新東記潮洲粉麵專家

Open Now

Now Closed

喺這家餐廳嚟到一碗鮮甜既魚蛋河，每一口都有嚟自海底既鮮味，好過癮！魚蛋彈牙，入口即溶，別提有幾正！🐟 米粉滑溜溜嘅，同無比鮮美嘅湯底結合得咁剛好，啖啖都喊住「再嚟一口」！🍜跟住試咗牛筋雲吞米，個牛筋軟得黎黏黏哋，吃落簡直係種享受。而家講起雲吞，皮薄餡足，湯頭清甜，食得出深藏唔露嘅功夫。嚟到最後，就係嘗鮮嘅肉醬茄子焗飯。呢款小巧玲瓏，但係味道夠騷包，茄子腍身又保持啲咬勁。🍆我思前想後，發覺其實一間好嘅餐廳，唔單只食物要正，而家呢間嘅人情味仲換來我嘅心頭好。無論點，這餐廳真係做到攞心攞肺，啱哂想要尋味懷舊嘅你同我。

路過元朗廣場，打算買條魚片加餸。呢間潮州魚蛋舖，話用門善魚自家做，就試下啦。稱左一條一斤的，俾錢時先知 原來無 八達通喔。身上無現金，附近又無提款機，心裡都唔想買的。突然有個店員嬸嬸話，我們收 WeChat pay 的，跟住俾個 code 我俾錢，俾後先知 個code是 俾人民幣的，我話 咁唔得喔，你收多我錢啦！ 不如退回 我再俾過 港幣啦！ 跟住阿嬸 即刻話 她乜都唔知的。又話 現在 人仔都兑 90幾啦！ 即係她知道唔係 1 兑1 啦，心知收多啦。是但俾一粒白魚蛋就算，錢又唔肯退。今時今日 咁的服務態度，擺明欺騙顧客啦！

元朗呢間魚蛋河真係我一直都食開˗ˏˋ ♡ ˎˊ˗由小學時期老竇帶我去 我都已經覺得啲魚蛋超級好食魚蛋相當之新鮮……每次打邊爐都一定要叫老竇特登搭車過去買魚蛋返屋企俾我o(*^▽^*)o今日冇咩胃口 所以清清地所以過咗嚟食魚蛋河由於無胃口，所以我都會加好多醋( ˙꒳​˙ )….呢個食法係我同事教我嘅..因為之前喺附近返工都係我帶佢哋嚟食…..加咗醋之後胃口相當之好我一個女仔食晒成碗河粉…魚蛋一如以往都係咁彈牙同好味！

🐻個人認為係元朗最好味既牛腩粉面，本身係牛腩粉控，成日同圍食🐻係元朗有新開既都會去試下，食完都係發覺呢間最好食🐻每次都係叫雲吞牛腩米，牛腩既牛味好同香，濃淡適中，肉夠冧永遠唔鞋口，雲吞又鮮皮又夠薄夠大粒，底底有淡淡魚香味，再加腩汁實在不得了，又香又好飲，食完你絕對會心掛掛成日想食😋

元朗人一定會食過新東記。佢地魚蛋真係超好食。有魚味彈牙，每次經過都必定會試。食魚蛋粉最重要就係辣椒油，le 度個辣椒油都係自製，加少少䜴油配撘一絶。元朗人必須來試試，保證好味

有日我家小老闆同我講「今日喺元朗食左一間好好食嘅魚皮餃魚麵」，同我平時買嘅唔一樣，心諗係唔係真，放假即去試吓先坐底就咩都唔洗睇啦，就叫左魚皮餃魚麵，我老闆就叫左牛筋麵，炸魚皮，腐乳通菜同奶茶。牛筋麵先上，湯比一般粉麵店嘅牛腩湯淺色，但湯應是用魚去煲，所以魚比較淺色，但一點都唔差，牛筋好軟滑，食落感覺好骨膠原炸魚皮，每塊都薄薄的，味道剛剛好，唔會太咸。我嘅魚皮餃魚麵終於到，清清嘅魚湯底，魚皮餃原來係我兒時食這款，用魚肉整成魚皮餃皮再包上魚餃嘅餡料，馬上食回兒時嘅味道，魚麵好有口感，不是平時容易買到果啲林林啲口感，這魚麵口感實實，每條麵都短短的，好食，雖然要$47但是物有所值。我老闆連湯都飲晒，碗碗清重點係食飽後沒有口確確，証明不是味精湯我家小老闆今次真係無介紹錯下次一定要試埋佢哋嘅魚旦

又一間元朗老店，成日都會黎食佢馳名既魚蛋米，有時仲會買埋魚片翻屋企炒芽菜添。可惜隨年月過去，店面都變得有啲殘舊，好難吸引到新一代既顧客入去，如果有心做落去真係要搞搞佢🥺平時食魚蛋食得多，今日諗住試下其他就叫左牛肚牛丸米，牛肚正常發揮，份量都對得住價錢，而且餐廳既辣油幾香。但係三粒牛丸粒粒都有油益味🤢 我完全評價唔到佢有無牛味了 總之bad choice。

呢間嘢係我同男朋友細個讀書時期嘅共同回憶，呢日就心血來潮就過嚟食返碗河粉重温下學生哥時期嘅回憶haha細個讀書嗰陣嚟呢一係食魚蛋河，一係就食牛腩河，大個咗過嚟就嗌個雙拼牛腩魚蛋河啦！（小朋友才做選擇！haha）魚蛋比印象中細粒咗（萬物騰貴，都明白嘅）但都一樣咁彈牙，唔錯～牛腩份量都ok，夠味而且夠稔！河粉比較薄身幼身，係我鍾意嘅河粉，唔錯～湯亦夠鮮甜食到一半左右我鍾意加啲辣椒油食，辣椒油都幾香，但唔算辣，不過不失另外嗌咗炸魚皮，麻麻地有少少‘油益味’整體嚟講都唔錯，間唔中如果嚟開呢頭又想食潮州粉麵嘅話，會再嚟食～

成日都會自己一個黎食晏，一個黎都唔會怕悶，因為樓面姨姨同廚房煮嘢既師傅會成日傾計，有時講野都幾搞笑🤣🤣🤣🤣🤣今日叫左牛筋雲吞米🍲米粉既份量都幾多🥰都聽到幾位女士叫少米，大食既我就當然唔洗啦😙😙而佢呢間餐廳煮到牛筋好似唔洗用牙咬都得咁，係好淋個種，而我就係鍾意呢種😋😋所以我覺得好好食😆😆雲吞味道就冇話特別出色🧐🧐不過不失啦，勝在冇散，菜芯走油淨係要蠔油更健康，更好味呀！🤤

多蔥👍🏽我最愛牛腩都幾好食見到呢舊咁肥，點知食落口又好好食 好香魚湯🆗加$8有個腐乳通菜，幾好食，不過腐乳有少少鹹，啲河粉好林，林到有少少難夾，不過屋企人話好好食，啲牛唔夠送麵，食過幾次都送唔晒啲麵。$36一個牛腩麵，唔錯，貪佢夠近☺️

第一次來到這間吃潮州粉麵的店舖。由於疫情關係，一進去便要先量度體溫，然後才可進入。我點了個很普通的牛腩魚蛋米。魚蛋爽滑彈牙有魚味，牛腩味道亦不俗。整體來說，是一個挺好的體驗。👍🏻

今日下午食元朗新東記，佢呢度啲魚好出名嘅，所以就食咗個「四寶魚麵」同埋「墨魚丸麵」，如果你叫魚麵，佢會比起普通嘅粉麵價錢貴少少嘅，份量亦都會少啲，不過我覺得女仔來講都算夠食嘅！佢啲蔥花，有枝羹分開上的，另外啲丸好彈牙，又夠爽口，魚麵入口係幾特別嘅，出邊係比較少見所以我覺得你都係要試吓魚麵，佢比普通粉面粗身啲，有口感。如果平時唔鍾意食魚嘅朋友都可以試吓，因為入口唔會太重魚味。另外試咗個腐乳通菜，也不俗喔。👍🏻

麵！麵！麵！又係食麵又係食依碗麵。不過今次去左另外一間，又試下佢碗麵有幾麵先。又係收工嘅時候，又係天都黑哂，食佢無咩原因，就係因為佢近我，就在我落車的附近，對於無咩要求好又一餐晤好又一餐嘅我黎講，就腳就係最重要原因，今次就黎試下位於元朗西巴士總站附近嘅新東記潮洲粉麵專家。叫得專家，唔通真係專業啲？睇下餐牌，大路粉麵價錢，一般粉麵店有嘅佢都有，無嘅佢亦都無。佢主打手打魚蛋，不過我依個普通人當然無叫，點了自己最愛嘅牛腩河，好食嘅百碗不厭，唔好食嘅半碗都厭多。河粉嫩滑，牛腩有咬口沒有渣，湯低中規中矩，整體還算可以。加多份炸魚皮，香口爽脆，咁落湯底又另外一種食法。42蚊沒飲品，價錢亦都係中規中矩。

尋晚叫了一碗牛丸麵, 一份炸魚皮& 一杯凍豆漿.碗麵個湯和些麵都有好明顯的鹼水味, 些麵......我食梗咩野呀?? 太硬了,好似食梗橡根咁, 滾耐少少好窩.....牛丸, 無牛味都唔梗要(預左架啦xd), 但口感太硬, 太實, 好似些雪氣未過咁而杯豆漿....有渣的.....每飲一啖, 些渣就cake住喉嚨......都係第一次咁樣 = =唯一唔錯的, 係炸魚皮.

今天帶小米到濕地公園，下午時分，乘坐小米口中＜偉大的輕鐵＞到大馬路，來個下午茶。　自己想食清淡的食物，剛好看到這家粉麵店可以馬上就座，於是跟小米在此用餐。 明明點了招牌的潮州魚蛋河，可是碗內有魚蛋和魚片，當賺左。魚蛋魚片不算十分爽口彈牙，超碼有魚味，跟凍肉店的大量生產魚蛋有明顯不同。佢話係自家製，令我有小小的衝動想買半斤一斤潮州魚蛋魚片回家煮餸，但最後都没有購買。因為坐車出九龍，需時個半鐘，加上天氣熱，不敢冒險。唯有在店內享用自家製魚蛋。　河粉厚身，不煙韌，不似貴刁。因魚蛋魚片有一定的味道，所以湯底味道相對較淡，幸好有炸蒜芫茜蔥來吊味。如果可以要求勁多炸蒜芫茜蔥就更好了！粉麵加十蚊有炸魚皮份量ＯＫ，魚皮真係脆口又鹹香。本身不喜歡太硬的食物，把炸魚皮浸在湯內，讓其變軟，再慢慢感受魚皮原本的煙韌。  把几片炸魚皮留給小米。這是小米第一次嚐到炸魚皮。　小米嚐過第一塊，還要再來一塊。下次來到，一定會點炸魚皮。 豆漿　　８蚊正常的甜味，没有渣。