鮨岐

Open Now

Now Closed

這家位於紅磡的餐廳，距離港鐵黃埔站大約5分鐘步程。餐廳環境寬敞，裝潢也是日式風格，可以容納大約70人，更有獨立房間，很適合大型聚會！而且餐廳沒有限制所有人到齊才能進出，加上沒有限時，就算是小型聚會也很適合！餐廳提供多種類型的日本料理，包括丼飯、壽司、鍋物以及和式定食等菜色的選擇很多！午餐的話還可以優惠價$10追加「玉子小卷」，我們因為肚子很餓點了這個，玉子壽司的味道不錯！這次我選擇了「豚肉生薑燒定食」（$82），上菜的時候馬上被份量嚇倒！定食也太豐富了吧！定食包括茶碗蒸、沙律、味噌湯以及果凍，雖然配菜很多，不過主菜的份量完全不吝嗇，我相信食量比較大的人也能夠吃飽！味道方面，豚肉煮得剛剛好，上面的醬汁帶著生薑的香味；茶碗蒸的雞蛋味和上湯融合。不管主菜或配菜都很美味，我很喜歡！朋友則選擇了「日式照燒雞扒定食」（$78），雞扒煎得很香，與照燒汁很配合，同樣好吃！另一位朋友選擇了「壽司六貫配牛肉烏冬」（$92），朋友說壽司很美味，可是烏冬的湯底比較鹹。整體而言，大部分菜色都很美味，而且配菜很豐富，是性價比高的日本餐廳！

呢間野如果唔係因為食物水準OK，我都唔會過嚟幫襯。 有個扎辮身形肥潤既女士侍應服務態度極差，一入到去，真係用呼喝既態度喝我去坐落張枱度⋯⋯ 好，我忍你一次。坐低左之後。諗好食咩餐先揮手，佢極之唔耐煩就同我講：「等等啦」⋯⋯ ok， 我知道你好忙，一腳踢，我明白，我真的明白！ 我當自己去咗茶餐廳。 我想食牛舌餐，佢同我講冇牛舌，唔緊要，我知有時啲嘢食供應短缺。最令我開始頂唔順就係，講完冇牛舌之後，我未講下一句要「豚肉生薑燒」（其實我心入邊有兩個餐），佢即以打棒球上壘既態度同動作，10秒10彈走左⋯⋯ 我又再次等佢得閒，睇吓佢幾時可以空到1秒鐘時間幫我落單⋯⋯ 最後等左一陣，佢都係冇去到我張枱。因為我將自己個袋放咗喺張凳度，我隻眼一路照顧緊我個袋，一路行埋去counter同佢落單，我都冇發脾氣（但塊面都黑黑地）。 直到佢以一個好不屑嘅眼神打量我做乜+語氣問我要乜，好似怪緊我行過去搵佢⋯⋯ 我個下就將頭先我所受嘅氣全部一野湧上塊喉嚨度（仍然冇出聲話人）⋯⋯ 我成程只係講左句：「你落埋手上既單先」💁🏻‍♀️ 女侍應：佢個面口係衰到，特登停咗手上同客人落嘅order，問我要乜⋯ 好似怪緊我走過去

$68燒牛舌定食，沒收+1服務費，很抵食。服務態度是有限度的，因為他們都很忙。重點想說我這個牛舌定食，很好吃！黑椒配上洋蔥炒得很好味。雖然黑椒味很重，也不會太辣，很大一碟牛舌。廚師還會把它切好一條條才上碟，很易入口。

今日食嘅係咖哩吉列豬扒定食，一個定食Set入面有哂沙律、茶碗蒸、味噌湯同甜品啫喱，呢個價錢嚟講相當公道。味道方面，豬扒一食落脆卜卜，一睇就知道係即叫即整，咖哩亦都係熱辣辣嘅日本咖哩，撈定食跟埋嘅白飯，一字記之曰:正！前菜沙律不過不失，比較普通，但勝在夠新鮮。茶碗蒸味道唔錯，配料就有冬菇粒同鳴門卷粒，加埋豉油風味絕佳！味噌湯同甜品就穩穩陣陣冇乜特別。值得一讚嘅係杯套餐飲品白桃烏龍茶，唔會太甜又夠哂味，最重要嘅係支飲筒唔會好易爛！

鮨岐lunch set 真係幾抵。我叫左個牛舌定食set,有沙律🥗前菜，麵史湯，蒸蛋，牛舌好細心咁切到一條條，岩曬我呢啲咁唔鐘意咬野既人😂好易入口。 牛舌有啲辣，係店鋪推介👍🏻 可試

已經唔係第一次嚟呢度食午餐，平時一星期有兩日都會嚟呢度，因為諗唔到食咩嘅話，首選都係呢一間餐廳。因為除咗壽司之外，仲有吉列豬扒飯，牛肉烏冬等等。我最鍾意佢嘅蒸蛋、前菜、同埋最緊要日本餐廳要有嘅元素，就係飯後甜品啦！每次食完飯之後，最後都會上一個啫喱俾你，好似額外嘅bonus🥰 呢度附近都有其他日本餐廳，呢一間嘅性價比我自己覺得算係做得唔錯，餐廳入邊亦都有幾間獨立房間，如果多人去嘅話，大家不妨可以考慮去訂佢哋嘅獨立房，就可以享受寧靜舒適嘅用餐時間。

番茄烏冬牛肉：番茄濃香超濃郁，還配有小菜甜點之餘，每一根麵條都裹滿了番茄的香气，同埋肥牛也超級入味。 75蚊豚肉生薑燒：鮮嫩的豚肉搭配上生薑和洋蔥，淋上照燒汁，薑味並不突出，加上生薑的提味，和白飯搭配簡直好好吃。 76蚊還有學生優惠哦~

見間好多人排隊，以為好好食叫個角切魚生飯等左一個鐘都未有，三催四請先「盡快做」「冇辦法」問點解咁耐，話切魚生要時間其他熟食一早食完，原來生野仲難整過熟食☺️好不容易等到，嘩，第一次見魚生飯會落沙律醬撈落魚生度，係咪因為啲魚唔新鮮要遮味？成碗飯有一半係怪味魚生，一半係青瓜絲大開眼界#伏已中

喂，講真，今次我行過紅磡，發現間日本餐廳人頭湧湧，我就拖埋女朋友進去走一轉。老實講，粒海膽魚生丼真係打到我心花怒放，海膽正到出汁，帶子爽口，三文魚肉感豐厚。撈埋隻溫泉蛋，流埋落去，簡直滋味爆燈！另一邊廂，荷葉鰻魚飯定食，嗱，呢個遲咗啲嘅，但一送到，熱氣騰騰、飄香四溢，咁多飯，我哋都食到攤底，嗌飽！牛油果軟殼蟹卷都係必點，牛油果配軟殼蟹，真心絕配，想想都流口水。真心唔騙，啱啱食完佢嗰碗蔥碎油甘魚茸丼，我就已經開始掛住嗰碗滿滿層次感既鮮味，充滿蔥花香氣，油甘魚嘅甜美入口即溶，加上啲茶碗蒸同沙律，真係食得夠滿足，講埋個啫喱，真係有種誤打誤撞揾到寶嘅驚喜感覺！我不如咁講啦，你地喺紅磡一帶，試吓呢間，可能會同我有一樣嘅諗法咁樂而忘返，攞碗筷準備食大餐囉！🍱🎉🥢

嚟到呢一間小店，第一感覺就係懷舊又溫馨。喺呢度，我試咗幾款經典小吃，每一款都係美味爆燈💥！首先係咖喱魚蛋，外皮煎到微微酥脆，一啖落口，鮮嫩滑溜嘅魚蛋同那香濃夠勁嘅咖喱汁撲鼻而來，真係正喎！跟住啖啖肉嘅豉油雞，滲透晒豉油嘅獨特香味，肉質鬆化，腍到掉嚟，味道入味又唔會太鹹，真係夾！至於鹹檸七，個個都知道係港式茶餐廳嘅經典飲品，喺呢度飲到嘅鹹檸七咁解渴，酸甜帶鹹，開胃得嚟，飲完仲想再黎一杯🍹。仲有一款廚師推介嘅牛三星炒飯，每粒飯珠都爆炒到金黃飽滿，牛肉粒嫩而不柴，上面撒咗少少蔥花點綴，不得了咁香口。最後，低調嘅綠豆沙甜品出場，幼滑冰凍，口感細緻，綠豆香不膩口，當個完美Ending！總括嚟講，呢度嘅食物係可以搵到家常嘅温暖，臨走嗰刻，仍然嚟緊個美味回憶難以忘懷👍🏼。今次食評就到咗呢度，記住呢度，下次路過嘅時候，唔好錯過喇！

路過見到日本野就入去試下😋餐廳入面有榻榻米房 幾新奇-叫咗個牛肉蕃茄湯烏冬 午餐 ($68)Set包咗沙律 茶碗蒸 卷物 啫喱沙律個汁係醋 個人唔太鐘意其他就不過不失主菜-烏冬一上菜就見到牛肉係全紅色問過侍應話係正常 好似越式生牛肉河咁浸熟佢😂不過我就覺得湯再熱啲會易浸熟啲 同埋個人鐘意煮熟咗嘅牛肉質感多啲；烏冬正常，彈牙蕃茄湯幾fresh 有好多配料：海帶、粟米粒、洋蔥粒整體唔差 $68包咁多嘢好抵職員態度都nice-反而入去之前見到出面寫住學生叫午市定食有9折優惠 但埋單時侍應就話呢個餐無學生優惠但明明佢學生優惠張紙就係貼喺蕃茄烏冬個poster上面 可能呢個唔係定食 但好似有少少gimmick-📍鮨岐 #紅磡

Intro: 紅磡真係好多野食，成條街加埋差唔多有20間嘅餐廳，呢一日嘅午餐就揀左日式餐廳，呢到嘅價錢喺100內，有熟食又有生食；今次就決定試下佢地嘅泡菜豚肉鍋（偏韓風），跟餐附送埋小食～___________________🍽 韓式泡菜豚肉鍋 - 配沙律、味噌湯、茶碗蒸蛋、白飯💰 75 ⭐️ 7.75/10✍🏻 黎到嘅賣相唔靚，好似滿瀉過咁；✍🏻 豚肉嘅份量多，而唔會過熟，肉質幾滑幾嫩；✍🏻 蔬菜嘅份量極多，仲食左好多椰菜；✍🏻 泡菜湯嘅味道唔算辣，但個人認為味道唔夠；✍🏻 呢個套餐set包左好多配菜同小食，味道都唔錯，仲送埋個啫喱甜品，真係飽到上心口。___________________🏠 鮨岐📍 紅磡必嘉街100號地下11B號舖⭐️ 7.75/10___________________

想體驗一下日本打工仔，放工happy hour嗰種木製拉簾酒館。呢度就最啱你，重點係佢又開起屋苑附近真係俾打工仔放工後聚會，個人最欣賞佢哋有幾個包廂，個包廂係好似日本放工飲啤酒個種。🍻豬軟骨溫泉蛋飯經過長時間淆底嘅豬軟骨非常軟口，用咬出嚟嘅骨湯再混合檸檬絲🍋做出嚟嘅清爽口感令人煥然一新最驚喜嘅係佢會送埋水蛋沙律同埋啫喱，然後個男女廁亦都遵循返日式風格和風咁樣有個拉簾，10分別致。#silvereatfoodie #hongkong #hkrestaurant #hkfoodie #hongkongfood #hkfood #topcitybites #hkfoodblog #hkig #hkblogger #美食

第一次食午市套餐，叫咗壽司十二貫$148有11款壽司和甜玉子整體壽司的飯是偏細，材料幾新鮮和size足以蓋過整舊飯團，幾喜歡這個比例👍🏻沙律（有唔同款沙律菜）茶碗蒸蛋（正常味）一到12點午餐時間就好快坐滿人，服務員安排我地入咗房搭枱，上菜速度快，服務親切友善，整體感覺唔錯😃話好好食又未算，但性價比高。

今次lunch起紅磡食日本野，成間店都好日本傳統風格，入到去睇睇個menu，發現好多都唔過$100同埋有好多款式。定食-$89先黎左個前菜先，有茶碗蒸同沙律，茶碗蒸好出色，好滑同埋多餡，沙律同平時一樣差不多。之後黎左個肥牛烏冬，雖然細細碗，但都食得好飽肚，湯底一般。終於到重頭戲，有8舊壽司，（2件三文魚、吞拿魚肉碎、吞拿魚、蝦⋯）隻隻壽司都厚切，我比較喜歡食三文魚，佢既油脂分布好平均，一啖食既時候會好滿足。