至尊滿屋日本料理 (Closed)

平時已經好鐘意食放題，今日有朋友介紹話依度又平又好食就黎試下喇，依度地方都幾大，坐位都算闊落，坐得幾舒服。食物種類都好多下，睇下依兩本落單紙就知啦🤣🤣🤣黎到就揀係要食刺身先啦！三文魚都幾肥美，北海道帶子夠新鮮，油甘魚好爽口。壽司種類實在太多，可惜得兩個人唔想浪費食物試唔哂😩花之戀細細件，一啖岩岩好。至尊蜜糖芥末三文魚腩壽司，新配搭都幾有新意。日式牛肉鍋，湯底好甜，牛肉都好多，入面仲有豆腐同粉絲仲有唔少炸物可以點，我自己就最鍾意炸芋丸飲品都唔少選擇嘅，仲有熱清酒就可以比大家自助去斟。雪榚只限每人一杯以二百蚊有找可以任食放題，依度的確係唔錯！

今日又喺旺角搵食🤗每當諗唔到食乜好，喺個腦度pop出嚟第一樣一定係放題😝因為想食咩就嗌咩，乜都有😂之前食過兆萬樓上嘅日式放題，今次就嚟到瓊華七樓呢間🌸至尊滿屋🌸 價錢非常吸引，晚巿只係188蚊 !!!兩本厚厚嘅menu: 刺身/壽司/卷物/創意壽司/火炙壽司/手捲/軍艦/小食/和風料理/天婦羅炸物/炭燒料理/串燒/季節料理.... 包羅萬有😆😆😆一開始梗係攞咗嘢飲先，野飲櫃入面有好多唔同嘅選擇，我見到底層支hoegaarden rosee 即刻心心眼😍😍 仲有熱sake添🍶刺身非常新鮮，我哋嗌咗幾款試下😝樣樣都唔錯喎!! 三文魚🐟大赤蝦🦐甜蝦🐚北海道帶子刺身🐚玉子🥚油甘魚🐠 刺身都算厚身，甜蝦係我最推介非常大隻!!火炙系列都非常之好😋三文魚腩壽司夠肥美!!蟹棒亦非常厚實😆手捲做到一口size，不過份量算適中，海膽都唔少而且鮮味唔腥!!☺熱食我最鍾意呢個燒牛肉同埋炸芝士香芋丸，香芋丸外脆內軟炸得好香口咬落煙韌，有陣陣嘅香芋味飄出嚟👍👍炸榴槤亦都好好食入面係流心嘅!!最後食埋燒菠蘿同埋甜品作結尾就圓滿啦😆雪糕仲要係movenpick或者haagen-dazs(是日精選焦糖脆餅係我至愛💓💓)

難得平日有假放，記得之前屋企人話想食放題，就一於陪下佢地去食啦。今次揀左係旺角嘅 “至尊滿屋日本料理”。我地被安排坐卡位，位置寬闊，坐得好舒服。首先緊係點左刺身，有12款刺身可以揀。因為每樣都想試，所以就點晒。刺身無雪味又新鮮。最鐘意係帶子同三文魚刺身，好厚身，咬落有口感。另外，壽司同其他小食嘅選擇都同一般放題差唔多。最驚喜係鐵板雪花牛柳粒，食落有牛味，仲要一啲都唔un，可以再叫多幾碟食呀!! 椰絲芝士球好特別，甜甜嘅椰絲加埋芝士原來都幾夾。仲有必點芝麻雞翼，炸得非常脆又入味。最後仲送一杯Haagen-Daze/ Movenpick/ Fruttato 雪糕，真係非常滿足的一餐。

第一次來這放題餐廳吃，整體食物質素算高。當晚叫的串燒及炸物都令我有encore的慾望。從食物味道上，比同類食店顯得有優勢。所以，會有下一次的光顧。不過，我希望餐廳增設老火湯或一些湯品，會更好。

侄女放復活節假帶佢去左鄰近旺角地鐡站的瓊華中心樓上至尊滿屋吃日本料理放題。原因同事之前食過話食材新鮮。餐廳內設有大細房間，可供喜歡私人空間的食客同親朋戚友歡聚。四週邊有玻璃窗，窗明几淨，以卡位座為主，環境舒適。食物方面同其他日本料理餐廳差不多；但刺身有別於一般日本餐廳，新鮮無比。飲料方面這裡除設凍櫃內的飲品外，有熱清酒；梅酒；還有熱桔梗蜜、藍糖白桃梳打和紫貝天癸也是任飲。熱葷的食物有我喜歡的養顔鲍汁燴花膠、暖胃胡椒豬肚湯等等...姪女的至愛鹽燒海蝦爽口彈🦷encore 幾次。甜品款式多樣，甜度適中。美中不足的是雪糕每人只可揀一杯，我揀至愛的榴蓮雪糕。我巳約定姪女她生日那天會預先book 定大房，同屋企人嚟慶祝一番。

今日約左朋友食放題。計下都好耐無去，去之前都好期待。好多野食，樣樣都想試。當然要叫刺身先啦，三文魚，好肥美，油甘味重，吞拿魚，鮮甜好味，帶子，彈牙爽口，好新鮮，大赤蝦，大大隻，而且蝦味濃。再黎燒物，燒牛舌，好重牛味，加埋黑椒，味道提升，燒菠蘿，菠蘿好甜，燒過後更加又軟又甜，燒蝦，燒蝦令舍香口，蝦味濃鬱炸物，本身我自己不太喜歡炸物，怕油膩，但都叫左天婦羅蝦婦羅蝦，炸得乾身不挂油配埋個汁，又脆又好味。料理，炒牛柳粒，肉味香濃，炒得香口而且肉夠淰。卷物，芒果卷，芒果夠香夠甜，大人小朋友都合適，鰻魚卷，鰻魚煮得剛剛好熟，肉汁豐富好好味。飲品，有清酒和啤酒任飲本身自己唔好飲酒，所以我無飲，喜歡杯中物的朋友不要錯過。其實還有好多其它食物，不能一一盡錄。最後還有Haagen-Dazs雪糕當甜品！非常不錯！

今日因爲同事突然想食午市放題，但旺角嘅放題真係多不勝數，要揀真係有啲困難。最後我地決定揀一間係公司附近嘅，就係 “至尊滿屋日本料理”。我地被安排坐卡位，坐位都闊落幾舒服，唔會好似其他放題店咁迫。食lunch時間得好少，所以一坐低就即點野食。先點刺身，我地每樣都有點，一黎到真係嘩左一聲，一首刺身船，賣相好掂。刺身好新鮮呀，無雪味。三文魚，希靈魚，呑拿魚等等都厚切的，一啲都唔孤寒。壽司款式都好多，飯分量少，可以試多幾舊。最鐘意係海膽手卷，因為唔係間間都有，亦都比想像中好，無苦味。另外，小食方面都係大同小異，不過粒芝士球係有椰絲係出面，幾特別同幾夾。仲有最鐘意嘅芝麻雞翼，炸得好脆好入味。最後每人仲一杯雪糕送添！

難得放假就約朋友食餐勁既！今次選擇左係旺角瓊華中心既［至尊滿屋］。我地一行4人中午時段黎到都唔算多人，環境幾舒服，仲安排左我地坐卡位。諗都唔洗諗即刻叫返個刺身食😆種類都幾多，就咩都叫啲！三文魚都幾厚，食落好肥美，係新鮮冇雪味！仲有大赤蝦同北海道帶子味道鮮甜，值得再試！炸物都係必點既，椰絲芝士球幾特別，食落好有口感甜甜地。炸芝心香芋丸都係我最愛，外層脆卜卜，食落好煙韌！呢間放題仲有花膠冬菇，抵食！即刻叫多幾碟食下😆仲有每人一杯Häagen-Dazs雪糕🍦

喜歡吃刺生嘅honey生日，去至尊滿屋日本料理放題慶祝一番。原因係餐廳拎咗個必吃放題食店大奬同香港旅遊發展局的優質餐館獎。地方寛闊，座位舒適，燈光柔和，環境優靜。凍櫃內放滿各式各樣的飲品、甜品櫃也有不同款式甜品仲有熱清酒和梅酒可供食客自由選擇。喜歡吃熱辣辣既我對至尊蟹皇海鮮粥情有獨鍾，粥料豐富，綿滑粥底，稀稠也適中。北海道焗廣島蠔賣相吸引，鮮味突出。燒紐西蘭香草羊鞍用香料醃過，香嫩惹味。Honey 至愛刺身有肥厚三文魚、油甘魚、吞拿魚，必食大赤蝦、人氣甜蝦和北海道帶子刺身等等鮮甜無比，encore 好幾次。最後還奉上一杯名牌雪糕。雪糕雖然只可選一杯,但我們都覺可接受，因為巳經十分飽。至尊滿屋確實非一般放題的貸色，拎獎係實至名歸。

好耐無食放題啦～難得放weekday，約左朋友去旺角行街，問朋友想食咩，朋友話食飽d先有氣力行街，最後決定食放題😂因為我地晏就去食，所以佢只係開左一邊，另外一邊就無開，但係晏就去食都幾舒服，無咁多人，野食都黎得快d🤣飲品款式都算幾多，一坐低即刻拎罐野飲。應該好多人都一樣，立刻要畫刺身食先🤣刺身幾新鮮，唔錯，而且甜蝦都好大隻👍🏻呢到d壽司最好既就係細細舊，d飯唔會話搓到實哂攪到好飽，good！食放題最鐘意食芝麻雞翼，熱辣辣，正！👍🏻

一向鍾意食放題嘅我， 今次就揀咗旺角瓊華中心的至尊滿屋日本料理， 貪佢方便就腳， 位於商鋪林立嘅街道附近， 行街時順便訂枱就可以上嚟，非常方便。坐低冇耐，待應自動奉上一盤好靚好精緻的刺身， 唔洗自己揀，招呼一流抵讚。 刺身多款而且勁新鮮，我最鍾意個甜蝦， 鮮甜無比， 食完唔夠喉再點多一轉，正。壽司方面，我哋只係點咗法式芥末象拔蚌壽司同黑松露油甘魚壽司， 呢兩款較小見， 象拔蚌鮮味得嚟好爽口， 帶淡淡嘅甜味。 油甘魚係我其中一款喜歡吃嘅刺身， 配上香氣四溢嘅黑松露， 味道夾得來唔錯。幾鍾意呢度嘅熱食同串燒， 鹽燒雞中翼外皮金黃香脆， 非常香口。 串燒牛舌口感唔錯， 咬落去有嚼勁，爽口惹味。天婦羅炸得幾靚，金黃色外皮鬆脆可口不油膩，蘸上天婦羅汁好好味。吉品飽汁燴花膠盛宴，味道濃郁， 花膠炆得好淋好入味，推介。芝麻雞翼上枱時仲熱辣辣， 好香好脆， 唔夠喉再encore多一次。燒翠肉瓜清甜爽脆，平時唔覺得好食，但烤完又真係香口好食d。而燒菠蘿仲正，又甜又多汁，咬落仲好juicy添。最後仲有Haagen-Dazs限定版芝士麻薯雪糕食，呢餐真係超級滿足呀。

今晚黎左瓊華中心嘅呢間放題!餐廳地方好大，訂左位唔洗排隊已經入得！枱同枱之間嘅空間充足，坐得較為舒適亦都有別於其他放題唔洗好似打仗咁野食方面選擇好多，魚生好生鮮!大力推薦油甘魚刺身 !鮮甜美味!炸物方面緊係要嗌芝麻雞翼，芝士年糕啦！天婦羅蝦好大條！炸粉唔會太厚。值得一讚所有野都係岩岩炸起！新鮮熱辣辣，非常脆口!串燒方面有羊架提供唔會話太肥之餘都有足夠油脂!入口即溶嘅口感回味無窮甜品方面仲可以叫Haagen-Dazs或者Movenpick，好有誠意!最後想讚一讚呢度嘅員工雖然做放題真係好辛苦但佢地仍保持好好嘅禮貌同態度令客人食得好開心

今日去左好耐冇食嘅放題，呢間係旺角嘅放題叫至尊滿屋，我地早少少到，佢價錢平，同埋地方大，所以都吾係好洗等位，就有得食啦。一坐低第一時間睇menu, 都好多野食，款式都多，即刻點左刺身先，再選其他時，刺身一陣就上碟，上碟速度都幾快，另外都冇乜漏單同減份量，收碟速度都ok，枱幾大，放到好多野食，吾錯嘅，服務都可以嘅，所以我個人覺得都幾好，起碼價錢平款式多。講返食物，回本刺身都幾正，平價嚟講有帶子都已經好開心，有鮮味嘅，三文魚都係好食，肥美，吾錯。佢嘅壽司都幾特別同款都多，嗌左幾件，包得實，吾會太太件，料都幾甲，幾幾好食嘅。另一回本必食係花膠冬菇，好味丫，想encore但最後好飽冇再嗌，不過真係回味，一碟份量都幾多，花膠炆都好淋入味，正丫。仲有海膽食，嗌左海膽手卷，海膽份量都多，而且幾鮮甜嘅，好味道，我一人食左兩支。整體感覺都好好，會再嚟。

今日約咗三個老友去食放題。朋友推薦呢間因為款式眾多乜都有得食。淨係睇本厚厚嘅落單簿就知道食物選擇很多：刺身、壽司、卷物、創意壽司、火炙壽司、手卷、軍艦、季節料理、一品料理、和風料理、炭燒、炸物、天婦羅、小食、特色飲品。食完仲有 movenpick / Haagen-daz 雪糕。第一round先叫刺身，我最喜歡的是三文魚、帶子和赤蝦。三文魚油份充足口感不錯。帶子新鮮肥美。赤蝦鮮甜彈牙。第二round刺身追加了三文魚，赤蝦，帶子。天婦羅蝦即叫即炸。炸粉薄薄的很香脆。鹽燒海蝦是必食推介。蝦肉新鮮，燒得很香。西京比目魚很香很滑很美味。湯烏冬是稻庭烏冬，滑滑的口感不錯。鐵板雪花牛柳粒味道不錯，有牛味有口感。連蒜片吃會更好吃。卷物叫了意大利黑醋芝士鰻魚卷和香芒龍蝦沙律卷。兩者質素皆不錯👍紫貝天葵白桃梳打。白桃味道濃郁且香，幾好飲！另外多款飲品甜品任君選擇，十分豐富！最後每人揀了一杯雪糕，我揀咗我最喜歡的 movenpick strawberry flavour. 為此晚餐畫上一個完美的句號，吃得十分飽又十分滿足！

真係不得了！！真點很大唷！！俾我哋叫咗份滿滿嘅冷盤刺身，好感動呀！！外貌好味道正！神一般嘅豐盛呀！無可能唔寫吓佢呢盤刺身食後感啦！約咗好耐先約到位朋友仔出嚟食飯，點知佢話想食放題，咁就陪吓佢啦，好多人等咗一陣就入得去，佢就二話不說咁去寫咗刺身先，仲要落埋單，我原本都覺得做咩要咁，點知佢話佢食過呢間嘅刺身，好好食喎！點知嚟到就真係睇個樣都覺得好唔同，哇！！誰不知呀🤤🤤🤤🤤🤤食落去都非比尋常呀！有好多嘢喺上面，三文魚、大小甜蝦、希靈魚、帶子、八爪魚、吞拿魚、玉子、蟹棒，一次過咁大盤真係要好好咁對付佢，仲要付出好多嘅空位放哂入去個胃度。嘩！真係正到無朋友呀呢盤嘢，全部都咁新鮮又甜，有殺錯無放過咁食法，我都未試過咁食刺身🤤🤤🤤🤤再食多幾樣嘢都夠飽了，呢餐好豐盛嘅感覺，正呀！！仲有一定要食的炸雞翼！不同種類的燒物，鯖魚都有🤩仲有好多不同的甜點！真係好正丫！下次生日再嚟食過😁