手卷野村 (Closed)

今晚食完粉麵之後，怕返屋企肚餓，所以經過紅磡上天橋段路，就試下呢間手卷～叫左個碎吞拿魚手卷，份量都幾多，味道唔錯，碎吞拿魚都幾新鮮，下次有機會試下其他手卷！$28價錢都叫合理～

My friend said the sushi roll of other shop is good, we toke long way to there but they did not open.This shop was just next to it so we had a try. It was really good to had a fast and tasty food after dinner. I order a fatty yellow tail roll.. it looks a bit pale. The sushi was white col not with little bit pink. It was not thick as sashimi. The taste not bad, it was really fatty.

食完晚飯唔夠喉，突登行過黎買手卷食，諗住食雲兩間可以比較下，點知另一間賣晒依間主打材料日本直送，我又點左最愛既海膽，食落ok係香港已經算優質，不能同日本比，要比請去日本食，拎俾我果陣職員話已經加左醬汁，唔夠先自己再加，依個一睇就知係加拿大既海膽，當日冇晒日本出産果種老公本身話唔食，但之後改口，因為見到佢最愛既北寄貝，我成日覺得叫咩，粟米沙律，蟹籽沙律果啲好搵笨點知佢就叫左北寄貝沙律但佢食得好開心，仲話好食，話說個手卷有塊大葉，姐係紫蘇葉我食唔到啲咩怪味，但我前面對父子就話好怪陣味，唔鍾意既可以落單果陣叫佢走左佢

一心諗住食隔離間手卷 點知冇開😭😔見到新開左尼間 寫住日本直送 就過下口癮三文魚忌廉芝士卷卷入面有蕃薯葉 唔要可以走左佢 幾fresh 同平時食開有d唔同葱粒吞拿魚腩帆立貝手卷帆立貝細粒左d🤔🤔不過吞拿魚食到底都有 材料新鮮價錢唔算好貴 可以一試收銀員態度幾好見到營業時間開到凌晨2點

這間店看樣子是不錯的，明亮的招牌，手卷弄得漂亮，可惜作為食過附近勁回味小店既食客真係覺得勁回味好食d，可能因為勁回味既醋飯，wasabi豉油都比較入味。呢間既份量少左d同味道欠特色了。加上可能係香菜搶了三文魚既味道，食落好似成個手卷都係一陣香菜，所以如果唔太鐘意香菜既食客係可以要求唔加香菜既。我認為呢間要吸引多些客人就只能以價位降低，畢竟附近咁多食店對手，味道真是未能令我回味，又或者人人口味唔同，呢間唔係我既心水食店。

其實早排都有專登黎過，但果日冇開…結果食左旁邊嘅渣哥…今日襯放假又過黎終於食到喇~手卷野村同其他手卷店行嘅路線有少少唔同，似乎主打吞拿魚~兼強調日本直送至於比較受歡迎嘅海膽，佢地嘅價位屬中上，唔係葵廣果種大大pat，比附近嘅勁回味略貴三文魚腩手卷 $20腩位比起普通三文魚貴5蚊，跟圖片相符不過噗鼻而來，卻係好重嘅紫蘇葉味，如果唔喜歡呢種味道，記得提一提店員去掉！三文魚都算幾肥美，而且食到2/3都仲有料，算係近期食比較唔錯嘅三文魚手卷吞拿魚手卷 $30一般手卷店食嘅吞拿魚手卷都又乾又柴皮，呢條食落雖然稱唔上肥美，但都算新鮮，口感唔錯30蚊黎講都過得去，日後再經過會試埋貴價少少嘅款式，睇下會唔會正啲。

每次都係星期日經過尖東，每次都食唔到勁回味...真係好想試佢嘅半板海胆手卷呀...今日經過呢條街，想睇下有咩小食，行下行下就比我地見到呢間手卷店，都好喎，開得响勁回味附近，心諗應該唔會差太遠吧…阿女揀左三文魚腩手卷，我同老公就要海胆手卷兩份食，阿女好心急，佢真係好鍾意食手卷架.. 不過都只係等左一陣，兩個手卷就整好喇...一見到啲手卷係有少少失望，啲海胆嘅份量同勁回味相比真係好少，海胆冇怪味，但唔算鮮甜，老公亦覺得薄荷葉唔太match...三文魚腩我冇試過，不能評論，阿女話ok好味...下次都係想試勁回味....

平安夜食左個豐富的晚餐由佐敦散步去尖沙咀海傍慢今年的聖誕燈色麻麻地部分更同上年一樣 可能巿道唔好吧行到尖東有點肚餓 想吃點東西見到這間新開的手卷店沒有舊果間咁多人就試下呢間全部都是外賣門口有張枱可以放低食下叫左個特選海膽手卷$50王林蘋果汁就$15 一個字：甜！手卷左幾分鐘就有 應該即叫即做叫左我no.上去見到只有海膽原來上錯左 要換返店員都好禮貌會講對唔住要你等得耐講返個手卷有海膽、三文魚子、拖羅蓉仲有日本青瓜、紫蘇葉、蘿蔔苗增加清新口感海膽有兩種 其中較深色啡黃色果隻頗苦澀另外橙黃色的就好鮮甜 入口即溶三文魚子咬落甜 食多幾粒有d 咸朋友唔鍾意食就話腥拖羅蓉中規中矩紫菜好快淋 難咬開 唔知係咪落得多豉油飯量頗少 食完好似無食一樣

今日去到尖東街搵食，黎到呢間日本手卷店，我比佢吸引嘅係佢個日本直送同埋佢有好多款揀，所以我就叫左個海膽手卷食。其實呢個海膽手卷幾的骰下，份量我覺得比較少左啲，但係啲海膽幾好食，幾有鮮味，但係感覺上食完一個唔係幾夠。如果下次黎我應該會想試下啲蝦又或者係啲太卷，我對佢地都幾有興趣嘅。

星期日晚睇完戲見肚餓，男朋友話報紙有介紹過依間，就即刻去試下。可能因為已經十點幾，所以吾使點排隊。我要左三文魚甜蝦手卷，三文魚同甜蝦都超級新鮮，紫菜爽翠，入面仲有塊類似薄荷葉，食落好清新。值得一試而且服務員很好禮貌。餐廳對出仲有長椅，買左可以坐低慢慢食。