Video
3-min walk from Exit A1, Yau Ma Tei MTR Station
continue reading
Opening Hours
*需要落訂方可入座
Mon - Sun
12:00 - 15:00
18:00 - 22:00
Above information is for reference only. Please check details with the restaurant.
小妹明白飲食業面對艱難時刻🥲亦都唔係食過好多間廚師發辦但呢間omakase真係小妹食過當中數一數二既劣🫠首先上到去𨋢門打開已經係你坐既位😀姐係下一輪既人就會係你背脊後面等位同快餐店排隊等位差唔多😆然後小妹揀咗食「梅」$380個師傅就會不斷說服你去揀食一個貴啲嘅當然我都明白佢地想有一個好啲嘅營業額 完全理解但係第一次光顧 固然會想取一個保守態度🙂當中包括有前菜、茶碗蒸、刺身三款、壽司10貫、湯、甜品🍮枱面上提供嘅餐具 大部份都係仲係濕既包括茶碗蒸個匙羹 食野嘅碟 同埋筷子🥢好似係啱啱洗完就拎出嚟咁🤣仲滴緊水小妹唔知咁樣係咪正常omakase應有嘅情況🙈如果我怪錯佢請大家話我知🥺前菜沙律同茶碗蒸中規中矩跟住想講下壽司 每一件嘅飯都大小不一舍利之間壓得比較實 食落口感一般重點係份量非常之少 好似一隻女仔手指公大少少😅當然唔係同米芝蓮餐廳比較但質素好似小妹去連鎖店壽x郎可能滿足感仲大而且其中有兩三舊魚味非常之重🙈🙈小妹會形容為好腥‼️‼️其實價錢係十分相宜 餐廳景觀亦都好開揚但係好遺憾小妹無辦法再光顧 因為用餐體驗太差大家自行判斷🥲🥲
continue reading
9月中尾係Open Rice book左位同另一半慶祝生日, 為左confirm Menu星期一至日都係同價同款, 當日仲打左去初鰭confirm當時聽電話既仲係一位好好禮貌既男仔staff, 佢回應我10月初會改menu, 如果收唔到whatsapp通知的話可以再打去提醒佢, 當時仲心諗, 呢間omakase既餐廳真係唔錯直到今日10月5日早上, 我開Openrice個APP先發現自己booking被餐廳取消, 而原因如圖中講, 餐廳結業終於等到12點打去查詢, 當時無人接聽過左5-10分鐘, 有位態度極度惡劣既男職員打返轉頭: xx集團, 你係咪打過黎我當時確認係初鮨後就表明自己booking被cancel惡男staff要求我提供有關booking日子後, 態度差+串到爆問我: 咁你想點? 要book番一樣日子定係照cancel?我終於忍唔住鬧爆佢: 其實貴餐廳唔想做生意都唔緊要, cancel booking都唔緊要, 而唔係呢種咁既態度, 我對上個幾星期打黎既另一位同事都唔係咁樣事後, 該餐廳以2個不同no.既手提打黎初鮨, 本來我對你地都有d期望, 覺得係電話confirm果時都態度幾好, 真係令人好失望同唔會比任何機會你地!
continue reading
588 views
香港的樓上鋪鮨店，絕大部份位於中環、尖沙咀及銅鑼灣，同旺角更沾不上任何關係。今個週末忽然間好想食壽司，但偏偏又要去旺角；上去OpenRice搜尋一下，發現旺角竟然也有兩間！由於只有「初鮨」有熟食，可以滿足小公主的需要，一於試試。「初鮨」位於旺角彌敦道一楝面積狹小的商業大廈樓上，更估不到的是，這一棟大廈差不多全部各層都是食肆，可以形容為銀座式食廈 ⋯⋯ 之前以為只有銅鑼灣才有這種形式的飲食商廈，估唔到原來旺角也有一棟。商廈面積實在太過細小，電梯門一打開，就已經見到唯一一張壽司吧枱及10個座位。由於空間有限，只可以勉強用繩簾將用餐空間及電梯出口分隔；雖然有點奇怪，但亦算有點特色。儘管鮨店位於大廈高層，其中一邊又是大廈玻璃幕牆，卻偏偏無法眺望彌敦道開陽境緻；這也是因為餐廳面積細小，座位要求背向外牆。同銅鑼灣、尖沙咀及中環的樓上鋪鮨店比較，裝修顯得有點簡陋，缺少了鮨店的東瀛風情及高檔次氣氛。再加上地區因素關係，午市壽司套餐定價亦相對親民；午市廚師發板分櫻、梅及初，最貴的初只是 $680。對於胃納不太大的小編，梅（$380）作為午餐，已經相當豐富；包括三款刺身及10貫壽司。前菜漬蘿蔔很明顯是大批來貨的普通貨色，味道非常一般。日式柚子醋沙律味道亦調校得太過酸。日式茶碗蒸賣相好似很吸引，但原來表面的芡汁份量太多、亦太稀，掏起一匙蒸蛋後，就更顯得水汪汪，影響了蒸蛋的美味，亦減低了蛋香。三款刺身為劍魚、鰆魚及帆立貝。前兩者並非正規高級刺身。劍魚味道偏淡、油香亦較少；表面炙至接近全熟的鰆魚賣相麻麻，味道亦不吸引，入好有點腥，但又並非秋刀或生鯖那種光皮魚特有的濃郁魚味，小編並不喜歡鰆魚。帆立貝雖然普通，勝在有鮮味，入口鮮甜軟糯爽滑。之後就是10貫壽司。師傅先將所有食材準備，然後逐件逐件席前揑做。唔知道是否入座時間太遲，抑或師傅習慣了平日午飯時段的旺角白領匆忙進餐；剛剛揑好一貫壽司，小編還未放入口中，師傅已馬上準備好下一貫。這種匆忙的用餐感覺有點不太合意，破壞了品嚐壽司應有的休閒氣氛（迴轉壽司除外）。10貫壽司按次序分別是鮫、間八、火炙銀鱈、火炙紋甲魷魚、火炙左口魚邊、金目鯛、白蝦、中とろ、北海道海膽及穴子。每件壽司的造型未夠工整漂亮，飯團大小不一，肉眼亦看得出有點鬆散；壽司表面的魚肉同樣也是每件大小不一致。味道方面，食材尚算新鮮，但部分質素則只是一般。火炙左口魚邊應該充滿溫熱油脂香氣、兼有少少咬口，但未到水準。白蝦應該非常鮮甜，口感黏滑；睇賣相有點鬆散，已經估計味道一般，果然不出所料。其他鮨店通常會用鮪魚腩蓉作為壽司套餐的最後一件手卷，第一次見到穴子手卷，醬汁味道尚可，但再濃香一些會更佳，穴子亦稍嫌未夠鬆軟。燒熊本A5黑毛和牛丼（$188）的和牛份量很多，大小尺寸及厚薄又同日式燒肉相同，正是最佳口感。表面並非普通和牛丼醬汁，而是混和了黑白芝麻炒至很濃稠的糊狀醬汁，雖然充滿芝麻香味，但太稠身，失去了牛肉丼醬汁的原意，是否喜歡因人而異。和牛表面賣相相當吸引，入口原來有少許粗嚡，雖然有少少和牛油香，但未夠軟滑，口感有點似普通美國牛肉；同曾經品嚐過的A5黑毛和牛有一段距離。不過，不用 $200 的和牛丼有這種味道，已經算是合理性價比。甜品雲呢拿雪糕的亮點在於那一塊薄薄的柿干片，軟糯、柿味香甜，並非全乾，仍然保留少許濕潤，咬下去有柿汁；好食。以性價比而論，壽司及刺身質素水準算合格，雖然師傅揑壽司的技巧只算一般，壽司的造型未夠精美吸引，但師傅相當健談，可以帶起客人氣氛。加上定價吸引，可以一試。
continue reading
🇯🇵初鮨 價錢黎講呢間絕對係平到一個點，可以呢個價錢食到都算係咁，不過食物質素黎講都係不過不失，冇乜特別但都唔會有驚喜😆個師傅亦都好好人比我哋試左佢哋嘅蟹膏，正常應該係晚市先有同朋友輕鬆小聚都不妨一試佢亦都好近油麻地地鐵站，步行大概3 4分鐘已經到達，咁為左因為師傅嘅刀功，我哋一般都會選擇bar枱，可以一邊食野一邊欣賞。整體速度我覺得岩岩好，唔會太快或太慢，食野嘅感覺都係比較舒適流暢。有朋友唔食生野，師傅都好細心每年做左火炙壽司🍣 更有朋友由唔食生野都可接受，食材新鮮👍🏻
continue reading
朋友生日,見呢間OpenRice嘅評價都唔錯就諗住試吓佢嘅lunch omakase. 點知係大伏嚟嘅，叫咗三百幾蚊嗰個set，首先上嘅刺身係唔知咩魚同帶子，全部魚都好腥，質感亦好差 。 之後壽司基本上全部都一樣味同埋都係啲唔好食嘅魚，質感亦非常差，如果佢肯俾心機去調下味，我感覺都冇咁差，起碼唔會食得出條魚嘅差，啲魚唔知放咗幾耐，就算啲魚唔好食你肯燒一燒佢都唔會覺得咁難食。未食過咁難食嘅壽司， 係普通壽司店食都冇咁難食。呢個價錢食啲咁嘅質素嘅魚，完全接受唔到。不過佢個雪糕幾好食嘅，茶碗蒸同湯都可以接受，服務員都算有禮貌，但其他嘢就真係不了，好難食！建議大家就真係唔好信佢啲食評，真係好難食。
continue reading