手卷野村 (Closed)

每次都係星期日經過尖東，每次都食唔到勁回味...真係好想試佢嘅半板海胆手卷呀...今日經過呢條街，想睇下有咩小食，行下行下就比我地見到呢間手卷店，都好喎，開得响勁回味附近，心諗應該唔會差太遠吧…阿女揀左三文魚腩手卷，我同老公就要海胆手卷兩份食，阿女好心急，佢真係好鍾意食手卷架.. 不過都只係等左一陣，兩個手卷就整好喇...一見到啲手卷係有少少失望，啲海胆嘅份量同勁回味相比真係好少，海胆冇怪味，但唔算鮮甜，老公亦覺得薄荷葉唔太match...三文魚腩我冇試過，不能評論，阿女話ok好味...下次都係想試勁回味....