茶米 (德福廣場) (Closed)

懶煮飯又睇下食咩好...我個人就比較衰見到人話伏唔好食就會想去試下今次就近近地揀左「茶·米」menu上唔系太多野食,不過都揀到啱食既野☺️全日套餐法式紅酒🍷燉牛肉焗意麵牛肉似系牛腩好淋.易咬配上一碟仔青瓜🥒同車厘茄車厘茄竟然系搣左皮咖😆越式烤豬頸肉凍檬阿仔最鍾意食豬頸肉,所以嗌左哩個凍檬但系話冇豬頸肉轉左烤牛肉真系有啲失望😞不過肉都好淋辣雞拌麵份量唔多,但味道都可以既辣度都夠,唔會太辣啱啱好雞就系普通既炸雞粒咁冇咩特別麻辣碲花拌麵其實見到個名就嗌冇諗過系咩黎原來系豬「碲」加蔥「花」有4舊「碲」都算多,大大舊味道個麻唔系太重,辣就夠既哩個整體都幾好,如果多啲「花」可能仲好食脆皮大雞排落單既時候職員話炸咖喎要耐啲咖,唔通要等就唔食🤔嘩😱原來好大堆頭咖$68抵食呀雞排上面鋪滿好多花椒本身以為佢話脆皮系炸完就咁上原來系有汁淋系面辣辣地,淋左啲汁唔太覺得佢脆皮寶島滷大排哩個滷豬排份量都唔少呀$68都系抵食之一味道相對黎講我覺得頗為咸左肉質就唔算好柴粉/麵+$20有小食一款及餐湯脆炸龍脷柳香茅草炸雞翅即叫即炸脆脆既非常香口百香果沙冰酸酸地好開胃➿➿➿➿➿➿➿➿➿➿➿➿介紹完食物就黎講返個總結🖋首先.

德福既茶米一到lunch time就會大排長龍，可能因為食物款式多，包羅萬有，饒富亞洲特色的美食，仲同台灣品牌KiKi合作推出KiKi茶，用左台灣茶葉、黒糖及蔗糖製造，餐廳設計風格簡約，自然舒適的氛圍1. 蘆荀煙肉忌廉汁焗雞皇麵 $78 6.5/10焗雞皇飯就食得多，焗麵真係比較少，忌廉汁完全覆蓋左雞肉同麵，質地好杰身，一開始食頭幾啖都可以接受，但愈食愈膩，配菜唔多，不過雞肉唔乾唔柴口，中等水平2. 冬瓜茶 7.5/10冬瓜茶冰涼解渴，香味唔太濃，入口有冬瓜輕甜，後韻回甘

呢間餐廳都幾難搵 喺MCL隔離，今日叫咗擔擔面，份量都幾多，唔算太辣，食晒成個面都幾飽，味道唔錯，同一般擔擔麵唔一樣，冇湯底，有啲似撈麵。另外加咗$20要湯同炸龍利柳，龍利柳好脆，不過就細件咗啲，湯就一般般。跟餐叫咗凍白桃烏龍，冇咩驚喜，唔使另外加錢就可以接受。

味道 麵食：同自己買包麵返去自己煮差唔多，可能會仲好食啲，因為師傅啲麵太乾，撈唔勻循啲醬料，啲麵變得一o舊o舊!珍珠奶茶：問心，真係唔覺好飲，仲差過一般市面有珍珠奶茶賣嘅鋪頭，真係要改善一下!仲有，一間餐廳，可以完全無“飯”食，可以話無米煮飯，真係唔知想點樣，餐牌上有魯肉飯，但侍應話無米煮飯，咁就算，想問多句都有面色睇吓。坐位尚算可以，環境衛生都算幾好!但服務就一般般，收費都算可以(對晚餐而言)$200零蚊找數有泊車優惠

相約朋友敘舊，見可以訂台，貪方便之余又試吓九龍區嘅琪琪麵。晚市套餐，楝了紅酒燉牛肉麵，跟餐嘅雜菌湯轉了南瓜湯。下單後不久，套餐盤送上，賣相可以，先飲湯，出事了- 冇味又唔熱，再試牛肉麵，牛肉麵份量足，但汁唔夠多，同湯一樣唔夠熱，所以D麵黏到一舊舊，牛肉算ok夠稔，但因為比一舊舊嘅麵拖累，所以整體唔係好得。隨餐跟烏龍茶，以為是台式甜甜地的手搖鳥龍茶，點知只係茶包沖的熱茶一杯，茶就真係夠熱，熱到辣咀，可惜冇茶味。

網上落了外賣訂單。去到餐廳，外賣已經準備好。好快。外賣的是越式牛肉湯金邊粉。牛肉和金邊粉的份量都很多。湯的味道有點濃。牛肉好味，一點肥膏都沒有。😋😋 開心的一個午餐。

上月經過德福戲院見到呢間 茶米😆本身無太大期望😌點知出奇地唔錯！而且幾抵食😋1️⃣茶米精選全日套餐（$78未加一）（留意番餐單會不時轉）🌟前菜：車厘茄 酸梅味幾開胃！有d青瓜絲伴碟🌟餐湯：茶米松露野菌湯超級濃郁！唔係水漏漏，係有d似野菌puree質感！好飲！🌟主菜：法式紅酒燉牛肉焗意麵好大碟！男士食一定夠飽！牛肉超級淋又入味！而且份量好多！仲有好多蘿蔔西芹！鐘意呢種幼身台式意麵，好夾！🌟跟餐免費配白桃烏龍唔太甜！淡淡桃味！好解渴2️⃣🌟黃金蟹粉粥（原價$88，個陣堂食都有85折）又係超大碗！絕對可以兩人share! 蟹味比較淡，但味道整體唔錯！🌟加$20 配餐湯及小食小食：香茅草炸雞翅有4隻單骨雞翼！夠脆！味道剛好！🌟呢個餐湯會更大碗😹另加$8可以點番白桃烏龍！係超大size!🌝服務唔錯！店員有禮貌而且細心❤️兩人可以坐卡位好舒適！宜家openrice外賣自取仍有85折🥰Can follow ig: Eatwith90sgen_hk

話説係德福揾食，經過茶米見唔多人，再睇下餐牌，有個全日套餐$78好似幾抵，所以就入去食晚餐。佢而家單點餐牌都有折，但我都係揀咗個全日套餐焗黑豚肉生薑燒意麵，另外屋企人單點韓式雞絲冷麵同豬手撈麵（d名好長唔記得），轉set小食要咗蒜泥白肉，不過同我認知嘅有落差，因為完全揾唔到蒜泥。雖然人唔多，但兩杯嘢飲都落錯單，不過叫侍應換番佢哋都係有禮貌的。食物味道還可以，可惜係我碟焗麵，食到最後先發現有條毛，希望唔係鼻毛～～～當堂即刻飽哂，尤其疫情下希望餐廳可以注意衛生！

今日試新野，外賣點餐叫咗茶米嘅泡菜豬腩肉甜薯粉絲，再加$20要咗是日餐湯及台式腸，加$8飲凍嘅白桃烏龍茶。外賣自取回家立即開動，包裝精美，凍飲包裝亦都好細心，加多左張紙係杯蓋上面，以免漏瀉。講返個主菜，豬腩肉夠爽又唔油膩，餐湯係打得好溶嘅蘑菇忌廉湯，啖啖都有大大粒嘅蘑菇碎，好味。白桃烏龍茶唔會太甜，有淡淡的茶味，價錢方面，因為外賣自取已經有折，單叫泡菜豬腩肉甜薯粉絲一碗折後$58，如果原價就略嫌貴咗啲，都係有折先抵食。

第一次試茶米食品，茶米黑松露野菌湯，好正，坐得舒服，結脹時同前面位客人調換信用卡，店長曾生知我急用，立即致電卡中心找客人，再乘MTR取番卡，服務專業，下次再來光臨。

去到九龍灣發現有茶米！上次去過pp果間，食到大家都讚不絕口，今次梗係見到要再食。係地方難搵少少，但唔使等位一去到就有得入。呢間好在仲有套餐，有埋豆漿送。啲雞扒炸到好脆口，再加埋佢果個汁真係又香又好食～啲汁又可以撈下飯咁！雖然我唔記得咗價錢，但總之就唔使一百蚊左右啦～我見到佢好似仲有個下午茶餐牌，好似更抵食咁，一定要再encore!

開業一段時間終於試到茶米，lunchtime真係坐滿曬人啊！Lunch set 定價有d貴，$80-$100不等，包一客小食、主菜、餐飲。脆皮大雞排飯，賣相超靚，雞排大塊到蓋過米飯！雞肉炸得金黃酥脆，鮮嫩多汁，配上半件滷蛋及幾塊香噴噴的台灣香腸，香甜可口，咸香十足，再送埋軟熟的白飯一齊食好滋味。知道出面有得買KiKi麵，但始終想試下堂食係咩口感，可惜冇想像中的好味。蒼蠅頭拌KiKi麵算是招牌菜之一，混合韭菜粒、豬肉碎、豆豉，攪拌後食得，帶有一點點麻辣口感，麵條偏軟身，單點呢個麵做lunch可能會有d單調。前菜則頗有驚喜，上湯浸娃娃菜鮮甜爽口，KiKi棒棒雞似無骨麻醬版口水雞，分量頗大、雞件多肉，開胃美味的涼拌牛腱青瓜小雲耳同樣出色，味道酸酸甜甜，送飯一流。

依間茶米開左九龍灣一段時間，係MCL戲院出面，可能因為位置唔太顯眼，所以之前都無察覺開左間新店😂同埋就咁睇個餐廳名，都唔知道原來係食KiKi麵嫁喎！之前KiKi麵勁hit，經過便利店都有得買，不過要七八十蚊一pack都有啲貴，所以就無買過🤭但見佢依家開埋實體店，咁就試下啦！**********<温泉蛋肉味噌拌蔥油太麵> $118KiKi麵好似有兩款，一款係粗身嘅一款係幼身嘅，依個係拌麵所以麵質係粗身個款，個口感會煙韌少少，個人比較鍾意依款多啲🤣不過個肉燥加温泉蛋就無咩驚喜，唔算特別出色！價錢方面就真係幾進取下，自己買個麵返黎應該都煮到🤨**********<川味牛肉湯麵> $108依個牛肉湯麵嘅KiKi麵就係用幼身個款，質地食落會淋啲，本身以為KiKi麵係會煙煙韌韌，點知原來唔係，有少少失望😣不過牛肉有三大舊望落感覺抵啲，肉質都煮得幾淋身入味，要提醒一下個湯底會有少少辣嫁！

今日下午叫咗個焗白汁雞皇麵餐。先來了一杯桃烏龍茶（好彩我要凍嘅，後續談），跟著侍應生捧來一盤餐，上有一碗湯，一碟青瓜，一個白碟裝住雞皇麵，侍應端下來時盤有點斜，下意識用左手接餐盤，然後待應話要小心唔好掂到隻碟，我回覆他我隻手已經掂了！！他竟沒有道歉便走了。當時很痛很😡，馬上從杯桃茶攞咗一粒冰敷住，約一分鐘才不致起水泡。如果當時我不硬食一嘢，一手撥開後果一定不堪設想，望住碟嘢火都嚟，以後都不會再幫襯！遲早出意外！

始料不及最近這七年內，九龍灣屋苑兼購物商場「德福廣場」裡面的電影院，「MCL德福」旁邊的開放式食店舖位，租務已經經歷兩次轉換，七年前我在「MCL德福」看電影時，食店還是日式咖啡廳，名稱叫做「鈴木珈啡館」。不過，後來九龍灣分店「鈴木珈琲館」不單止宣佈關門結業，最重要的還是所有「鈴木珈琲館」裡面所有的分店，最後都已經關門結業收場，徹徹底底地消失在香港飲食界當中。在九龍灣分店「鈴木珈琲館」宣佈結業關門，離開「MCL德福」電影院裡面的舖位之後，舖位的主人後來轉換變成了一間，以法國摩納哥風格為主的漢堡包餐廳，餐廳的名稱叫做「Grubers」。「Grubers」裡面雖然是主打法國菜，但是賣的漢堡包跟薯條菜色，都是以類似快餐店模式進行，食客需要自己去取調味醬汁，就連享用炸薯條也需要自己去自助醬料吧櫃檯，自行為炸薯條加入調味醬料才行。不過當時我就沒有購買過炸薯條，反而只是購買「Grubers」裡面，算是屬於招牌漢堡包食品，加入了擁有濃厚黑松露香味，還有牛肉原有鮮甜味道的「黑松露漢堡」，還有類似炸雞塊的小食食品。不過，由於「Grubers」裡面的漢堡包、炸薯條跟其他小食食品，都沒有提供相關固定的套餐，所