德美壽司 (新都城中心1期) (Closed)

是咁的，突如其來嘆午餐，我都唔知自己食咗咩系列仲有，啲店員都真係幾無禮貌㗎喎雖然看似大大碗又屬於中等價錢，但實際上，性價比超低。食物方面 - 定食前菜：真係送比我都唔食1. 茶碗蒸凍過燉蛋2. 加洲卷hea過市超貨，差過3蚊件3. 麵豉湯咸到洗腎4. 沙律麵包粒淋過蛋糕主食 - 牛肉烏冬：牛肉係好瘦，但靱過煲湯肉；而且烏冬浸淋到變麵糊一樣。主食 - 吞拿魚蓉三色丼定食︰係好大碗，看似好足料，但齋睇顏色都出賣咗佢，先唔講新唔新鮮。主食 - 三文魚頭泡菜鍋定食︰大大鍋，竟然係三個定食中最可以放入口嘅嘢！

🔺食物 🔸 洋風燒三文魚丼 $100厚身三文魚有四大塊 味道一般 還好.🔸北海道魚生丼$140擺盤賣相認真一般 同個menu有好大出入望落幾新鮮 但下次唔會試😂.🔸 野菜牛肉鍋定食$96以生牛肉上既鍋物 轉季可一試🥳 牛肉切記煮太耐 滑溜溜既感覺😚 唔錯.🔸 炸雞軟骨$43份量還好 不過不失 炸到幾香口.🔸 燒牛舌 $43唔錯 望落幾靚仔 啲油花反哂光 但味道唔夠.🔸 幸味櫻花炸天婦羅卷$81私推‼️呢樣係成餐入面最有驚喜既一樣天婦羅外皮薄薄一層 師傅做得幾有心機一夾起成舊壽司都冇散 熱度恰好 少少辣味配埋頂層啲三文魚粒 衝擊味蕾✨🤩.🔸 三文魚壽司（2件）$29正常發揮 normal.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌗🌑🌑自私評論：個人認為德美定價偏貴，如果冇combo set就真係未必想食🤯 佢既水準同價錢真係mama 唯一比較難忘嘅係天婦羅壽司➖➖ ➖➖ ➖➖ ➖➖ ➖➖ ➖➖ ➖➖ ➖

📍 德美壽司 (新都城中心1期) (將軍澳)將軍澳貿業路8號新都城中心1期地下99-100號舖喺將軍澳工作，Lunch其實都幾多選擇，哩間都係我出糧嘅時候想獎勵自己就想食嘅餐廳🤣德美都有好幾間分店，尖沙咀、觀塘、沙田等等地方都有，佢lunch set性價比真係超高，一定要推薦俾大家😆¸¸☆* 壽司定食配牛肉烏冬($100)雖然Lunch黎講哩個價錢係有少少貴，但佢包嘅食物絕對物超所值！佢哩個set有齊沙律、茶碗蒸、麵豉湯、壽司六件、玉子燒、牛肉烏冬一小碗、甜品，食親都係大滿足🥹🥹而且裡面每樣嘢都好高質，壽司上嘅刺身厚切而且鮮味，牛肉烏冬嘅牛肉又唔會韌，甜品不時轉款，有時會係牛奶奶凍，亦有試過係抹茶蕨餅🥰有時lunch食完佢，去到夜晚都未覺得餓，因為真係太太太太太豐富喇🤣大家快啲save低佢 搵日去試下啦‼️😚

依間德美都記得都幾多人,所以我地就係佢一開門就入來。始終係疫情關係,而且都比食飯時間早,餐廳都無坐滿既。餐都好地道,不是太貴,不過質素就好似差左小小,好似無以前咁新鮮。叫左一個魚生飯同埋一個烏冬。不過好就好在有好多選擇而且不太貴。餐牌有不同類型,有剌身或者唔食生野都得。入到去其實幾享受個環境,今日坐得遠影唔到相,佢有隻唔知咩蟹會係個玻璃樽入面行來行去。仲會享受睇師傅切魚生。仲有一樣想改善就是坐位,雖然有夾板,我地2人坐4人枱,好快側邊已經有人坐...其實有塊夾板都應該無咩用,坐正旁邊,應該防疫唔到。

本身對呢間嘅期望都好大！但食完之後好失望成餐飯兩個人食左$798埋單 但無一樣野係覺得好食…食材好無新鮮 壽司嘅飯少硬 而且魚生係黏口連三文魚都覺得唔好食… 質感係爛爛地唔會再食第二次

每次過嚟都唔使排隊真係好好彩！德美壽司店係我最鍾意既壽司連鎖店，寶琳店最正刺身夠新鮮壽司飯暖笠笠又夠軟身 自從有一次lunch過去食發覺真係抵食好多，因為有lunch set,自此之後就成日過去食lunch蔥吞拿魚飯同壽司六盛係我最愛。今晚又係食晚餐，雖雖貴貴地，但間中食一次都已經好滿足，屋企人都好鐘意。每一道食物都好好味，炒飯都好出色炒得好香噴噴夠鑊氣，大小號最鐘意鵝肝壽司今次都叫咗成碟，個個都爭住食我最鐘意炸物同刺身，又新鮮又香，正正正，大愛大爺就所有刺身都鐘意同埋炒飯！去過三間店，沙田-好大陣魚腥味，好窄，好似舊式居酒屋🏮本人唔太鐘意個環境，而且好多人，成日都滿座，但食物都係好好味，店員態度好好觀塘凱匯-new乾淨、環境唔錯，中午去人教少唔使等位最鐘意-寶琳新都城店都多人，但夜晚5點半去好快有得入座，lunch排一陣就有位。好可惜轉左飯後甜品🍮以前最期待係食完有特別嘅甜品🍮全家食到幾飽都一定食得落個甜品，可惜唔知叫咩名而家已經無得食啦，希望會再出番！

我覺得德美壽司嘅性價比真係唔錯，大大話話都可能食過10次呀，我通常都係平日下午放假來的，次次都排長龍，但你可以早少少拎飛好快換台都有位的。我覺得最抵食而又食得最開心嘅就係combo , 有兩個主食，多數係有炸物既，另外就可以揀豬軟骨等等。呢度嘅食物質素永遠唔會讓你失望。另外仲有刺身，通常係三文魚加其他款式，而且仲有蒸蛋，100幾十蚊嘅午餐有咁多嘢食已經好抵食了如果平啲嘅有烏冬、普通嘅飯、拉麵等等，一定會有你想食嘅嘢

這間在商場內隱蔽的日式餐廳，座位有高枱櫈及卡位，午市套餐有很多選擇，當中個人最喜歡烏冬配壽司套餐，🍜烏冬麵條幼滑，湯底味道濃厚鮮甜，壽司套餐內的壽司亦有不同款式，味道整體不錯😋

係將軍澳都係數一數二出名嘅日本菜❤️諗住同朋友叫個餐再share壽司已經飽到頂晒肚成個set$66 性價比極高有興趣可以幫襯下 有幾間分店✨叉燒烏冬set $66包麵豉湯 沙律 壽司 茶碗蒸 烏冬 甜品 （抹茶啫喱）叉燒半肥瘦 味道唔錯😋烏冬 海草份量超級多 配埋粟米 溫泉蛋茶碗蒸蛋香滑身 無起泡 裡面仲有冬菇同蟹柳沙律配左好多櫻花蝦 沙律菜好新之前食過壽司 見到師傅好用心每件都好用心 海鮮味道鮮甜可惜今次太飽 無叫到壽司值得再去🥳食物：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️

以前成日幫襯紅磡嗰間，一直覺得質素唔錯。反而將軍澳呢間之前只係食過一次，難得經過，等咗大概20分鐘先有位。叫咗一個我成日響紅磡嗰間點嘅「壽司定食配牛肉烏冬」同「咖喱豬扒飯」。壽司定食算保持水準，魚生都幾新鮮。咖哩飯味道不過不失，唔特別推介。反而要講下個蒸蛋，真係整得好差，太多水，完全唔成形，亦冇味道可言。整體來講，比起其以前嘅德美壽司差咗少少，有啲失望。唔同菜式嘅上菜時間都分別幾大，壽司定食就唔使5分鐘已經送到，咖喱豬扒飯就等得有啲耐，差唔多食完個壽司定食先上。

之前都係食刺身或者鍋物因為有得堂食又係必食無左晚市堂食之後先第一次試熟食定食🥢銀鱈魚西京燒定食西京燒真係好食😋銀鱈魚魚肉滑嘟嘟油脂偏多 魚油鮮味香濃同白味噌的甘甜味好夾下飯一流🥢燒鯖魚飯定食鯖魚份量很多塞滿左一個大格味道亦都好新鮮魚肉厚實好滿足下飯又有營養所有燒魚都係新鮮燒製所以特別好食魚皮脆脆黏黏好香口 啖啖滑嫰魚肉好食小菜係煙肉沙津沙津菜唔會苦澀 加左煙肉碎好開胃平時唔係咁中意飲麵豉湯不過呢個湯唔太鹹入面有大根片同紫菜份量唔多 幾好飲

德美壽司德美壽司一向高CP，晚市嘅定食都好多選擇，魚生丼、壽司定食等等外賣仲有8折，其實都幾抵食佢地嘅定食會有沙律同味噌湯跟埋，外賣都食到一個豐盛嘅晚餐🌀活鰻魚朴葉飯定食鰻魚飯上面鋪滿金黃色嘅蛋絲，加上份量唔少嘅鰻魚，賣相唔錯😋主角鰻魚肉質彈牙厚身，雖有一兩條細骨但唔太影響啖啖肉嘅口感，幸福感滿滿🥰🌀燒汁豚肉石鍋飯豚肉薄身得嚟保留到肉質嘅嚼勁，亦非常入味，另一個亮點係洋蔥🧅吸收晒豚肉嘅油香同醬汁嘅味道，平時唔食洋蔥嘅我都忍唔住食多幾條仲有無敵嘅溫泉蛋，蛋黃撈飯幾時都咁正🙌🏽天氣凍嘅時候食完成個暖笠笠❤️

又懶唔煮飯，喺屋企附近《德美壽司》買咗兩個餐，外賣自取仲有8折添落完單等15分鐘左右就拎得吉列蝦什錦定食 原$94 ∂єєρ fяιє∂ ѕняιмρѕ αѕѕσятє∂ ѕєт拎到返屋企仲好熱辣辣，除咗吉列蝦仲有兩件炸雞同吉列蠔、吉列蝦超大隻，蝦肉幾彈牙，吉列蠔外層炸得鬆脆而炸雞唔會炸得好乾身👍🏻壽司定食配牛肉烏冬 原$171αѕѕσятє∂ ѕυѕнι(6ρ¢ѕ)ωιтн вєєf υ∂σи有六件唔同款嘅壽司🍣另外有兩件印有《德美》兩字嘅甜蛋，好睇又好食！魚生厚切又新鮮，三文魚籽軍艦拎到返屋企啲紫菜唔會淋👍🏻如果堂食更加不得了！三文魚籽好鮮甜🤩吞拿魚完全無筋，好肥美，帆立貝大粒鮮甜，整體壽司都唔錯！兩個套餐都包埋牛肉烏冬同麵豉湯晚晚煮飯煮到悶，食返啲好嘢就啱晒勒！

⭐️晚市外賣自助有八折18:00-21:00(20:45截單)！食物👍🏻燒汁豚肉石鍋飯定食 $80豚肉份量多，配有溫泉蛋同洋蔥，加埋燒汁餸飯一流！定食會包沙律、麵豉湯、甜品，十分豐富！👍🏻煎鵝肝帶子卷 $86鵝肝配青瓜絲剛好中和油膩感，再搭配帶子既鮮味，食幾件都唔會漏！👍🏻蒽拖羅茸卷 $96拖羅茸好足料，每淡都係拖羅茸肥美香滑。👌🏻三文魚親子卷 $67三文魚卷包住玉子、青瓜絲、蟹柳。上面再放幾粒三文魚子，一共有四件，每件都大大件。👌🏻牛肉炒飯 $73食得比較清的人好適合，整體得淡淡既牛肉味，不會太油膩，比較清淡。環境:係新都城一期地下，係生果店邊直行就搵到。舖頭已木材感裝潢，好有日本居酒屋感覺。

德美壽司有好幾間分店，喺將軍澳區嘅評價都唔錯，除咗壽司仲有多款日式料理，近近地可以食到好方便！.🎎 精選二人餐 $388🐚 日式前菜凍螺肉正常發揮。.🥗 煙三文魚和風沙律番茄及沙律菜搭配胡麻醬，口感清爽，加上帶鹹香嘅煙三文魚，食落更滋味。.🥣 大蜆味噌湯味噌湯濃淡適中帶蜆肉鮮味。.🍣 油甘魚壽司+三文魚刺身油甘魚肉質鮮美口感清爽，三文魚入口肥美鮮嫩。.🐟 鹽燒鯖魚鯖魚肉質緊實，外皮燒得香酥帶微微焦脆，燒過後魚油甘香，擠上檸檬汁更提味。.🍤 什錦天婦羅天婦羅有大蝦、南瓜、蕃薯、茄子及鮮冬菇，外層麵衣炸得幾酥脆，唔會有油膩感。.🍲 野菜牛肉鍋牛肉富牛味，份量都唔少，配料有娃娃菜、鮮冬菇、金菇、豆腐及冬粉等，吸收晒壽喜鍋湯汁精華，再伴上溫泉蛋，濃香鮮甜。.🍚 日式炒飯珍珠米飯配上蝦仁、珍珠帶子等海鮮，炒得幾乾身，粒粒分明。.🍨 甜品奶凍香滑Q彈，配上紅豆甜度剛好。.總括而言：餐廳地方唔算好大，和風裝潢感覺舒服。晚市定食選擇幾多，二人餐有多款食物，定價算親民，食物質素不錯，性價比高！