茶米 (太古廣場) (Closed)

服務和環境都唔錯！這樣講很公平了。我唔想抹黑係呢度做嘢嘅店員，但是滴菜真係唔係一般地「奇葩」。（1）餐牌：睇完一轉都感覺唔到呢度係一間台灣餐廳，咩星洲咩咖哩等等，一半以上菜名日日係茶餐廳都見到啦。冇乜嘢係台灣特色嘅。（2）菜量：擔心食唔飽所以嗌咗一個辣雞拌面。一上菜見到嘅係一大空盤，中間只有手掌心🖐️面積嘅食物😂。仲嗌咗一個咩上湯乜乜菜苗，其實就係一小碗娃娃菜，俾人感覺好鬼求其（有圖），仲夠膽買咁貴。（3）面上層擺著幾件「辣雞」，好似出面滴炸雞件，但係落咗好多辣椒粉，食起來更會有灼燒感嘅感覺。本人自身係食得辣嘅，亦久經各種類川菜店洗禮，根本唔會怕辣。但今次食咗滴雞，唔舒服並唔係因為俾辣到，而係感覺好似俾人整蠱咗一樣，係好似俾人針對故意捉弄一樣！雖然餐牌上有標註🌶️，但係呢種辣法係香港真係罕見。辣到口腔嘅灼燒感持續咗好耐，連咁少啲面都爭啲食唔完，因為食咗兩舊雞已經唔想再食落去。總結，這間餐廳的環境和服務都符合該地段商場嘅standard，即係唔差，但設計食物嘅人，真係抵*：設計（噱頭）、擺設、色澤、口味都非常一般，尤其有幾樣真係「伏」。（也許應該這只是一間奶茶店吧，我吹毛求疵了？）

我尋日喺金鐘店到買左一杯迷你芋圓kiki烤茶，當時落單我指住餐牌，店員就禁電腦，再收左我$40蚊，當找錢時發現有不對勁，因為我要既係熱，佢落左凍。我想投訴店員的態度，他冇問我要咩，我自己講想買咩，當我指住餐牌又冇複單，我發現找錯錢同佢講我要熱，佢即時黑面。我唔知佢叫咩名，唔知係咪新同事，但喺門面收錢就係代表公司，代表緊品牌！作為客人覺得好難受。 不過值得稱讚既係有位女同事即時幫手，找番岩錢之後仲叫用同一張單就可以等到杯熱飲。呢個女同事好明顯足夠經驗。我唔係想要無何賠償，只係想反應一下。

如果要在太古廣場搵一個地方Hea下，服務又唔錯嘅地方，呢度係一個幾好嘅選擇。餐廳地方很大，而且有足夠嘅員工，但講到食物質素方面，由於我只係幫襯左下午茶Tea set,所以我嘅評價只係針對下午茶。呢個Tea set有啲奇怪,因餐廳係台灣餐廳，所以我估唔到會有叉燒餐包。其他炸物都好好食，上枱時熱辣辣，又好鬆脆，但飲品就麻麻地。冬瓜茶太甜，可能飲唔慣呢種味道，所以呢杯野要負評。珍珠奶茶尚算正常，但珍珠唔係好彈牙。總括嚟講是次用餐食物質素比飲品質素好.

經過金鐘 有點口渴 見到kiki茶 好多人排隊 心想 應該不錯呢 所以找來飲下啦佢有好多種茶又有珍珠奶茶 睇咗個餐牌好耐，諗住試吓啲特色野啦，佢有個葡萄烏龍茶 佢個名文雅啲嘅 但係我唔記得咗 我以為係提子味嘅烏龍茶 所以就帶左黎飲啦原來要等成15分鐘㗎 咁就唯有等啦 點知嚟到原來係凍嘅烏龍茶加提子粒 哈哈 哈哈 個配搭都幾新穎啊 有令人精神為之一振嘅感覺 都幾清新 唔錯唔錯 佢個烏龍茶飲落去幾解渴，冇苦澀味，配埋新鮮提子粒 個效果非常之好 佢將啲提子切到好似珍珠奶茶嘅珍珠咁細粒 非常有口感不過價錢就有啲貴了

Happy Friday，收左工當然要食好D。我係一個麵精，好鍾意食麵，而呢間既selling point 就係用來自台灣既Kiki麵製作出唔同款式既麵食，好吸引呢。除左麵，餐廳仲提供不同種類既廣東同亞洲菜式。我地今次叫左兩個小碟: 一口豆腐同金銀蒜蒸茄子同「一口豆腐」即叫即炸外脆內軟，豆腐非常滑，外層曬上少許椒鹽吊味，香口非常!「金銀蒜蒸茄子」:味道似平時食既蒜茸蒸扇貝，茄子吸收哂蒜頭味道，非常惹味。茄子比較粗身大條，所以唔會淋到一pat野，有D咬口，我鍾意!主菜叫左個「蒼蠅頭拌麵」，其實即係豆豉碎，豬肉碎、香蔥、辣椒炒香後用來拌麵。麵既底部有些少調味醬汁，所以食落唔會太乾身，好惹味。麵質硬度適中，有咬口。呢個麵本身係辣既，朋友怕辣所以叫廚房儘量整小辣。最後味道係微辣，但朋友都食得到。甜品方面，叫左個賣相吸晴既「伯爵戚風蛋糕配黑糖珍珠」。蛋糕是英式伯爵茶口味，口感綿密帶淡淡茶香，再配以法國忌廉打成的伯爵茶味忌廉，面頭加上台灣黑糖珍珠和黑糖漿，不會過甜，味道一流!飲品方面，餐廳另一賣點就係Kiki茶，門口位置更設有外賣飲品專區。我就試左熱飲「焦糖堅果奶蓋杏仁茶」，本身無咩期待，但呢杯野

行完PP撞正lunch ，周圍食野都鬼食咁多人，見呢間咁岩無人等位，就即刻衝入去。裡面裝修走簡約風格，傢俬以淺木色為主，好似一間小店咁。睇落去似台式小店，但係個MENU 就有啲fusion菜。LUNCH SET有粥粉麵飯同埋素食，我見佢有特別註明係KIKI 麵好似好特別咁，就揀咗魚香茄子拌麵再配手磨米漿白腸粉，仲叫咗個杏仁茶。雖然係魚香茄子，但係唔太油膩，亦都唔太鹹，味道都幾清新；聲稱係「手磨」嘅腸粉，的而且確係幾滑，配甜醬同辣醬，似足香港地道小食~~最正係杯杏仁茶，少少甜，但係口感又好濃厚，真係無得頂

下午茶食左成百蚊，碟新竹米粉少得可憐，我都係自己煮算數⋯⋯⋯⋯，一個撈面都要百幾蚊，香港生意難做🤦🏻‍♀️⋯⋯不過杯杏仁茶算係好棉密，濃厚，上面重加左少許杏仁粒！杏仁控可以一試！裝修可以將一讚嘅！

今天約了幾個朋友到金鐘吃午餐 選擇了很久看到茶米竟然沒有人排隊 所以我們便進去了 餐廳入邊的裝修10分彩色紛紛 也10分有格調 整體來說是一個不錯的環境 餐枱與餐的之間也有很闊落的位置 沒有給人很壓迫的感覺 餐牌他們是星期一至星期五都有不同的選擇 主菜再加一碟半菜再加嘢飲和甜品 價錢在金鐘來說是很化算 我們都叫叫海南雞飯 份量來說都是剛剛好 我覺得他們的海南雞做得10分出色 10分肥美和滑口 最出色的是油飯 不過我覺得飯可以再大碗一點

等朋友唔知去邊好，誤打誤撞入左茶米，初頭都唔知同kiki麵有關，純粹見裝修幾靚，價錢合理就入左去。下午茶時間好抵，一百蚊左右有野食有野飲，坐得舒服，都幾好。見到有同大廚合作，可惜無一樣係素食叫左一杯奶蓋杏仁茶，都幾好，我平時唔會飲呢D，通常都係叫熱檸水，但佢都唔算好甜。我對佢本來冇乜期望，以為都係普通嘅羅漢齋面，但係佢嘅賣相同平時嘅羅漢齋面好唔同，好似好elegant咁（我影得唔係幾好），食落去重點係一啲都唔覺得油膩，好神奇！

這餐廳10月左右在PP開幕，每天人龍不斷，只有訂位才有機會吃。 這間餐廳打著由舒淇代言的KiKi麵而出名，不斷有人前來嚐試。但我從未吃過，因為看見這價錢的台式餐廳，一直認為不值。直至這次公司同事經過，看見沒有人在等位，而且人數並不多，便入內吃一次。餐牌內星期一到五的餐都不同，A-E餐，粥粉麵飯都有。這天是星期五，看見鰻魚釜飯，看似最值錢，於是點了這個，誰知待應說今天沒有鰻魚以排骨代替，性價比相差太遠當然不會再繼續點了。最後點了蒼蠅頭伴麵（kiki 麵）。kiki麵在超市一包大約 $20左右，真的想看看如何做到 $148 套餐。這套餐我選擇了 蒼蠅頭伴麵，KiKi棒棒雞和 +$18要KiKi茶特飲（黑糖珍珠鮮奶）前菜青瓜沙律，較凍，味道清新。蒼蠅頭指肉碎，整個麵除了肉碎並沒有其他配料，味道是Kiki麵的椒麻味,麵質軟硬度適中，沒有太特別，汁較稀不太掛麵，不太划算。套餐裏最有水準莫過於 KiKi棒棒雞，份量只有幾片雞，雖然少但汁味濃，雞肉嫩滑。黑糖珍珠鮮奶（$35)，鮮奶不夠純厚，黑糖味只在珍珠上，起初喝下去，有一點點的黑糖味，之後完全喝不到黑糖味，對於台式飲料店的飲品來說，只是合格，但價

Kiki Noodles has a strong following. People claim their instant noodles are beyond amazing. I bought a bag and well ... it was good but not OH WOW AMAZING! But whatever my thoughts on the instant noodle, it became so popular, they now have a restaurant. Located in Pacific Place, Sun's Bazaar has a restaurant inside serving Taiwanese food that do use the Kiki Noodles along with a take away stand for bubble tea.A friend of mine recommended this place for bubble tea as she said the boba was really

農曆新年，唔洗拜年時同家人外出食飯，來到這間台灣餐廳 茶·米。由於有Kiki麵，以為是明星舒琪有份既，但上網睇又話只係合作。唔知之後會唔會因為咁冇左部分菜式呢？啲位唔會太迫，坐得都算舒服。同屋企人各自點左啲想食既野。西班牙辣腸排骨釜飯，冇咩辣味，但幾好食既，而且雖然係日式釜飯，但感覺有啲似煲仔飯😂仲有飯焦添！Kiki棒棒雞，係幾辣，不過唔食得辣既我都覺得好好味，辣都會想再食😆😋有少少麻辣味道既感覺，呢個應該就係用左kiki麵嗰隻椒辣調味粉整既～川味擔擔麵，可以揀唔辣，我地叫左小辣，同平時食開既擔擔麵差不多，都幾重花生香味！喜愛～～紅油抄手，感覺佢係紅油抄手之中算冇咁油，而且有嗰種味道（可能只係我冇'筆'到🤣）西蘭花炒帶子，不過不失，帶子都幾lum！松露雜菌撈腸粉，唔知係屋企人已經食哂定點，我覺得冇乜松露味🤣🤣🤣鰻魚釜飯，唔太重平時鰻魚飯既照燒汁味，而呢個飯將鰻魚切件，對我地share食係幾方便。桂花糕，本來好想叫伯爵戚風蛋糕配黑糖珍珠，點知賣哂😩叫左呢個桂花糕，同一般食到既桂花糕味道好唔同，冇咩甜味，反而有好真實既茶甘味道，鍾唔鍾意就睇大家個人口味，我接受到既，但覺得甜品都係有啲甜味開

金鐘太古廣場戲院旁的茶米，用餐氣氛輕鬆，餐牌上主要供應亞洲風味小菜、輕食和粥粉麵飯等，正合這夜想吃個簡單晚餐的我們。又稱舒淇麵的KiKi noodles，原來在茶米也有供應，並經日籍米芝蓮星級大廚設計menu配搭。向來喜歡Kiki noodles的質感，我就選來溫泉蛋肉味噌伴蔥油太麵（$118），而友人就選了咖喱牛肉Kiki湯麵 ($138)。溫泉蛋肉味噌伴蔥油太麵，吃之前把溫泉蛋的流心蛋黃漿與肉味噌肉碎伴好，配上蔥油香濃郁的滑溜麵條，很有台式風味，好吃。咖喱牛肉Kiki湯麵，牛肉質感軟腍，肉的份量也頗多。感覺像咖喱牛肉與牛肉麵的混合版，吃完暖笠笠，很適合冬天吃。之前都有聽過KiKi茶，但這夜才第一次飲。冷飲的堅果奶蓋Kiki烤茶 ($34/跟麵$18)入口順滑，茶香濃而不會澀。另外甜品時間，我們再選來2款Kiki茶熱飲。黑糖紅棗薑母茶 ($34)，甜潤中來薑的辛辣，感覺真材實料，相當窩心的熱茶。而友人的金鑽鳳梨青茶 ($35)，鳳梨的香味突出，清新討好，與同樣清香的甜品茉莉桂花糕 ($38)很夾。

#茶米 金鐘金鐘道88號太古廣場1樓112號舖-----呢間茶米係Pacific place大概開左兩個月 lunch行過見到無咩人 就決定試下~B仔叫左個白桃烏龍再加芋頭珍珠（$33）烏龍茶底幾濃 但係白桃味好淡 所以成件事變左無咩特別 就係普通烏龍茶底 唯一驚喜位係手作芋頭珍珠 非常彈牙 芋頭味濃 口感似小芋圓多過似珍珠 因為B仔中意食芋圓 所以覺得幾好味 雖然係咁 呢杯33蚊ge Kiki茶 整體都係無令我覺得驚艷 而且幾貴 無咩必要 應該都唔會飲多次-----B仔整體評價：6.5/個👍🏻B仔抵食程度：6/10個👍🏻B仔環境評分：外賣B仔味道評分：6.5/10個👍🏻B仔回頭機會：5.5/10個👍🏻----- 跟住我一齊吞食香港啦！#swallowadmiralty

No one should be treated like this, not to mention a high-end tea lounge at pacific place in central. The woman in black suit gave us attitude for picking a table to sit and asking about the drinks. Isn’t that her job?!?! She rolled her eyes and made side comments like ‘now what do they want’. The other servers were great but that one woman got to go. The male senior manager condoned this kind of behaviors. Absolutely worst service ever. Don’t go.