SuperNormal (淘大商場2期)

Open Now

Now Closed

今日和朋友二人難得相聚，安排了二人桌，叫左個二人set，先上兩杯飲品，接著餐湯，之後前菜都好快上枱，但我們仲飲緊餐湯，食緊前菜，waiter又上意粉及羊扒。問題是所有食物同一時間上菜，不理會本身安排張枱根本滿到快要令食物掉下。當時我們惟有向餐廳waiter反映，可否將還沒有客人的鄰桌併合，好讓我們有空間食飯。雖然當時餐廳還沒有很多空桌，幾乎只有半數客人，但waiter 仍不理會我們用餐之狼狽，不肯幫我們併桌。可能waiter覺得如果併了鄰近的桌子，若等一會很多客人來臨就不能安排。那麼，貴餐廳若只能安排這有限的桌子，可否觀察客人用餐的速度而安排上菜的時間呢？我們是order $5xx set, 不是去快餐店，可不可以不要一次過將餐湯、前菜、餐飲、意粉、羊扒一併上菜，況且這樣一併上菜，溫度都流失，你叫客人怎樣品嚐美食呢？怎樣好的美食都被你們的安排撤底破壞了！及後到我們完餐，貴餐廳還有不少空桌。

西餐日今日想食下啲特色西餐次次經過見到九龍灣呢間餐廳都高朋滿座 一於試吓佢究竟有咩咁受歡迎首先係門口 由職員帶位 先讚一讚佢 好有禮貌(全程) 不論落單上菜埋單佢都好好笑容👍🏻見到餐牌招牌菜之一德國脆皮鹹豬做緊優惠相當吸引𣎴過我地一行二人 最後決定嗌set dinner 二人餐 又有豬手又唔洗諗 首先上左自家製餐包同粟米湯一共有三款包 分別有多士 蒜蓉包 燕麥包 全部都係熱辣辣 加上凍冰冰既牛油 外脆內軟 好好食呀前菜我哋揀咗白酒忌廉煮青口個忌廉汁好滑好香口 青口好鮮甜 唔會腥為咗唔好浪費佢咁好食既忌廉汁拎嚟點個餐包 超級點點下 成碟汁都比我點哂終於上我期待咗好耐嘅德國脆皮鹹豬手豬手嘅肉同脂肪分布得好平均加上外皮整到非常脆 佢個蜜糖芥末醬同豬手既鹹味非常配合滿意度再黎揀咗蟹肉海鮮龍蝦汁蟹籽天使麵天使麵條條都吸收咗甜甜嘅龍蝦汁每啖都有蟹肉同蟹籽包圍住 而且佢個碟好似藝術品咁 唔好以為細細碟 但其實好大碟 整個套餐二人餐嘅份真係好足夠 飲品我哋升級咗兩特飲檸檬蜜桃蘋果梳打白桃四季春茶兩杯都好飲 最緊要唔係死甜 夏天飲一流

餐廳主打多國菜及特色cocktail🍹水準一向穩定，每次嚟都唔會失望，係約朋友嚟淘大食飯不二之選🤘🏽🎈德國脆皮鹹豬手豬手做緊優惠$98大大隻真心抵食，細心位係已經起晒肉方便同朋友分享豬手外層金黃香脆，內裡肉質軟腍嫩滑，充滿骨膠原🍖重點係調味啱啱好，唔會覺得太鹹，加上黑椒汁相當惹味🎈刺身級帶子牛油果沙律帶子好厚肉，有啖啖肉嘅口感，配上牛油果🥑車厘茄及新鮮沙律菜，清新又開胃🎈照燒日本鰻魚扁意粉 $158日式風味嘅意粉，上面有成隻碟咁長嘅鰻魚勁吸引，扁意粉好掛汁，食到香濃照燒汁甜香，配上青椒絲同雜菌，口感豐富🎈西柚檸檬四季春茶🎈Regular Coffee

淘大商場裡嘅「SuperNormal」絕對係我十大最愛嘅餐廳之一！最近佢哋嘅招牌菜脆皮咸豬手仲有特價優惠，只需要$98，超級抵食！而且豬手份量都好足夠，皮脆肉嫩，真係一定要試吓！必點德國脆皮咸豬手，豬手外脆內嫩，肉質鮮美，配上微微的酸菜及泰式醬，味道絕對無得輸！🍖🥔另外，墨西哥粟米片都係一個非常吸引嘅選擇。粟米片炸得香脆，每一口都香脆，再加上淋上濃郁嘅芝士同埋酸甜嘅墨西哥醬，味道層次豐富，真係好開胃！🌽🧀🌶️如果鍾意海鮮，絕對要試下佢哋嘅白酒忌廉法國藍青口配蒜茸包。藍青口新鮮彈牙，配上香氣四溢嘅白酒忌廉同埋蒜茸包，絕對係一個令人垂涎欲滴嘅組合！🦪🍶🍞最後，英式炸魚薯條係一個經典嘅選擇。魚肉鮮嫩多汁，外層炸得金黃酥脆，薯條炸至香脆，配上酸甜嘅塔塔醬，絕對係一道令人回味無窮嘅美食！🐟🍟總括而言，SuperNormal係一間值得一試嘅餐廳！佢哋嘅菜式豐富多樣，口味出色，價錢又親民，真係滿足到我嘅味蕾！😋🍽️

📍九龍灣 Super Normal今日又嚟到九龍灣食個靚晚餐，迎接禮拜六嘅weekend。呢間Super Normal其實一啲都唔normal，除咗佢嘅裝修好靚之外，食物嘅質素都真係相當唔錯，而且都好有特色，值得九龍灣人嚟試一試。٩(˃̶͈̀௰˂̶͈́)و柚子脆皮豬手 $98佢哋呢間餐廳主打豬手，而佢嘅招牌豬手而家都做緊優惠， $98就大大碟，仲要超多肉。有三隻味可以選擇，分別係黑椒、泰式醬同柚子汁，我哋今日就試咗柚子汁，感覺清新而唔油膩。西班牙海鮮燴飯 $168佢呢個西班牙都非常出色，有好多唔同嘅海鮮，包括青口、帶子、魷魚圈同蟹鉗等等，而佢嘅飯入邊都有紅椒同青椒之類嘅配菜，材料十足，絕不馬虎。燒羊架（兩件） $76作為小食嘅羊架份量都非常多，而且肉質都好好咬，唔會過硬。Flower Ball $62其實佢哋除咗食物之外，都仲有Cocktail可以選擇。而佢呢一杯Cocktail混合咗好多唔同嘅果汁，味道清新而開胃。Latte $32

朋友帶左我黎淘大食一間出名德國豬手嘅西餐，一睇佢個Menu，見到佢嘅豬手真係好多味道選擇😍有泰式秘製醬汁、又有柚子味同埋Classic香蒜黑椒味!同埋餐廳嘅氣氛都幾好，幾適合夜晚同friend傾吓偈食吓晚飯。香蒜黑椒脆皮鹹豬手：豬手，燒到金黃色😍食落去外皮好脆，入面好嫩滑好有膠質，滿滿嘅骨膠原😋香蒜黑椒味令佢食落去好惹味，鹹香鹹香！食住佢配draft beer 冇得輸😆蒜片紅椒藍蟹肉扁意粉：個意粉炒得好乾身，食落啖淡蟹肉好足料👍入面有蒜片紅椒同埋蘑菇，食落辣辣地幾惹味拿玻里肉腸：呢度係一度好出名嘅意大利菜，入面佢係用咗意大利嘅新鮮豬肉，加左黑胡椒同埋香料，識落個腸嘅口感已經好唔錯又Juicy，連埋酸酸辣辣嘅蕃茄汁🥫正😋好開胃

淘大花園好受歡迎嘅西餐廳，每晚都好多人食，環境氣氛好 chill～食物選擇豐富，有熱門鹹豬手、漢堡包、燴飯、意粉、沙律等等，仲有大量酒類飲品，好適合晚上約會🥂 香蒜黑椒脆皮鹹豬手🐷 $98必食超抵價！脆皮鹹豬手外層酥脆，內裡肉質鮮嫩多汁😍 豬肉鹹香入味，加上香蒜和黑椒汁的調味使得整道菜更具風味🤤 豬手好大份，十分飽肚，讓人回味無窮，絕對值得試照燒日本鰻魚扁意粉🍝 $158大大條鰻魚好吸引😍 每條扁意粉都充滿照燒醬的風味，仲有大量蘑菇及青椒 口感豐富，啖啖滋味🤤 好飽肚好滿足👍🏻 西斑牙海鮮燴飯🥘 $168豐富海鮮配料，好好味燴飯！😋 口感好豐富又creamy，推薦😋 燴飯的米飯口感綿軟，入口即化，搭配上鮮嫩多汁的海鮮，包括青口、蝦、蟹等等，充滿了豐富的口感和風味Chocolate 🍫 $36 Hot推薦，十分香甜🤎 奶味偏濃～

上網見有介紹做緊期間限定又適逢母親節🎊媽媽喜歡整豬手又愛食，我當然要帶媽媽去食下啦～🍴▸ 柚子脆皮豬手 $𝟗𝟖自己買一隻連煮都唔只呢個價期間限定‼️ 每日只限20隻四至六月超值優惠 (原價$𝟐𝟐𝟖)有三種口味：柚子、泰式、黑椒個皮真係脆到卜卜聲本身已經咸咸的好入味肉質嫩而多汁 有膠質感柚子醬少少似沙律醬 酸酸甜甜解肉膩感 越食越開胃▸ 卡邦尼扁意粉 $𝟗𝟖份量也太多了吧😳汁濃稠度高 口感細滑奶油感好～強但不會太膩配上指定的煙肉同蘑菇配料▸ 雞泡魚乾 $𝟔𝟖一條條微微甜煙韌唔痴牙不過份乾身 陣陣清香油脂且配有蛋黃沙律醬▸ 豆腐魚餅 $𝟑𝟐外酥脆內軟滑 豆味重而香魚味不太重但口感彈牙🍹▸ 檸檬蜜桃蘋果梳打 $𝟒𝟒我好鍾意呢杯😍清香不太甜 飲落好清爽加上檸檬微微酸好啱夏天▸ 士多啤梨熱情果梳打 $𝟒𝟎似用士多啤梨醬 整體不太甜可惜不太覺有熱情果味

︎ 九龍灣區內美味德國菜🇩🇪聽朋友報料豬手做緊大優惠🤑即刻被佢捉左去食😂♡⋯⋯食評⋯⋯♡ ☻ 4.9/5 🫧德國脆皮鹹豬手 限定特價$98有三款口味 今日揀左黑椒味😙鹹豬手唔會太咸 自己覺得岩岩好表皮炸到脆一脆 肉多而嫩配黑椒汁唔錯👍🏻好抵食🫧三文魚凱撒沙律 $128食沙律🥗最緊要係沙律醬同新鮮呢個沙律就2樣都有 爽脆沙律菜咬落索索聲三文魚係煙三文魚🐟好新鮮🫧經典卡邦尼扁意粉 $98卡邦尼醬汁好creamy而且份量好高 意粉好掛汁👍🏻👍🏻

德國豬手好正啊！！好耐無食德國豬手，睇人地發出來d相都可以feel到個豬手一定好脆，果然！！出面酥脆，内裏嫩，帶小小乾身，鹹淡適中，一啖啤酒一啖肉，好正啊，一日既辛苦都疏通曬，唔飲得啤酒既，餐廳仲有其他飲品選擇既。

真喺大癲，估唔到比我發現到咁正嘅 Bar & Restaurant,cocktail 勁有特色同埋仲有做到六月嘅$99豬手優惠超級打卡able泰式醬 脆皮德國鹹豬手 $99 鹹豬手烤到香， 一上嚟分量好大，外脆內嫩，再配埋秘製泰式酸辣醬，食慾大增，啱曬呢種悶熱的天氣。拿坡里肉腸 $106是一個調製好以番茄作底味的肉腸醬，再配埋烤香的簿餅，肉腸醬好香，簿餅好脆。食落好夾芥未牛肉沙律 $88牛肉是慢煮的，食到原汁原味的牛肉味，再配埋沙律，健康得嚟又好食。燒多春魚4條 $44叫嚟送酒，好野味，吹下水，飲下食下，開心的晚上。YaKuli strawberry $68隻杯超靚！睇得出店主的心絲！是士多啤梨沙冰+益力多+少量酒，成個組合好正，酸酸甜甜，有少少酒味，微微醉。Hua Diao $60隻杯超靚！睇得出店主的心絲！是沙冰+果汁+花雕酒+淡淡的玉桂香味+薄荷味，比例啱啱好，邊飲邊食，同frd吹水最好開心。

又來到我們的食堂，雖然他們最出名的是豬手，但其實其他菜式都非常好味道。🚩三文魚卷 $118這份三文魚非常足料，有大約六至七條非常長的三文魚，而且口感新鮮。🚩 酒香脆皮燒雞（半隻） $108半隻的燒雞已經非常大隻，肉汁新鮮，而且配菜很好吃，非常愛那個薯菜。🚩 軟殼蟹海鮮煲 $108這個菜式真的非常抵食，本身我們以為只是一隻軟殼蟹再加一些配菜，怎料煲中有蝦、清酒、德國腸、菜等，非常豐富。🚩 日本刺身帶子龍蝦汁意大利飯 $158這個意大利飯的龍蝦汁非常濃郁，而且帶子新鮮又大隻。

🔸牛油蜆鍋配蒜蓉包（2塊） $148🔸日本刺身級帶子龍蝦汁意大利飯 $158🔸脆皮酒香燒雞配自家秘製汁 $108/半隻🔸西柚檸檬四季春茶 $40-同男朋友食西餐慶祝週年紀念日，揀咗依間近近哋嘅西餐廳，食物質素好又唔算貴，我哋都好鍾意食～男友最愛嘅牛油蜆鍋一上枱已經好香，食落蜆肉非常鮮甜，熟得剛剛好唔會老，配埋超香脆嘅蒜蓉包一流。龍蝦汁Risotto都好濃郁，米粒口感煙韌，粒粒都掛汁好入味，配埋刺身級帶子無得輸。仲叫咗半隻燒雞，外皮香脆，肉質嫩滑仲滴晒汁架好好味😋最後飲杯西柚四季春茶，好滿足😌

以為喺屋苑嘅餐廳就唔會有驚喜，點知位於九龍灣淘大商場嘅SuperNormal，佢嘅脆皮豬手真係一啲都唔Normal，食到我哋舔舔脷！而除咗豬手，餐廳亦有串燒、燒雞，叫埋杯啤酒就夠晒chill啦！厚切牛舌芯牛舌雖然厚切，但一d都唔韌，爽口嘅口感加上肉汁，絕對係除豬手以外嘅必點選擇。柚子脆皮豬手嘩！超大隻呀！柚子脆皮豬手個外皮炸得勁脆，而肉質非常嫩滑，生熟程度啱啱好，一啲都唔乾。重點係充滿膠質嘅骨膠原，非常滋味。味道方面，唔會太鹹，仲帶有微微嘅柚子香味，一啲都唔膩。黑松露野菌扁意粉黑松露野菌向來係creamy界嘅代表，意粉索晒黑松露香味之外，仲有淡淡嘅蒜香味，充滿層次。 白桃四季春茶、菠蘿荔枝四季春茶飲品方面就點咗兩杯水果特飲，咁啱兩杯都係用咗四季春茶做base，讓水果嘅果香滲入青茶嘅優雅味道。

今日聽同事講九龍灣淘大廣場有間性價比西餐廳，於是約埋朋友一齊去試。九龍灣地鐵站行10分鐘左右就到。嗰度附近比較少咁高質既西餐，所以都好期待。今日2個人唔想慢慢睇餐牌，索性直接叫個2人餐食首先黎左2個粟米忌廉餐湯，啖啖都食到蘑菇粒，好creamy。自家製餐包：好好食，好新鮮，好鬆軟，好食過好附麵包🥖店既麵包。白酒忌廉煮青口：青口份量好多，個忌廉汁煮得剛剛好，青口掛滿忌廉汁，唔會太咸，用黎沾麵包食一流。招牌柚子脆皮德國豬手：依個直情係鎮店菜式，店員講明即叫即做，所以我地都好期待，上到枱發覺隻豬手，外皮炸到好香脆，內裡既肉仲好嫩，好大隻，又唔會太咸，肥瘦適中。芝士蘆筍鮮蝦牛肝菌意大利飯：講開意大利飯，最唔鍾意食到d煮得太爛既飯，依間既質素煮得剛剛好，用料又足又新鮮，好creamy。Ps：依家間餐廳做緊豬手一隻$98優惠價試食，話到明益街坊，每日限量供應。