君日餐廳 (荔枝角)

Open Now

Now Closed

買完飛睇戲，得返40分鐘，極速食個飯，選擇君日抵食又快手嘅，當然係海南雞飯啦我鍾意飲白湯，但係賣晒，紅湯俾我有驚喜喎，甜得嚟有微微辣，好香濃我通常都要蔥油，但係呢度得泰式汁，但係有一個驚喜俾我喎，香辣但係唔太酸，啲雞點咗泰式汁即刻惹味晒，油飯都好香口而唔肥膩$67有湯有嘢飲嘅套餐，晚餐喎， OK啦係咪？

黎到荔枝角呢邊, 準備食午餐, 行下行下見到呢間餐廳有位就入去食, 天氣太熱唔行咁多.地方算坐得OK 唔會太擠迫既餐廳, 最後就點左個lunch 食, 豬扒雞翼意粉, 有湯.湯OK, 正常啦, 唔會有咩期望豬扒雞翼意粉, 豬扒口感正常 唔會太好味又唔係差個種, 係一個普通lunch 味道啦...雞翼2隻, 無特別凍檸檬茶, 正常茶記味道.不過個餐既份量夠唔夠食就見仁見智啦. 反正返工食個lunch就唔會期望太高.價錢正常就算了. 總結返工速食lunch叫做可接受, 如果放假出去食既話呢間就唔會揀...

服務差，一開始點錯食物搵侍應更改，但侍應話落左單就唔俾改，有點兒離譜，而且一副你唔鍾意食就過主的態度。無奈畢竟自己叫錯，我都沒有爭論，繼續食返叫錯的食物。 食物是台式肉燥豬軟骨飯，個汁一時咸一時酸，襯得好奇怪，應該未撈勻。肉燥食落去冇未肥瘦可分，全部都係瘦肉。講真又未到食唔落口，但一定唔會好好食，因此實在不推薦。惟一可以讚就係環境夠光猛，在街出面好易一眼見到佢。其他諗唔到有咩可以讚。價錢方面就一般茶餐廳價，唔算平又唔算貴。

早起的鳥兒有蟲吃🐛今朝一早到荔枝角，食個早餐才工作今次揀咗位於荔枝角道，門面頗大的「君日餐廳」早餐常餐 🍽️ $42又係最愛嘅沙嗲牛肉🐂餐牌只要有沙嗲牛肉，我就會忍唔住揀😅沙嗲牛肉份量OK👌厚肉、少韌！沙嗲味算濃，麵煮耐啲就好（個人喜好）多士正正常常，可惜無得配腸仔！配兩隻太陽蛋都煎得唔錯嘅🍳店員服務友善，不過枱面少污漬、杯有啲啲舊總括嚟講，整體不過不失🆗有機會經過都可以再食下一次嘅😌📍君日餐廳 - 荔枝角

去荔枝角的君日餐飲，真是一場舒心的美食體驗！店內座位寬敞，讓人一坐下就感受到格外的舒適。在這炎熱的天氣下，店裡的冷氣調得剛剛好，涼快得來不覺寒冷。每張桌上都配備了熱水瓶、乾淨的水杯及紙巾，細節之處顯示出店家的貼心和周到。談到食物，這裡的美味可說是物有所值。加$3就能享受到一杯冰涼的飲品，實在是解渴又經濟。唯獨美中不足的是，加時菜每份$8卻略嫌份量小了些，希望未來可以有所改進!總的來說，這裡是個不錯的選擇，無論是想要一個悠閒的午後或是和朋友聚會，君日張飲都能讓你的時光添上幾分美好！

今早係附近搵早餐食，見呢間餐廳有卡位同環境都唔錯餐牌有沙爹牛肉麵選雙蛋牛油包，加杯熱奶茶醒神吓$40沙爹味都十分香濃，而牛肉都好滑又冧唔錯，而煎雙蛋是剛煎好又熱係流心蛋嚟㗎黑白奶茶都好滑香濃醒晨呢到最好就可自助點餐，員工服務態度有禮，地方整潔

剛剛去完食午餐焗飯, 好好味, 我吾小心倒左杯凍華田, 樓面好仲笑笑口, 免費比過另一杯我添, 蝦米雪菜肉絲米粉非常好吃。味道鮮美，讓人回味無窮。除此之外，常餐多士也非常值得一試。外皮香脆，口感十分棒。另外，西多士口感豐富，非常美味。

和同事去lunch, 個set lunch 炒飯已經係凍冰冰，換咗都只係好少少，都算，杯嘢都未飲完一半，就放個留座牌，咁諗住算啦，lunch time 唔好阻人，但佢然後過多唔夠5分鐘又放多個牌，咁不如以後係門口寫明lunch time 幾點到幾點只能食30分鐘，遲就罰錢啦，我真係有諗過唔走睇佢可以放到幾多個牌都好喎

上星期六約左人3：00喺附近，就早少少出門口，食埋嘢先集合食開識路，唔使等直入坐低睇下食乜好，醒胃又想滿足少少飯癮，就叫左咖哩雞扒飯。特飲要加9個大洋，又無傳統紅豆冰，就叫凍奶茶义電。10分鐘就飯到，靚姐仲温提我隻碟好很熱。個汁微辣，加埋焦香的芝士碎，清碟是常識吧！下午茶份量夠，味道有heart，$51抵唔抵，見仁見智P.S. 埋單時有約5-8人在等位

今日食lunch, 叫左個午餐-馬來西亞咖喱雞，雞係先白烚烚熟，上碟前先加飯加汁，雞完全唔入味，極難食。真係雞有‘雪’雞味，咖喱有咖喱味，飯有飯味，完全係兩個字-難食。不過都未係問題重點，重點係‘服務差’，嗰個唔知係‘老闆’定’經理‘會趕客。一放低叉匙即刻收你碟，野飲都未開始飲就即刻放張‘留客’牌黎趕客走，仲要放低完眼啤啤，好似叫你快d走，唔好阻住晒咁。你唔理佢，隔一陣(應該係4-5分鐘左右）再放多張‘留客’牌，好似再唔理佢既話，佢就放足十二張金牌咁。大佬，食餐晏仔唓，前後落唓加埋食都未夠30分鐘，使唔使咁。 以後都唔會幫襯😡😡😡🤬🤬🤬

近來喜歡睇早場，踏入7月，暑假檔期，選擇多多，套套都準備睇。今次到MCL長沙灣睇元素大都會(Elemental)，習慣入場前先吃過早餐，從港鐵站往戲院，全經過君日餐廳，就在這吃早餐。非繁忙時間，可以隨便坐，入座阿姐就給點餐QR code (系統設置問題，請看尾段)港式早餐，包括以下的：#沙嗲牛肉湯米粉：沙嗲湯底挺濃郁，牛肉算多，米粉是粗身，吸了湯，質感比較滑，總體不錯。#火腿奄列配牛油多士：牛油多士微脆，麵包皮也不硬，好吃；火腿奄列比較老身，一般。#熱奶茶：紅茶和淡奶比例合適，挺好喝的！p.s. 單餐系統，把食物和餐飲分開，點完食物，自動會問“想不想點飲品？”，進入飲品版面，熱飲價格是22元(早餐明明包熱飲！)問店員，1位先生完全不理，另1位先生叫我照點，張單會自己計，熱飲唔會再收錢。

陪家人去佐明愛覆診,走時行去荔枝角諗住食埋嘢先回家,經過這間餐廳門口見燈飾好光亮,感覺幾好,就入去試下😋叫咗個海南雞飯🐤肉都尚算夠滑嘅,,冇得同正宗地道比較,雞味淡咗D,有醬汁點還可以,油飯都可以🤤咸魚蓉肉碎芥蘭煲🍃份量好多,冇乜鹹魚肉粒反而有啲冬菇粒同埋肉碎粒就炒到好咸,芥蘭莖多過葉,可能唔係當做比較硬好多渣🙊如果要求唔高,係可以飽腹😅

Ordered the $145 for two dinner dishes combo We had a wide spread of food The bubbling cheesy egg tofu stone pot with assorted seafood was steaming and yummy. Deep fried fish fillet in sweet and sour sauce and pine nuts was my favourite dish. We also got the pepper and salt crispy tofu dices and beef chucks in onion sauce. The last one was the fish fillet with garlic, gourd and vermicelli. All the four dishes were delicious, each came with soup, rice and a drink of choice. We would say that the

我真係未食過炸魚柳可以又韌又柴，特別係啲燶邊位，呢塊炸魚柳到底擺咗幾耐先至可以有咁嘅效果？真係佩服第二度真係食唔到㗎！如果同荷里活個炸魚柳下午茶比真係爭咗幾條街，人哋又嫩口又脆口又大塊，荷里活我可以畀八分，呢間直頭唔合格。不過今次只係塊魚柳啫，其他食物我又唔太清楚因為未試過，不過幸福邨嗰間均日我就試過佢嘅乾炒牛河質素係錯嘅，既然係咁我情願幫襯幸福邨嗰間都唔會行咁遠過嚟長沙灣香港中心呢間了，如果講環境嚟講呢間都幾好嘅，最少夠光猛坐位又舒服地方都大。

事緣睇中佢下午茶第一項「流心芝士西多士」40蚊，就滿懷希望睇佢點流心，點知唔流不特止，其實係咩餡都好似無，糖漿就兩茶匙，仲慘過買求其買個麵包，大家睇相就明白。初頭以為佢比錯咗個無餡嘅西多士比我啦，咁阿侍應哥哥就話係咁架啦，佢炸咗就係咁，芝士流唔到心架。唉，其實叫碗河粉都係$38，都唔知點解要食一個$40嘅齋包。佢哋明知芝士係流唔到心，咁仲寫流心芝士？咁即係已經觸犯商品說明條例！之後我賣個外賣飯盒理應有9折，職員無比9折直到我提出佢先話計錯數。唉，係呢到提醒大家，呢家餐廳唔值得幫襯係因為佢哋手法學非常唔誠實！