新東記潮洲粉麵專家

Open Now

Now Closed

和簡生到這裏午餐, 我叫咗魚蛋河, 簡生要黑椒牛丸米,灼介蘭再加淨米一碗, 河粉好滑, 鱼蛋好淋好淋,味道和湯一樣好咸,簡生話黑椒牛丸好濃味,好正, 但碟介蘭就好硬...所有食物共＄４７, 都算平, 但服務就好差,那些呀姐粗声粗氣,本來簡生要双拼, 沒有又唔出聲, 只改完單就走開,要問才話無牛根丸..環境比較差,地下油淋淋,好危險..

香港既魚蛋檔越開越多, 元朗都有幾間由於呢間我最就腳, 所以幫襯比較多魚蛋有魚味, 湯亦有魚味但水準一時時, 有時好食, 有時好咸個湯底亦係, 有時好多味精希望佢地既師傅注意下水準啦但15蚊一碗魚蛋粉, 係合格有餘的

寫的是荃灣大霸街分店! 昨天一個人...唔想煮飯, 於是近近地係度...又無咩人..叫左碗剩牛肺湯米, $17另加灼芥蘭, $5一碟...牛肺夠腍...可惜叫亞姐全走既菜....第二個亞姐落左蠔油....我無叫轉只剩下有蠔油既菜...我諗佢應該明!

自從發掘了新東記後，前前後後都幫襯了十次以上；無他，又近我又抵食嘛!　或是天氣熱熱的，最近最喜歡吃這裡的淨雲吞，才$14一碗有大約八粒雲吞。雲吞size不算大，蝦肉也不是特別的多，不似大雲吞麵食的過癮，卻勝在與豬肉比例、味道合宜，口味令人欣喜。　夏日不錯的平食之選!

聽聞此店魚片/魚蛋/魚麵好食，昨日同家人去左一試~　我試-招牌魚麵加炸魚皮。魚麵好彈牙，而且好有魚味，的確幾有特色，卻稱唔上滋味一等一~ 可以一試，唔會難忘~ 炸魚皮味道唔錯，但較腥，間中食下過下癮都ok~家人試-潮州四寶河/牛腩河。潮州四寶包括左有名的魚片，我試一片，質感係幾彈，但味道唔係特別標青~ 而牛腩大概唔係依度o既強項，食落較鞋，唔太推介~　此處消費的確經濟實惠，所以客似雲來，較逼都係正常o既~ 咁o既價錢，算係物有所值，唔應該苛求太高質素啦~

我覺得OK喎！當然唔夠係港島區D咁好吃, 但住係元朗/屯門, 又想吃魚蛋粉, 呢間係不錯選擇服務同普通粉麵檔一樣啦, 不過食個陣都見到有幾隻烏蠅飛來飛去, 但無飛去我張枱到..算啦$13單併, 抵！我會再幫襯的, 因為住係屯門真係無好味魚蛋粉！

個人覺得d魚旦同魚片都係好一般, 算有魚味但唔彈牙, 湯底一般啦, 可能師傅心情唔同, 調味唔同啦.... 但衞生就唔多掂, 好多烏"英"飛來飛去, 仲有呀, 我倒醋落隻spoon時, 附送一隻"蚊滋"添, 最離譜係我叫個亞姐幫我換左隻spoon時(我費時倒到成枱都係), 佢淨係倒左d醋就俾番隻spoon我, 嘩, 我梗係唔要啦, 唯有我keep住隻舊,叫佢俾過隻我囉, 容乜易佢轉頭又俾番0個隻我架.... 唔會再去啦

呢間野價錢都算適中,聽講最出名就係角旦及魚片,仲有係用魚肉做0既魚麵。清湯牛腩都幾好食幾腍,但其他就一般兼麻麻,我覺得餐湯底太淡,我本身都係食野好淡口0既人,但都覺得佢d 粉麵好淡口。飲品只有凍奶茶及凍咖啡先有特價,我覺得就差左d , 而家好多麵家及餐廳都會做麵飲套餐,佢地冇呢樣特價,又食油菜又飲其他野就唔覺得抵啦!