生記粥店

Open Now

Now Closed

紅磡真係有好多平民食店仲要抵食又好味,而家真係所以我好興奮~呵呵;總覺得依D粥店特別有人情味,坐底無餐牌既,大部分都貼哂係牆上面,熟客人基本都唔洗睇餐牌,直接大叫想食咩,,或者個姐姐已經問你係咪食例牌,,好似我朋友咁佢食個菜乾豬骨粥,我望左好耐餐牌無既,佢話佢每次黎都係食依個,所以有D野食係熟客人先知 /口\ 我地要跟人先食到好東西啦菜乾豬骨粥;朋友比左一小豌我試下,菜乾好多,成個粥都好香,好有童年味 我就叫左個魚腩滑牛粥$29; 粥底好棉好滑,牛肉好嫩,魚腩就只有一件同埋小小魚肉碎片唔會好腥 仲叫左個炒麵同炸兩SHARE一齊食,望落唔係好大碟;但食埋粥就會好飽,下一次2樣都想食就叫一個粥好了;炒麵唔會太油,食落幾香,加埋芽菜一齊食;炸兩一入門口就見到佢炸緊,但食既時候唔脆了 2個人食左70幾蚊真係抵到不得了,平民食品平民價,,下次會繼續黎支持 

食過土瓜灣粥家莊，失望絕頂，同事叫我幫襯生記，話佢地粥品唔差，於是乎走去幫襯吓。生記係d舊式粥鋪，唔會有好靚嘅裝修，餐牌都無個，粥品寫滿哂係牆上。粥黎到，有匙羹了兩吓先，感覺一d都唔水，d粥掛碗，滿意，食落唔會太咸，味道啱我口味，叫佢多蔥，佢真係俾多d蔥，唔係敷衍我。服務滿意。依家牛肉貴咗好多，所以預咗叫碗牛肉皮蛋粥嘅時候，牛肉份量會少好多，但望真d，份量又未至於少得可憐，正常份量。唯一失望係枱面調味配料無白芝麻提供。

中午，想食粥，去左位於差館里的「生記粥店」。皮蛋粥，粥底綿滑富米香，配上皮蛋同蔥花，好食。稀稀的粥，啱晒我的口味，夠晒大碗，食一碗就飽肚了。煎堆，賣相唔算靚仔，有下塌跡象。咬一啖，外層香脆且帶芝麻香氣，內裏就十分軟糯煙韌，口感唔錯，啱晒中意嚼勁的我。好食的炸兩，可遇不可求!呢度的炸兩，份量夠大，又用上店內的油炸鬼嚟整，水準有保證。炸兩外層係香滑薄身的腸粉，配上內裏香脆嘅油炸鬼，再淋上鹹鮮豉油，就是好味道!

～開業超過20年紅磡粥店～哩間可以話陪伴住係紅磡人成長的粥店，20年來為紅磡居民服務。之前見到關門一段時間都就是做裝修，呢2個星期又再開業～見到內部好似無咩轉變，可能是裝修廚房內部，我地外人唔知～今日同娘親選擇堂食，叫左艇仔粥，粽一隻同一碟牛肉腸～＄16 艇仔粥都算多料，有魷魚，豬皮同碎牛。碎牛份量都算多，整體份量唔錯。粽唔算好大隻而且綠豆比例較少，若果能夠多D綠豆會更加吸引。牛肉腸即叫即整，牛肉好滑另外腸粉皮唔太厚。現場基本上老人家多但都有唔少年輕一族單拖去食，所以粥都唔一定係上一輩先會食既～

生記係我由細食到大的粥店.價錢公道.環境同衛生雖然未必係最好但食物味道好好. 想食得清淡既時候就會選擇生記. 最鐘意就係白粥炒麵. 多數會選擇係少人既時候去,即係大概係2:30-4:00或者7:00左右.咁就唔怕要急住讓位俾其他食客.

今日唔係好舒服，想食得清d，近近地去咗間舊式粥店。點了一個皮蛋瘦肉粥，炸両同埋炒麵。（好貪心，乜都想試）個粥好綿，皮蛋好多，似有一隻。炒麵賣相一般，不過勝在大大碟，味道可以，唔太咸，當中有芽菜，都ok。另外，碟炸両份量十分大,雖然個皮有d厚，不過油炸鬼夠脆，唔錯！今時今日$38有咁多嘢食，ok啦！

一直以來，挺喜歡光顧舊區粥店。路過生記粥店，就走了進去。牆上，貼有所有食物和價錢，一目了然，童叟無欺。皮蛋粥$16配炸兩$11，無敵組合。吃過數次坊間粥店的皮蛋瘦肉粥，所謂「瘦肉」，口感食味強差人意，故小妹素來只吃皮蛋粥。粥煲得綿密，帶少許米香，混入皮蛋和蔥花，挺好吃的。炸兩雖說是即叫即整，然而，油條始終不是現炸的，因此，腸粉夠薄夠滑，惜內裏包著的油條咬起來僅可說是硬脆，且豉油鮮香味一般，未稱得上是佳作。

紅磡街內既舊式粥品小店 仲係家庭式經營 好有感覺是日黎到就叫咗碎牛粥 炒麵 糉 碎牛粥好足料 粥底好綿 唔會淡某某 炒麵我食嗰時就略嫌稍淡 但食完成餐都唔會覺太鹹 成日想飲水 就知可能係少咗啲味精 多咗啲家常味道糉就不過不失 唔會好多料 糯米較多總結 粥店雖小 但係嗰種家常味道真係唔係度度有🙊

近排腸胃唔係咁好 食滯咗諗住食吓粥 養返好個胃落樓下買咗個炸兩多麻醬、生滾皮蛋肉片粥多薑炸兩即叫即做 粉皮嫩滑 厚薄適中油炸鬼脆卜卜 加上我最鍾意嘅麻醬 好好味粥底亦夠軟綿 皮蛋都好新鮮 肉片就略嫌鞋左少少 返到屋企食仍然熱辣辣 味道鹹香 正！#好味glo 今日已經係我食咗第二日粥食粥個又唔係真係好似好咗啲聽日應該會食佢既豬潤粥

同oppa紅磡美食一日遊，當然要去食早餐先:3點了皮蛋瘦肉粥 炒麵 腸粉粥煮得夠綿幾好食炒麵不會勁油膩 不過醬油味不似平時食到的重偏咸 但加埋甜醬仲惹味好食腸粉的話 不難食，但私心認為還是合益泰腸粉皮較香同幼滑真係好快就食哂可惜是當時沒豆漿要等 貪心的2人心急去向下一間出發了老實說這間粥店價錢不貴，能有這個味道很不錯了

其實有好多人,都會特意凡食一些老店,又話姐好似好懷舊既餐廳.今次我就路經呢間生記,睇個樣就知古舊既粥店試試,睇下有咩特別先超多人,價錢都幾便宜,粥加蝦米腸都唔洗四十蚊.不過腸粉既質素極低,超鞋既粉皮,又厚,實在唔識欣賞.相反個粥就超綿,食得出呢度既粥係要有功力先煮得成,又有豬骨香,食材新鮮,魚腩超濃味!雖然係咁,但係應該都無下次,因為環境同衛生問題

這間老字號粥店, 間中都會幫襯吓, 睇睇店內其中一塊”針板”的磨損度, 就知道時日不少.今日下午茶, 唔去茶餐廳食雞脾餐, 改食齋. 入內坐低, 見到阿姐正在大力大力地攪碎那些白色的脆小條, 應該是用來做碎牛粥的配料.凍豆漿, 甜度多了一點, 豆味少了一點. 夠大杯.炸兩, 見到, 係即做的, 但質素都是差一點, 包在中間的油炸鬼, 大條, 唔脆, 凍, 入口略為實和硬. 包在外面的腸粉, 煙韌度不足, 些少粉口和糊口. 醬油味道好, 鹹甜度平均適中.如此老舊店, 買少見少, 幾年後, 當黃埔地鐵開通後, 肯定受租金上升影響, 不過…話時話, 呢間店, 好可能係自己買落物業都唔出奇…

用這名字”生記”去賣粥的店子其實真的不少, 在深水埗/ 旺角/ 紅磡都有,全都是老式格局, 而自己三間都幫襯過, 最近去這紅磡店試咗幾次,結果是正面的, 儘管沒有漂亮的傢具, 光鮮嘅門面, 但往往有內涵的店唔一定會有一個吸引人嘅賣相, 這店就是這一種,粥底基本上只有簡單的米, 杰度都中間稍稍偏稀身那種,本人喜好這杰度,油炸鬼/ 牛利酥等油炸食物一般都是新鮮貨, 只要你不是在太晚的時間到這裏也還能keep住少少脆皮的, 炸兩則是相當夠份量完全不欺場, 不過甜醬則比較不太欣賞, 這也是近來数年並未吃到一個自己認為滿意的甜醬, 所以一早已戒掉了甜醬,這裡的炒麵雖只有芽菜但也算夠大碟, 當晚我在7點半後來到, 店方還炒一大盤新鮮的炒麵出來, 新鮮的炒麵即使材料再簡單一點熱氣騰騰的怎能不好味呢? 只是現在的這種炒麵豉油都沒有了醬油應有的咸味/香味/鮮味, 甚至老抽的甜味, 到底現在這些商業用醬油出了什麼問題呢?這食評是兩天下來的結果, 一天吃不下這麼多美食呢!下次再來可能要試咸肉糉/ 馬拉糕/ 糖水了!

初來紅磡住，找傳統粥店。先想試這間。因為這間的裝修比隔離街的永明為舊，令我覺得他應該「更傳統」油器的確不錯，不過粥食後非常口喝，腸粉（包括炸兩）沒有味道，失望。店員好像不少，但好似做咩都要睇其中一位阿頭，結果都唔見得快得去邊。價錢在同區來說偏貴一點。

食野食得太飽,係時候要清清腸胃了.叫左:皮蛋瘦肉粥,菜乾豬骨粥,牛利酥,炸兩.皮蛋瘦肉粥$17:皮蛋幾靚幾新鮮,瘦肉有小小鹹香,粥底好綿.菜乾豬骨粥$17:菜乾可以但冇咩豬骨,粥底可以,淡左小小.牛利酥$7:唔太新鮮,味道一般.炸兩$10:即叫即做,新鮮粉皮幾滑,都幾大件.清清腸胃食餐粥都唔錯呀!