Video
Above information is for reference only. Please check details with the restaurant.
平時想買壽司外賣都會買爭鮮。選擇多，有壽司、刺身、壽司丼飯、卷物等。通常會買6件花之戀，$54/盒，每件$9，抵食過堂食。仲有款花見花開特盛都唔錯，有2件甜蝦，2件魚籽，2件帶子，味錯都唔錯，可以一試。
continue reading
如果講全香港最平嘅壽司，依間認第二都冇人敢認第一，每次經過見到個價錢都一定去執幾款壽司嚟食，一細盒$30就已經夠食一餐，雖然口味只係普通，但整體嚟講都算乾淨同屬於似樣嘅壽司
continue reading
因疫情禁堂食，而爭鮮壽司價格一向親民，因此買外賣的人特別多。今次想推介這呢兩款特盛，已經唔係第一次食，每次食都能保持質素，水準穩定，大大件刺身壽司，好此物者可以考慮試試。高級海鮮特盛 - 三文魚、帶子、赤貝、北寄貝、刺身蝦，各款壽司兩件，10件$48，各款都很鮮味，特別推薦北寄貝。北海道帶子特盛 - 5件帶子壽司，$42， 帶子大大隻，又夠厚身，仲有少少鮮甜。壽司飯雪得有一丁點硬，亦有少少鬆散，但刺身質素以這個價錢來說，算係超值。
continue reading
今日晏晝唔係好肚餓，於是去咗爭先鮮買啲外帶壽司。買左10件先30蚊，依家要30蚊食個午餐都難！當然…佢啲壽司你唔會有好高要求，但3蚊一件都算係咁，有咁多選擇！不過今日一揀既時候，發現比之前細舊左，都幾明顯，變相加左價！不過都係果句，3蚊算係咁啦！芝士蟹子係我必要嘅壽司，我覺得口感好好，仲有好濃嘅芝士味！其他其實都係唔係好差嘅，因為有唔同嘅醬料係上面，所以食落去又未去到唔好食。反而啲飯就真係好散，點完豉油啲飯已經跌晒落個碟度。
continue reading
工作地區附近本來有一間爭鮮，但關閉之後都沒有另覓一間舖位重開，結果那就只有taste或是元氣可以吃到壽司😨。跟住有日忍唔住，在住所附近買了一盒爭鮮，然後第二日帶回公司當作午餐吃🕺🏽。一個細的雜錦丼飯，只有三文魚以及油甘魚碎粒，配以少許蟹子、蛋絲、中華沙律，可能雪得比較久，因此飯顯得比較硬身，而且比較乾，需要加點豉油及芥辣才能夠令它軟化。三文魚以及油甘魚都只是碎碎的細粒，因此沒有吃到什麼特別味道。🤦🏾♀️其他散件就有芥辣八爪魚，這應該是爭鮮最得意之作。雖然紫菜可能放得太耐軟化，但較細團的壽司飯不會雪得過硬，芥辣八爪魚味道又足夠，味道顯得較濃香。另外買了一個蒜味螺肉回家加餸，螺肉有些很大粒，有些如碎屑一般，味道充足，亦都不算太過誇張，因為有時太多汁，吃完又會磨牙。之前感覺爭鮮比起魚尙好像質素較佳，但相隔了這麼久再吃爭鮮，味道相當普通，不見得特別出色。就連午餐吃一頓爭鮮都已經是世界難事，像是小確幸，真難過。
continue reading