新記 (康麗花園)

Open Now

Now Closed

「元朗新記」，於屯門新墟開了新店，除了招牌生滾粥外，仲有冷/熱小食、鑊氣小炒和甜品！香脆炸兩腸粉 $25輕脆的油炸鬼，配合口感煙韌軟糯的腸粉皮，配粥好拍檔！馳名海鮮粥 $81足料，豐富！有帶子、蟹、蝦、魚肉、蔥，而且大碗！貴妃雞蠔仔粥 $74貴妃雞，選用肉質嫩滑的母雞肉蠔仔，乾淨無沙，唔腥，令新記招牌雞粥提升多一分蠔鮮味！香脆炸大腸 $58外層炸得輕脆，內層口感軟彈，可蘸配味道酸酸甜甜的醬汁，開胃又滿足！海蜇生腸 $58海蜇，冰鎮得宜，口感脆脆爽爽，又Q彈！生腸，配上廚師自家調配醬汁，味道甜甜帶微微辣，又有蒜香，好惹味！特別喜歡！😋椒絲腐乳炒通菜 $51分量多，大碟！炒得有鑊氣！有驚喜！ 而且椒絲腐乳味道足！七喜話梅柑桔冰 +$13 (跟生滾煲仔粥優惠價)單點 $25泰式青檸冰 +$13 (跟生滾煲仔粥優惠價)單點 $25_______________新記 (屯門)屯門屯門鄉事會路117-157號康麗花園地下6號舖_______________

元朗食雞粥好出名既新記開到黎屯門喇🫶🏻係正戲院對面超方便。裝修更舒適，更闊落，而且菜品種類仲多左👍🏻🔸海蜇生腸超足料，海蜇爽口，生腸冇怪味🔸泰式鳳爪起碼有1x隻，而且冰冰凍凍，超開胃🔸貴妃雞豬潤粥招牌粥品，雞已經調左味而且好滑，豬潤岩岩好保持鮮嫩，粥底綿滑🔸叉燒腸粉食粥緊係要腸粉，腸粉厚薄適中，叉燒足料🔸芽菜炒河炒河條條分明，而且芽菜脆口，加少少辣醬超惹味🔸自選雙拼撈麵鮮蝦雲吞、牛筋腩(+$4)配幼麵雲吞粒粒好似乒乓波咁大，鮮蝦🦐彈牙，牛筋腩入味但就牛筋少左d，撈麵冇皂水味🔸菠蘿咕嚕肉跟餐白飯例湯青紅蘿蔔豬骨湯，冇味精飲落唔會口乾咕嚕肉粒粒都係肉粒，粉漿唔厚，酸酸甜甜超好下飯🔸七喜話梅柑桔冰跟正價食物-$12多重味道，又唔會過甜🔸七喜龍眼冰跟正價食物-$12龍眼冰淡左少少，不過有龍眼肉食加番分另外想讚下餐廳員工招呼好好，擔心我地唔夠冷氣，因為中間我地調過枱，所以有部分野食重覆左，上到枱先發現，但佢地處理既手法都好好，唔會令客人難受👍🏻

今日11點幾黎到呢到食野，見仲有早餐食，叫左份豬扒炒蛋、多士、腸仔、茄汁豆。落單後好快就到，應該都係翻整，味道一般。另外加左份手撕雞海蜇，油有d多，但都ok既。略嫌服務幾差，偏外外賣客。

聽聞元朗新記開到入黎屯門，一於專程去食，晚市時段門口大排長龍，人山人海紅燒元朗脆皮乳鴿 $76果然名不虛傳，乳鴿皮脆但又保留到肉汁鮮味，而且仲幾大隻好有肉食，唔會皮包骨咁，抵佢賣$76田雞粥 $59 +貴妃雞 $15招牌貴妃雞粥即叫即滾，以30年滷水浸製，更加入了30種藥材，雞肉帶清幽的藥材香，而且田雞、貴妃雞份量都唔少，好夠飽鮮蟹粥 $59大大隻蟹好多肉，蟹肉既鮮味配上綿滑粥底，味道好夾蝦醬炒通菜 $51蝦醬味道香濃，送粥食一流杞子枸杞豬潤湯 $57枸杞味道濃郁，豬潤剛剛好熟，好味道

新記雞粥開到去屯門 分店水準keep到食開元朗新記，同另一半嚟巴倫紐睇戲，見到呢到都有間新記，開頭仲以為唔係同一間，但見到貴妃雞粥menu就認得啦，裝修好新好靚，同埋d姐姐服務都好好。由於我想食貴妃雞粥、魷魚酥同煎腸粉，我伴侶就想食小菜，佢就叫咗咕嚕肉同椒鹽豬扒，一間餐廳，不同風格都有得提供，真係有驚喜！分店嚟講，佢嘅貴妃雞粥、魷魚酥同煎腸粉味道係一模一樣，雞肉一樣好入味同嫩滑，粥煲得好綿好滑，水準keep到，魷魚酥大大碟，外脆而不過火，煎腸粉香口耐上麻醬，無得頂！咕嚕肉同豬扒一上枱，嘩左聲，呢個價錢嚟講，居然有咁大碟！而且味道夠，有火侯，無得輸啦，叫埋兩杯凍奶茶同凍檸茶，一絕！唔好以為開分店就會唔同味，老闆係好野，睇得出係好用心經營，抵佢分店愈開愈多，作為元朗老顧客都無失望。

噚日嚟食下午茶，叫咗兩個公仔麵餐，一個係沙嗲牛公仔麵跟腸仔厚多士熱O水，另一個係五香肉丁公仔麵跟厚多士熱O水，第一個上沙嗲牛個餐塊牛油厚多士係韌嘅唔脆原全好似冇焗過，另一個五香肉丁公仔麵等足20分鐘後先到塊厚多士就唔見，阿女話d五香肉丁唔好味仲有骨，跟住同兩個阿姐先後講完後超過15分鐘都仲未有塊多士，再問一個阿叔我就話塊多士仲未嚟佢就好冇禮貌話佢都係啱啱行埋嚟啫，我話你係啱啱行埋嚟但我已經同你地兩個阿姐講過，最後塊多士嚟咗又係同我個塊一樣係韌唔脆嘅，呢d咁嘅服務同食物質素我以後都唔會再幫襯。

新開張，唸住幫襯買外賣早餐!大熱天時，我唸住涼住冷氣等，等了二十幾分鐘，我問佢幾時有，佢話外賣亞姐做吾切，叫我等得就等，吾等得就取消單。仲叫我出門口等，態度惡劣，趕客吾想做生意，永不幫襯!

打電話嚟叫兩個小菜跟兩個白飯，聽電話果個同我講哩個有野飲送，跟著我話凍飲都可以，佢仲要答我送既，我先叫左兩杯凍檸茶。點知過嚟拎外賣，見到張單佢係收左錢，我問佢唔係送既咩，佢而家先答我熱同凍都要加錢甘就唔好同我講送啦⋯⋯個感覺好似比人呃左甘，我覺得一個餐跟杯野飲收幾蚊係好正常嘅事，但係唔好同人講係送之後嚟到其實係要加錢，哩個行為真係令我勁嬲第一次幫襯就甘，睇嚟我以後都未必會再幫襯。我平時出去叫外賣都未試過發生哩啲事

喺新墟食宵夜，新記會係個唔錯嘅選擇，因為佢炒粉麵飯，連粥都有得食。-貴妃雞粥 $59.00冇拆自己招牌，粥品果然係新記嘅招牌菜，雞味完全滲透喺粥度，粥底好錦滑，食得出用料靚，因為啲雞好重雞味！-鹹蛋肉餅飯$77.00如果要食呢味，要早少少嗌，因為佢即叫即蒸，都要等幾個字。肉餅肉質彈牙，鹹蛋黃唔算好鹹，送飯幾好！-叉燒腸粉$29.00叉燒份量都唔少，唔係求其放幾粒就算。腸粉好滑身，唔漿。-養顏蛋白杏仁茶$29.00有淡淡嘅杏仁味，飲落似有杏仁味嘅腐竹糖水。-凍檸茶

見新墟附近開左間新餐廳，唔洗等位就入去試下，以為只係粥粉麵飯個類，但原來食物種類都幾多選擇👍🏻🦑酥炸魷魚鬚 👑no.1推介👑剛炸出來真係好脆、夠熱又夠味，仲有大碟👍🏻(超香，隔離檯不停望🫢🫢）🦆紅燒脆皮乳鴿 👑no.2推介👑皮脆肉嫩，好夠味，又大大隻，都係推介之選👍🏻🍍菠蘿咕嚕肉餐 👑no.3推介👑酸甜度同脆嫩度都剛剛好👍🏻口感好好！🍲及弟粥超足料！其餘🐙海蜇八爪魚🐥秘製雞翼🦐鮮蝦腸粉都正常發揮👍🏻叫左杯凍檸茶同凍菊花蜜整體來講，係性價比幾高既一餐！每樣野都係幾十蚊，價錢好抵，環境亦乾淨

新記煲仔雞粥 🐔馳名海鮮粥🦑 $81一個海鮮粥就包含大半隻蟹、兩隻鮮蝦、同埋帶子肉，非常足料海鮮味香濃！👍🏻燒味拼盤 🐔$93燒味拼盤分別有四種唔同嘅嘢食，其中我哋最推介嘅係白切雞同埋海蜇，白切雞肉質非常鮮嫩，就算係當日我哋上碟嘅全部都係雞胸，都一樣唔會靭✅✅椒鹽海中蝦 🦐$150椒鹽海中蝦份量就唔算好多，好鍾意食海鮮嘅朋友，可以考慮吓～叉燒腸粉 $29叫咗個海鮮粥又點可以唔食返個腸粉呢？佢哋個腸粉都熱辣辣，唔錯㗎！炸芝麻球 $24我幾推薦呢個芝麻球，一碟有五粒，熱辣辣超香脆，入面係紅豆餡料，作為飯後甜品一流！💓💓七喜話梅柑桔冰🥤 $13好似好少地方有七喜話梅柑桔冰，特飲都係加$13都幾抵！✅

1️⃣貴妃雞粥$59粥底綿滑，雞件多而且充滿雞味，雞肉亦好嫩！必叫！2️⃣鹹蛋肉餅$57 + $20配白飯一碗、是日例湯/熱飲 (凍飲+$3,特飲+$8)同平時食開嘅鹹蛋肉餅好唔同，個質感係韓式午餐肉，好厚身同彈牙，唔可以話佢唔好食，只係有啲特別。3️⃣鮮蝦腸粉$32 & 4️⃣香脆炸兩腸粉$25蝦係彈牙嘅，但就冇乜蝦味。炸兩腸唔算好大條，相比洪記十零蚊一份，似乎細咗啲，但就同樣做到滑同脆！5️⃣乾炒鮮牛河$61唔算炒得乾身，不過就堅係夠鑊氣！6️⃣蒜泥汁脆皮豆腐$38個汁唔係好食到蒜味，豆腐炸得好脆！

門面乾淨，新舖早餐價錢唔算太吸引，但可接受落單同個侍應重覆講左幾次先聽到我食咩，唔知係新開唔熟定係咩原因🤷🏻‍♀️叫左港式公仔麵餐單併$36凍飲+$3，總計$39五香肉丁個味怪怪地🤢，公仔麵就ok，佢用東和招牌麵，做到面質彈牙另外跟左半件牛油厚多士，牛油得少少而且塊包好似完全無烘過咁，口感硬唔脆凍檸茶走甜，正常發揮，茶底偏淡平日早上時候，唔太多人，都等左15分鐘先有得食額外資訊：隔離枱食豬潤麵，但落左豬潤通粉，仲要話啲豬潤韌到咬唔到😅整體黎講我唔會再幫襯