新泰東南亞餐廳 (馬鞍山廣場)

Open Now

Now Closed

好耐冇食過泰國嘢就嚟呢間encore吓 記得呢間啲羊架都算抵食，因為$200有三件 諗住嗌個午餐加呢個我哋等位都好快 因為呢間分店係馬鞍山馬鞍山唔算太多人喺平日午市嗌咗個青咖喱雞同埋冬陰功蝦金邊粉湯本身諗緊嗌咩肉好，我只午餐，見到人哋嘅青咖喱雞好大份好靚仔咁就挨吓！青咖喱條得幾好味，但係啲雞就質素麻麻地喺雪雞 比較硬，亦都冇乜雞味冬陰功個湯底我就嫌有啲辣，好多配菜唔同嘅菇幾粒彈力蝦 即係雪嘅蝦冇乜鮮味嗰種青咖喱都有好多蔬果，好似茄子同埋青豆 不過茄子炸過我就唔敢食 其實好香的加$28要咗個春卷跟餐，個醬係檸檬汁好正，酸酸甜甜勁開胃 我哋所有食物都點呢個醬最後不過我就覺得材料麻麻哋，雖然個朋友覺得幾好味，主要係食炸粉同少量蔬菜喺入面我發現羊架冇影上枱嘅相 不過幾好味的，原來杯酒味其實都冇酒味 仲諗住試新味道 只係醬汁唔同 不過楊依然好味大大嚿肉 好過有啲餐廳呢個價錢可能得兩舊仲要係冇咩用大量肥膏嗰種海南雞就非常一般 感覺好少肉都唔知係咪唔足了 拎過？但係冇乜鮮味 而且肉太肥，其實好少肉都係中國鄉下啲雞好味好多芒果沙冰$55好大杯，不過就唔太抵 甜咗少少 同埋冇芒果肉整體而言環境唔錯，但係

今日趕時間上一路做嘢傾嘢一路食嘢，打電話話去咗呢間泰國嘢嗌定啲外賣，咁嚟到就可以直接拎 黎黎去去都係呢啲㗎啦 好少款㗎咋通常最緊要啱食，叫做每種都有少少唔錯佢呢個辣豬頸肉炒河依然出色，蔬菜同埋豬肉都好多！唔會太多油，而且辣辣地非常啱食！佢個河粉煙靭有彈性，係粗少少嘅泰國河粉我比佢7分不過佢個熱檸茶就差咗少少，檸檬唔算滑太香仲要勁孤寒淨係比兩片囉 個茶都唔係特別好飲 叫做健康啲，所以揀另外揀嗰個黃咖喱海鮮飯，唔記得咗影相🙈😛😛都係穩定嘅質素調味，不過如果佢啲海鮮唔係全部都炸過就好，魚柳嗰啲容易爛就話啫，魷魚同埋蝦佢都炸 可能雪貨冇咁新鮮，諗住炸完好味啲？跟餐有個泰式蝦餅兩件切成四舊，都幾大嚿，幾好味彈牙。

紀念日去晚飯。匯豐信用卡💳平日晚市優惠。 滿300可半價食麵包焗咖哩軟殼蟹。＜只需$124😃。抵＞晚市1>> 必食巴東牛展 $118此餸之牛展好諗， 個醬配飯或配酥餅超好味。真係無敵， 一定要試。大碟都有8-9舊， 唔會得幾舊。2＞印度酥餅 $42有點貴， 但配巴東牛展真係好夾。3＞日本南瓜焗海鮮飯 $158飯太濕， 海鮮少d.色澤夠靚4＞＞。［半價］。麵包咖哩軟殼蟹 $124半價的話， 超級抵不過咖哩水d, 太稀， 唔等香濃及杰。［個水如香濃d. 杰d, 又係無敵］總評。晚市食物比午餐好得多。 9分本人推介。＞＞巴東牛展真係無得頂

今晚，懸掛3號風球，由於風雨交加，無法四處遊走，我決定前往馬鞍山廣場2樓259及260A號舖的「新泰東南亞餐廳」用餐。這是一間充滿泰式風情的餐廳，一踏入內部便令人憶起泰國菜的美味。餐廳內的環境寬敞舒適，潔淨無瑕，顧客眾多，可見其受歡迎程度。店員們面帶笑容，服務態度十分親切，不時為我們加添水，招呼周到，令人感到如家般溫馨。我點了多款美味的菜肴。燒半殼蠔鮮美多汁，讓人忍不住一口接一口。微辣的青木瓜沙律清爽開胃，讓味蕾瞬間蘇醒。超大碗的叻沙蝦米線，湯底濃郁，蝦肉彈牙，米線煙韌，真是讓人回味無窮。最後，我們享用了煙韌的芒果黑白糯米飯，甜而不膩，為整頓晚餐畫上完美的句號。這次在新泰東南亞餐廳的用餐經歷，無論是菜式的豐富程度還是服務的質量，都令我們感到十分享受和滿足。無論天氣如何，這裡都是一個不錯的選擇。希望下次有機會再來嘗試更多美味！แล้วเจอกันนะ！

估唔到係沙田馬鞍山有咁高質泰菜仲好食詁過九龍城店舖門外裝修好泰國風味餐廳環境好舒服好多卡位平日嚟都坐滿大半位店舖內侍應大至上係泰國人菜式味道不會太濃味又唔會好似出面是旦溝魚露當係汁係沙田住近近地又近馬鐡站真係方便我地倆個人叫咗三樣野都食晒真係越食越想食前菜✳️香芒軟殼蟹米紙卷😋芒果好甜同軟殼蟹配搭剛剛好薄而彈牙的米紙包住軟殼蟹配以蔬菜同粉絲軟殼蟹炸得好脆點埋酸辣汁 開胃又不油膩小食✳️燒豬頸肉沙律👍😋燒得好香肉嫩不鞋口溝埋特製泰式酸辣汁另外加入洋蔥及蒜 好香 好醒胃用來包沙律菜新鮮又爽脆真係好好味主菜✳️日本南瓜焗海鮮飯即叫即焗原個南瓜賣相都唔洗我多講好香好芝士味一放入口濃濃椰香味配搭海鮮一流👉🏻見隔離枱叫咗賣相吸引咗🤭呢度真係有好多特色泰菜例如有豆腐沙津下次可以試下

馬鞍山廣場(新泰東南亞餐廳)裝潢泰式格調給人休閒寫意渡假feel，座位空間寬敞。最重要下午茶有八折優惠😍😍❣️泰式海南雞飯~雞肉鮮香滑嫩，飯粒香滑，充分吸收雞湯的精華，口感豐富。配上特製醬汁，風味更添層次❣️星洲喇沙蝦米線~湯底濃郁香醇，香辣適中，帶有海鮮的鮮味。米線柔滑，吸附湯汁，口感滑順。配上鮮蝦、爽脆魚片、豆卜、芽菜和雞蛋，層次豐富❣️越南絲綢春卷~外層酥脆煙韌，內餡鮮嫩多汁，蘸上酸甜醬，味道層次豐富❣️醃無骨鳳爪沙律~醃製鳳爪鮮軟多汁，洋蔥的辛香與酸味互相交融，清新又開胃❣️綠豆沙冰~綠豆的自然香氣，微微的甜味不會過於膩，冰粒均勻，入口清涼❣️龍眼冰~龍眼肉清新爽口，帶自然甜味，午後茶是消暑佳品

今晚屋企人生日，預早幾日book咗枱食飯！Book咗6:30pm⋯⋯食到7:30pm左右不停叫我埋咗單先！我話：有個蛋糕方便幫我執枱切埋蛋糕先😅好快地完成整個慶祝過程。一切蛋糕嗰吓立即再遞張單俾我埋單💸冇問題，💳埋完再食埋件蛋糕立即走！離開出到門口望吓隻錶🕰️7:50pm（有收切餅費）支持香港經濟🤣食餐飯啫🍽️裙甩褲甩咁🥹建議下次可以標明用餐時間⏱️我可以選擇☹️⭕️零服務唔緊要，我哋自己會自給娛樂！一個聚餐，一個鐘頭要完成🤯香港經濟已死😑

一個禮拜前book咗位 準時到都要我等 完全唔知做緊咩 個知客溝通極度有問題 冇同我講要等總之就係我冇享受到book枱嘅服務 入到去仲要坐圓凳（話冇多嘅凳worrr）以後唔會再嚟

今晚去咗馬鞍山搵朋友食飯，見到以前成日喺灣仔同尖沙咀食嘅新泰原來馬鞍山都有分店，但係要行到好入先見到，好容易錯過咗佢🥹一入到去見到大部份員工都係泰藉，非常有禮貌，服務好好👍🏻一定會叫泰式炒菜難得見到椰菜仔，梗係要食泰式炒椰菜仔新鮮好食😋燒西冷牛扒份量好大，主要以黑椒調味肉質不錯！海鮮冬陰功金邊粉冬陰功辣味同酸味都適中，幾好飲海鮮份量好多，抵食！新泰係價錢合理質素又有保證嘅泰菜環境闊落，一家人食都適合👍🏻

喺馬鞍山 如果去商場大家都會去新港城但我就鍾意去馬鞍山廣場貪佢夠多平民化啲嘅嘢食今日就試吓呢間新泰其實都食過去其他分店 有一定嘅信心保證今日經過馬鞍山 就入去食吓佢個舖頭有啲格攝要行入去 但係一見到就裝修好靚好舒服我哋上星期去咁啱下午茶時段見到好多人坐低high tea傾偈加埋個山景 真係唔講以為係酒店我哋因為嗰日未食過午餐 所以就嗌咗個二人套餐$228 有前菜，主食，飲品仲有個菜其實都幾抵㗎我哋嗌咗咖喱牛腩配薄餅個薄餅真係好好食又唔油 用嚟點咖喱絕配前菜就嗌咗大蝦紫米卷都幾Refreshing另外我嚟親呢間餐廳食嘢都會嗌佢嘅甜品今次就嗌咗原個椰青大菜糕非常足料淡淡椰子肉如果嚟呢間餐廳食嘅朋友 10分建議你哋試吓佢哋嘅甜品會有驚喜㗎

餐廳食物質素都okay ，keep 到，有水準！但係點解白飯要收$28 一碗，加埋一要$30碗！會唔會離譜左D！相信係全港最貴中環都冇咁貴！菠蘿海鮮炒飯好似$138！但得兩隻蝦收成百幾蚊，魷魚都冇隻，好難再幫襯！其實乜嘢叫做海鮮？係咪得兩隻蝦仔叫做海鮮？青口，魷魚，蜆都冇。係咪落漏咗？？平日都冇折！會唔會白飯可以收平小小！做街坊生意就檢討下，今次幫襯完下次會唔會再幫襯呢如果你見到咁嘅價錢，真係有D嬲！！

今日係馬鞍山打完羽毛球去咗附近嘅商場覓食 見呢間泰國餐廳唔洗等位就決定試下啦日本南瓜焗海鮮飯 本身想叫平時去泰國餐廳必叫嘅pad thai 但見到呢個飯好似幾吸引咁 入邊有蝦 魷魚 八爪魚同青口 仲有d三色豆 連埋芝士一齊焗 有少少辣但食落好香 而且出面嘅南瓜都一樣食得的 南瓜食落好軟糯 呢個焗飯幾有驚喜 越式蟹肉炒粉絲蟹肉嘅份量好多 仲有扎肉 三色椒 蘿蔔 洋蔥 芹菜同芽菜 食落幾有鑊氣 而且感覺火候控制得啱啱好 粉絲唔會話黏埋一舊或者斷開一條條串燒沙嗲 (6串)雞 牛 豬每樣有2串 最鍾意係雞肉串 肉質較軟腍 牛肉串就會比較有咬口 豬肉串肉質幾彈牙 而燒過嘅串燒食落好香口 配埋有少少辣嘅醬汁就更加惹味 泰式凍奶茶食泰國野點可以唔飲泰奶 覺得呢度嘅泰奶比起出面偏甜不過幾啱我口味 大大杯飲完透心涼

今次去左間泰國菜餐廳 諗住試下佢既燒春雞釀飯 結果叫左三樣野食🙈本身都驚食生野 但最後都試左個泰式生蝦🦐 就咁睇個賣相都靚 啲蒜頭檸檬辣椒本身以為係裝飾黎🤭跟住佢地教原來係要同隻蝦一齊食😂咁樣食落去啲味出奇地夾 係酸辣鹹三種味撈埋一齊🤤但又唔會搶左啲蝦既鮮味✌️ 另外，仲有試菠蘿炒排骨 呢個菜個人覺得冇咩大驚喜 不過個排骨炒得好脆 同埋好多汁 菠蘿酸酸地 都好開胃😍我最鐘意既一定係個烤雞釀飯！！！🔥 本身都擔心隻雞會太大 食唔曬 但原來個size都係啱啱好 好啱兩個人食🐓 烤雞外皮真係烤到係金黃色 🤤同埋入面係啱啱熟 唔會太老 一切開先見倒啲煙喺啲飯到冒出黎 而且啲飯係香茅飯 真係好香！！🤯整體嚟講，我對呢間東南亞餐廳嘅食物真係好滿意！我同朋友過咗一個好開心同滿足嘅生日飯！🥳🎉📍新泰東南亞餐廳🔍 馬鞍山西沙路608號馬鞍山廣場2樓259, 260A號舖

原來馬鞍山也有特色泰國菜吃，環境舒適有泰國風情，而且十分多座位，坐得很舒服馬拉盞通菜 $98馬拉盞醬配上辣椒炒的通菜十分惹味，連吃開微辣的我也接受到泰式炒牛肉河 $98泰式炒河其實有牛肉豬肉和雞肉選，選了牛肉配上河粉，炒河粉炒得很有鑊氣，配上不同的配菜很好吃，而且份量非常大碟，2個朋友分也足夠燒西冷牛扒 $138這個燒西冷牛扒，非常香口，肉質大約八成熟，其醬汁是酸酸甜甜的泰式醬，配上牛肉零舍惹味鹹檸檬梳打 $42鹹檸檬梳打是用了泰象梳打，飲落真的非常有泰國風情，而且非常解渴📍 新泰東南亞餐廳 (馬鞍山廣場) (馬鞍山)馬鞍山西沙路608號馬鞍山廣場2樓259, 260A號舖

本來對此餐廳OVERALL感覺幾好. 服務員好有禮,  味道都整體可以, 雖然相比九龍城地道既仍爭一點. 但在小區內, 有間咁樣既算是優質泰菜.不過最後仍有一點不太滿意,  就是,   昨天訂位是 6:30 , 電話內. 姐姐有講. 希望我盡量 1小時30分交枱 (因為母親節在近) , 我說應該可以, 佢有補充話當然. 如有叫甜品, 遲左少少都可..   那昨天我們食到大約應該 7:45左右. 咁我地再落單叫埋甜品. 上甜品都要十分鐘後.   即差唔多 近八點才上倒甜品. 我們已密密口食, 盡量 都想快D交枱. 但竟然上完甜品無耐.  8:10-15 左右, 服務員埋嚟話可唔可以食快D.  我已好嬲說. 我已密密口食. 食完交枱比你. 你仲埋嚟吹,. 即想趕我走傘.   我唸你應見我唔係係度HEA食呱 ?! 如果一開始真想我們八點交枱. 你倒不如不該比我們落甜品單吧. 乾脆咁樣會唔會好些 ??所以在HK 食飯. 分兩輪仲要比人吹/趕.  這樣服務怪不得. 很多人走上北上吃喝玩吧.    希望你們注意一下.    我也做過第二輪客人, 第二輪客人應該很清楚明白嚟到未必即有位. 都要等有客