幸鮨屋 (Closed)

今晚黎到港島西呢邊行下，順便搵搵呢度既高質良心餐廳。呢間小小既餐廳充滿日式味道，主打定食壽司刺身等。望下餐牌，價錢相當抵！我地各叫左一set自選拼盤，另加一份燒冬菇。第一set: 三文，帶子，甜蝦，池魚，赤蝦，真鯛，海膽，配海膽飯，天婦罹。天婦羅即叫即炸，完全感受到熱辣辣又脆卜卜既滋味。海膽飯份量都幾意外地多，可以大啖大啖咁品嚐新鮮既味道。七款手握壽司完全唔似咁抵既價值，個人覺得同高級又昂貴既日本料理餐廳有得揮，飯既調味同質感都非常出色，魚生亦好新鮮。第二set: 火炙三文，左口，蝦，蟹棒，鰻魚，焦糖三文，配拖羅蓉飯，刺身。值得一提係佢既焦糖三文，呢個配搭比想像中夾，甜甜既糖帶出三文魚既油香味。刺身極厚切大份，一D都唔姑寒。拖羅蓉飯又係大大份，調味相當唔錯。追加既燒冬菇同芝士豚肉餃子雞翼，亦係即叫即做，香噴噴好好味。埋單先300幾蚊，真係好豐富又抵食呀！食完仲可以行去海旁吹下海風，暫時放低煩惱同不安，再一齊撐落去。

自選壽司拼盤 ($108)位於西環ig pier附近既人氣黃店💛 餐牌選擇多，而且好抵食，難怪即使平日都滿哂座～今次叫左2個自選壽司套餐🍣，一set有三食： 壽司、迷你丼、刺身/天婦羅，咁豐富都只係$108起。壽司方面，我地揀左一個火炙系列（三文魚、左口魚、芝士熟蝦、蟹柳、燒鰻魚、焦糖三文魚)，同一個三文魚系列（三文魚、三文魚腩、醬燒三文魚、焦糖三文魚、炙燒三文魚、三文魚子軍艦)🧡 壽司擺盤好靚，好新鮮，特別喜歡火炙既香味，即使唔點wasabi都好入味～迷你丼我地揀左三色丼，同蟹肉蟹膏丼，三色丼既刺身可以自己揀，我地揀左三文魚、八爪魚、同帶子，全部都好新鮮，而蟹肉蟹膏丼份量超多！小食方面，刺身同三色丼果d一樣咁新鮮，而天婦羅好有驚喜，新鮮炸起既天婦羅蝦同蕃薯脆得來唔會油膩，外層既天婦羅衣厚度啱啱好！另外我地都點左鰻魚玉子燒，幾特別同好食！除左呢個壽司套餐，其實仲有其他野食，連石燒牛都有！下次再試先～

嚟到香港大學附近食嘢，依間係幾出名嘅日本野，見到未需要排隊，即刻入去食。舖頭亦都好好之前有賣過康復香港嘅口罩，支持市民抗疫度難關！幸鮨灸燒盛極力推薦唔太好生冷食物的朋友叫一客幸鮨灸燒盛。火炙三文魚、芝士燒三文魚腩、沙律醬燒三文魚、火炙左口魚邊、火灸鰻魚等，全部壽司經火炙處理。基本上所有魚都保持到魚肉油香，入口即溶！調味亦是一流，其餘的蝦、海膽、帶子等火灸過後都有其鮮味，雖然份量只會有7分飽，但正正係咁， 先會令人欲罷不能，記得那份齒頰留香的味道。刺身烏冬賣相好靚充滿驚喜同事份量亦都好大碟，夠晒飽。可以見到有三文魚、甜蝦、八爪魚、油甘魚等等非常新鮮，亦都大大嚿，厚切！食到魚嘅鮮味，入口即溶。烏冬亦都幾嫩滑，配上烏冬嘅醬汁，撈埋刺身食令人好滿足！最近天氣凍，食埋燒菠蘿同埋燒番薯，兩個人食咗三百幾蚊，超級好食、極度滿足，將會再嚟過！

西環一向是美食小店的集中地 🤤今天就來到位於香港大學站附近的日式料理餐廳🍴必須先提醒一下大家，香港大學站的列車月台離地面出口有一段路程，然後B出口離這家店又是一段路程 😅要是約了人的話，最好早一點來到地鐵站，免得遲到～門外有好幾個展示板，食物和價錢看起來還蠻吸引的 ⭐️我看這裡的午市套餐好想都很划算，餐點的份量不少，價錢算合理呀，還不收10%服務費可惜我不在附近上班 😂當晚大概是8點左右吧，疫情下依然座無虛席 👍🏻自選壽司拼盤（A5壽司 + B3蔥拖羅蓉飯）$128讓人十分驚喜的品質 👍🏻魚類整體很新鮮，特別是海膽和拖羅蓉，十分鮮美 🤤這個價錢絕對是超值！假如天婦羅🍤的份量可以再多些，那就更好 💛自選壽司拼盤（A1壽司 + B6海膽飯）$133這是朋友點的餐，當她看到海膽飯的份量時略有怨言 😅不過整體而言，她是滿意這裡的食物品質的

位於石塘咀呢一間日式店 一直都係我想試嘅 小店之一， 地理位置十分方便位於香港大學站， 附近只需要行5分鐘就到。 店內位置都尚算寬敞， 可能係因為我食六點， 鋪頭啱啱開，所以冇咩人，可以自由揀位坐。佢嘅餐好抵食， 睇完menu， 今次我就點咗兩份 自選壽司拼盤套餐， 再加一個一口和牛小食。 成個餐超大份， 我揀咗火灼系列嘅壽司， 整整有六件， 另外叫咗個拖羅蓉丼， 仲有天婦羅蝦同蕃薯。 朋友則叫咗三文魚系列壽司， 足足有七件壽司，仲叫咗蟹肉丼， 同埋魚生刺生。 佢嘅蟹肉丼超好食，拖羅蓉丼就好新鮮。至於一口和牛小食亦都好好食 ，好大碟，性價比好高，而且有好香牛油味。 睇完menu， 發覺原來午餐套餐仲抵， 會有沙律同湯送， 所以下午嚟食嘅朋友會更優惠。

一間抵食又用心嘅日本料理💕 店內有好多日本風嘅畫同高達，好特別💛🍱 自選壽司拼盤($108)呢個自選拼盤有好多野可揀，壽司/迷你丼/刺身或天婦羅三項各選一樣😆🍣 壽司我地加咗$10，有三文魚、火炙三文魚腩、沙律醬燒三文魚、焦糖三文魚、芝士燒三文魚、辣味三文魚、三文魚籽🥰 一次過滿足哂超愛三文魚嘅願望💕 其中芝士燒三文魚同焦糖三文魚最特別😍 芝士燒三文魚好香濃芝士味🧀 焦糖三文魚就有一層脆焦糖片係三文魚上面，微微燒過，甜甜地好特別😋🍚 迷你丼我地就揀左角切魚生丼😊 雖然只係角切，但係都多魚生，好大粒新鮮肥美😋最後喺刺身同天婦羅間我地揀左刺身😙 有三文魚、北寄貝、甜蝦🦐 全部都好新鮮好高質👍🏻🥘 牛肉鍋烏冬($78)Sukiyaki湯底咸味比較重，唔係平時食嘅甜甜地，牛肉唔肥，好嫩滑🥓 但烏冬份量偏小🥺另外仲有追加項目，溫泉蛋($8)、芝麻雞翼($10)、三文魚刺身($10)，三文魚手卷($10)、雞肉串、雞皮串、日本吉列炸蠔($20)、刺身拼盤($20)，每款定食可以追加一項😉原來食完之後，仲有甜品，係細細粒嘅雪糕糯米糍🍡 午市仲會有麵豉湯、沙律、小食送，好抵😋😋整體來講，呢個價錢都幾抵

好味既壽司店食唔少，但又好味又抵食就難搵啲啦。朋友去過這家壽司店，覺得性價比高，值得一試。這店位於香港大學附近，鄰近港鐵站不難找到。套餐主要有三種選擇：$108 自選壽司套餐、石燒餐及定食。還有多款單點壽司及卷物。相信能迎合不同口味既客人。選了一個$108自選壽司套餐，每款壽司都好精緻，飯與魚生比例剛好，感覺似在日本吃的手握壽司。海膽壽司海膽量不少，味道鮮甜；帶子亦新鮮。葱拖羅蓉丼有驚喜，拖羅蓉夠幼細，配上青瓜絲、洋蔥及芝麻好好味。炸天婦羅亦夠脆夠熱。另一推介是極上壽司盛·鮨。活赤貝好新鮮、好爽脆。八爪魚亦是厚切的，好有咬口，而且有海水味。甜蝦比一般壽司店的大，爽口彈牙。整體來說這家店的性價比高，值得encore！

話說同一條街已經有幾間日本菜，仲要係出色嘅活一鮮同夢之丼，開喺佢哋附近都有啲挑機 所以鍾情日本菜嘅我梗係要嚟試試佢！前一日訂咗位，所以午市都可以直接入去，佢午市都算旺。睇睇menu，好多選擇 有刺身、壽司、熟食，同埋呢排好hit嘅鐵板牛，而佢特別在有個A+B+C set，有齊哂壽司🍣、迷你丼飯同刺身/天婦羅🍤，咁都只係$108!!! 好抵食，午市時間仲要再包前菜沙律湯同甜品，咁做唔蝕本咩？即刻嗌返個ABC set，嚟到賣相好豐富吸引！壽司已經好高質，三文魚腩肥美，經炙燒更香口，不過略嫌有點太咸，調味可輕手啲 葱呑拿魚蓉飯都好正，雖然寫迷你，但其實都有啲份量㗎 而刺身都好有誠意，有用冰鎮住 夠凍夠甜美總括而言係好滿足嘅一餐，絕對可以同隔離店相比，會有下次

今次嚟幸鮨屋～位置方便，地鐵香港大學站步行幾分鐘就到。晚市套餐多選擇今次點左$ 108套餐，勁抵食又大份。左口魚、三文魚、鰻魚都做到本身應有嘅鮮味，蟹棒同蝦仔啲醬亦配合。 三文魚甜蝦刺身，令人一試難忘仲有海膽飯呀😘海膽清甜，無一般海膽的臭味，撈飯食味道更佳！ 而石燒鹿兒島和牛薄切，和牛間的脂肪均勻，在石燒板上燒，味道濃郁，旁邊食客都被味道引來羨慕之目光！見到D油花就知道超高質喇！小食點了牛脷串燒，火候十足，食落香脆可口😋 呢間食物質素佳，價錢較平民化，值得下次再幫襯！

堅尼地城一向多好味又平嘅小店今日就去咗食日本餐呢間店係良心鋪頭 亦有提供香港口罩販賣裝修有香港特色 有模型做飾品我地一行2人嗌咗兩個餐1個餐有3款食物朋友怕太生冷嗌咗火灸壽司類 一共有6款熟嘅三文魚等焦糖三文魚幾特別 甜甜嘅味道更加引發佢嘅鮮甜 其他火灸魚類都好好味 好鮮蔥拖羅蓉丼迷你丼一啲都唔迷你 拖羅蓉勁大舊 底下墊咗飯素 撈埋一齊 好夠味食完呢個已經有啲飽最後一款嗌咗刺身 一共有3款 分別係三文魚 北寄貝同甜蝦甜蝦勁好味 超鮮甜又大隻 有赤蝦咁大咁滯蝦肉好爽 完全唔會有唔新鮮啲霉淋感我b 款 c款都同朋友一樣但a款嗌咗全生嘅壽司 全部都好肥美鮮甜 不過我最喜歡鰻魚 好香啲鰻魚汁一流牛油果沙律亦好特別 加咗豉油後 都真係幾似食三文魚飲品方面有汽水做選擇 但我地就揀咗熱茶 整體黎講 108蚊食得咁多又鮮甜 真係要懲罰多啲

老公放假走落西環吹吹風，見天色已晚， 當然係西環搵食啦，行吓行吓就俾 "幸鮨屋" 呢間小店吸引住。 小店乾淨簡潔， 睇睇餐牌晚市款式眾多， 樣樣都好想食。 睇到呢個石燒已經心心眼喇， 我地係叫咗 "A4 鹿兒島和牛薄切" 石燒。  睇到 d 和牛脂肪組織， d 油花一睇就知上品， 放2塊和牛加牛油脂燒一燒， 呢個真係叫 "入口即溶"  大滿足呀。 另外我地再叫咗個自選壽司拼盤， 有壽司， 迷你丼， 仲有刺身/天婦羅， $108 真係超值。 滿足我地嘅壽司慾望， 選舉咗A5 三文魚， 帶子， 甜蝦， 深海池魚， 赤蝦， 真鯛同海膽，  加蟹肉蟹膏迷你丼， 爽口鮮甜無比。  另外嘅蝦同日本番薯仔天婦羅， 炸粉厚度啱啱好香脆。 貪食嘅我另外再叫了吉列炸蠔， 大大隻仲好脆口。 最後仲有二顆雪米糍作餐後甜品俾我地。  療程期間都好少外出食飯， 呢餐真係令我地又驚喜又滿足。  門口位置除咗放咗模型外， 仲見到有黃口罩放係櫃，方便顧客有需要時可以買，  本身都係黃口罩 Fans , 再嚟西環一定支持。  

門面雖小，但卻人流不絕！一直都留意呢間日本餐廳，今日終於約到朋友同我黎食喇仲有黃色口罩賣架［壽司+迷你丼+刺身 $108］呢個組合再睇埋價錢，真係好吸引太豐富啦！壽司有7件🍣有深海池魚、鯛魚、甜蝦、赤蝦、三文魚、帶子、海膽只係我本身對深海池魚&鯛魚不太喜好唯獨呢2款唔岩我口味！！丼飯有我最愛既左口魚刺身好新鮮「石燒牛小排」呢個真係堅正滋滋聲既熱度，令味覺更沸騰牛味夠濃，牛既纖維好豐富，而且一啲都唔韌仲有白飯上有埋飯素，特別惹味

同朋友喺西環附近行完山，落到山就喺附近搵食，喺門口見到一間好日式嘅餐廳而且晚市仲有定食，所以就二話不說就入咗餐廳啦！自選壽司拼盤定食 A+B+CA 壽司三文魚、赤蝦、深海鯛魚壽司鮮甜肥美👍🏻而且海膽壽司新鮮 一點兒腥味都冇 B角切魚生丼雜錦迷你魚生丼 雖然係角切 但魚生都好新鮮厚肉 C三文魚刺身 北寄貝刺身 甜蝦 尚算一般成個餐$128又有壽司刺身魚生，份量十足 價格又唔貴，值得一食！石燒牛定食本身以為餐廳會放上一舊生嘅牛肉配石頭燒熱，但現實係熟咗嘅肉放上喺石頭盤上燒。雖然同期望有啲唔同有啲失望，但係以据扒來講都唔錯，厚肉多汁

去左幸鮨屋食日本野，我真係好鍾意食日本野，今次都想推介下！店鋪最有趣既係裝修，有好多種高達模型，而且有日本風既擺設，相信店家都應該幾鍾意日本文化！Ｍｅｎｕ有ｓｅｔ有單點食日本野當然要食下壽司天婦羅同烏冬！烏冬個湯夠清，食得出烏冬同牛味！好推介！烏冬個湯夠清，食得出烏冬同牛味！好推介！烏冬個湯夠清，食得出烏冬同牛味！好推介！重要既野要講三次是常識吧！天婦羅即炸夠香口！唔錯！壽司方面夠足料，食落好回味架！

係西環一帶放工，聽過朋友講左好耐呢頭有間壽司店好抵食，百零蚊就包好多野，仲要係黃店，今日難得係西環做野，就去「朝聖」啦。餐廳係hku站附近，一出行幾步就到，位置方便，店舖唔大，感覺係平民路線，服務態度好好。一睇menu，真係驚喜左，因為佢108果個set真係包幾多野，除左sushi 六件壽司，仲有海鮮丼，再加個刺身，你睇相真係估唔到咁都只係百零蚊！好誇張。賣相好吸引，每件都好肥美同新鮮。炙燒既都燒得好靚。特別想highlight帶子，因為佢呢度既帶子好新鮮，口感彈口，鮮蝦都係一樣好彈牙～我仲試左bf個炙燒，調味好好，夠惹味，燒得香，燒完仍然keep到魚肉既油香～真係好足料！每片刺身都好厚！刺身店單出錯左款式，一同佢講佢都即刻換上新既，而且好好態度，值得一讚。呢個價位估唔到都可以食到又飽肚又新鮮美味既壽司！兩個人既晚餐，埋單三百有找！不得了！