Video
Opening Hours
Today
12:00 - 15:00
17:00 - 22:30
Mon - Thu
12:00 - 15:00
17:00 - 22:30
Fri - Sat
12:00 - 15:00
17:00 - 23:00
Sun
12:00 - 15:00
17:00 - 22:30
Public Holiday
12:00 - 15:00
17:00 - 23:00
Public Holiday Eve
12:00 - 15:00
17:00 - 23:00
Above information is for reference only. Please check details with the restaurant.
About Reward Scheme
荃灣大鴻輝中心有好多不同種類嘅餐廳，今晚冇食午餐好肚餓，所以決定試吓喺10樓嘅「御滿屋日本料理」。而家可以經inline網上訂位，方便度更勝之前。餐廳主打日式放題，今次試咗佢哋最平嘅套餐，性價極高，下次一定要試吓高級啲嘅套餐。餐廳設有小食區，飲品區和甜品區，全部都係任飲任食。小食和飲品種類繁多，有我最鍾意嘅八爪魚仔，海帶，響螺和海蜇，而且連日本清酒都係任飲。雖然我哋今次揀咗最平嘅套餐，但食物種類都好多。刺身我哋叫咗帶子、甜蝦、阿根廷赤蝦、泰式生蝦、希靈魚、北寄貝、油甘魚、三文魚、八爪魚、松葉蟹棒，還有我最鍾意嘅劍魚，而家劍如唔係好多地方都有得食。刺身有冰承載着，確保新鮮，值得一讚。我哋仲叫咗燒左口魚壽司，芥末八爪魚軍艦，和花之戀。而最令我驚喜就係呢個價錢居然有海膽手卷。食完刺身，當然要試吓佢哋嘅燒物，今次叫咗燒羊架，串燒牛舌，鹽燒比目魚、燒雞翼和燒生蠔。火喉控制得好好，最欣賞係比目魚，Encore咗幾次。L除咗日式，原來仲有中式食物，叫咗個薑蔥炒蟹，蟹肉羹，估唔到都好高質素。甜品區裏面有好多種類嘅雪糕，居然有Movenpick 和Häagen-Dazs，食埋甜品真係超滿足。
continue reading
又嚟到荃灣依間「御滿屋」食放題，今次多咗D唔同款式嘅甜品可以試下，蜂蜜蛋糕同伯爵茶布丁燒都令我忍唔住encore食咗各五、六件，壽司、刺身、熱食等等都依然維持到水準。*此餐廳收取加一服務費。五六日假期A組合放題成人晚市自選2小時（兩人$616），刺身，帶子、阿根廷赤蝦、赤貝、泰式生蝦、希靈魚、北寄貝、角螺、油甘魚、劍魚腩、甜蝦、八爪魚、挪威三文魚、鮑片、松葉蟹棒，食落好新鮮。蒜蓉燒生蠔（跟餐$0），表面鋪滿金銀蒜、指天椒，生蠔味道鮮甜，食落好Juicy。日式炒蜆（跟餐$0），蜆肉肉質飽滿，食落有鮮味，加入指天椒、蒜蓉、彩椒、香蔥炒製，味道類似大排檔裏食到嘅香辣醬爆炒蜆，食落好惹味。鹽燒海蝦（跟餐$0），肉質爽口，味道鹹鮮。竹笙瑤柱蟹肉羹（跟餐$0），口感濃稠，略嫌瑤柱、蟹肉份量少，食落比較細碎，味道類似碗仔翅。海膽魷魚軍艦（跟餐$0），表面鋪滿海膽醬，魷魚口感爽脆。蜂蜜蛋糕（跟餐$0），口感鬆軟，味道清甜。伯爵茶千層蛋糕（跟餐$0），略嫌蛋糕分層口感比較厚實，茶味濃度6分，略嫌味道偏甜。伯爵茶布丁燒（跟餐$0），表面鋪滿日式芝士蛋糕，味道鹹香，底部為伯爵茶布丁口感濕潤，茶味濃度8分，整體食落一口即化，茶味濃厚。
continue reading
記得食呢餐果時，我個人能量好低，食完滿血回復！😁最平嘅A餐只是$238（星期一至五午市），已經有77品選擇，而且款款吸引不濫竽充數 。雖然很平，但質素比想像好！可以回頭！竟然有任食哈根達斯、有酒、有鮑魚、海膽、花膠😱個人推介必點泰式鮑魚！這裡的燒物也不錯，我喜歡燒牛舌、燒紐西蘭羊鞍、也必點有機燒菠蘿，蒜蓉燒生蠔也ok 。放題必有壽司刺身，刺身蝦大隻！這裡還竟然有海膽手卷，當然是放題質素，但最少無苦味，合格！壽司我推介火炙鹽燒左口魚裙邊壽司，充滿魚油極美味！熟食還有炒蟹、花甲鍋、肥牛鍋之類，自助區也提供很多前菜選擇，竟然還看到水葡萄和即食糖心蛋 。飲品有巨量選擇，酒類有梅酒、清酒、紅酒、多款啤酒，我就試了生可樂，和中女之選熱花茶😁雪糕甜品令人滿意！有bulla frozen yoghurt 又有任食haagan daz，是超回本的放題！環境乾淨闊落、店面人員收碟爽快、服務都幾好，會想回頭再食！PS. 12:00 會有人龍排隊入座，唔介意食唔足3小時的話，12:30到就不用排了！
continue reading
三五知己 又約埋去食放題 慢慢食傾下偈😉朋友卜左呢間位於荃灣大鴻輝中心日本料理放題我哋食最基本嘅經典A餐可以品嚐77種美食有刺身 壽司 火炙壽司 創作壽司 手卷軍艦 卷物 串燒 一品料理 燒物 煮物 天婦羅炸物等嘩 太多美食 太豐富了 😍真係花多眼亂 選擇困難症呀 😂🍣刺身我哋叫咗帶子刺身 鮑片 挪威三文魚等尤其挪威三文魚及帶子刺身 新鮮甜美壽司叫咗蟹子軍艦 花之戀挪威三文魚手卷等花之戀壽司軟滑鮮甜🍢燒物我哋叫咗燒牛舌 燒菠蘿 燒雞翼等 燒物做得好出色貓山王榴槤炸彈 炸得香脆 一口咬落去 流心架 😍燒牛舌原汁原味 唔會燒到好乾雞翼非常脆皮好香口 好正 😋🥤 飲品飲品種類多 有汽水 有茶類 果汁 梅酒 清酒 啤酒等飲品係自助區任拎任飲🍦甜品雪糕自助區有幕絲 泡芙 朱古力蛋糕 雪米糍等雪糕有 movenpick Haagen-Dazs雪糕 多款味道雪條等 任食任拎 真係好抵食呀 🤗
continue reading
從來唔會對日式放題嘅食物質素有任何期望，但御滿屋真係令我喜出望外。滿屋早前改名為御滿屋，旺角、荃灣、大埔都有分店，我今日試荃灣午市放題。放題分幾個級數，我食最平嘅A餐，$238，中午十二點開店，可以食到三點落場為止。諗住最平嗰餐一定冇嘢好食，點知就算係最低消，食物選擇到極之豐富。🐟魚生非常新鮮，🦐赤蝦更加可以用大隻來形容，蝦頭超多膏。加$10可以加一隻大閘蟹🦀雖然係細細隻不過都有蟹膏、鮮甜，十蚊真係超值。依家仲免費升級🇲🇾馬來西亞燒榴槤任叫任食，而且叫咗好多轉全部香甜多肉，真係淨食榴槤都回本。另外仲有燒羊架、紐西蘭西冷、燒乳鴿、煎比目魚、燒牛舌等，全部高質。壽司卷物就正常發揮，火炙焦糖三文魚甜甜哋好味。自助區仲有麻辣小龍蝦，好受歡迎。呢個價錢已經包清酒啤酒梅酒等任飲。連🍨häagen-dazs同movenpick雪糕都係任食。出菜快、收碟快、食物賣相靚、永無扣單漏單、服務好、環境舒適，我畀御滿屋滿分。
continue reading