新泰東南亞餐廳

Open Now

Now Closed

同朋友一行四人嚟到呢度食晚餐，最唔鍾意嘅就係香港餐廳成日都話90分鐘時限，我都明有好多人喺出邊排隊，一定會遵守嘅。我哋叫咗六個餸，一個甜品同一個冬陰功湯，其實食物嘅味道整體都OK，正常發揮。不過一定有唔同嘅waiter你叫你落last order，掉張單叫你買單，一夠鐘叫你即刻要走，所以感覺並不好受，香港嘅服務態度真係有待改善。成餐飯都食到好急，如果係想同friend慶祝生日或者開開心心傾偈嘅，真係唔建議嚟呢間啦。

每次來到尖沙咀想食泰國餐又想坐得舒服，都會嚟這間食，空間感多，食物質素同價錢都十分合理香芒軟殼蟹米紙卷清新選擇，芒果幾甜，軟殼蟹都幾大隻，仲有配菜其實都幾飽肚肉碎生菜包點了豬肉，每次來泰國餐廳必叫，辣度輕微幾惹味，份量不少配上新鮮生菜包一齊食最好味泰式青咖哩雞辣度小辣多少少，幾香幾濃椰味當然仲有青咖哩獨特味道，入面配料不少幾入味，雞肉嫩滑泰式蝦炒金邊粉薄薄的蛋花幾靚，入面的金邊粉不少酸酸甜甜，蝦都幾大隻今日放假前夕門口都企滿人，我哋早少少取票後行一陣再返來就可以落去食，叫了食物後都好快來到

突然心血來潮，想食燒雞釀飯，連澳門威記都執埋🙈，真係唔知邊度仲有得食🤤，好彩尖沙咀仲有間新泰東南亞餐廳有做，搵埋媽咪一齊過嚟食，慶祝下母親節🥰衣度環境都唔錯，兩母女食下飯傾下計，唔經唔覺，坐左成兩小時，居然無被人趕走🤣必點《越式燒春雞釀香茅黃飯》，雖然唔係澳門葡式整法，但各有特色，原隻春雞釀入香茅黃飯，春雞外脆內嫩，內裡每一口飯都融入鮮甜既雞汁，居然還能把米飯做到粒粒分明👍🏻👍🏻👍🏻，配搭既沙律酸辣清爽開胃🤤每次去食泰國菜都必點，豬肉碎生菜包，香料豐富，清爽惹味😋最後當然要食埋充滿泰式風情既芒果糯米飯啦！😋

佛誕假期留港消費，走到K11附近的泰國餐廳午膳有兩個大象雕塑在門面兩旁，充滿泰國風味設有多個打卡區域，裝飾擺設特地從泰國搜羅更找來本地畫師繪畫了不少色彩繽紛的壁畫沙律泰式生蝦夾著蒜頭及紅椒，肉質新鮮爽口小食蒜蓉越南牛油雞翼外層酥脆，滿滿蒜蓉和牛油香泰式海南雞飯以便當盒呈上，雞肉滑嫩鮮美焗奶油大蝦伊麵麵香十足，口感紮實有勁，賣相吸引午市套餐奉送咖啡或茶，凍飲美式咖啡加$3加$8可改選特飲，龍眼冰爽口清甜，飲完透心涼

嚟到尖沙咀 想食平靚正的泰國嘢 我一定會推介呢一間 新泰。呢度好近地鐵站 一齣n2出口就係 非常之方便。呢度lunch 都係七十零蚊左右 非常之高質素 性價比高。有好多 選擇， 我自己主要都係 叫炒金邊 粉。 炒金邊粉味道濃鬱 用水濕炒 唔會太熱氣 配上泰式的醬料 非常之惹味 而且蝦肉十分紮實 口感豐 富。海南雞飯， 海南雞 滑捋 雞肉紮實 雞肉味嫩 配上秘製醬 非常之惹味。最後就係泰式 湯 河海鮮河粉， 有好多料 有大大隻新鮮 蝦。 又有青口， 非常之抵食。最後配上一杯走甜凍檸茶 完美的一餐

尖沙咀站附近有1間好出名嘅泰國餐廳「新泰東南亞餐廳」，今次終於有機會去試下🤩.辣椒膏炒大蜆🐚蜆肉大隻新鮮👍🏻肉質彈牙鮮甜🤤簡單用彩椒🫑洋蔥炒🧅已經好滋味😬.泰式蝦炒金邊粉🥢蛋網包住金邊粉😍有幾隻大蝦🍤蔥、芽菜、雞蛋乾🍳加上花生🥜青檸檬汁🍋‍🟩味道唔錯，夠乾身😋.青木瓜沙律🥗青木瓜爽脆😆加上少量青豆🫛紅蘿蔔🥕西芹、車厘茄🍅青檸、花生、辣椒🌶️櫻花蝦🦐酸甜微辣😗好開胃😛.熱檸檬茶🍋

今日去開尖沙咀買嘢，之後想搵泰國菜食做晚餐。咁我上網就見到呢一間新泰東南亞餐廳，行到去發覺門口好多人等位，跟住就即刻衝去拎飛先啦。大概10分鐘好快就安排我哋入座，座位都好舒服，職員都好快手。睇左下個餐牌，見到都有唔少泰國、越南、星馬地道菜式，我哋就叫左四樣野。首先上枱嘅係香芒軟殼蟹米紙卷，上枱有六件，芒果爽爽甜甜，軟殼蟹配個甜酸醬食就更正。之後就有個細份嘅冬陰功，入面都有唔少菇同一隻大蝦，個湯唔會太辣，但又好夠味，幾好飲。另外仲叫左份半打串燒，豬牛雞有各兩串，上枱嘅時候仲好熱辣辣，配埋個沙嗲醬真係好有泰國風味。最後仲有一份必叫嘅pad thai，上枱個炒蛋整到個網狀咁，真係好靚。而金邊粉炒得又好香好爽口，仲有三隻蝦，好食👍

一踏進這家泰國餐廳，餐廳充滿了泰國的元素，彷彿進入了一個泰國的小角落。午時「二人套餐$228」前菜🔹越南蝦米紙卷。新鮮蔬菜和香草包裹在透明的米紙裡，而蝦米乾就鋪在紙卷上。是一道清新爽口的開胃菜！主菜是🔹馬沙文咖哩牛腩咖哩汁的口感是濃稠而滑順的，牛腩完全吸收了咖哩汁的味道，伴隨著白飯食一流！咖哩汁是這道菜的靈魂～另一道是🔹馬拉盞通菜，每一口都充滿著鹹香的味道搭配著新鮮的通菜，通菜炒得火候剛好、食落不起渣。另再單點一個午餐是🔹焗奶油蝦伊麵$75結合濃郁奶油配上蝦跟伊麵，口感十足芝士龍蝦伊麵的味道、蝦肥美彈牙、十分美味！在充滿泰國風情的餐廳裡，可暫時忘記自己用膳只有一小時、忘記自己在上班(笑）而且上菜速度快，只有一小時都不用急急趕趕

嚟到尖沙咀食泰國菜，十分推薦新泰‼️除咗餐廳環境有特色、座位舒服，餐牌選擇都非常之多，食材份量亦都好足，絕對係性價比高🤩🤩👍❇️泰式蝦炒金邊粉🦐🦐🍳金邊粉上面有精緻蛋網，賣相幾吸引，金邊粉份量都唔少，炒得有鑊氣但唔會太油膩，配上三隻新鮮大蝦，加埋蛋絲、葱、芽菜、花生、青檸汁，口感豐富好食😋😋❇️麵包焗咖喱軟殼蟹🦀🦀麵包皮焗到每面都脆口，軟殼蟹外脆內軟，加埋惹味嘅黃咖喱汁，食得好滿足❣️❣️❇️叻沙湯蝦米線🍜喇沙湯底幾香濃，配料食材豐富，有豆卜，雞蛋、蝦西、魚片等，微辣惹味，一口接一口🤤

7十幾蚊係TST想搵個地方坐得舒服，食物又大份，呢到推介俾大家! 套餐有7款選擇，包熱飲，另外+廿幾蚊仲有3款小食菜色。我地今次叫左冬陰公海鮮金邊粉❤湯底味濃，好足料，好香香茅同南薑味，用料十足，酸辣岩岩好，不過留意返，如果想要個青檸要另外收費，配料方面有菇 海鮮，我地連湯都飲哂。越式蟹肉炒粉絲😄 蟹肉如果份量再多D就更好了，入面有有乾蒜 三色椒 蘿蔔絲等等，即叫即炒夠哂鑊氣。幾惹味香口，粉絲炒得清爽，唔油膩。再加多2份泰式炒什菜❤夠哂滿足。另外，再叫多份蕉葉烤鱸魚❤烤香魚味湧哂出黎，鱸魚鮮味十足，多汁嫩滑，零腥味，魚身塞滿香茅等香料，令魚肉更濃郁入味，必點。

多年無見的朋友想食泰菜，所以去K11旁邊的泰菜館。 平日時段， 內堂幾乎滿座，食物應該有一定水準。  在舒服的卡位就座後，要盡快點菜。因為此店用餐限時90分鐘呀！ 肉碎生菜包 ~ 豬肉泰國有名的開胃小食，先嚐一口原味的豬肉。帶著濃厚香茅味的豬肉碎碎容易咬，除了鹹，辣，還有那明顯的酸味。是青檸汁！在生菜放一匙豬肉碎，包好變成泰式samgyeopsal，再一野放入口慢慢咬，感受生菜的脆和豬肉的軟，還有那短切香茅和薑葱蒜粒粒的香味，是久違的泰國小食。大家你一件我一口的，很快就把肉碎生菜包消滅了。 鐵板蠔仔炒蛋     蠔仔全熟不爆漿，蛋亦全熟有金黃焦焦邊，口感煙韌，蛋香和蠔味很明顯。  沾上鹹辣的Sriracha醬，滿滿的泰國風味。下方有大量的肥而短的芽菜，是香港少見的芽菜。有了芽菜墊底，防止蠔仔蛋變乾變硬，又可吸收煎蠔仔炒蛋的油份呢！ 鹽焗鱸魚整條帶鱗的鱸魚，表面抹上大量鹽再焗，有如煎封的效果，可保魚肉原汁原味。魚腹放入香茅南薑葱等香料，為魚肉的鮮味提昇至另一層次。魚肉嫩滑有光澤，沾上魚鱗的鹽粒很美味，但沾上泰式酸辣汁更正。開始幻想，是辣椒，魚露，青檸，薑蒜嗎?排骨山      相片很震撼

今次搵食去到尖沙咀K11對面嘅新泰餐廳主要位於地庫，店面空間十分足夠不過要留意返，可能因為地庫關係，電話可能會收得唔好今日主要都係叫返泰菜肉碎生菜包🐖🥬味道夠酸夠辣，配埋生菜十分清新泰式炸春卷🌯素餡加脆皮，配埋泰式甜酸汁，十分開胃泰式大蝦炒金邊粉🦐上碟以蛋網包裹，鑊氣十足泰式菠蘿炒飯🍍第一次食有椰青肉嘅菠蘿炒飯，有淡淡椰香泰式燒雞🐔皮脆肉嫩，肥瘦適中，調味可口泰式甜品大拼盤除左芒果糯米飯有點過淋， 其他甜品都好出色，特別係奶茶味嘅大菜糕整體呢間嘅泰國菜都幾好，而用餐體驗都係良好，舒適，人多都適合

【🇹🇭新泰東南亞餐廳｜尖沙咀開心抵食泰菜😋】最享受一大班人食飯，可以點多啲款式，又可以每款食一啖，滿足晒我好奇又為食嘅性格！食咗咩？😋鴨肉生菜包傳統嘅豬肉生菜包就食得多，今次試鴨肉，味道更濃更惹味，用咗啲香草加係鴨肉度炒好夾！..😋小食拼盤泰式春卷、魚餅、蝦餅，仲有香葉包雞，我最欣賞個魚餅，裡面加入咗香草，食入口好香好特別。..😋椰青冬蔭功⭐️超鍾意呢個冬蔭功，用咗椰青水做湯，非常之清甜，除此之外仲有滑捋捋嘅椰青肉，同埋蝦、雜菇等，口感味道都幾特色，起碼其他泰國餐廳無。..😋椰青沙冰⭐️真椰青咁上，沙冰真材實料堆到滿瀉，入口青甜解渴，好抵飲。..😋咖喱炒蟹+配蒜蓉包、薄餅咖喱蟹個汁先至係癥結所在，有蟹味之餘又唔太鹹，點熱辣辣嘅薄餅同埋蒜蓉包食都非常之夾，一不小心就會一件接一件停唔到手。..😋青芒果沙律將青芒果切絲而成，感覺清爽可口。..😋柚子沙律柚子份量好多，酸酸甜甜咁，我最鍾意佢加入咗啲幼幼嘅椰子薄脆，同埋魷魚，蝦，有少少辣，好開胃。..😋串燒沙嗲豬牛雞泰菜必點菜式，絕不失望呀！ 我哋點足3碟，一放上枱就秒清！我最欣賞係牛串燒！記住點醬，會再好味啲！..😋泰式酸魚中式酸魚試好多，泰式我第

前排去咗尖沙咀的新泰東南亞餐廳食晚餐。位置好方便，地鐵站一出幾分鐘就到首先是佢地的泰式蝦炒金邊粉，係蝦和金邊粉炒製而成，味道好香。蝦肉夠爽身，搭埋金邊粉的彈牙口感，食落幾滿足跟住係佢地的馬拉盞通菜，依個結合了馬拉盞和通菜的特殊風味。馬拉盞的辣味與通菜的清爽相互融合，有一種獨特的口感和味道另外一樣令我印象深刻的係麵包焗咖喱軟殼蟹。軟殼蟹夠酥脆和咖喱醬夠香夠濃郁。軟殼蟹的外層炸得金黃酥脆，入面仲有啲汁，搭配香辣的咖喱醬料，口感幾豐富最後係鴨肉生菜包，夠清爽又健康。鴨肉的香氣與生菜的脆爽相得益彰，鴨肉搭配香料炒，令成道菜更加好味除咗食物的味道外，佢地的價錢都相對合理。餐廳的人頭價位在150-250港元之間，對於提供的品質和份量來說是幾化算的

講到食泰菜黎講 有一間真係食完又食今次要為大家介紹既係 - 新泰東南亞餐廳新泰東南亞餐廳係於尖沙咀加拿分道25-31號國際商業信貸銀行大廈地下1A號舖及地庫餐廳真你元祖級泰菜成個環境都好cozy食物個方面 個人大愛佢地個蟹肉炒粉絲佢有勁足料既蟹肉係到有興趣既朋友仔記得bookmark定 約埋班朋友仔一齊去食啦❤️❤️❤️❤️❤️❤️Location : Tsim Sha TsuiPrice : $200-$250/p.p