新泰東南亞餐廳 (馬鞍山廣場)

Open Now

Now Closed

今晚三個人去食晚飯，叫咗泰式生蝦🦐，麻麻⋯⋯啲蝦一啲鮮味都冇，係完全冇味嘅👎🏼 冬陰功🥣 幾好，唔會太辣⋯⋯ 咖喱牛腩🐮 份量同味道都OK ⋯⋯ 飛天通菜，咸咗啲，好一般⋯⋯ 印度薄餅，呢個👍🏼 熱辣辣，好香牛油味😋 鹽燒烏頭🐟 呢個都讚👍🏼 魚肉仲好嫩滑，唔會柴，條魚本身都好新鮮⋯⋯ 加埋個椰青🥥同芒果沙冰🥭 最後埋單$640，我覺得都OK！服務OK嘅，落單上菜都算快手，禮貌都唔錯👍🏼 環境方面，座位安排算濶落，坐得舒服😌

今次真係伏伏伏。是日星期六 ，喺西貢遊玩完，時間未到4點半。怕喺西貢離開會人多，於是經mos離開！以前記低咗一家餐廳一直想去，可惜search一search之下，發現她己經結業了。唯有搵下開飯有乜介紹，搵到呢家高評分既餐廳。知客姨姨話冇tea set供應。我心想「No problems，雖然怕正餐太食會眼花。好食嘅話，就得啦！」，姨姨帶位時還溫提 用餐時間係個半鐘。坐低咗，待應姐姐埋嚟杯水。出晒煙既，同她講「半杯就可以了」，她冇理，我哋就叫「唔洗倒第二杯，我哋倒開一半」。落單5:07pm。全間餐廳計埋我哋係2定3枱。叫咗酥餅、青芒沙律、蜜糖燒肋骨、青咖哩（牛）。落單後既15分鐘乜都嚟。我主動去問，個男待應（長輩形）：「係咁耐㗎！」。我話「唔緊要呀，我等多15分鐘啦！」。佢轉頭攞咗碟青咖哩嚟。其間都好後悔㨂咗呢間，一路講「有直升機 （伏伏伏伏）呀」，本想叫杯飲品，不需要了。真心有想去埋單，唔等，轉場。太餓了，KO完佢。時間再過15分鐘，再問，就嚟碟沙律。嘩，等半個鐘有沙律食呀～～～明既，好食嘅嘢要等嘅。蜜糖燒肋骨，menu上標示thumbup（推薦）。$88 六件，一件長2.5-3寸。唔

唔知新泰餐廳是否轉左大廚， 又或轉左新風格， D食物質素好左，唔再只有泰式風味， 現有巴東，印度食物 。晚上食飯人士多左。我們3人點了馬沙文牛腩 - 幾香 ， 不過本人認為巴東牛展好食啲， 肉嘅份量都冇巴東牛展咁多。 下次叫巴東牛展好些。青咖哩羊架 - 青咖喱個味道唔夠濃， 清淡d, 不過羊架夠大份, 啲肉幾冧. 冇羊臊味.愛吃羊架人士， 一定要品嚐。印度薄餅 - 好酥脆， 唔點咖哩食都一樣好味 ， 不過一定要趁熱食。此薄餅配咖哩是必叫必食選擇。酥炸香茅魚 - 份量好多， 夠脆。 木瓜沙律配菜好好食飲品總評： 8分此餐廳近來晚市食物質素高左好多， 唔再係馬鞍山冇野好食。

朋友話好想食泰國嘢🇹🇭，之前喺灣仔返工lunch都食過新泰東南亞覺得好好食，今日就帶朋友試吓馬鞍山分店嘅晚餐😋呢度嘅門口都好泰國feel,有張好靚嘅凳喺門口同埋有啲泰國嘅擺設好有特式🏺入邊嘅空間感好大每張枱都好闊落坐得好舒服，冷氣都好足夠🌬我哋叫咗泰式炸蝦餅🦐一碟有八件，蝦肉好足啖啖肉，外脆內軟再嗌咗個泰式豬頸肉🥩，豬頸肉好大塊，燒得好好食肉質好嫩值得一讚佢個泰式汁，非常惹味😋 煮食類我哋叫咗個南瓜🎃海鮮焗飯，見到Menu佢係用原隻南瓜🎃上台好吸引，呢個飯有魷魚青口,飯底係三色豆同南瓜肉炒底，面頭有芝士一齊焗，甜甜地咸咸地又夠汁，好正👍🏻甜品嗌咗個椰汁木薯，椰汁味勁香，有少少鹹鹹地，木薯份量好多，大約都有10大舊😍 蒸得夠軟又濕潤

今個父親節，諗住簡單同爸爸喺屋企附近食餐飯，好彩馬鞍山呢個美食沙漠開左新泰🥰 以前都喺佢地其他分店食過，念念不忘，今次試埋馬鞍山分店的，一啲都冇失望🥰1️⃣豬肉碎生菜包好香嘅香葉味☺️豬肉碎食到有肥豬肉，好香！加埋辣椒同蔥頭一齊炒超惹味😋如果可以有多啲生菜就好啦😇2️⃣麵包焗咖喱軟殼蟹平時我唔係好食咖喱，但呢個有驚喜！好香唔會好辣，連埋個焗到外脆內軟嘅麵包一齊食，真係keep住食到唔停口😋軟殼蟹不過不失，好似有啲比個包同汁搶左fo🙈3️⃣青檸蒸魚(烏頭)百幾蚊嘅蒸魚，應該好少地方食到。呢個用泰式煮法，加埋香料同青檸一齊蒸，帶出泰式嘅酸辣🌶，一啲都唔腥☺️仲好細心比多碗湯汁我地for滾住👍🏻4️⃣泰式蝦炒金邊粉呢個又係必點！好好心機整左個蛋網cover住個粉，食落係正宗嘅味道(唔知點解其他餐廳的會食到好大陣茄汁味😅)仲要有幾隻大蝦🦐5️⃣椰汁西米糕最後食左甜品作結☺️唔會太甜，入面有芋頭同馬蹄，好食🥰只能說佢地喺馬鞍山開分店，實在係太造福人群❤️一定會再去！

今日放工約咗人喺馬鞍山廣場，咁就諗住不如試下喺度食埋飯啦，就行咗入去一間新泰馬來西亞餐廳，餐廳門面都好靚，入到去坐位都好闊落，餐牌睇落去都好多嘢食喎；簡單地點咗豬頸肉沙律，泰式雞肉青咖哩，印度薄餅，同埋日本南瓜海鮮飯。首先嚟咗個泰式青咖哩同埋印度薄餅，個青咖哩之中嘅配菜好似南瓜，豆呀等等實在係超好味，再加上印度薄餅真係一個絕配，不能不試；豬頸肉沙律，最初以為豬膶肉擺喺沙律上面，原來完全唔係，我覺得應該叫做豬頸肉生菜包，因為佢係比一小盆生菜你，去包住啲豬頸肉嚟食，食落好清新，豬頸肉唔會覺得油膩有生菜嘅中和；最後送來巨型嘅日本南瓜海鮮飯，面頭有焗溶咗嘅芝士同埋好香嘅椰汁味，而分量亦都相當之大，足夠兩個人食，如果下面嘅南瓜飯可以再加啲料去炒炒佢呢就完美喇，亦都可以用匙羹刮一啲南瓜肉嚟到餸飯。估唔到馬鞍山都有好味嘅馬來西亞食品餐廳。

放假日，梗係要嘆翻個滋味泰菜啦🇹🇭新泰東南亞餐廳係香港唔同地方都有分店，開到周圍都係，就當然有佢嘅致勝之道啦——夠地道夠Thai😙❗️記得上次同朋友一入到新泰餐廳嘅時候🍴個感覺真係猶如置身泰國咁，除咗佈置裝修有泰味，就連身邊人(侍應們)都係講泰文嘅華僑嚟架！2個人撐枱腳，叫嘅餸菜唔算多：🥗醃無骨鳳爪沙律濕悶嘅天氣，特別掛住酸酸辣辣嘅味道！特別order咗鳳爪沙律作為輕盈又好食嘅前菜，非常之開胃！🍤咖哩蝦配印度酥餅咖哩味道好香，口味有少少迎合咗香港人，偏甜唔太辣；酥餅有濃厚麵粉香，一片烤餅被撕開不同大小，有薄有厚，最適合就係用嚟搭配咖哩一齊享用🤤🥩燒西冷牛排牛肉味好濃郁，特登嗌咗5成熟，除咗試到牛扒肉香之外，同時亦保留到嫩滑質感✨椒鹽軟殼蟹軟殼蟹口感甘香酥脆，口感超級豐富，配上惹味椒鹽齊齊炒，Perfect！😋

夏天每日都非常炎熱兼焗促🥵難得出街覓食，一於就去食酸酸甜甜嘅泰國菜✅一嚟到餐廳坐低，即時嗌翻個椰青，清新又夠解渴⭕️仲叫咗個酸辣清新開胃前菜無骨鳳爪🤓成個人當堂fresh哂！主食叫咗🥩燒西冷牛排份量方面2個人岩岩好夠食！牛肉味濃郁；5成嘅熟度juicy得嚟又唔會韌！點泰式汁酸酸辣辣好開胃🤩另外叫咗軟殼蟹，經熱油炸過，甘香酥脆，蟹肉同埋外層軟殼一齊食，口感特別豐富，配上椒鹽炒更加惹味！一啖椒鹽蟹一啖椰青，絕配😋仲有叫咗咖哩蝦係朋友落order一定要叫嘅菜式；味道唔算太辣，椰香味就相對重好多啦～ 酥餅沾上咖哩汁一齊享用，完美呀🤩

有食物沙漠之稱嘅馬鞍山，終於有一間好食嘅食店！呢間泰國菜價錢經濟，而且選擇多，味道仲非常好，真係馬鞍山之選。坐咗喺卡位好舒服。呢度服務都唔錯，叫咗我最鍾意食嘅炸蝦餅。炸蝦餅一份有八小件，而且好香脆又彈牙好食！另外叫咗烤魷魚，烤魷魚有泰式辣醬，魷魚都幾香點辣醬好惹味。另外再叫咗個菠蘿炒飯，用菠蘿裝上。啲飯有黃薑粉，所以好金黃、而且好多配料有青豆、紅蘿蔔粒、蝦、肉鬆、果仁等等。飲品叫咗杯青檸梳打、酸酸甜甜，好解渴。

放工約咗朋友去馬鞍山食飯。上網搵到呢間泰國菜，口碑唔錯！咁啱又想食泰國菜，一於去食下。馬沙拉咖喱雞$88，咖喱雞分量夠多、而且入邊仲有青椒🫑、薯仔🥔等等配料。咖喱唔辣但係幾香！蒜蓉包$32，食咖喱必叫蒜蓉包！蒜蓉包新鮮焗起，好脆！蒜蓉味幾香，又有啲牛油味！用嚟點咖哩好食！烤原隻魷魚$98，魷魚唔多調味，個樣燒得幾靚，而且切成一件件。鍾意辣辣地濃香嘅可以點辣醬。馬拉盞通菜$75、馬拉盞通菜夠鹹香，通菜非常夠味！

估唔到泰國菜都有印度烤餅及巴東牛肉食。以前去都係食泰國菜， 今晚去食， 居然有驚喜。2人7點晚市。印度烤餅 。 8分 有牛油香味， 夠鬆脆， 如果唔點咖喱 ， 就咁食都好好味巴東牛展。8分 咖喱汁味好香，用來 配印度烤餅食或者撈飯食一流 。 真係估唔到馬鞍山泰國菜都有巴東咖哩， 仲要唔差， 有水準牛展份量多， 而且夠冧 燒安格斯牛。 6分叫咗五成熟， 但 唔夠冧， 比較靭， 醬汁酸酸甜甜幾開胃 ，但整體一般。。<ok >.冬陰功海鮮炒飯. 6.5分 略嫌唔夠冬陰功味, 不過海鮮份量都多, 重味d更香。總評： 食物質素好左。有特別食物。 個人比8分

午餐75元加一，小貴。款式有蝦醬炒飯，海南雞飯，香辣豬頸肉炒河，咖哩海鮮飯等，包括飲品。是次推介香辣豬頸肉炒河。名字是香辣，但不是很辣，屬於超徵辣。豬頸肉很脆口，肉和河粉比例恰當。河粉是泰式的闊河粉。最底還有生菜墊底吸油，事實上也不算油。貪得意加了28元點了個馬拉盞炒通菜，可惜很細碟，以28元來說，份量乘2就差不多。星期六中午過12點都有些人等位，尚算受歡迎。餐廳佈置夠泰式，服務一般。午市12：50前埋單，有九折。

呢間泰國餐廳尖沙咀分兩間分店已經試過很多次了，今次因為方便老人家關係所以來馬鞍山店方便些，我們四人決定點了二人餐加多份印度烤餅、泰式蝦炒金邊粉因為佢哋二人餐份量都好多～二人餐包括：泰式炸春卷馬沙文牛腩馬拉盞炒通菜印度烤餅餐茶每一款食物和尖沙咀店都保持水準一樣～都係咁好味，而且服務都係咁好～所以呢間泰國餐廳我哋都好鍾意！

前排在家工作困得太耐,趁疫情減退,放假同honey入馬鞍山「海之心」漫步打下卡。漫步完再來個東南亞美食😜雖然餐廳係商場內比較偏嘅位置,但近馬鞍山站。座位相當寬闊、裝修華麗,見幾多食客,食物質素應該幾高。我哋倆個人嗌咗一個小食、一個菜、一個炒金邊粉同一個甜品。🍴蒜蓉炒貴妃苗炸蒜蓉加生蒜粒炒出蒜香翠綠貴妃苗,清清哋吾油膩！🍕印度酥餅酥餅兩面金黃,外皮焦酥內軟糯。就咁食已經好好味,下次可以嗌多個咖喱點嚟食,多重口感。🍝泰式蝦炒金邊粉金黃色嘅蛋網包住金邊粉,加上花生碎同青檸檬伴碟,賣相紮實誘人。橙黃色嘅金邊粉炒得乾身,甜中帶酸,質感彈牙,加上鮮蝦、芽菜、硬豆腐、韭菜等同炒,撈埋花生碎同滴上青檸汁,口感豐富😋！要讚下位大廚師個蛋網做得非常好👍🍽️千層糕點飽都有個甜品胃食埋個軟糯Q彈,有椰香味又暖暖地嘅千層糕😋呢度除咗坐得舒適外,食物份量十足,加上泰籍嘅服務員,好有泰國feel!

新泰東南亞餐廳泰國食物😋😋😋😋😋去食咗咁多次，今次一定要出返個post因為呢個雞飯實在太好食啦泰色燒春雞釀香茅黃飯一個人都食得晒😋😋😋😋😋必食👍👍👍👍必食👍👍👍👍必食👍👍👍👍重要的說話要講三次🤣🤣🤣🤣🤣店內大多數是泰國人非常有禮貌，服務快到非常好環境又清潔串燒也食必食之選串燒有燒牛肉燒頸肉燒鳝片燒菠蘿燒羊肉燒鱸魚燒雞肉飲品推介芒果沙冰，泰式奶茶，椰青