手卷野村 (Closed)

看完concert已經11時多，網上找到尖沙咀有間營業至2時的手卷店，就去試試～激滿海膽杯 評分：［10/10］叫得激滿，海膽份量真的挺多，是厚實的三四片，每片都有手指尾咁長咁大片，而且非常新鮮，些微臭味苦味都沒有！除了海膽，還有蟹棒絲、蔥花吞拿魚、三文魚籽和帆立貝。全都好新鮮，三文魚籽不會過咸，超推介！唯獨是價錢已由剛推出的98變成128，飯是少得不夠飽的份量，就顯得貴了點。鰻魚玉子燒 ［8/10］即叫即燒的玉子燒非常重蛋香味，又熱辣辣～包著滑滑的鰻魚，很好味！上面淋了甜甜的醬汁，就更香了！手卷也很出色，魚生新鮮，紫菜很脆，加上紫蘇葉，味道更fresh更有層次！

難得平日放假，去開尖東果邊買野，見到平時食開果間既手卷未開門，行過少少見到有呢間壽司店，所以就諗住試下。咁岩撞正食飯時間，所以都幾多人排隊買野食!不過師傅都整得好快，叫完食物之後大概幾分鐘就有了!因為跟朋友只是口痕食下，所以沒有入店內立食，只在門口吃完便走了!海膽手卷($50)，海膽大舊而且肥美鮮甜，唔會食落已經一pat咁，啖啖肉，再落少少芥辣豉油一齊食，鮮甜味更出。紫菜脆的，唔會好似仿間果D咁變淋!不錯!芥辣八爪魚手卷($28)，芥辣八爪魚一直都係我的最愛。這裡的芥辣八爪魚爽甜新鮮，芥辣供鼻，如果手卷D飯可以多返少少壽司醋的味道會更佳!總括黎講，尖東科學館道美食林立，而呢間壽司店方便了在附近返工的打工仔，不論立食定外賣自取都好多人，價錢又唔算太貴，都可以再試的!

要提到食日式手卷的話，總會先諗起位於尖東嘅呢間科學館，佢係一間外賣手卷小店，只有一個視窗位是點單處和取餐處，鋪位當然不大喇。門口有1張枱可以立食 手卷，比較小型，有2片加拿大海膽加青瓜和紫蘇葉可以走紫蘇葉因為會搶了海膽的味道,海膽顆粒分明,很新鮮鮮甜,紫菜很脆, 飯微暖帶甜,好吃其實係適合一邊行一邊食，除燒賣魚蛋外的一個選擇。手卷材料可自由配搭，味道尚可，不過價錢略貴【海膽手卷】：HKD50性價比黎講麻麻地，下次都係食番個平嘅算，因為食料唔算好新鮮，唔值。

雖然這間日式壽司手卷立食專門店，是開設在尖沙咀東的「新文華中心」地下舖位位置，但是從港鐵「東鐵綫」的「紅磡站」出來，沿着接駁行人天橋一路走過來，最後一樣可以直接來到「尖沙咀東」。所謂「條條大路通羅馬」，以前地圖書，現在手機裡面地圖導向都會告訴我們，有關交通前往目的地的提議方式，未必適用於現時的香港，尤其是港九市區的遊客區，跟隨它們不一定能最快抵達目的地。我就不幸地成為了反面教材，我一廂情願地相信了「開飯喇」，有關尋找「尖沙咀東」日本立食壽司食店「手卷野村」地址的建議，結果我在行人天橋步行差不多十分鐘時間，去到「手卷野村」才知道食店位置更接近「尖東」。「手卷野村」的食店店舖位置，正正就在尖沙咀東行人通道旁邊，行人通道的盡頭位置，剛剛好接駁紅磡行人天橋的樓梯出口。「手卷野村」本身舖位主要是製作手卷壽司的廚房，食客堂食的話只能站在店外。至於「手卷野村」的餐牌，餐牌只是一大塊的大型價錢牌，掛在「手卷野村」門口的旁邊，而且手卷跟壽司種類價錢，都被「手卷野村」縮小，收藏得肉眼都不容易看得清楚。如果食客們想購買「手卷野村」的食品，是例如「軍艦壽司」、「玉子燒」或者是「沙律」的話就慘了，因為食客們可能

以前番學個陣，好鐘意食呢間店，雖然比隔離間手卷店貴一倍，但以前見佢d料新鮮，所以會成日幫襯佢。今日行開呢頭，諗住試下喇，叫左個大吞拿魚腩手卷。一見到手卷已經好失望。吞拿魚腩係白到一點血都冇，好似雪左好耐咁，塊葉仲要有不知名的污點。好喇，見到已經唔開胃，但買左要食。拎開左塊葉先食個手卷，食落口已經更加唔想食，吞拿冇味，得油味。飯又有點硬硬地。唉...55蚊...食完之後只想講我唔會再幫襯...希望貴店考慮下將個質素keep番以前咁。

只好外賣企係度食， 這是店舖的特色？ 其實佢的 壽司， 手捲也好出色， 希望嚟緊睇到佢開有座位的店舖，更好。之前係電視見過介紹過，都算係好多款式。我係初佢出面廣告牌吸引住的，叫左個三文魚手卷， 味道唔差，都好新鮮， 等我下次試多幾樣

等候時間還算好，新鮮，好味道。明太子辣辣的很不錯！服務態度也很好！會繼續幫襯，期待下次海膽杯！希望多做活動！98始終有點貴！但我相信還是值得的！加油啊老闆！出更多款式！

呢款手卷除咗有主角海膽之外，仲有三文魚籽同吞拿魚腩做配料，全部都係我嘅最愛，海膽入口即溶，配上三文魚籽同埋吞拿魚腩嘅鮮味，真係無乜可以挑剔。份量的確唔多，但用料亦都食得出係上乘。嚮香港唔係每間手卷店都有吞拿魚手卷食，而質素高嘅吞拿魚手卷更加係買少見少，呢款手卷有齊哂赤身、中腹同埋大腹三個部位嘅拖羅。佢好香魚脂味，擺入口嘅之後，成個口腔幾乎瞬間充滿住吞拿魚濃郁嘅味道。不過份量其實好少，就喺得圖中見到嘅咁多到，其餘下面嘅都只係得返飯，所以食完之後會有好唔夠喉嘅感覺，令人好想再食多件。

日本菜係我既最愛，但有時一個人既時候選擇又未必真係咁多，所以立食既手卷店就成為我既獨食首選(๑•̀ᄇ•́)و ✧ 今次搵食就搵到去野村，其實就同佢相隔10步左右就有另一間手卷店，亦係我曾經經常幫襯既鋪頭，但佢個海膽杯實在太吸引，仲有即製玉子燒，海膽+玉子燒完全將我既防線擊潰。心多多既我豪叫海膽杯，明太子玉子燒同劍魚腩手卷，加一蚊仲有個poke手卷當然叫埋。手卷最快出，總共有3大場刺身，醋飯味道剛好，而且入面自帶少量wasabi,紫蘇等，完全唔會覺得漏，什至乎會覺得好fresh.至於一蚊手卷係夏威夷三文魚手卷亦無失禮，大量微辣三文魚，另人欲罷不能w接住到既海膽杯簡直係震撼，首先係獨吞，而且個海膽杯上面既海膽同子子多到好似想跌落黎咁，一食落去海膽鮮甜無苦味，大大啖唔駛就住就住咁，只有兩個字可以形容，幸福(*๓´╰╯`๓)♡壓軸上場既就係玉子燒，玉子燒絕對係我日本菜最愛頭三位，所以我亦會好挑剔。佢地既玉子燒即叫即整，送上黎既時候仲有熱氣，金黃色既外觀絕對係100分，佢地已經好貼心咁切開4份，分開中間滿滿既明太子，再加100分。重點，食落去係燙口，蛋有少少甜味加埋明太子既咸咸辣辣撈埋一齊真係不得鳥

星期二中午十二點半，同朋友黎到買左盒飯，只能外帶。✅蔥吞拿魚腩飯 $60：吞拿魚新鮮，拌紫菜同豉油係完美配搭。但份量唔多，以呢個價錢唔係幾抵。🏠幾新👳🏻‍♀️正差服務

今日收工好夜，而且唔太肚餓就選擇左試下呢間立食手卷店做晚餐。見到餐牌上有好多款手卷、卷物同小食，真係花多眼亂呀！最後揀左我最愛既三文魚帆立貝手卷，三文魚同帆立貝都係厚身，咬落去好啖啖都充滿魚生，而且有少少菜同青瓜，食落更爽口。另外要左個夏威夷三文魚卷，一粒粒既三文魚份量不少，啖啖三文魚肉，配合堆特製既醬汁，好開胃。店外有一張小桌子放左3種辣度既豉油，可以自己調味。好欣賞呢度既店員好有禮貌，食物全部都係即叫即製的，十分新鮮，價錢亦合理，一定會再黎幫襯小店!

係尖東放工趕去紅館睇演唱會, 經過見到呢間日式壽司手卷既專賣店, 主要係外賣, 而門口有一張檯仔做立食區。手卷款式多多, 有不同既配搭, 價錢大約都係廿幾蚊就有交易, 而且即叫即整, 於是就同朋友買左少少SHARE食醫下肚。【三文魚腩手卷】HK$25因為即叫即整, 所以手卷既紫菜一接上手, 放入口依然很脆身。醋飯很黏口, 三文魚腩為薄切, 但HK$25有呢個質素, 可接受吧!朋友又"海膽癮"起, HK$100有找就有得食海膽杯, 加一蚊仲多個三文魚手卷, 睇圖見到海膽份量幾多, 於是就同朋友SHARE買黎一試。【激滿海膽杯】HK$98海膽杯其實size唔大, 只有掌心般size大, 海膽份量確實跟圖一樣咁多, 除左海膽, 仲有松葉蟹、三文魚籽、北海道帆立貝、呑拿魚碎, 帆立貝很鮮甜, 呑拿魚碎跟醋飯一齊食, 非常黏口。可惜主角既海膽有部分都散發少少腥味~ 未見"非常"新鮮+HK$1 【三文魚手卷】但加一蚊可以多個手卷, 除返開其實價錢係抵既...速食黎講, 廿幾蚊買個手卷頂肚又真係難得~

貪吃既我間唔中都會去買手卷食過口癮，食過咁多間之中，依間確實係心中性價比高既手卷店，全部即叫即製，所有食材都好新鮮點左新推出激滿海膽杯，整杯都非常足料，入面有足1.5板日本海膽，仲有松葉蟹、北海道帆立貝、呑拿魚腩碎同三文魚籽，份量十足海膽鮮甜無比，完全無苦澀味同腥味，成杯食材都好新鮮又超足料，食完仲想encore食完海膽杯唔夠喉再食個海膽三文魚親子手卷，三文魚籽好鮮甜，粒粒一咬都脆口多汁，整體味道質量都唔錯，價錢都合理，過下口癮都抵

放工約左朋友聚舊， 因為時間尚早，又有d 肚餓，行過尖沙咀見到呢間手卷店立即食指大動！！ 本身想試海膽杯 不過怕太飽之後食唔到飯 就叫左個海膽手卷試下！！ 因為想抵d 叫左個double size. 咁岩撞到佢有推廣， like 左facebook page 加1蚊又可以試埋三文魚手卷。。。 所以最後豁出去！ 一個人 食兩個手卷！！🙈🙈🙈 海膽味道好新鮮 鮮甜， 不過可能我期望太大，以為好大件 或都double 會好多。。。 其實d 海膽size 都好mini,可以再多d 就好啦（ff 中）.而$1既三文魚手卷好肥美，醬汁同紫蘇葉唔錯既配搭。 兩件手卷都好好味，不過個人偏心海膽多d, 下次會encore 返黎試海膽杯 , 手卷大隻d 就好啦！！！！🤔🤔 不過都有好處係就算食左2個手卷都唔會好飽 , 又可以食第二餐lu!!! Yeah!! 😅

1⃣龍蝦味噌玉子燒 $50 評分: 7/10 好厚嘅玉子🥚包住好濃味嘅龍蝦味噌，玉子厚身但非常濕潤唔嚡口👍好重龍蝦膏味，普普通通過得去 2⃣ 炸日本特大虎蝦芝士太卷 $58 評分: 6.5/10 飯卷上面有一層厚厚嘅芝士🧀再燒過，食落溶溶地，但久缺啲芝士味😗虎蝦夠大隻啖啖肉，但炸過反而冇乜鮮味 3⃣大吞拿魚腩手卷$55 評分: 6.5/10 總共有兩舊吞拿魚腩🐠食落味道都叫新鮮同重脂油香😋但食落不筋令成個口感扣咗唔少分 4⃣激滿海膽杯 $98 評分: 8/10 雖然細細杯但用料非常之豐富🤑有松葉蟹🦀海膽、吞拿魚腩同三文魚子👶🏻每一啖都食緊新鮮嘅魚生。海膽食落鮮甜🍬唔帶苦澀味，而松葉蟹肉質鮮美結實💪🏻唔鬆散 5⃣夏威夷三文魚手卷 評分: 7/10 總共有兩大條三文魚魚生喺上面👅用咗特製嘅醬汁調味，帶有少少辣味🔥可以遮蓋咗魚腥味，啱晒唔食魚生嘅朋友嘗試✨重點係買滿$25，加一蚊就可以換購🙇所以真係扺到爛