新記雞粥

Open Now

Now Closed

行開波鞋街睇波鞋，行到尾又要溫下嘢食。突然見到有新記雞粥，耳，呢間新記雞粥咪係我哋元朗新記嘅分店，見到佢開到嚟旺角真係好欣慰！傳統粥店而家已經好難搵，大財團啲粥品又貴粥底又唔靚。所以係旺區搵到間傳統粥店真係要多多幫襯。呢度嘅馳名生滾煲仔粥品有貴妃雞粥，海鮮粥等等，見咁耐冇食過黃鱔，今晚就叫左個黃鱔粥，大大煲都係$48，有5,6舊無骨黃鱔，肉質結實。加多個大大片豬潤都係加6蚊咋，補下血氣！粥底好靚好綿！食粥又點可以冇炒麵，加多個豉油王炒麵，啲色水幾靚，混醬係必然。仲有腸粉都係必食，呢個叉燒腸皮薄餡多，熱辣辣蒸起好軟好滑。加多個腐乳炒通菜健康一下，略嫌腐乳味較淡，個人較鍾意重口味。天氣咁凍，極速食飽飽暖笠笠，又可以返隔離繼續濕平！

食開沙田雞粥,真係愈黎愈差。今日去左尼間新記雞粥。試下佢既雞粥得唔得先。入到去，我老公已經不停講佢既雞粥好味嫁。甘就信下佢啦。坐底左。緊係叫番碗雞粥食啦。我地仲叫左炸鯪魚球同海蜇生腸。首先，雞粥黎到啦。粥底軟綿綿熱騰騰的，雞嫩滑，絕不鞋口。的確比沙田好食好多。以後食雞粥唔使特登跑入沙田食。係旺角都食到啦。然後佢既炸鯪魚球，即炸即上，又係熱騰騰的。鯪魚球好大粒，仲有佢既蜆介醬，好好味，又彈牙。仲有海蜇生腸都唔錯。

今晚做完嘢都11點，喺旺角搵嘢食，見到呢間新記，記得都幾出名下，所以入咗去食。我哋叫咗雞翼、手撕雞海蜇、炒通菜、炸豆腐、蜆蚧炸鯪魚球、酥炸魷魚鬚、炒麵……仲有個XO醬煎蘿蔔糕。幾度菜都好好食，我比較鍾意蜆蚧酥炸鯪魚球，同酥炸魷魚酥同埋個炒麵，個炒麵撈辣椒醬好好食，酥炸魷魚鬚又唔係太油，手撕雞海蜇都好味但比較細碟，至於XO醬煎蘿蔔糕，比較一般，多油同埋個texture麻麻.總括來講，都幾好食，價錢尚可，平均$40-$50一個餸，炒麵$29幾抵。

天氣轉涼，想食點暖胃嘅粥品決定試下元朗老字號。<貴妃雞粥 $48> 雞件份量足，雞肉嫩滑，啖啖肉。粥底好綿、雞味濃，一人食剛剛好。<XO醬叉燒炒蛋飯 $52> 蛋及叉燒份量明顯比當晚其他枱的少，與其他食評中的相片比較一樣較少，不知是否接近收鋪時間關係。好失望不過蛋炒得夠嫩滑、叉燒大塊，XO醬份量剛好不會過咸，一試無妨。<香脆炸大腸 $42> 大腸好肥美，夠大碟。不過炸得不夠香脆，醬汁偏酸，肥妹仔建議點其他小食。總結粥品最出色，深夜時份去亦有好多客人。但食物質素參差，點大路菜色較穩陣。

拍拖睇完戲，心血來潮想食雞粥！於是去左新記，好似好出名咁，順便食個tea啦！咖央多士 不過不失，茶餐廳無預水準高或正宗味道，咖央醬重椰香味，多士烘底算ok！有些茶餐廳整出到泥係凍or無點烘過都夠膽死。下午茶22蚊加3蚊有凍飲，係唔錯！生滾貴妃雞粥主角雞粥來了！粥的確煮得很綿，雞件份量算多，雞肉算嫰滑但偏咸，好似鹽焗雞咁，整體來說都ok。蝦腸真係一粒星都唔想俾！我同男朋友都話未食過咁難食的蝦腸！蝦的份量不多，全碟只得4隻蝦，面頭果條裝飾得很好，因為有2隻蝦，但下面2條分別只得1隻蝦！有一點扮豬食老虎感覺視覺贏咗。腸粉皮好厚，未食過咁厚的皮！又唔好味，又唔滑，蝦又有點梅，簡直唔掂！仲要食晒所有野，再催單先有。餐廳環境潔整光猛，但有點名氣過於實，食物質素未如預期。

這間粥店裝修新淨，座位寬敞，燈光明亮，令人有乾淨衛生的感覺，環境十分好。早餐賣到12點，我們11：45 去到諗住食午餐，都仲係早餐時間。點了兩個艇仔粥，配上炒麵和糯米雞。艇仔粥的粥底又綿又滑，濃稠適中，不過粥內的配料份量比較少，感覺味道較淡，而且在別處吃的艇仔粥，其中一種配料是碎牛肉，但這裏沒有碎牛肉只有鹹瘦肉。但是艇仔粥大大鍋，好抵食。炒麵是冷的，放入很多芽菜，味道一般。粥餐要糯米雞需要加十蚊，既然加了十蚊，我是帶點期待的，可惜糯米雞比較小，其實味道也不差。

旺角新開食店，大大隻寫住元朗雞粥，脅住名氣而且見到餐廳乾乾淨淨所以入去食晚飯。兩人叫左兩個小菜（加$15轉套餐，跟飯及熱飲）男朋友最喜歡食咕嚕肉，所以次次去唔同餐廳都會點，佢話呢次既咕嚕肉係最難食，豬肉肉質好硬，完全唔入味，只有外面的甜酸汁，但咬落去完全無味連肉汁都唔夠。成碟只有4舊菠蘿😅價值$73既XO醬西芹炒豬頸肉，賣相好差，用一個小型的膠碟盛載，連西芹既份量都唔夠。XO醬過多，雖有鮮味但偏咸，最大鑊係食到一半見到咁多油o係底,OMG! 唯有抵讚係豬頸肉夠彈牙，有口感。全鋪天光佈滿射燈，環境太太太太光，極之唔舒服。而且侍應個個好似新手咁，唔會招呼客人，又經常聽唔清人地講咩，個疑似經理既男人，一個就黑口黑面，一個就好像事不關己咁在收銀度玩電話。好難攪～～～

新開店的旺角分店，之前在筲箕灣見到，也想試試，今天剛好經過，睇到餐牌，有下午茶喎，價錢又算大眾化，諗都唔洗諗就入左去🤣🤣🤣店鋪環境也舒適，服務態度也唔錯。我一個人，就點算了下午茶的，生滾貴妃雞粥和芽菜炒河粉，凍檸茶一杯。這間店鋪出名是雞粥，緊係叫雞試下啦😁😁😁雞粥都算大碗，粥底都唔錯，貴妃雞也很滑，也很入味，不是最好的，但還算唔錯。炒河粉就比較油了一點，不夠鑊氣，要求不高也可以接受。這套餐餐包飲品一杯，這個價錢在旺角區也算化算，因套餐份量都算大。我也參考過餐牌，晚市套餐也有很多款式，價錢大眾化，所以也是一個好落腳點😜😜😜

打完波，好肚餓，路經呢間餐廳就入咗去食嘢。由於呢間舖喺新開的，所以環境都很乾淨。 我哋叫咗佢嘅招牌貴妃雞粥， 軟綿綿嘅雞粥有濃濃嘅雞香味， 貴妃雞入口香滑 ， 令人一試難忘 ，值得推介 下午茶餐雞粥配埋一個叉燒腸， 腸粉好滑， 叉燒 雖然是用純瘦肉，但係很嫩滑，好好味。 我哋仲叫咗一個雞髀薯條餐。雞髀炸得好脆，味道十分惹味， 薯條都ok服務員的態度個個都好好兩個人共食咗87蚊，覺得價錢合理。下次會再嚟光顧招牌貴妃雞粥雞髀薯條叉燒腸粉

後生既朋友通常晚餐都鍾意食啲咩國菜咩國菜.....不過食得多就悶😂😂😂話說我係一日三餐都要出街食既人食得多日本野或者韓國野就會食上海野...今晚心血來潮想食住家飯...屋企又冇飯開☹️竟然係旺角女人街入面搵到間好野裝修乾淨小菜價錢都幾優惠叫咗三個小菜有叉燒炒蛋蒜蓉炒通菜同埋鹹蛋蒸肉餅個叉燒炒蛋真係幾好食因為啲蛋炒得唔老同埋好滑上面仲有XO醬可以調味啲蒜蓉炒通菜好大碟最後飽到食唔晒個鹹蛋蒸肉餅亦都幾好味餐廳啲嘢食唔係味精餸最後仲加咗一碗例湯飲成餐家常便飯好滿足都好好味重點係價錢貴!! 不過唯一嘅問題就係餐廳九點半就要收舖如果嗰日放工放晏左都冇飯開

新記一向我都知道啲粥係又滑又綿，佢係旺角開左間，我地一於去拜會下，望下門口有咩食先，好多款式種類食物，茶餐廳既粥店既都有。入到去都已經好鬼多人坐哂係到，好彩我地等到張圓枱，坐得舒舒服服，揭開餐牌心大心細，又想食呢樣又想食果樣。最後我揀左個粥套餐貴妃雞粥配炒麵，等多陣雞粥煲仔上枱，熱辣辣食落又綿又滑，雞件夠滑又大件，雞油煲出哂落粥到。夠哂香濃又好食！炒麵大大一碟，用甜豉油炒成，麵質偏硬係我鐘意食既口感。另外仲點左個海鮮粥，嘩，勁正！有2隻生鮮大蝦，蟹同帶子，鮮味到不得了，甚晒啲蟹味好鮮甜，加上蝦同帶子，一絕！仲點左尤魚穌同乳鴿，尤魚穌唔un又爽，炸得卜卜脆又惹味。乳鴿用滷水汁葉過，大大隻抵食，外脆內嫩，一撕開啲肉有肉汁留出泥。總結泥講，款式夠多，常餐早餐，粥套餐，小炒全部都有，岩哂我口味。

同家人到處逛逛去買花+準備結婚用品。路經此地見到新開左間粥鋪，就入去食番個lunch休息下先再行過！！我地入到去店鋪有1⃣️邊仲裝修緊，地方寬倘舒適，坐落又唔太迫，我地1⃣️行4⃣️人佔1⃣️張圓枱都仲有空出位置俾我地放下雜物。坐下來望1⃣️望menu,除左粥品外，都還提供了多款不同的小食、小菜供客人選擇，還有午餐及下午茶套餐。。我地點了兩個生滾粥午市套餐，再另外單點了1⃣️碗海鮮粥及幾款小食田雞粥跟餐炸兩1⃣️碟送埋飲品 豆漿$55田雞份量都幾多下，d粥食落又夠曬香軟綿滑👍🏻炸兩炸得夠香脆 ，咬落囗仲係脆卜卜的 正左起：七喜龍眼冰、熱豆漿、凍五花茶全部飲料都唔太甜 適合大人小孩飲用 夠健康海鮮粥$63超足料海鮮，內含2⃣️隻大蝦🦐、蟹、帶子全部海鮮都非常鮮甜新鮮，媽咪1⃣️路食1⃣️路大讚蒜味炒螺肉$42海蜇八爪魚$42酥炸魷魚鬚$42炸到熱辣辣，外脆內軟 正脆皮乳鴿$51乳鴿燒到皮脆肉嫩，連bb都食到唔停口仲有招牌雞粥配炒麵+七喜龍眼冰+$8午市套餐$55貴妃雞肉質嫩滑，果然係名不虛傳！！叫左咁多野埋單先至$367 抵食 本身想食埋甜品 原盅豆腐花但仲未整好部機的關係，暫未有得銷售住唯有等下次吧🤭🤭🤭