新記芝士麵 (Closed)

豬頸肉芝士撈公仔麵。買相平庸豬頸肉薄薄的烤得香口。不會肥膩。正。芝士不算太濃對於我來說剛好。蜜汁龍鬚醬汁濃郁。非常甜。魷魚鬚爽口 不會韌。價錢不便宜但總算不錯 。

由於見到小儀個節目介紹過，特地就去呢間餐廳一試。叫左個芝士豬頸肉撈丁=_=見佢甘多芝士醬以為會有好濃芝士味，點知。。。失望曬。。。好淡好淡的芝士醬，豬頸肉亦無特別。。。朋友叫左個雜錦芝士撈丁，亦無任何感覺。。。結果得個貴字座位又迫。。。試一次就夠了

原本以為有d明星推介，唔會差得去邊，點知個碗豬頸肉撈面咸過梅香咸魚，芝士本身就咸，加埋片豬頸肉，淨得個咸字，完全冇芝士味，最後都食唔落，放棄左，一定唔冇下次，唔會再幫襯。豬頸肉咸到食唔到平時的甜味。芝士汁又粉粉地，好心加下忌廉撈下個汁啦。男伙計又粗粗魯魯咁。冇下次

今日朋友帶我去食呢間芝士撈公仔面的餐廰,因為今日係星期六,所以係飲野係正價,而且要食出前一丁要多加五元,呢個都算,我地坐低叫野食,一碗豬頸肉丁及一碗紅腸旦公仔面,一罐汽水等左二十分鐘,野食都未到,而後面枱明明遲過我地來,野食都到仲要食跟,我地枱的野都仲未到,於是決定追單,誰知,待應回答,你要丁面要立即煮,旦及紅腸要煎要時間,之後就走左.我同我朋友完全係0 嘴,你煎豬排都唔洗咁耐,ok,我就當你多單,真係要咁耐,再過左二分鐘面到,我發現紅腸唔係點煎過,面完全食唔出係出前一丁,芝士完全無芝士味,我睇唔出點解我要比四十幾蚊食一碗咁的面,仲要咁的服務態度,那些明星相真的代表不了什麼.而我是不會再去呢間餐廰!!!!!

中午食晏12點左右，到香檳大廈，同事話新記的之士麵好出名，想試吓。殊不知，門是開了，但還未營業。老闆娘話開12:30。心想真係咁唔優做。算數下次再試。咁啱今日早收工，4點幾，同事話而家去食之士麵啦!坐下來望住個餐牌，不得了，全都要三十幾蚊，飲品再加$9一個豬頸肉之士公仔麵加凍奶茶$48賣相就係咁啦！都幾求其架！豬頸肉好香口野味，正！公仔麵煮得軟硬適中，唔錯！之士汁係卡夫之士溝金寶忌廉湯，簡單味美，撈麵食真係good呀！不過這個份量下午茶可以，但午餐就唔掂喇。而這個價錢午餐還可以，但下午茶就唔掂喇。

在打這篇食評之前看到有不少劣評, 說期望過大或是不好吃等等我想說的是, 賣$30多的芝士撈麵, 就不要期待說會有濃得像芝士火鍋的的芝士汁第一次去的人想試的話, 如果你是期望吃到很濃郁的芝士汁的話就不要去了我去過很多次了, 但我還是很喜歡跟男友一人一碗芝士撈公仔麵男友點的是什麼都有的那種 (抱歉我忘了名字有雞蛋, 紅腸等等. 雞蛋汁再拌入芝士汁還蠻好吃的我則一如以往點了豬頸肉芝士撈公仔麵. 豬頸肉烤得很香公仔麵不會太軟身. 他們的芝士汁其實是以片裝芝士加牛奶做的所以吃起來芝士味道沒有很濃, 但吃起來也蠻香的, 我也很喜歡其實來這多以比較晚的時間, 這邊關很晚, 在尖沙咀要吃宵夜這邊也很適合

早知光顧前先看open rice， 完來口碑這麼差，便不用浪費完全不值$39吃比普通公仔面還難吃的芝士公仔面面身又硬，味道似大光面底，芝士汁淡如白汁，雞翼亦是冇味。至於服務，沒想過也這樣差，我們二人點了一面和一可樂（$12),伙計問'只要一個？)後黑面離開.埋單時，我聽到收銀呀姐問前面二個後生仔＂你地剩係飲兩杯野？＂後生仔回答係，唔肚餓。阿姐又黑面。實在看不過眼，靠明星相吸引食客

行過這店鋪，看見有很多藝人光顧的照片，門口掛著大大字句「馳名芝士公仔麵」，結果坐底試試，餐廳格局與一般快餐外賣店無異，再看看餐牌一碗公仔麵要收 $39，飲品要另加 $9, 要俾$50才吃到的公仔麵套餐難道是非常好吃的？於是我點了雞扒芝士撈公仔麵，等了很久終於到了。這個公仔麵無論賣相和用料都非常差，給我很頹廢的感覺，那些芝士汁沒有什麼好味道可言，感覺就像用金寶忌廉湯開水再加少許鹽，完全談不上芝士汁，漿糊狀似的很難與公仔麵撈在一起，而且很少汁根本唔夠撈，結果吃到無汁的地方有如在白吃無味的公仔麵，雞扒份量很少，切件廖廖可數，完全無誠意可言，$39 等於一個教訓，名氣大就可以賣貴些？香港人的眼睛是雪亮的，絕對無下次！

朋友仔建議下來到這裡試馳名的芝士麵聽說好多明星都黎過一睹風采係炎炎夏日，對於小妹來說，食物味道頓時變成其次，首要條件係有無冷氣。。。係小巷內的一小間店舖門外有好多明星相用作招徠，不難找有冷氣開放, 還不錯可惜星期六日及公眾假期，所有餐都沒得供應，所有都是單點覺得有點名過于實感覺似是煮得過火既公仔麵加D 芝士汁撈埋一齊麵係standard size, 價錢較貴豬頸肉挺不錯，蠻有趙口蜜汁鬚湯麵這個是湯底的魷魚鬚用左蜜糖煮過再加上大量芝麻粒爽的、甜的之前都有人介紹過芝士麵試過就不敢有點懷疑，究竟是質素下降了，還是大家以訛傳訛吹得太大呢?!

係facebook成日見到好多朋友post 相話芝士撈丁好正,搞到我心郁郁好想去試一試,所以星期六放工特登抽時間出尖咀品嚐芝士撈丁。到達目的地,人流唔算多.我地2個都係叫左豬頸肉芝士撈丁,另外叫一客瑞士雞翼豬頸肉芝士撈丁:豬頸肉味道甜甜地,好普通;芝士汁頗稀同有D淡,仲要比好少汁,根本唔夠撈.麵偏硬,如果多汁既話應該岩岩好,可惜偏偏唔夠汁,搞到有d要乾啃硬麵瑞士雞翼:好似41蚊5隻.外表睇落好似好入味,顏色深個瑞士汁其實幾好,唔會太甜,岩岩好,不過食落唔算好入味.總括黎講,其實味道好普通,唔會令人留下咩深刻印象我覺得名過於實,試一次就夠了.

突然有機會去到聽聞吃芝士麵很有名的新記，才發現原來香檳大廈不是太遠。專誠來到這裹當然要吃豬頸肉芝士撈公仔麵，其實價錢不太化算，一個麵已賣三十九元，已經份量看起來少得很，不過如果好吃的就沒有所謂呢。是說說這裹的環境，像身處於閣樓吃飯，雖然看起來很舊但衛生還是可以的，枱有數張，食午飯時不用排隊不錯呢，但建議太夜的話就不要來這裡，感覺這個大廈治安不會太好，而且晚上燈光應該很昏暗的。　個人認為這個撈公仔麵名大於實，性價比極低，亦絕對談不上人間美食。預期叫作芝士撈公仔麵，倒不如說是公仔麵加芝士汁。芝士汁味道還好，但感覺整個麵都不熱的，芝士汁的質感非常＂杰＂，吃到最後更覺得似漿糊一樣。公仔麵已煮散了但是不夠熱還是不需要熱呢？最好吃的是豬頸肉，煎得有少少燶，怕吃燶的人就不推介了，豬頸肉應該下了一點點蜜糖來煎，所以有點燒烤風味，但據友人說這裡的豬頸肉水準飄忽，時好時壞，真的看彩數吧。又是凍奶茶，也算得上茶味不錯的，雖然不用加一，但仍覺得貴得離譜。

做人不用十項全能，只要有長處並能將之好好發揮就行了；同樣，食肆也用不著瓣瓣皆精，只要有一項招牌菜，就能客似雲來。是日路過尖沙咀的「新記」，門面大大隻字「馳名豬頸肉 • 芝士麵」，加上門口貼滿明星相，非常「星光𦒉𦒉耀新記」，不虞有乍，立即叫一碗來試試。「豬頸肉芝士撈丁」芝士汁泛濫，呢碗嘢估計起碼有 1,500 卡路里。不知為何，在家煮公仔麵的味道總不及茶餐廳煮的風味；撈丁炒丁湯丁，通通都比自家煮的好吃。不知大家有否同感？芝士汁 - 味道是卡夫芝士味加淡奶，不算太膩，還不錯。豬頸肉 - 有五片，喜愛它那蜜味帶點點焦香，只是略嫌太薄。丁麵 - 最忌煮得太淋, 幸好它還保持了麵的爽口感。淋上熱辣辣的芝士汁，生熟度剛好。整碗撈丁賣 $39，有點貴；但能吃到自己在家煮不到的風味，也算可接受啦！

第一次寫食評,原因係食完之後真係不吐不快!!點解? 之前睇d節目都有見d明星推介下呢間,咁諗住應該唔差得去邊啩!點知...去到見到門口貼滿晒d明星相,就滿懷希望咁入去,呢度d伙計無禮貌?唔緊要!我黎食野啫! 見到個meun 都有一般茶餐廳嘅選擇,但黎到緊係叫個招牌-豬頸肉芝士撈公仔面, 無错呢個面要成$39元仲要唔係出前一丁食落似大光面,唔包野飲,叫左罐cream soda $12元, 個面共有5塊超薄同細嘅豬頸肉,其中2塊黑過炭屎唔食得,個面份量得幾啖,唔好話男仔唔夠食,連女仔都唔夠食啦!到個汁係卡夫芝士加淡奶同生粉水溝出黎嘅汁,有奶味無芝士味同好杰(可能落左太多生粉)...咁嘅價錢咁嘅質素,真係不知所謂!!終於知道點解咁多明星相喇! 原來又係俾面派對!

同朋友們下課後到新記一試馳名的芝士撈公仔麵我點了一個芝士豬頸肉撈公仔麵本來見到咁多名人食,諗住應該無死點知碗野一黎到, 好多芝士汁但唔香,D都有D硬,豬頸肉還過得去,但整體黎講, 芝士豬頸肉撈公仔麵麻麻地好食, 芝士汁多但唔香39蚊, 麵底少, 我一個女仔都唔夠飽所以期望愈大,失望愈大

雖然我已光顧這店很多次，但是服務一樣沒有改善過，就算換了人也一樣，算吧！我只爲我想食的豬頸肉而來~吃過豬頸肉芝士撈丁，豬頸肉燒得很香，最喜歡就是有蜜味而芝士撈丁不過不失，芝士味尚算合格，只是份量太少不是很飽，所以我通常會另叫一份瑞士汁雞亦，雞亦好好味~甜度適中，只是不夠入味，吃到中間要點汁~蜜汁尤魚鬚，也不錯！甜甜的醬汁加上芝麻令醬汁更香~今天突然想吃湯面而不是撈面，叫了豬頸肉併五香肉丁公仔面，豬頸肉比以薄了，有點失色！五香肉丁不用堤，只是罐頭。湯很淡，沒味！我還以為是在家煮面的味道，原來不是除了淡之外還很（淋），早知還是吃回芝士面好了~