鮨岐

Open Now

Now Closed

今次lunch起紅磡食日本野，成間店都好日本傳統風格，入到去睇睇個menu，發現好多都唔過$100同埋有好多款式。定食-$89先黎左個前菜先，有茶碗蒸同沙律，茶碗蒸好出色，好滑同埋多餡，沙律同平時一樣差不多。之後黎左個肥牛烏冬，雖然細細碗，但都食得好飽肚，湯底一般。終於到重頭戲，有8舊壽司，（2件三文魚、吞拿魚肉碎、吞拿魚、蝦⋯）隻隻壽司都厚切，我比較喜歡食三文魚，佢既油脂分布好平均，一啖食既時候會好滿足。

有朋友介紹呢間日本菜性價比好高，因為係紅磡有少少唔就腳，呢日甘岩過紅磡有野做，一於lunch就去試下。🐷壽司定食配牛肉烏冬 $89每個定食都會跟沙律同茶碗蒸，茶碗蒸做得好出色，蛋好滑材料都唔少。壽司定食有三文魚，帶子，熟蝦，油甘魚，蔥吞拿魚腩同埋玉子；壽司既刺身每件都幾厚下，材料新鮮。另外牛肉烏冬係細碗既，牛肉味道同埋質感都唔錯，烏冬亦彈牙。最後仲要有埋甜品啫喱杯，好豐富既一餐🐷海膽什錦魚生飯 $98同樣地一開始有沙律同茶碗蒸，同埋仲有碗味噌湯。海膽魚生飯面頭有一大舊海膽，之後有三文魚，油甘魚，帶子，熟蝦同埋八爪魚。每件魚生都好厚切，海膽亦都好鮮甜，每一啖飯都可以撈到刺身，感覺好滿足，呢個價錢無得挑剔啦👍🏻

睇完中醫附近搵下有無d 新野食下，見到呢間環境唔錯，仲有特價lunch 幾抵都係$65，叫左個鰻魚炒飯Set有麵豉湯,沙律同茶碗蒸，感覺好豐富. 個茶碗蒸雖然只有日本魚蛋同一舊仔蟹柳，但佢個嫩滑既程度係好有水準，好好味熱辣辣.鰻魚炒飯：賣相唔錯，有蛋碎，木魚，紅蘿蔔粒,蔥， 鰻魚大大粒幾肥美。炒飯份量都幾多，一個人食晒有d 漏漏地，不過係好味既。臨尾居然仲有甜品@@, 雖然只係簡單一個青檸味啫哩，但$65真係性價比勁高。

午餐唔洗加一，有日本茶，午餐set最平$98，有沙律前菜就、蒸蛋、八件壽司、牛肉烏冬&啫喱甜品。沙律前菜同啫喱就冇乜特別，都係一般貨色。蒸蛋就幾岀色，有細蝦，都幾滑。壽司有三文魚、帶子、熟蝦、吞拿魚碎、甜蛋，厚度都好夠，唔會話好薄，wasabi都係生磨。新鮮程度尚可，味道都可以，但唔係話超級好食。座位比較窄左啲，服務一般，但以價錢黎講，$98有咁多野食係超值。午飯時間都多人等位，食完都會收野收得好快，想你快啲讓返位。

As a restaurant hygiene is most important, But I got bad experience in there , I saw Baby cockroach in my dish during eating , it was very awful, disgusting , I have no recommend who interest this restaurant!Nonetheless, Never try it!

豬軟骨石鍋飯定食定食嘅食物非常之豐富， 除咗主食嘅豬軟骨石鍋飯之外，仲包咗一個茶碗蒸，一個沙律， 一碗麵豉湯，甜品仲有黑加侖子味啫喱， 保證你一定食得飽。 咁豐富嘅定食都只係賣88蚊，性價比可謂非常之高。味道方面，茶碗蒸食落嫩滑，帶小小雞湯味，裏面有一片冬菇同埋一忽仔嘅渦輪卷， 料唔算多。 沙律簡單一啲菜半粒蕃茄， 冇乜特別。 啫喱味道唔會話好淡 ，普通啫喱粉開水凝固而成。 煮食豬軟骨石鍋飯熱辣辣， 上面有一隻生雞蛋 。將生雞蛋，豬軟骨同啲飯搞勻之後，食落都幾入味幾好食。啲飯乾爽，配上豬軟骨嘅少許醬汁味道啱啱好。 豬軟骨幾林可以連骨頭都食埋， 整體嚟講唔錯。

同朋友慶祝生日，途經紅磡見到餐廳門面好靚好日式😍就入嚟試吓。星期六晚餐時段，八成滿座，唔使等位就有得坐低。二人前set分別有「特上二人前」同埋「精選二人前」。同朋友都比較鍾意食壽司同刺身，就揀咗「特上二人前」。落單好快就有店員上前菜，分別有枝豆同埋「三文魚野菜沙律」，沙律好好味😋好推介。好快店員就上咗刺身同壽司，望落去好新鮮好好味。不過美中不足係，我哋食緊沙律嘅時候，店員已經將刺身、壽司、野菜牛肉鍋同炒飯上晒😅想慢慢食都唔得，又唔係趕住收舖，如果可以慢慢上菜，會好好多。食物質素黎講：壽司同刺身茶碗蒸都唔錯但串燒就好一般，味道不足而且上得快就好快凍，變得唔新鮮。

可能因為係閒日兩點，已過午餐時間嘅關係，餐廳裡面都唔係太多人因為想食壽司，又想食大拖羅，所以好快已經有心水揀左食乜好呢個set赤身可以轉大拖羅有壽司又有大拖羅，同一時間可以滿足晒我兩個願望如果個沙律菜dressing可以轉麻醬就更好成個餐嘅賣相都叫正正常常，但係壽司上面嗰啲魚生食落就麻麻地，但又未至於係難食其實唔係好明點解咁多人比好評，又話性價比高雖然價錢唔算貴，但我個人覺得cp值唔高對我黎講，呢間食一次就夠

紅磡黃埔一向多食肆，有朋友一直極力推介呢間相當低調又cp值高嘅「鮨岐」，難得喺附近就去試一試！以現時午餐食個茶記都要$50-$60嚟講，不如加多少少錢比自己食好啲😛😛👅海膽魚生飯 $98午市定食選擇多，有得揀壽司定食（10件起）、魚生飯、熟食例如西京銀鱈魚、豚肉生姜燒等。落單後好快有員工奉上前菜沙律、茶碗蒸、麵豉湯~今次試吓海膽魚生飯，呢個價錢有海膽、帆立貝、三文魚、油甘魚、八爪魚、熟蝦相當滿足😛，口感層次豐富唔單調。海膽甜甜地冇臭味，食材都算新鮮。以$38加左個3件天婦羅小食，有驚喜地粉薄香口，係質素唔錯嘅天婦羅😛午市仲有甜品送！雖然係平平無奇嘅啫喱，但有甜品收尾已經滿足😋見到枱上有個晚市二人前套餐$688，包左好多道菜，估唔到晚市都抵食☺️👍🏻員工安排我坐Bar枱可以靜靜地食，唔洗同人搭枱又可以望下師傅做嘢，環境舒適，一個人都可以食得舒服呀😙😙

今日第一次嚟到呢度食 材料好新鮮 無論係生食定熟食 員工嘅服務態度都好好 上菜速度好快 食得好滿足 例如拖羅 海膽呢啲真係好好味 唔會有苦味 店舖莊潢都好靚 好適合係呢度打卡 依家疫情冇得去旅行 一路食會有種去左日本嘅感覺 真係好推薦大家試下！😍😍😍

黎到紅磡想食日本野，就會諗起依間餐廳，已經食過兩次。🔸壽司三貫配牛肉大烏冬定食 $88 因為今日帶表弟食，小朋友揀左烏冬食，小朋友食到好滋味。🔹親子花之戀 $58 🔸蟹柳壽司 $20餐跟下面果三件壽司🔹豚肉生姜燒 $72 跟 味噌湯個豚肉汁有小小濃，跟飯就食岩岩好。唔好睇佢細細碟咁，都有好多舊豚肉。🔸一口炸雞（6件）$58雞肉好嫩，唔會太乾，點沙律醬食一流。🔹京葱雞肉 $25好多地方啲京蔥會燒到好乾，但依兩舊蔥仲好juicy。🔸三文魚刺身 5切 $68厚薄適中，都幾新鮮。

好味道指數: 🌕🌕🌕🌖🌑性價比指數: 🌕🌕🌕🌕🌑咁啱個日想食日本野 就決定試下樓下附近呢間餐廳😙 佢地嘅lunch set都幾抵食 包前菜沙律同茶碗蒸 而且午餐時段仲要免+1 而且食物質素都唔錯 係可以encore 嘅日式午餐👍🏻🥰櫻花角切魚生飯 ($78)🌸魚生飯比預期有驚喜👍🏻  材料份量都唔少 每一啖飯都食到魚生😚 就呢個價錢而言 都真係非常抵食😋壽司定食配牛肉烏冬 ($89)🍣🍱壽司定食嘅表現亦都唔錯😙 魚生嘅口感同色澤都幾新鮮 而且佢嘅牛肉烏冬都唔馬虎😍 烏冬口感同湯底都幾唔錯 同壽司郎嘅牛肉烏冬有少少相似😂 雖然佢只係得少量牛肉 但牛肉片口感同質感都唔錯 唔係平時好平嘅嗰種肥牛片👍🏻估唔到午市仲有甜品送! 雖然只係好普通嘅啫喱 但係可以一次過食到前菜正餐同甜品 真係好滿足啊🥰🥰

平安夜，等咗半個鐘都冇嘢食上過，催咗幾次D嬸嬸都話嚟緊，結果問多幾次，有個似係老細嘅先再問我哋食乜嘢，仲係唔認漏單，仲想隱瞞。最後問多句先肯認自己根本冇同我哋落過單。

如題 訂位時說沒限時 7:30開始多人來排隊 即開單 趕走你 甜品即上 即收 話之你 有無食無下次 勁差 推介 勁難食曼魚飯 勁難食油差魚個男人入單又入錯 等碟油甘魚 等左45分鐘 食品未上齊 說叫你埋單 ！

誤打誤撞喺紅磡發現呢間睇落好貴但出奇地價錢唔貴嘅日本餐廳🤓#小胖遊紅磡🐠 —————————————————🔹蔥碎油甘魚茸丼 $118魚蓉份量出奇地大碗，油甘魚新鮮甘甜，加入蔥花冇腥味，食落好接近吞拿魚魚蓉但冇咁膩😌撈埋溫泉蛋🥚送飯起正😆蛋汁流出來真係好治癒！🔹北海道三色魚生飯 $118最欣賞帶子超大粒而且非常之鮮甜😋油甘魚同三文魚都係厚切大大塊🍣三文魚肉質肥嫩同香，濕潤蛋汁加埋蟹籽令魚生飯口感層次更加豐富🤗定食包括：沙律、味噌湯、甜品甜品係啫喱係細個食開嘅味道🤣普通啦—————————————————🧜🏻‍♂️口水度：🌕🌕🌕🌗🌑🤑CP值💰：🌕🌕🌕🌗🌑🧚🏻‍♀️打卡值：🌕🌕🌕🌗🌑🥰舒適度：🌕🌕🌕🌖🌑👅再食指數：🌕🌕🌕🌗🌑.♟Overall♟平日晚市定食價錢唔貴，食物質素出奇有驚喜😳，性價比好可以餐廳都幾闊落，坐得幾舒服好好慰勞返工一日疲倦嘅身心💆🏻