦腸略嫌粉皮有D厚，不過大蝦夠新鮮，食完有滿足感

去開油尖旺區，行行下行到一點半，諗左一陣都唔知食乜好，就周圍望下邊間多人排隊就食邊間啦。見呢間粥舖裝修企企理理，外面好多人排隊。好少見粥舖會有人排隊，咁呢間連星期一都咁多人排隊，應該幾好食啦，咁就入去試下啦。好少見粥舖有海鮮粥，就叫一個食下。另外仲叫左一個lunch set同埋兩個小食。🍤海鮮粥（走蔥）$73（另加貴妃雞 +$15）因為又想食埋雞粥，但又怕食唔曬兩碗粥，就決定加$15加雞啦。海鮮粥有蟹、蝦兩大隻、帶子同埋魚，配料都幾足夠，海鮮粥係直接放入海鮮生滾嘅粥，所以粥會有啲海鮮嘅鮮甜味。因為加左雞，所以仲有啲雞油嘅雞味，好食。雞都有四五件，都幾抵。粥入邊嘅飯粒唔算太多，食落去鹹鹹地，幾容易入口同幾開胃，就算唔係好鍾意食粥嘅人都可以試一試，撈埋雞油一齊食嘅粥仲好食。🍚XO醬叉燒炒蛋飯 午餐 $54叉燒蛋飯上邊有一大堆XO醬， XO醬嘅油滲晒落去飯嗰到，食飯嘅時候都感受到XO醬嘅香味。蛋都幾滑，叉燒都幾多，估唔到同XO醬都咁夾，唔知係邊個諗出嚟㗎呢。白飯一粒粒煮得乾身，配埋XO醬同叉燒滑蛋，好食。🍲例湯（跟餐$0）入左門口之後見到有塊牌寫住每日有咩湯飲，每日唔同。今日係冬瓜薏仁豬骨湯

$58午餐有貴妃雞粥，豉油王炒麵和老火例湯，真係平到笑貴妃雞粥係招牌菜，冇理由唔點， 雖然我沒有數過，但雞件應該差不多有例牌的份量， 有雞味又滑，唔肥， 粥則比較竭身。跟餐的豉油王炒麵也很大碟， 有三小碗的份量， 夠芽菜， 下油份量恰到好處，令幼麵夠油身，而底也不會有多餘的油。即使是配角老火例湯，也要點名一讚，當日例湯是霸王花排骨湯，感覺沒有味精，有老火湯味，不會溝水淡茂茂， 連豬排骨都夠腍，柔軟嫩滑。既然啲嘢好食就要繼續點落去， 紅燒脆皮乳鴿（$65），真脆皮， 乳鴿皮又薄又香脆，真乳鴿， 細隻肉嫩，0脂肪。海鮮粥（$73） 的海鮮料多過粥，兩隻大蝦，有蟹鉗蟹腳，而且不是水蟹是肉蟹，保證有蟹肉吃，肉眼只看到蝦和蟹， 食落原來還有本身已經是白色的魚肉和帶子，仲要每款都有幾件蜆蚧鯪魚球$52有六件，當初有點猶豫，因為價錢和一個午餐差不多，但最後還是點了，絕對冇後悔。Size同長洲魚蛋差不多，又圓又大粒，鯪魚肉好香好Q彈，味道適中唔會過鹹，而且完全沒有食到魚骨，真係好滿足

💛貴妃雞豬潤粥$58呢到嘅招牌粥,係用砂煲上架，兩個人食都得呀！貴妃雞咸咸地，好嫩滑，連雞胸肉都好好味！豬膶岩岩好，晤會老，厚切！！！無筋！無腥味！絕配！必點💛酥炸魷魚鬚$55即叫即炸，魷魚鬚香脆又夠晒淋，香！鬆！脆！必點！💛XO醬叉燒炒蛋飯$54叉燒炒蛋本身都無得輸，叉燒夠淋，晤柴，炒蛋係岩岩好熟嘅超滑蛋，加埋XO醬 ,撈埋一齊食真係正爆👏🏻👏🏻💛蜆介鯪魚球$$52超大粒，超入味，有小小果皮味，而且一啲都晤腥，好值得一試整體來講，好鐘意呢到嘅姐姐，超好禮貌，知我同朋友Share 食，自動波地好快手拎多2隻碗比我地，人情味濃濃👍🏻👍🏻👍🏻新記雞粥 (旺角)旺角花園街1號鴻禧大廈地下5號舖

呢間雞粥喺元朗有分店，有日經過旺角又發現到佢，天氣稍涼，就決定入去食返個雞粥先？當晚只係叫咗一個砂鍋雞粥，同芽菜肉片炒河。食過元朗嗰間就會發現呢一間水準冇咁好，砂鍋雞粥上枱時熱辣辣，粥都好軟綿綿，但係凍咗的話就會竭成一達達。而且雞件都幾鞋，無咩雞味，皮肉分開，食完都唔係太滿足。芽菜炒河有色澤但係冇味，完全欠缺左火候同時間上菜嘅時候並唔係好熱，相信係一早炒定左的。但肉片都夠淋，只係份量相對少，得3到4塊左右

今日係元朗行行又肚餓，咁岩係又新街見到雞粥，咁當然要試一試「新記雞粥」醫一醫肚！店舖位置都算大，分開埋外賣自取位置同埋堂食位，夠晒闊落又唔會坐得逼，店面姐姐都好好會介紹你有咩係熱賣推介！餐廳雖然主打雞粥，不過都依然有好多唔同種類既選擇，上至點心下至炒粉麵飯都任君選擇！豉油王炒麵（$27）今日麻麻地想食粥，咁就試下出名既豉油王炒麵，份量真係不得了，兩個人食一碟都有夠晒，味道一流再加埋甜醬辣醬十分入味！呢個價錢二人份量簡直超值！酥炸魷魚鬚（$55）仲有一定要推介食魷魚鬚，每一條都大大條炸得金黃香脆，咬落去啖啖肉，又唔會偷工減料好肉出面粉多肉小，點埋醬汁每一啖都係享受！七喜龍眼冰（$23）食咁多野梗係要試下特色飲品，七喜龍眼冰滿心歡喜，雖然味道都尚可以，但係材料就足夠，有成幾粒龍眼肉，都算不錯！總括呢個份量都十分不錯，完全可以夠飽但係價錢都十分之優惠，性價比超值，值得推介！

周末一大早乘降溫來臨之前，與家人趕緊老字號新記雞粥補充下能量，或許能抵禦風寒帶來的威脅！沒想到時間雖早，但店裏吃飯的人卻一點不少，大多係街坊熟客。早餐選擇很多而且中式套餐包飲品最貴不過53HKD，簡直是抵食！🐔貴妃雞粥：粥底油香，肉質鮮嫩，有壹種入口即溶的感覺。🦐海鮮粥：鮮味十足，蔥姜增色，蟹肉、帶子、魚肉料足樣多，碗中的三塊大蝦🍤更是搶眼，食後頓感幸福滿滿。👍🏻豉油王炒面：則把一條條黑油油的細面和一根根白生生的豆芽完美結合在了一起，面是比較脆的款不會太軟身～🐔糯米雞：真可謂軟糯猶香，肉質鮮嫩，大大塊好滿足。跟餐配的叉燒腸皮滑肉韌、炸兩香脆可口，奶茶、咖啡香味濃郁，真不失為老字號美食品牌，而店鋪的外賣更是絡繹不絕，接單繁忙，沒想到疫情期間還有如此生意興隆的景象也是讓人不得不佩服！

今日放假出左黎mk行街，突然掛住新記既乳鴿，見之前都未係度食過lunch,就決定黎試下及第粥配叉燒腸飲中湯 $45加油菜 $8加油條 $10及第粥超多料，有豬潤，豬肚，肉片同肉丸叉燒腸好多叉燒，皮薄餡靚中湯係蕃茄薯仔，幾清甜，仲有幾舊蕃茄食油菜加8蚊 份量好多油條新鮮炸氣超級脆，餸粥一流XO醬豬排炒公仔麵飲凍檸茶$49+$3好有鑊氣，炒得好香，豬扒好林紅燒乳鴿 $65肉質好滑，岩岩燒好個皮好脆，入面juicy脆皮炸大腸 $52好抵食呢個，有成廿幾舊，好食過出面掃街，洗得幾乾淨