一粥麵 (新都城中心二期)

Open Now

Now Closed

嚟食下午茶比餐牌圖片吸引，試左這款土匪雞扒撈粗下午茶餐。土匪雞扒好好食，新鮮炸，超脆口，調味都幾重。重點大塊！！但撈粗就差左D， 面好乾， 要用筷子炒散，如果不是真心可以整個麵餅拿起。 重口味嘅朋友建議可以落辣椒汁。

近日天氣凍，最好食個煲仔飯作為晚餐，能量可以至到明天起床，十分化算呀！《 一粥麵 》是擁有多間分店的連鎖餐廳，而此間分店的出品，常常令我滿意，職員的態度十分和藹、親切，有老街坊 feel 呀！‘’鰻魚排骨煲仔飯‘’ 由職員送到我面前時，煲蓋是罩不住米飯嘖出的蒸氣和香味令我渴求地打開它立刻將一口米飯送入咀裏，再把熱氣緩緩噴出，非常自癒，此種滿足感，請大家在這個冬季快來感受一吓吧 ！撈麵的保暖效果總是未如理想，當進食到分量的一半時，就覺得涼了下去。溫馨提示：煲仔飯可以外賣的，加少少錢就連埋個沙煲一齊帶走，十分體貼

兩口子在下班後不願意買菜煮飯，洗洗㷛㷛再清潔，就最好係揾間快餐店食個飯，乾手淨腳唔使做，又飽肚又暖胃呀！近期《 一粥麵 》以人氣廚師作廣告招來，造前幾款合時煲仔飯菜式，我個人十分讚賞呀！對工作了一整天的市民，確是喜訊。在購買‘’雲吞雞鍋配鮮蝦炒飯‘’時，我的靚太再三詢問職員，依個餐的價格，真的配搭炒飯呀而在我們後面的街坊老伯，已雀躍地回答，係呀！ 好抵食呀！此鍋湯底，算是可以的有雲吞四粒、細片花膠四至六片，重點係係隻雞仔呀！肉質軟淋。炒飯份量充足，兩人飽晒溫馨提示：晏咗去賣， 可能賣曬無得食喔

之前來過食的粥麵都唔錯，但今天退步了😓豉油王炒麵，以前麵質比較乾身，正正常常。今天食的同之前比較兩回事，麵身又漲又林，又唔夠熱，真係幾難食😞皮蛋瘦肉粥，粥底好浠，沒有肉味，只有鹹味，最奇怪就是啲蔥，是直切，不是切粒，食起上嚟，啲葱黐埋一齊🙄值得一讚的，就是新的裝修，比以前光猛闊落 ！

平時5：00多數都係做緊野，好少會呢個時候搵野食，今日因為太忙，淨係食左早餐無食lunch，所以咁早已經有D肚餓😅，見到附近一粥麵，原來5：00已經有晚餐，仲要有煲仔飯食😚，好耐無食過煲仔飯，突然好想食，因為我好鍾意食飯焦既🤭🤭，只係煲仔飯先會有飯焦食。即刻order個最經典口味先。臘腸花菇雞煲仔飯$48，其實呢個價錢飲埋凍飲都係$51，唔算好平😶，因為個煲仔係比較細既，一般煲仔飯係用有手抦嗰款瓦煲，係大個D既，所以如果女仔食係啱啱好，男仔可能唔夠飽😅。講返個飯先，可能我自己係比較重口味既人，覺得唔係好夠味，尤其係D煲仔豉油，唔可以帶返煲仔飯既鮮味出黎，就算有臘腸都唔夠香。飯焦係足夠既，但都係同一個問題，因為唔夠香味，只係食到濃左既味道，其實都算係幾失敗🙄。食完之後，都係決定以後食煲仔飯都係去明火嗰D舖頭會穩陣啲😂😂。

今日買咗西蘭花青衣球飯外賣，點知好腥，之前食都唔係咁。結果食咗一半，已經再食唔落啦！希望下次揀返其他餸會安全d。外賣要等25分鐘，其實見佢哋無停手咁做，但也等得較耐。

🦠數字突然飆升，本來約咗成個月嘅 #飯局... 就只好變成面前呢煲 #鳳爪排骨煲仔飯🤤 作為 一粥麵 嘅 #長期擁躉，我對佢嘅出品一向都幾滿意😉 以 #快餐店 嚟講，#品質 算係唔錯㗎喇🤩 天氣漸漸轉涼，佢哋個餐牌都唔同哂，估唔到快餐店連 #羊腩煲 都做得到🧐 不過怕羶嘅我，梗係唔會揀佢啦😉落單果時我明明叫嘅係 #臘腸花菇滑雞煲仔飯，點知送到嚟我面前，打開個蓋先知道 #落錯單😝 都怪我之前掛住玩手機，冇睇清楚。#煲仔飯 比我預期中份量大，離遠已經見到熱騰騰嘅白煙係煲仔標出嚟💦 平時我見到嘅 #鳳爪 都係一開二先上碟，今次係原隻鳳爪仲要打孖上😅睇起嚟真係有啲得人驚👉🏻👈🏻 不過人同食物嘅 #內在美，始終都係要花啲時間去發掘... 淋上 #煲仔飯豉油 嘅 #飯粒，#SiLiSaLa 咁叫起來，似乎叫緊我快啲試吓啦😉 #排骨 嘅 #肉質 同 #味道 都唔錯，鳳爪嘅外表就 #肉酸 啲，不過又幾好咬口喎🤤 再配埋一啖又一啖熱辣辣、又撈咗豉油嘅飯入口，真係好滿足🤩 呢餐連埋杯 #熱飲 都係$52... 讚👍🏻👍🏻

好少寫負評，今次真係忍無可忍！因疫情關係，收工後大部分食肆已截單，唯有幫襯呢間唔想幫襯嘅一粥麵。之前已經有過一次惡劣經驗。雲吞麵冇完全淥散，部分結成一舊舊。啲鹼水味濃到「乸」口，成口苦晒。今次再食，麵係淥開咗，但啲湯同啲麵都係苦到「乸」口。普普通通一碗雲吞麵，我從未喺任何食肆食過咁難食。而呢間仲畀我食過兩次係咁！我發誓以後就算全世界得佢一間雲吞麵店，我都唔會再幫襯。每一口都食到好難受，返屋企煮公仔麵冇咁嬲！😡😡😡明知冇乜人會睇一粥麵食評（連鎖快餐邊個有興趣），但都要寫，一來真係食到好嬲，要發洩下，二來希望佢啲管理層睇到，反省改進下！

以前喺香港東過嚟將軍澳真係好方便，所以我好多嘢都安排喺將軍澳範圍。但係而家搬咗去九龍，就好似今朝過嚟做facial，就要勞師動眾一早起身。今朝要先去訂 #母親節蛋糕、但又要趕住10:00準時到達 #美容店，搞到我8:30就要出門口，好彩仲趕得切食 #早餐。本來我都唔想幫襯 #一粥面，不過咁岩佢又系 #餅店 隔離，我又趕住做facial，最終都係入咗去😅 今日我食嘅係 #魚柳、#太陽蛋、牛油餐包、#碎腩通粉 + #茶走。整體冇太大驚喜，不過個 #牛油餐包 又真係幾軟熟又香牛油味👍🏻👍🏻 不過我想提一提嘅係 #水吧 嘅 #服務人員 似乎唔系太熟悉香港人嘅文化，我叫 #茶走 佢竟然俾咗杯 #齋茶 我，我問佢點解冇奶嘅... 佢居然仲理直氣壯咁話你要 #走奶 吖嘛🤣🤣 阿姐你系咪搞笑先？

在附近工作完畢後終於可以吃飯，發現原來已經是下午茶時間。由於小弟比較餓所以同時點了（紫菜三寶麵）及（粟米瘦肉粥配腩汁唐生菜）食物整體質素尚可－（紫菜三寶麵）的雲吞、墨魚丸、魚皮餃，紫菜及湯底，整體來講比較平平無奇，但是雲吞麵吃起來比較爽滑，個人覺得不錯（粟米瘦肉粥）粥底不太夠綿滑；粟米，花生，粥的味道都偏淡；粥內的瘦肉分成肉絲或一件，個人認為整碗配搭肉絲會較佳（腩汁唐生菜）菜爽脆，腩汁比較像蠔油味

今日落左街買外賣食，我就去左一粥麵叫左個韭黃炒蛋拌蝦仁嘅客飯套餐，跟餐仲有杯茶同個湯，幾抵食，炒蛋嘅份量夠曬多，而且d蛋都幾滑，用黎送飯食一流，唯一不足係個湯偏鹹，而且唔係好濃味。

今日不想外出就去家樓下吃飯，因為今日早原因可以叫到這個餐，砂鍋雲吞雞，雞都幾滑而湯都夠濃味，入面約有四至五粒雲吞都幾好味，另外的小菜就是咕嚕肉，因配雲吞雞所以比較細碟都可接受，肉不太覺但都幾脆而味都濃味，還有送飲品蘋果綠茶驚喜好味不太甜又濃味，仲有白飯都幾飽。我叫的是有燉湯，差不多每次都會去叫這個小菜套餐，芥蘭牛肉的芥蘭都不少但成碟偏凍，牛肉味偏少但口感可以，再白飯配中國茶。加了八元要了甜品渣咋，味道太甜，但都幾足料。

#Boss 呢排都比較準時收工，實在太好... 可以方面我哋安排私務，不過依家 #公司 搬遠咗，每次想入 #將軍澳 都要考慮吓😅呢日 #小秘書 終於 #的起心肝，約埋 #將軍澳之友 去 #新都城廣場 行吓街，點知一行就一發不可收拾😅 最後搞到要食 #快餐😅😇 不過其實 -#一粥麵 都好多選擇，既有 #粥粉麵飯、又有 #小菜🤩 我就點咗個 #茄子豬扒煲 同朋友 #開心share。煲入面淨係 #豬扒 都有5件，茄子 都有大半煲，仲喂埋個 #沙參玉竹湯。個湯足料但唔熱，有啲嘥料🤨 #豬扒 整特好好味，應該係用 #甜豉油汁 腌製過，搞到平時好少食肉嘅朋友仔，都忍唔住要左兩件... 哈哈😄 不過呢啲 #茄子 又太油膩，尤其無喺煲底嗰層，成層吸油紙咁... 真心唔敢擺落口😉 不過地點方便，員工又快手，普普通通又一餐啦😉

今日原本心情靚靚出門，時間尚早去幫趁下呢間大集團食個早餐，十點幾唔係太多人，去收銀買完飛去櫃面等叫號碼攞野食，等左約5分鐘，我手上張飛個號碼「484」出現，埋去見全部阿姐都垂低頭忙緊無人理我，剛好見到枱上有一盤係我叫左嘅粟米粥同蘿蔔糕無人認領，諗住自己去對下張單個號碼係咪我的（我絕無碰過D食物，只係揸住自已手上張飛個號碼諗住對下個盤上張飛個號碼而以），阿姐反應好快地馬上抬高頭話：「送餐架喎~~ ! 」我即刻縮手，阿姐霸氣地再補多一句：「唔好見到野就亂攞啦！！」，D話氣態度.....💪，我就同果位阿姐講，唔係我嘅都唔洗鬧嘛！講一句就得啦！我當刻心情即刻跌左落谷底，以為自己係度輪緊社會福利署D飯盒。睇左一陣原來我D食物仲未做好，咁就唔好打我個號碼叫我啦！總結：大集團派米阿姐都特別有霸氣，我呢D蟻民入去光顧真係要打醒十二分精神。

今晚在一粥麵，食了一個豉汁蒸倉魚晚餐，有飯有湯，還有一杯中國茶，(可惜個餐沒有供應菜🙁)，倉魚蒸的時間啱啱好，夠晒滑，蒸魚豉油上面還有幾片辣椒，夾得天衣無縫，蓮藕湯夠晒火候，很有住家飯feel，喜歡食魚的朋友，不妨一試😄