壽司處今村 (Closed)

太太今日2:30要到cwb"工作", 好難得星期日出街, 仲要去cwb, 所以太太提議去一間lunch抵食(聽說平時晚餐要3-400一位, 而lunch就100-200一位)而有質素既日本壽司店. 所以我都無異議, 不時去試新食肆都係我地既興趣. 所以太太11點打去book但要1:15先有位. 心想個幾鐘點都食得切既. 咁我地1:20分到, 但因為仲係full, 所以等到1:35左右入到去. 少等一會無問題, 最重要好食. 可惜最後失望而回. 同埋決定以後blacklist唔去. 可能我地黑仔, 但係真係食到一肚氣, 原因為下:1. 叫個sushi set要35mins先到, 等左25mins見到一對遲過我地到既情侶反而d野食先過我地到... 我地仲要趕時間2:30要走. 所以問侍應我地d野食做乜未黎, 點知一催我太太個煮魚定食就到, 個侍應仲話"唔洗心急, 我地整緊". 但可惜我個自選壽司係我太太食完個煮魚定食都未到. 要我地再催4次先到...個時已經2:10....2. lunch set d sushi唔新鮮. 三文魚同大toro係亁身, 係好乾個隻, 好似放係雪櫃外成半日咁..

feb 17, 10,2人來lunch,叫咗 : 1) 北海道雜錦魚生飯定食 (hk$190)i)小食-甜甜哋嘅小食 ii)雜錦魚生飯-有生蝦1隻,好多海膽,好多魚籽,帶子同魷魚-所有材料都好掂,只喺魷魚就"un"咗少少,同唔多覺甜味 iii)麵豉湯-+有魚頭/魚件之類,所以多了點魚油-顏色有點深,但1d都唔鹹 iv)日式蒸蛋-不錯,滑,同好多料,有橙/柚皮絲,冬菇,肉粒,白果,淮山片等v)甜品-少有的有2款-1個喺檸檬sorbert,1個喺紅豆糕-sorbert只喺微酸,甜度剛好平衡,味道清新-而個紅豆糕唔甜,質感唔削,豆味明顯,足料 2) 花御膳 (hk$190)i)小食-有2款,醃菜意見如上-之後喺個魚卵之類,但就鹹咗少少ii)小刺身-新鮮 iii)精選雜錦壽司10件-無有用上平價魚,無欺場 iv)麵豉湯-意見如上 v)甜品-意見如上 * 其實想嚟呢度好耐好耐.........終於喺第1日開工嚟了心願........幸好無令大家失望 * 唔好以為初4會少人d,好彩預先訂咗位.........否則walk in肯定唔洗食

上周嘗試到訪此店，可惜時值新年例假休息，只好緣慳一面。今天再訪，到達時巳是下午二時左右，還是人山人海，好不熱鬧.....今村與其他盤據此商業大廈的日本料理一樣同是日本人主理，屬十二分道地製作。簡樸無華的裝修，與日本當地的壽司店無大分別。午飯的定食以壽司及魚生類食品為主，貫徹正统壽司店的主題和精神。配定食的茶杯蒸蛋只屬一般水平，味道不過爾爾。說真點，不少日本料理的蒸蛋比今村好，樓下松島的蒸蛋就是更滑溜。鮭魚味噌湯亦是自家製作但病其味淡。太座的雜錦碎魚生飯材料充足而尚算新鮮。鰤魚正值時令，肥美屬理所當然。鮭魚亦是中上級數，色澤光潤。醋醃漬鯖魚處理得到家，鯖魚處理不好易生腥臭味。這店的醋醃漬鯖魚具有完全吃不出腥味的親和力，不俗。甜蝦體積略嫌細小但仍鮮甜可嘉。在日本有一句傳統話 : 「壽司，米的味道佔六分」。這可知壽司飯的重要性如何。壽司飯在入口時能吸收多少唾液，可說決定了壽司的美味。如果入口的壽司飯還未變軟就迅速吸收唾液，在味覺上就會明顯損害材料的新鮮感。其實在日本，每家店有其獨特壽司飯味道，做成壽司飯的拌醋法，依店的所在地或地區性，客層等而各異。下砂糖和醋的份量，各店亦有很大的迴異。今村這

朋友想食好啲，我當然奉陪啦，好耐冇嚟但印象中呢度嘅壽司很好味，就嚟呢度啦，我哋都係要北海道海鮮飯($190)。北海道海鮮飯 - 有海膽、三文魚子、帶子、魷魚和蝦。 睇落都唔錯，海膽好新鮮，味道又香濃，分量都算多，＋分美味，三文魚子都好新鮮，咬落去仲卜卜聲tim，正，帶子有鮮甜味，魷魚和蝦都算新鮮，其中一舊魷魚仲好爽脆。賣相不算好吸引，但質素很不錯，未食完已經又想約姐姐嚟多次。

入到去吧枱已經無晒位...事後諗番無吧枱都好, 唔係嘅就出事...係荷包出事 ! 打開MENU件件壽司最少$80一件咁 ~ 個唔知係日本人識講廣東話嘅, 定係香港人講日文嘅先生黎sell厨師推介, 即係由個CHEF自己發板俾咩你食, 問距點收費, 要成$800-$1000一位分兩次上, 先黎魚, 有吞拿魚腩...我只記得呢款最好味, 之後上貝殼類, 有白蝦, 帶子, 海膽咁...無可厚非距D食材真係好靚, 好鲜!

訂了下午一時的sushi bar，訂位時店員說要兩點交檯，所以特地提早二十分鐘前來，等了約十分鐘就有位了。店員說最好1:45交枱，初時覺得會太趕，但以上菜的速度來說，其實剛剛好，如果是想慢慢吃的話，則可能會失望。Sushi bar大約有12個位，有2位香港師傅和1位日籍師傅。點了兩個lunch set，分別是Okonomi Sushi (自選壽司10件) 和Assorted Sushi Set (8件壽司)。不久壽司師傅就一口氣上了六件Sushi Set的壽司，才拍了張照片，師傅就說「這裡的壽司不可拍照」，所以這篇食評就只有一張食物照，也就欠了點吸引力。10件的自選壽司選了中Toro、海膽、深海池魚、甜蝦、海鰻、帶子、象拔蚌、三文魚、秋刀魚和魷魚（是日沒有油甘魚，有點失望），由於師傅說8件的set包括一件三文魚子壽司，所以在自選set中沒有點。其實兩個set不只有壽司：Okonomi Sushi ($138) - 自選壽司10件、一客前菜、蒸蛋、麵豉湯和甜品Assorted Sushi Set ($108) - 指定壽司8件、一客細卷、4件天婦羅、湯烏冬和甜品$108的set比$138

銅鑼灣要食壽司既地方有好多, 左揀右揀, 結果.....雖不是"爛燈戔",卻令人"小"失所望二人共點了壽司set同天婦羅烏冬set壽司set (大約12件 + 魚湯一碗 + 刺身數片)多為貴價貨式,貴價貨式指池魚,帶子，海膽，拖羅，三文魚子,吞拿蔥小卷,還有一些魚...忘了同名稱 個湯驟眼看很油，湯面氾光又閃，湯渣有魚骨及肉，係結實新鮮魚製成的，不過待冷了會有點腥，還是早點ＫＯ它吧！拖羅真係入口即溶，友人曾經說過天勺既拖羅入口即溶，本人反而覺得這個才算 ^^海膽算新鮮, 係不夠凍^^三文魚子一點也不腥,好味^^ 天婦羅鳥冬set (一碗熱湯烏冬 + 10件壽司 + 天婦羅)多為平價貨式, 平價貨式指三文,吞拿,墨魚,熟蝦,鱆紅,青瓜小卷,黃瓜小卷等...還有一些魚... 烏冬既湯清香令人不知不覺就吃個清光 天婦羅蝦好爽又彈牙跟餐有青檸雪芭+紅豆糕，好酸既雪芭~~"我還點了綠荼雪糕, 唔知點解佢同NAHA那個一樣看起來很溶, 不過茶味苦澀些，正！這個餐價加上份量十足，是足以令你捧腹整個下晝，為什麼會有所失望？！因為個別款式壽司的魚生并不太新鮮，加上飯握得時長時短，有些還過大，有礙觀之！

28-6-2009繼續到恒和逐間試, 今次訂定呢間 Imamura 嚟 lunch. 又如常坐 sushi bar, 一人一份自選壽司定食 ($138).前菜係細細粒汁煮蘿白, 味道清甜, 清清味蕾不錯.10 件壽司揀了海膽, 三文魚籽, 大 toro, baby tuna, 深海池魚, 玉子, 左口魚, 帶子, 甜蝦及(魚立)魚... 壽司飯有件一夾就散, 有幾件醋味太勁, 咦...? Wasabi 賣相「牙膏」, 食落就幾香又幾啃, ok 的; 而咁多件就以 baby tuna 最好食, 濃味又豐潤, 正 海膽及三文魚籽軍艦都不錯, 海膽軟滑甘甜, 三文魚籽夠鹹香, 紫菜仲好脆, 正 其他的食完印象唔深, 而且魚類切得有點樣衰...茶碗蒸有銀杏, 冬菇 etc standard 料, 蒸得滑溜清甜, 不過面頭的香花葉 (?) 太「生」了, 食到 sok sok 聲又帶草青味, 唔太喜歡.麵豉湯落了點魚, 雖然飲到唔少魚鱗, 味道多一份濃香, 幾好味的.甜品係紅豆糕 + 豆腐雪糕, 前者軟滑又香甜, 豆腐雪糕就太甜, 整體感覺一般.師傅話「我哋 d 壽司唔可以影, 其他就

日本野不嬲都係本過客既最愛，差不多都食盡銅鑼灣... 而午餐sushi set, 第一位必定係今村!! 無得傾!! 最唔好既係唔預先訂位，連吧檯都無得坐!! 有時即興想去食個晏，近中午打去訂，都已經滿o左，無得食，好無引!! 必叫之選就係"自選壽司set lunch".... 壽司既選擇其實唔係太多... 每種只可以選一件，而肥美既 toro, uni 都一定 on list 供應比客人! 其他都係一般野加埋時日新鮮魚... 總之就係正啦!! 本過客以前完全唔食 toro, 都係o係今村食完第一舊之後就愛上!!我覺得今村既價錢、品質同埋可供選擇既自選壽司都唔係平野!! 絕對係超值底食.... 如果要用佢去同其他日本餐廳既自選壽司set 比較，本過客首選今村!! 各位食客真係可以一試!!

四月十九日﹙日﹚臨近糧尾總是沒多意欲試吃新食店，就是走上來熟識的地方吃個熟識的午餐吧。上次來到是較失望的一次，客人太多，壽司握得不好，師傅侍應們又趕頭趕命似的。數個星期後，就給你多一次機會吧。早上打電話預先訂位，侍者指下午二時已經爆滿，所以預訂了一時四十五分左右，趁人潮來到前先入座點菜，希望可以避開上次的手忙腳亂。準時到達，整個SUSHI BAR得自己一個客人，怎也想像不到十五分鐘後整個SUSHI BAR已是滿席。趁人少少，先向面前的香港師傅點個最貴的「花御膳」，有刺身有壽司，十分豐富。大部份的刺身壽司也由面前的香港師傅主理，先來刺身，「はまち(HAMACHI)」﹑甜蝦…等大路款式不用多說是新鮮，最美妙的還是TORO，肥廋相當均衡吃起來入口即溶的油嫩，甘香味豐富。刺身吃完了，再來壽司，牡丹蝦﹑小肌﹑海膽﹑TORO…十分豐富。通常在冬天才吃到最美味的牡丹蝦，這個吃起來只是一般，一來新鮮程度一般，而且蝦味亦不算濃厚，沒了吃牡丹蝦最大的樂趣。其餘的也不錯，特別是正值旬期的「サヨリ﹙SAYORI﹚」和小肌，魚味豐富來得新鮮。這天身邊不少人在吃OMAKASE，十分吸引，看著師傅為身傍的女人送上一

我和我女友對日本菜都情有獨忠.. 星期五,六日晚都會嘗試一下新鋪頭, 在4月份分別就星期五晚上光顧了15樓(松島),16樓(壽司處今村)和18樓(板前割煮). 全部都是晚飯時間.打開個menu, 除了壽司, 都唔知叫乜好, 雖然有個待應走過來話師父可以提介, 不過第一次, 當然想睇下有乜野食啦...左翻右翻, 翻搵全本MENU, 發現無炒野... 最後點了一個上壽司拼盤, 一個天婦羅烏冬, 一客煎蛋, 一客活車海老刺身, 和200ml八海山.壽司方面, 有點縮水... ><' 兩佰八十蚊, 有八舊 + 3舊鐵火卷.. 沒有驚喜, 反而有點失望, 可能之前在15樓的壽司拼盤實在太抵了.. @@天婦羅烏冬是不錯的.. 煎蛋有2件, 但好像加了一些很香的枺莉氣味, 把蛋味掩蓋了. 活海老刺身, 價值HK$80.. 瞉脫掉後, 還會跳.. 但, 只有一個成年男人, 中指3/4長度, 售價HK$80. 不值.. 蝦頭可以事後燒或炸.食完後, 不是很飽,又不是很肚餓, 但又不知道可以再叫什麼.. 最後坐了十分鐘, 不知道為何突然拿了張單過來.... 奇怪.最後結帳HK$690...

四月十日食壽司的致命傷莫過於趕頭趕忙,在銅鑼灣眾多壽司店,這裏的名氣可和壽司廣相比.剛入內已經差不多客滿,經理說只能去到一時三十分,看一看時間,原來只有四十五分鐘.時間尚可,坐在壽司枱,四名師傅埋頭苦幹工作,十件自選壽司索價約一百四十元,價錢方面也不貴.當然又是那些剔紙仔環節.師傅快速地把每張單的壽司握好.山葵和子薑放在板上這代表壽司開始會遞上,山葵只是牙膏貨.因時間和名氣令我對這裏更為嚴格,這次選擇拖羅,油甘,深海池魚,鯖魚,小肌,帶子,海鰻,左口..三文魚子,海膽,.開始把每件壽司佈陣,猶如命令將領帶兵殺敵.打頭陣用上拖羅,咬下去滿口油脂,不帶點根來得不錯,作為戰場開始這是不錯的先鋒.但師傅開派出油甘,小肌,左口,深海池魚出戰.排山倒海的氣勢.內裏其實看一看,其實暴露了問題存在,每一件所握的飯來得有點散,魚和飯的感情急轉直下,變成一場冷戰.每一件飯來得不平均,左右傾斜,有點神龍擺尾之感..刺身因昨夜奮力作戰後,來到我面前先已經變得疲累,略為淡色了.新鮮度不禁下降不少.五件壽司開始敗陣時候.海鰻援軍也趕到來.沒有醬汁這個好拍擋.顯得孤軍作戰,來得乾口.黏不上飯,樣子來得醜怪.最後發揮

環境清靜,食物水準高。但價格屬中高水平消費。是假日家庭聚會及拍拖的好去處。

今日o黎食Lunch, 好多lunch定食選擇!!前菜: 沙律, 蒸蛋!香葱吞拿魚腩碎飯定食 ~ 一層厚厚o既碎吞拿魚腩碎舖在日本米飯上面, 吞拿魚腩碎好肥美新鮮!!!魚生飯+腐皮烏冬定食 ~ 什錦魚生粒粒是佈滿在日本米飯上面, 魚生真係多得很, 而且粒粒都又肥美又新鮮, 應該係我食過最好味o既魚生飯喇....烏冬十分煙煙韌韌又彈牙!實在太飽了...之後要去行街街消耗番啲卡路里先!!

The restaurant is a small one, just 4 tables with some seats at the sushi bar. Food: Had some nice sashimi there! love their Toro so much! Uni was nice too! Overall, sashimi were very fresh! They said their abalone was imported from japan. It tasted kinda 'crispy" (not so soft like the Chinese one).Service: need improvement. We hadn't finished our appetizer yet but the waitress took away our unfinished dishes. She tried to be very helpful and always checked whether we finished our dishe