新廣南餐室

Open Now

Now Closed

年前, 遊大馬, 華僑友人帶路, 吃過正宗肉骨茶.回來後, 面對自稱"肉骨茶"的東西, 無味.幸? 不幸?第二次來新廣南, 仍點了海南雞飯.蔡瀾先生常提到, 要有一種濃稠的醬油才對路.我只在紅磡某美食廣場見過,這裡沒有.雞肉呢, 不夠嫩, 雞味一般.飯倒很香, 味足, 口感不錯,淨吃飯, 幹掉兩大碗, 絕無難度.論海南雞, 是海南島的文昌雞正宗, 還是新加坡的才道地?兩處也未嘗一遊, 沒有答案.這段味覺之旅, 終歸要走一次, 看緣份吧.

係2 weeks 之內去過2 次, d 野食幾好, 好過華人餐廳, 甚至乎大部分係旺角的餐廳.銀雪魚晚餐, 幾好啦^.^喇沙雞肉湯粉, 須然d 雞無醃過, 無味之外, 個湯汁都唔錯, 不過唔係正宗喇沙bor, 都ok o嫁. 個米粉好大碗同好味.海南雞飯當然無好時satay 咁正啦.羊扒餐都可以啦, 好過康年多多聲基本上呢間餐廳好多唔同食物供應, 下次再去試唔同食物．

我地3個人2005年1月15日去到新廣南，我地3個人叫左一個四人套餐(因比較大食，亦只需$180)，此四人套餐內容非常豐富。1.海南雞半隻2.例湯一窩3.玉子豆腐石斑塊4.生炒咕嚕肉5.清炒時菜6.油飯四碗7.飲品四杯(凍飲不另收費)先說海南雞，雞不算太肥亦有雞味，是正宗海南雞，因為是凍食的。例湯不過不失，因為大多餐廳都是美精湯。3款小菜尚算合格。飯非常大碗，亦有雞油香味，加少許美極豉油更為好味。但唯一美中不足之處，飯比較腍身。整體來說，雞滑飯香價錢平﹗抵﹗抵﹗抵﹗

20041231 9.45pm元旦晚跟Apple 和其他朋友們倒數, 先來這裡醫肚再會合其他人. Apple 介紹話呢度o的海南雞飯得手. 最緊要, 夠平! (月尾呀大佬~)2人吃2人海南雞飯餐呢度係食泰色海南雞飯, 無黑色甜醬油)* 例湯x 1鍋- 花生煲豬唔知咩, 我覺得幾好飲.* 油飯x 2碗- 油飯大大碗, 水準都above average.* 海南雞x 1碟- 雞用花生墊底, 碟頭算大, 我最鐘意果o的雪到凍晒先有o既雞油o者喱!!~ 雞本身都唔錯.* 清炒時菜x 1碟- 呢個就唔O 啦, o的菜唔夠新鮮兼油太多, 炒到好淋.* 凍檸茶x 1* 熱檸茶x 1想是警方的行動成功, 見在座都無o的職業女子打躉, 環境唔雜. 不過因為朗豪坊o既關係, 自遊行旅客倒是不少.因為個份量實在太大(對女孩子o黎講), 結果係食飽o左都仲淨返一半o野響度. 下次有機會再試呢度o既紅豆冰, 飽得滯, 食唔落.環境以旺角區黎計算好乾淨(不過我無去到個廁所, 唔知去唔去得), 同類餐廳比較下, 比起佐敦馬華還要乾淨清潔同埋光猛.埋單連+10%, 都只係$90 !!

雖然已經有一段時間無去,但係仍然記得佢令人回味無窮既海南雞飯,第二度真係食唔番咁正既海南雞飯呀! 雞多肉又夠味,而且嫩滑,飯唔係白飯,係好味既! 好似仲有海南雞飯二人套餐添呀! 環境方面,我覺得黑左d …

咁歷史猶久既餐廳竟然無人做過食評..佢可能因為附近都係d 黃色招牌同比較靜既關係啦..好細個爸媽己經帶我黎食架喇,每次都係咖哩牛脯飯~由佢地燈光昏暗,食到家下燈火通明(可能想翻新間鋪),都有十餘年..今日忽然掛住佢地既馬來大餐,就同女友黎撐下檯腳..女友要左芝士海鮮焗飯連湯同飲品,味道唔錯~不過無咩特別..而我要馬來大餐:白湯,豬牛串燒各兩串,蝦參乜同咖哩牛脯連茶$65,足夠食到捧腹而回..呢度既白湯大碗夠熱夠杰又夠味,咁簡單既要求其他茶?廳都遺忘左喇..豬牛串燒唔知係咪真係即燒,不過反正就係整得好夠味,點埋?地既沙嗲醬,都幾得架~(d 醬幾油下..)食完碟邊有d 碎菠蘿,唔錯~蝦參乜本人就麻麻地..酸酸maymay 咁囉~有蝦有d 洋青椒咁..ok既,不過我通常食完蝦就算,因為驚食唔落碟飯..最後主角咖哩脯飯真係一流~雖然佢係細碟版(假如你唔係要餐就係大碟),但係都好夠食...炒飯底,咖哩汁用馬來做法,加左椰奶入去,食落口又香又滑..幾好味~牛脯就普通淋,不過一定唔會實掘掘..最正係牛筋,軟硬度剛好..正~當然,每次都會問待應拎多碗咖哩汁黎撈飯~好味道~最後飲番杯凍啡...飽到即刻想