爭鮮迴轉壽司 (良景廣場)

Open Now

Now Closed

爭鮮迴轉壽司衣家做緊超滿足連續三週大激安，三文魚壽司送多一件，12元碟，有三件，平均先4蚊件，仲要堂食，免茶位，超抵呀！😋 櫻花蝦吞拿魚蓉散壽司降價至8蚊，原本唸住成機試下，點知轉左半天都唔見，詢問才知沒有貨，真可惜，其實出得活動優惠，就應該備多啲貨啦！🙄新出品冬甩，8元2件，咁cute, 點都拎番碟試下啦！😅

11點半來到爭鮮午餐，人唔多，大把位任簡隨便坐，今曰只有一個男經理睇全埸，平時啲姐姐唔見晒，越來越多人埋單，就只道攪唔掂了🙈。今期主題做港式避風塘祭，試了個避風塘灸魷魚，除左食到飯既甜味之外，完全食唔出衣舊係魷魚囉！太子仔壽司就加左價，變左12元，每次黎必食甜蝦刺身，16元10隻，好抵食😋

平時游完水好鐘意黎呢間食，因為貪佢座位多，選擇多，唔會黎黎去去個幾件。今日如常係到食，有個好唔合理既客人黎到，言語間仲用粗口問候職員。好多職員出黎幫手，似乎都平息唔到呢位無理客人，最後經理出黎，我以為佢會息事寧人咁要下屬受委屈。如果職員比經理話我打算出黎幫職員解釋。點知經理竟然話要報警，一句「佢做左咩要比人問候阿媽呀？」。我個下拍左手掌出黎，個無理客人話「算你好野。」敗手出去。我覺得呢個經理好man, 係一個好好既上級。呢餐我除左覺得食得好食外，仲覺得呢間既管理好好。讚。

放假瞓到自然醒就碌落樓下搵食，當然又係我既放假專用飯堂爭鮮啦⋯⋯真係好方便，又唔洗等位直入店員姐姐又好好禮貌可以坐低慢慢食火焰三文魚腩每次都要食，入口即溶，啲魚油同魚香係個口入面爆開咁蟹膏赤蝦呢個配搭幾好，原來蟹膏同蝦都幾夾呢個係特別限定三文魚子柚子唔知咩魚但配搭幾清新芝士沙律青口，本身唔知佢咁好食，點知聽到店員姐姐，最入邊廚房同事出呢碟小菜，咁就試吓啦，真心好食一定要食呢個鰻魚扒呀超正，每次嚟食完呢個鰻魚扒都超滿足一條肥吃貨又食咗好多碟

久不久都會食下爭鮮，貪佢平同方便。不過好多時佢地都會排長龍，我就覺得有啲莫名其妙。壽司黎講佢地係平嘅，魚生新鮮度都可以接受，但未去到要排隊食。其實宜家好多日本餐廳價錢都唔太貴，除非貪方便，都冇乜必要食佢。

💗🌸💗🌸海膽壽司🍣評分(5分為最高):好味指數:❤️❤️🖤🖤🖤抵食指數:❤️❤️❤️🖤🖤回購指數:❤️❤️❤️🖤🖤_評語:有時想食海膽壽司😢,附近又咁好彩有間爭鮮😃,儲緊錢去旅行既我✈️,決定試一試😎😎.壽司飯上的是韓國馬糞海膽🤣味道濃郁,口感豐腴😋依個價格食到咁既質素既海膽,算係吾錯架啦🤣😋但都係日本好食好多🤭🤓.🗺地點 :爭鮮🍣💰價格 : $16@1件

每當我唔係太肚餓但又想食少少野我就最鐘意去爭鮮食幾多碟都得呢間係屋企附近實在太方便坐低飲杯綠茶慢慢嘆呢間平日去食唔多人都唔會點趕人走我最鐘意就係三文魚腩壽司、甜蝦壽司、螺肉壽司間唔中會有火灸三文魚壽司三文魚都幾新鮮今期有新產品—法國田螺味道爽口都ok! 放假無乜野做黎呢度邊傾邊食都唔錯架

一個人不知道食什麼好，爭鮮是一個好選擇！來到爭鮮偶爾會遇上肥美的三文魚，今次我就遇到啦，有好幾碟都係三文魚腩的位置，但只需要$8就有兩件，真係好正。我最鍾意食麻辣帶子裙邊，食過好多間都係覺得爭鮮最好味！可惜既係呢排爭鮮的壽司款式較少，要自己order先迴轉帶呢

今日又落雨天天陰陰 人都無乜動力近近地去爭鮮食返幾碟飲下熱茶先蠔壽司有驚喜出奇地凍應該岩岩新鮮拎出黎既我1點幾入座唔算太多人款式都多選擇意外地新鮮平時去幫襯出極都無乜款式我最鐘意就係三文魚腩花之戀、螺肉壽司☝🏻今期有新野☝🏻日本大福-抺茶味又幾好喎唔難食放到入口入面有cream今日d壽司都算新鮮喎最鐘意黎呢度狂飲熱茶😂😂😂今日唔多人過左時間職員無趕我走🤣🤣🤣食左7碟哈哈都夠飽留返今晚再食過😂😂

食左咁耐爭鮮，未試過可以咁差...首先，排隊等位，D職員清潔好慢，出面D客等左成10分鐘都唔比你入...其次，成間野，經常性只有三文魚刺身，同埋無野食，我附近既客人都嬲都爆...

屯門良景商場地下有一間爭鮮，新開張嘅時候好多人排隊，不過而家大部份時間都會有位，唔使排隊，啱晒我呢啲即興想食日本野嘅街坊！為咗可以慳返加一，同埋可以拎返屋企邊睇電視邊食壽司，我地決定叫外賣😎我哋叫咗一啲比較大路嘅壽司，例如最愛嘅帶子，三文魚腩，花之戀，鰻魚，玉子，蟹棒，北寄貝，腐皮等等，碟碟$8:最令我哋有新鮮感嘅一定係佢嘅鮑魚啦！呢個鮑魚唔係計一碟價錢嘅，佢係計兩碟嘅價錢即係$16，不過難得有新口味我哋當然要試吓啦！整體來講，鮑魚都算鮮甜嘅，同埋夠大隻！另一樣我最喜愛嘅小食，一定係佢嘅麻辣帶子群邊，佢嘅麻味好足夠，又唔會太辣，係我每次必點嘅小食！其實另外我仲想食特大鰻魚㗎，都係計兩碟嘅價錢，不過佢已經賣晒喇😫

一入去坐㡳，全部職員望住你，跟住企曬係你隔離抹野、傾計，嘈到呢⋯⋯，抹下杯唔緊要，但在你頭頂抹天花就有啲過分，啲塵飄落黎，點食吖大佬，前面大把地方未拖地，係要行埋黎我身邊拖，拖下又傾下計，啲消毒藥水味勁到呢⋯⋯，咁同趕客有咩分別？

系呢間分店嘅熟客啦，今晚同阿妹去食嘢，食左17碟。埋單個陣，有個哥哥仔話11碟？當時我同阿妹講緊嘢，唔知佢講緊咩就重複左一句11碟？行到屋企樓下，發覺漏左嘢係爭鮮，就打電話去問，一個女職員話無，當時我已經趕緊去啦，去到，佢地話有，但系遲遲都唔俾我，後尾有個阿姐攞左張單同我講，話裡話外嘅意思就係我特登漏單，唔俾錢，而家就係要扣住我d嘢，俾左錢先可以攞返，我去呢間店已經食過好多次啦，次次都唔會睇單，都唔會數錢，佢地計幾多就幾多，呢次都係嘅！我同個阿姐講左幾次，你俾返d嘢我先，佢仲攞住張單企響度，擺明係威脅我！直到我拎出張100蚊出黎，先有人拎我袋嘢出黎，我補返錢之後就走左啦。我有d唔訓氣，返到屋企就打多次電話過去問頭先究竟係咩意思，點解話無我袋嘢？佢解釋係自己行錯位，又講返漏單嘅事，我話呢件事，我唔係想漏單，係我無注意加上個哥哥仔搞錯。最後令我最激嘅係！個阿姐話：唔緊要wor！呢俾返錢就得啦！總之，呢件事真係我甘耐以黎遇到最不可思議嘅事之一！！

🉐️屯門良景區第一間迴轉壽司店，見到爭鮮排頭，都預咗唔會好好食，但係呢間係唯一一間唔駛點等位嘅爭鮮迴轉壽司店。入到去冇乜人，連職員都冇乜，眼見得一個職員要服務咁多台客，睇見都覺得辛苦，柔軟度冇乜客人關係，座位非常寬闊，啲壽司都幾新鮮，可能啱啱開門關係吧!今次攞咗三文魚腩壽司，有三文魚味，不過溫度唔夠凍，唔知係咪中國大陸供應嘅三文魚！吞拿魚壽司，又凍又夠新鮮，有少少筋比較un！北寄貝壽司, 食落去好鮮甜，值得推介！穴子壽司，好似係鰻魚嘅一種，都幾好食！總括嚟講，係呢區有得食迴轉壽司，都好滿足，如果有得揀，當然食元氣啦！

星期日中午想去屯門市中心攪D野，順便食個飯，但系諗起星期日一定多人迫餐死，主要系多遊客，野食都唔會好得去邊，甘就諗住近近地食就算，點知得一個樓面服務員，執台清潔帶位收錢無黑臉全能香港好員工（要加人工啦），廚房得2個唔系着廚師服既1男1女系度博命做寿司（一個似經理，一個似妹仔），全場Full客，野食又出唔切，門口又企曬客系度等，完全唔似正常運作，我坐底左都話唔食啦，見你地唔夠人做，應該系公司薪酬問題，對員工唔夠好，所以最繁忙時間竟然冇員工上班，所以我都好擔心食物既製作過程會唔會出問題，真系唔食好過食，上左樓上食薩利亞都無甘驚。（爭鮮真系要自我檢討一下，我寧願你賣貴D，人工高返D，員工做得開心D，食客食得開心D.）