SuperNormal (淘大商場2期)

Open Now

Now Closed

充滿工業風嘅🇩🇪德國吧🍺皮脆鹹香嘅豬手，讓人一試難忘🥗芥末燒牛肉沙律$88牛嘅質感有嚼勁配混合沙律菜，酸酸甜甜有些芥末味滿開胃🍖麥啤浸柚子，脆皮德國鹹豬手$178輕慢煮24小時嘅原隻豬手烤得鹹香得來，皮脆啖啖肉滋味到一啖接一啖，最後食啲醃酸菜解膩🇮🇹法式香煎鵝肝蘆筍牛肝菌意大利飯$158米粒濕潤香濃芝士拉拉絲質感，加埋鵝肝當堂昇華哂，鵝肝入口溶化，連同蘆筍同口牛肝菌一齊食，好味得來好正宗🌿西柚檸檬四季春茶（凍）清幽茶香配搭西柚果味，爽利怡人透過OpenRice訂座，晚上8點後散叫更有8折優惠（🇩🇪德國豬手除外）

我最近去咗淘大花園嘅一間西餐廳，真係有驚喜。呢度嘅環境燈光都幾有氣氛，地方唔大但坐落都舒服。首先係「Mexican Nachos」，呢款真係正！個粟米片香脆，上面撒滿咗芝士同埋烤肉碎，仲有新鮮嘅酸忌廉同牛油果醬。一口咬落去，酥脆口感真係無得輸。接下來係「日本刺身帶子龍蝦汁意大利飯」，別出心裁。帶子同龍蝦汁嘅結合好新鮮，Risotto 軟滑入味，每一口都充滿咗鮮甜。「酒香脆皮燒雞」係我最愛嘅一款菜式。呢隻燒雞金黃香脆，肉質嫩滑多汁，每一口都帶有濃郁嘅酒香味道。佢嘅外皮烤得恰到好處，加入咁大隻份都完全唔會Overcook, 回味無窮。唔能唔提嘅係「日本芝士年糕」，呢款甜點絕對係甜品愛好者嘅最愛。芝士年糕嘅質感綿密，芝士嘅香濃味道同年糕嘅彈牙口感相得益彰。每一口都帶來一種絕妙嘅口感體驗。另外叫咗杯清新飲品「丁香肉桂檸蜜」，呢杯飲品好開胃。丁香同肉桂嘅香氣散發出來，味道平衡而且清新。未飲已經好勁香味，喝一口，令人心情舒暢。最後係「西柚檸檬四季春茶」，西柚同檸檬嘅酸甜味道加埋四季春茶嘅清香，真係一個絕配。

去食德國脆皮豬手😋餐廳環境不錯感覺可以同朋友慢慢傾偈啤一啤😝餐廳食物選擇種類繁多懶人可以好似我咁選擇二人晚餐套餐有兩碗是日餐湯自家製牛油餐包三款包。我鐘意配湯食蟹籽海蜇青瓜芥末沙律非常開胃😋柚子脆皮豬手切好塊塊進食好方便皮脆肉都仲係juicy 😋配酸菜食，唔會膩😝蟹肉海鮮龍蝦汁蟹籽天使麵龍蝦汁好多，蝦大大粒份量足夠兩個人一齊食😋升級咗兩杯飲品分別係菠蘿荔枝四季春茶同士多啤梨熱情果梳打非常適合夏天飲

呢間餐廳裝修好有feel，有高身bar 枱，可以嘆住啤酒食豬手。同朋友一齊食飯啱晒。我哋叫咗以下菜式。❤️法式芥末燒羊架燒羊架，入口即化，鮮嫩多汁。燒羊架經過精心烹調，肉質鮮美，每一口都帶有濃郁嘅炭燒香味，令人唇齒留香。❤️柚子脆皮豬手豬手烤至表面金黃酥脆，肉質鮮嫩多汁。豬手上面撒上柚子皮碎，增添了柚子清香嘅風味，令人食後回味無窮。每一口咬下去，酥脆嘅外層同豬肉嘅鮮美完美結合，令人愛不釋手。❤️蟹肉海鮮龍蝦汁螢籽天使麵呢個菜式結合咗豐富嘅蟹肉同海鮮，再加上龍蝦汁同螢籽，味道鮮美而且豐富。龍蝦汁嘅濃郁味道同螢籽嘅微酸口感提升咗菜式嘅層次感，令人食完之後回味無窮，一試難忘。

突然想食德國咸豬手⋯⋯於是就想起公司最近地嘅淘大商場內的「Supernormal」嘅德國咸豬手🤤CP 值很高，於是就跟同事一起去吃🫢🫢「Supernormal」嘅德國咸豬手仍然做緊優惠🤭🤭但一啲都唔差🥰🥰豬手勁大隻，CP值高，起哂骨，外皮超級酥脆，肉質軟嫩，調味亦得宜，不會太咸，個德國酸菜都好好食🤤Lunch set 多選擇，前菜我揀咗薯條，主食就揀黑胡椒燒肉汁烤雞肉配意粉，雖然係午餐，但都有半隻雞味道不錯👍

呢間係九龍灣淘大商場果邊嘅西餐廳---🌟SuperNormal🌟覺得幾抵食又好有氣氛，令我哋一而再咁回訪，味道又唔錯所以已經唔係第一次食，見佢餐牌仲新出咗個燒雞，好吸引，緊係要點黎試試啦，有半隻同全隻份量選擇，好好👍🏻._.🐥 | 酒香脆皮燒雞 (半隻）| 🐥我哋兩個人食，緊係揀半隻，半隻但都好大份，食到好滿足。肉質嫩滑又多汁，一啲都唔鞋口，外表燒到好香脆，伴碟菜式豐富焗到好香，落埋蒜香汁更濃味。最貼心係會附上手套唔洗驚整污糟隻手又方便拎上手食👍🏻·🐟 | 香煎海鱸配雲吞 | 🐟充滿濃郁嘅芝士忌廉汁，令到本身無咩味道嘅海鱸魚同意大利雲吞都好夠味，芝士味好重，鹹鹹地，芝士控絕對係不能錯過🧀.🍄 | 香煎露筍鵝肝牛肝菌意大利飯 | 🍄意大利飯係充滿牛肝菌汁，結身嘅口感，面頭仲舖咗舊大大舊鵝肝，鵝肝香煎完充滿香濃嘅油脂滴曬落意大利飯到，顯得更惹味！✨️.🧃 | 橙汁 | 🧃._.

同朋友放工後去九龍灣食西餐，真係好開心！可以一齊品嚐美食同享受放鬆嘅時光。．首先，我地試咗法式手打魚蠔湯。湯嘅質地滑順，魚蠔嘅鮮味好突出。濃郁嘅蠔味，令到我好開胃．接著，我地點咗糖心蛋凱撒沙律沙律。新鮮嘅牛油果同沙律，係我至愛，味道好清新。感覺食得好健康．另外，我地仲試咗明太子原隻軟殼蟹漢堡。軟殼蟹炸得香脆，明太子醬帶嚟一啲咸香味。漢堡包鬆軟，整體口感好豐富。每一口都帶嚟滿足感同啖啖蟹肉嘅享受！．最後，我地試咗招牌柚子脆皮德國豬手。豬手外脆內嫩，柚子脆皮好特別嘅做法，但食落去感覺不俗，而且賣相很好，可以打卡．如果你同朋友想放工後一齊去食西餐，享受美食同傾吓計，可以一試

宜家時興夜繽紛，又係時候要搵fd食飯啦😜😜今日接個fd九龍灣收工，近近地去淘大睇下有咩好嘢，見到呢間傾計飲嘢都適合既餐廳，一於試下佢。✨️德國脆皮豬手🐽驚喜喎。脆皮得嚟又唔會好乾，內裡又juicy, 仲食唔晒添。✨️ 軟殼蟹burger🦀脆卜卜，醫汁調配適中，好味。薯條仲要係粗直薯條，like!✨️ 燒牛肉沙律🍝食左咁多肉同煎炸嘢，當然要叫返個沙律平衡下？無咁罪惡感🤭牛肉煎得剛好，又唔會乾，蔬菜新鮮，沙律汁開胃，讚！✨️ 咖啡及特飲梳打🍹americano 比我想像中好，梳打清新，唔會過甜。♦️整體評語值得推薦嘅餐廳，適合各類聚會， 食物質素中上。

每次諗起想食鹹豬手，就一定會去依一間淘大嘅supernormal , 佢驟眼睇起嚟好似一間酒吧咁，放工同埋同事坐低飲吓食吓真係幾chill. 今次俾我哋發現佢除咗有食開嘅脆皮鹹豬手，仲多咗個四周年優惠嘅原隻脆皮燒雞。坐低點完豬手同燒雞，因為即刻準備要大概半個鐘，就再點咗啤酒同埋特飲。杯Flower ball 雞尾酒有甜酸嘅果汁味，加上淡淡嘅酒香，好適合配鹹豬手烤雞等比較heavy 嘅食物。飲下傾吓豬手就上嚟啦，用咗麥啤浸柚子造成嘅脆皮德國鹹豬手，塊皮真係脆到卜卜聲係鬆脆唔係硬，就係咁樣令到我成日都會掛住佢。裏面嘅鹹豬手肉唔會太鹹啖啖肉，亦都唔會乾，配埋酸菜一齊食，又或者點佢嘅特色醬汁都好啱。啱啱食咗幾啖鹹豬手，隻原隻脆皮燒雞就上場啦！佢唔係出邊嗰啲細細隻嘅春雞，而係大大隻皮脆肉厚又多汁嘅燒雞。食起嚟有少少威士忌酒香，兩樣都係可以慢慢食，慢慢傾偈嘅菜色，咁就可以輕鬆渡過愉快嘅一晚啦。

Dinner for Two $508是日餐湯x2蘑菇忌廉湯，湯偏濃稠，蘑菇味好香餐包都好用心預備咗三款小麵包，有方包，蒜蓉包，麥包，三款都烘到脆口。前菜：白酒忌廉煮青口份量充足，青口既肉都好大舊。A5 招牌柚子脆皮德國豬手豬手本身已經起晒骨，切好一塊塊方便進食。個脆皮就好似食薯片咁脆，但裡面既肉質唔會硬，半碟仲有黃芥辣同埋德國酸菜。-B3 蟹肉海鮮龍蝦汁蟹籽天使麵佢嘅汁同埋啲麵配合得不錯，蟹肉海鮮足夠弓，麵本身都唔會煮到斷開晒，仲有大量蟹籽喺面頭，份量好大，兩個人一定夠。呢度仲有手工啤酒，其他特色飲品。位置係德福商場條食街既尾位，唔難搵。

其實之前午餐都食過呢間覺得幾好，見到佢而家主打隻燒雞同軟殼蟹海鮮煲幾吸引就放工來試下晚餐～❤️原隻脆皮威士忌酒香燒雞 $198未上碟都聞到勁香，而且隻雞都幾大隻，2-4人share 都ok，一咬落隻雞髀度真係驚艷左，果皮又薄又脆，雞肉係好嫩滑juicy，就算之後食雞胸部分都唔hi，成隻都好食，佢有甜酸醬俾你點，但就咁食都好夠味❤️原隻軟殼蟹海鮮煲 $108雖然望落去個煲唔係好大，但係料做得好足架！大大隻軟殼蟹下面有魷魚、蜆、青口、紐倫堡腸片、煙燻腸片，佢個蕃茄汁底都好惹味😆軟殼蟹應該分開整臨上碟先放落去keep到脆而且有蟹膏👍🏻蒜蓉包有三小片，就咁食定點汁都一樣咁正藍蟹肉芝士焗蟹蓋蝦頭膏意大利飯 $182佢成個蟹蓋裏面都係蟹肉，上面鋪滿芝士，而家個蓋都唔算細，啖啖肉好食～喜歡意大利飯煮得岩岩好，係個人鐘意嘅偏淋口感，個汁好重奶油味，亦有青紅黃椒粒同飯一齊食都好夾總結：雖然意大利飯相對貴啲，但佢推廣嘅燒雞同軟殼蟹海鮮煲真心抵食，好味又唔貴，如果係附近活動開嘅朋友絕對可以一試～地址：九龍灣牛頭角道77號淘大商場2期地下G196-199號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️

呢日同大少、小妹嚟到九龍灣食晚餐。依間餐廳之前都嚟過，嘢食好好味。佢工業風嘅設計，天花吊住一架架飛機，又有燈泡，同埋唔同特色嘅油畫，好有格調！柚子脆皮豬手：豬手外皮酥脆，搭配柚子的酸甜風味，為整道菜增添了新鮮感。豬肉質地軟嫩多汁，完美地融合了柚子的香氣，每一口都帶來令人滿足的口感。香煎蘆筍鵝肝牛肝菌意大利飯：香煎的蘆筍、鵝肝和牛肝菌搭配在一起，為這道菜帶來豐富的層次和口感。意大利飯煮得恰到好處，每一粒米飯都充滿了濃郁的芝士和野菌味。燒羊架：羊肉經過精心的燒烤，外表金黃酥脆，內裡嫩滑多汁。肉質鮮美，帶有獨特的羊肉香氣，每一口都能品味到豐富的風味。燒茄子：茄子經過燒烤後，外皮烤得微焦，內部保持著柔軟的質地。茄子的天然甜味和燒烤的香氣相互融合，十分美味。丁香肉桂檸蜜：以丁香、肉桂和檸檬為主要味道，口感柔軟順滑，甜度適中，而且帶有微微的酸味，讓人回味無窮。

今日同朋友去咗九龍灣淘大廣場食一間叫Super Normal嘅西餐廳，餐廳嘅裝修、環境、燈光都幾有氣氛。我哋嗌咗白酒煮法國藍青口配蒜蓉包、原隻脆皮酒香燒雞、蒜片紅椒藍蟹肉扁意粉同厚切牛舌芯。青口嘅份量好夠，隻隻都幾肥美，用白酒、奶油同洋蔥碎煮成嘅白汁同青口好夾，香脆蒜蓉包配埋白汁一齊食真係好好食。脆皮燒雞係原隻連埋雞頭一齊燒，餐廳好貼心咁提供咗膠手套，食完唔會整污糟對手，燒雞嘅皮燒到好香脆，令到戒咗食雞皮嘅我都忍唔住口食埋d皮，戴住手套可以手撕雞肉，啖啖嘅雞肉仲保持到多汁嫩滑，唔會燒到太過火候，配埋一個酸酸甜甜嘅燒汁一齊食開胃，基本上食完隻雞已經好飽。蟹肉扁意粉喺一個幾乾身嘅炒意粉，啖啖蟹肉嘅份量都唔少，配菜有蒜片、紅椒同蘑菇，個扁意粉有少少辣味幾惹味。燒牛舌芯燒得好香口，牛舌芯切得幾厚身，所以咬落去幾有口感。幾推介經開九龍灣嘅朋友嚟試一試！📍九龍灣牛頭角道77號淘大商場2期地下G196-199號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

SuperNormal九龍灣牛頭角道77號淘大商場2期地下G196-199號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：柚子脆皮豬手 $178，軟殼蟹海鮮煲 $108，三重奏芝士牛肉漢堡 $106，Flower Ball $62柚子脆皮豬手：豬手由麥啤慢煮24小時，每天限量20隻，柚子的酸味能夠中和豬手的油膩感，而豬手的肉質鮮美，帶有豐富的香味和肥美的口感，與柚子的酸甜味完美融合。每一口都散發出誘人的香氣和令人愉悅的味道，令人難以忘懷！😄😄😄軟殼蟹海鮮煲：原隻軟殼蟹、龍蝦粒、青口、魷魚、煙肉和肉腸，還配有蒜蓉包，多種配料共冶一爐。軟殼蟹蟹肉很鮮美，軟殼有脆爽口感，散發出一股濃郁的蟹香，味道一流！👍👍👍三重奏芝士牛肉漢堡：採用高品質的安格斯牛肉製成漢堡，並配以三種不同類型的芝士，為漢堡增添了豐富的口感和風味。牛肉漢堡排的質地鮮嫩多汁，烹調得宜的牛肉帶有微妙的煙燻味，加上粗身香脆炸薯條，令人滿足！😍😍😍Flower Ball：美味的Cocktail，由蘋果汁、茉莉梅酒、檸檬汁、蜂蜜和蘇打水製成，有豐富的果香和芳香清新的味道，盛載的杯子好像棷子殼，

已經第二次過嚟這間餐廳食飯了，依然沒有令我失望😍😍 今次點咗佢哋最新出嘅燒雞🤤🤤黑醋鵝肝牛肉漢堡🍔-$148 我係超超超超級鍾意食漢堡包的😍😍呢個漢堡包嘅水準十分之高用料亦都十分之多，包面唔會太乾軟硬程度啱啱好，裏面有鵝肝黑醋同埋安格斯牛扒，一啖咬落去十分之幸福😍😍原隻酒香脆皮燒雞😍😍- $198 呢個每日只係供應15隻，而且係用威士忌浸足八個鐘，所以咬落去嘅時候雞皮十分之脆雞肉十分之軟，一啲都唔會有乾爭爭嘅感覺連雞胸十分之滑😍😍👍👍羊架-$78這個算是串燒的類別，有兩件羊架肥瘦適中，而且肉汁飽滿👍👍😍雞腎串燒-$18人均：$250地址：SuperNormal (淘大商場2期) (九龍灣)九龍灣牛頭角道77號淘大商場2期地下G196-199號舖