Video
4-min walk from Exit B, Whampoa MTR Station
continue reading
Opening Hours
Mon - Sun
12:00 - 22:30
Above information is for reference only. Please check details with the restaurant.
立鮨 (黃埔天地) 今日工作去到黃埔，見到呢間餐廳，就入咗去食lunch。第一次幫襯，餐廳內部裝修到好日式，可以選擇Bar枱,望住師傅,都可以揀餐枱。午市時間嚟講，人流唔算多，只有兩三枱。午市套餐有好多款式選擇，有壽司、魚生飯、定食、烏冬等。我點咗精選壽司定食（$128）有8件壽司，鮮蝦味噌湯、沙律及迷你清湯稻庭烏冬。壽司有赤身、三文魚、鰻魚、海膽、帆立貝、真鯛、珍寶赤蝦。從照片所見，欠光澤感及油脂都係一般，質地都唔係特別好新鮮，普普通通。除咗赤蝦大隻爽甜，其他都一般。特別想講飯團，醬油及醋太多，好鹹同酸完全掩蓋咗海鮮嘅味道⋯⋯蝦湯好濃郁，有蝦膏蝦油嘅味道，但略嫌有啲鹹, 之後好口渴,要飲好多水沙律同烏冬正正常常總體麻麻哋，唔會再嚟📍紅磡必嘉街120號黃埔天地第三期百寶坊地下G9號舖
continue reading
是日點咗以下三樣，本來想邊點邊食，但三文魚籽海膽大滿足迷你丼嚟咗已經大失所望。再加點火炙海苔三點及新鮮貝三味壽司，更係失望到極點，埋單就走。最後睇返張單先發現，12分落第一單，26分已經埋單，前後14分鐘，快過食快飯。三文魚籽海膽大滿足迷你丼圖片顯示個丼份量係充足，名稱亦自稱大滿足迷你丼，可惜細份到想喊，海膽份量連圖示一半都冇。飯嘅醬油反而非常多，最後個飯係勁鹹濕！！！真係字面上又鹹又濕。火炙海苔三點同新鮮貝三味壽司同時係送到，店員提醒先食海苔三點，但其實海苔喺當刻已經唔脆，質感同我埋單之後食拉麵個碗邊嗰塊海苔一樣。咁係為咩要提醒我哋食先？唔通唔快啲食，塊海苔會滴水？三件中其中一件係火炙蝦，火炙就火炙啦，加牛油燒？咁點解唔整茄汁蝦？蒜蓉開邊蒸丫不如。搞創意料理就應該學吓明將。新鮮貝三味壽司細！帆立貝大概兩片手指公指甲咁。另一兩件我已經冇心情食，同行嘅食咗。另外就係鹹濕飯。其實材料新鮮真係需要咁多醬油？我唔係專家，留俾其他人思考。
continue reading
叫咗個「大滿足北海道日本海膽迷你丼」點知師傅喺吧枱遞上嚟，一睇就知係加拿大海膽。好彩我趁師傅掉頭走之前，即刻叫佢換返日本海膽俾我。造型專業嘅師傅起初仲有懷疑，相信佢望清楚之後知道要即刻換返，慶幸我當時唔係餓得滯一啖食落肚，我唯有喺埋單嘅時候鄭重提出意見，感謝嗰位師傅用佢凌厲嘅眼神向我道別。
continue reading
晚餐想食壽司，去咗有多間分店嘅立鮨， 除了大埔原來黃埔都有分店！ 食物款式多有魚生， 串燒，烏冬等！ 軟殼蟹卷軟殼蟹的外殼炸得酥脆，內裏有鮮嫩的蟹肉，搭配一些蔬菜和醬料，增添了口感和風味！ 吉列廣島蠔 廣島蠔是蠔炸得金黃脆卜卜，鮮美且口感豐富，搭配吉列醬汁一啲都唔熱氣！ 白鱔串白鱔串是用白鱔魚肉串烤而成。白鱔魚肉質細嫩，沒有腥味！ 用了調味料和燒烤提升風味👍🏻 燒得剛剛好，外皮香脆，內部多汁，非常美味！金龍卷金龍卷係吉列蝦卷，用了新鮮的蝦肉，上了麵糊後油炸！ 炸蝦卷配沙律醬係絕配！ 松葉蟹蓋甲羅燒 松葉蟹蓋甲羅燒是一道以松葉蟹為主要食材的菜品。松葉蟹蓋鮮甜，蓋殼燒烤得好香，蟹膏惹味吸引😍 免治雞肉軟骨棒免治雞肉軟骨棒用了雞肉和軟骨製成！雞串嫩滑多汁!配醬汁及日本蛋，係最佳選擇👍🏻
continue reading
多謝❤成間餐廳前後既工作人員，為我地安排一個好食又開心既晚餐。就算得2個人又好一大班人既party都好，只要你要求既，餐廳都會照顧得好到位，仲會比你諗得更細心🥰 係重要既日子，緊係要提早準備，一個月前終於搵定餐廳，膽粗粗問下如果2個人慶祝生日😅 可唔可以特別安排個刺身蛋糕。本身都冇咩期望! 但轉個頭餐廳已經回覆冇問題!!! 仲提議左幾個刺身蛋糕設計，真係好細心，懶人既我完全唔洗用腦🥰 剩係刺身蛋糕係唔夠，睇到佢地menu 有時令同多款熱賣，為左令壽星係生日當日食得豐富，順便落埋單，講定有咩想食 (好彩有提早落單，有D食品當日已經冇貨🤓)。餐廳會係一星期前同用餐前一日再confirm 多次食材有冇要修改。終於黎到用餐當日! 環境同燈光都好好feel，坐得好舒服。食物方面，我地主要叫左4大類 1️⃣刺身、2️⃣時令 / 有特色、3️⃣生蠔 同 4️⃣小食 / 串燒 / 熱食:1️⃣刺身蛋糕🤤每款刺身2件 餐廳可以將佢地本身既 什錦刺身拼盤 同 特上什錦刺身拼盤 夾埋一齊整個蛋糕形 (飯底)，岩哂壽星唔中意食甜蛋糕，但又有個蛋糕形既儀式感!😃中吞拿魚腩❤ 冇筋，魚油味香 油甘魚❤ 味道淡鮮，口感柔軟三文魚✨ 味道正常，較簿身赤蝦✨ 鮮甜爽口真鯛❤ 少脂肪，柔中帶韌 大吞拿魚腩❤ 油脂分佈平均，不過其中一件有筋深海池魚❤ 口感鮮嫩upgrade 日本馬糞海膽❤ 鮮香濃郁帶甘甜 口感豐腴三文魚籽❤ 啖啖鮮味牡丹蝦❤ 大隻夠爽口，鮮甜味美金目鯛❤ 油脂高珍寶帶子❤ 比想像中細粒D 時令刺身🤗1️⃣.1️⃣單點刺身 另外叫多2款刺身滿足下口癮😌活北寄貝剌身❤ 肉厚爽脆，海水同鮮甜味濃北海道活象拔蚌剌身❤ 爽脆彈牙2️⃣時令 / 有特色 雖然價格比較高，但真係好好味🤤時令香箱蟹😍 松葉雌蟹，先拆肉再裝起蟹膏同蟹籽，橙色實心既內子口感綿密香濃，外子就好似蟹籽咁脆卜卜松葉蟹蓋甲羅燒😍蟹蓋內放滿松葉蟹肉 蟹膏 同 飛魚籽，食起黎鹹香味美，蟹香係口到爆出黎! 原隻磯煮鮑魚🥰 肉質柔嫩彈牙大吞拿魚鮫壽司 KAMA TORO😍 油香十足，肉質嫩滑，脂肪紋密佈如雪花，入口即溶!!!吞拿魚腦天壽司😍 最矜貴部位之一吞拿魚頭頂肉，筋少口感軟滑，脂肪多魚味極濃赤鯥壽司😍 冬季紅身魚貴族之一 用火槍炙燒完淡淡既油脂，脂肪充足，帶有鮮魚既甜味喜之次壽司😍 海中紅寶石 魚脂特別肥厚，肉質細嫩火灸和牛壽司😍 有筋但係厚切3️⃣生蠔 好耐冇食過💃🏾天草處女真蠔😋 鮮甜香滑愛爾蘭活蠔😋 重蠔味，帶子位好鮮甜，強烈回甘時令生蠔 Fine De Claire😋 淡淡海水鹹味，肉質鮮甜，彈性爽口時令生蠔 White Pearl😋 鹹鮮味濃，蠔肉清甜，裙邊同蠔身比較爽滑彈牙4️⃣小食 / 串燒 / 熱食 出色抵食之選💃🏾蟹籽沙律💓 爽口青瓜絲加大量蟹籽，夠哂fresh燒蝦頭配鮮蝦味噌湯💓 用赤味噌煮既湯頭，味道最濃郁，配埋燒過既蝦頭，鮮味十足仲有淡淡燒焦既焦香海鮮蒸蛋💓 口感軟嫩日本靜岡產糖蕃茄💓 蕃茄味濃，仲有蒜泥係面，味道好特別白鱔串💓 外脆內軟，口感鮮嫩有彈性，帶有淡淡既煙燻香味串燒雞軟骨💓 軟骨有咬口Menu選擇好豐富，豐儉由人。而且餐廳既做法都好有彈性同細心，大時大節又好，有想有搞作既，佢地都好歡迎。呢個體驗真係好難忘同開心🫶🏾我地最後再叫個雪糕甜品，為呢個生日飯畫上完美既句號💁🏾♀
continue reading