德美壽司 (新都城中心1期) (Closed)

::德美::德美出名高質而且價錢合理原來夜晚仲有定食套餐有沙津麵豉湯同甜品非常滿足🥢海膽魚生丼每次都好糾結食鰻魚飯定魚生飯🤣今次終於試咗佢地的魚生飯魚生既份量好足！港人至愛嘅海膽 三文魚 熟蝦 魚籽 蟹籽 玉子 全部有齊，絕對夠撈晒碗飯，份量夠晒多，刺身食落鮮甜，令我重拾對三文魚嘅熱愛添😋最估唔到係個醋飯有驚喜，就咁食都好正 ，撈左白芝麻同埋菇，令個飯更豐富🤤🥢冷奴豆腐想食個小食又怕太飽，選擇呢個好適合夏天的冷盤豆腐滑嘟嘟，唔好睇少呢一丁點薑蓉，將佢融入醬汁裡面，薑味大爆發，唔需要過多調味己經好正!

好耐無食日本嘢，今日同朋友想試下呢間位於地鐵附近日本餐廳：德美。 晚飯時段入座，人流未算多而且好快有位。 可以揀坐卡位，座位好寬敞。 另外落單可以用手機點餐，唔使搵侍應幫手。手機點嘢食可以叫定食，各款壽司、魚生丼同埋仲有日本酒。我叫咗一個吉列蝦什錦定食（吉列蝦、炸雞、吉列蠔）、另外仲有配一個肥牛烏冬。 睇圖見德美海膽魚生丼幾靚，都叫咗一份黎試下。 吉列蝦什錦定食嘅炸蝦好大條、炸得又脆十分好味。吉列炸豪都好好味，好大粒豪，而且無多餘炸粉。炸雞麵炸得好好味，配埋醬汁食真係好好味，想再叫多幾份食呀。魚生丼最正係三文魚同埋海膽，感覺好新鮮，好好味道呀真係。除咗食物方面不錯之後，服務質素都不錯。 店員好有禮貌，上菜速度算快。下次可以再幫襯先得呀我覺得要。

好多人都話德美壽司好高性價比, 喺新都城有分店, 今晚早啲食唔使排隊！精選二人會席前菜日式螺肉甜甜辣辣煙韌有嚼口, 醒下胃先！煙三文魚和風沙律煙三文魚做頭盤伴沙律好新鮮, 特別係剝皮蕃茄好juicy！大蜆味噌湯有兩隻大蜆, 豆腐粒幾嫩滑。油甘魚壽司晶瑩剔透肉質鮮甜, 睇住師傅席前製作, 感覺份外新鮮！三文魚刺身厚切肥美, 口感嫩滑, 充滿油份！鹽燒鯖魚外層脆皮香噴噴肉質結實骨少啖啖肉！雜錦天婦羅大蝦天婦羅, 爽口乾身唔油膩！仲有蕃薯、南瓜、茄子、冬菇。野菜牛肉鍋壽喜燒鍋底鹹中帶甜, 牛肉分量幾多, 加埋隻生雞蛋特別嫩滑！日式炒飯造型好似石頭鍋飯, 熱辣辣內有牛肉片和醬油香味！牛乳奶凍冰甜幼滑奶味較為淡身, 為呢餐畫上完美句號。

今日放咗工之後好攰，唔想煮飯，但又想食日本嘅嘢食，於是就去咗公司樓下嘅德美壽司，原來寶琳都有開分店，之前食過其他分店，幾好食，於是過嚟試吓佢嘅外賣，估唔到外賣都保持到高嘅水準😋✌🏻我嚟到已經係夜晚，叫咗兩個晚市定食銀雪魚西京燒定食跟沙律、飯、味噌湯估唔到份量超級豐富，只係$120 ，但係有齊晒前菜同埋主食，份量十足✌🏻 而且銀雪魚真係超級好味，魚質好滑，仲要冇咩骨，啱晒我啲懶人🤣而且有香濃嘅燒汁味，仲要好入味咖喱吉列豬扒定食跟沙律、飯、味增湯你一樣嘅必食推介，份量同樣哋十足，吉列豬扒肉質鮮嫩，外層炸到好香脆，咖喱汁仲要好開濃，裏便仲加咗一隻蛋，撈埋同咖喱汁一齊食，味道好夾😋估唔到依間餐廳連外賣都做到咁出色！

經濟學的「需求定律 (The Law of Demand)」提及，在其他因素不變的情況下，當一件物品的相對價錢下跌，其需求量會上升。現實中，「平靚正」似乎是三個完全不同的概念；然而，酷愛日本菜的筆者最近發現了主打平民價錢，質素不錯的「德美壽司」。即使受疫情影響下，「德美壽司」的分店猶如雨後春筍開到成行成市，可見需求者眾，絕對值得一試。環境：✨門面及店面裝潢均採用全木設計，漆黑的高樓底天花配上日本風情牆身和通花屏風，成功營造出空間感；放上木桌子、藍綠色沙發及吊燈裝飾，更顯摩登個性。✨餐廳一角設有吧檯，是獨自吃飯的好選擇，既無拼桌危機，更不會因占座惹嫌，無聊時又可邊看料理人處理食材邊吃飯，甚至聊聊天。服務：✨當天晚市人流極多，職員態度和藹親切，積極收拾餐具及清潔檯面，上菜速度亦令人滿意。食物：🍲 燒汁豚肉石鍋飯 ($80套餐價，配海鮮味噌湯、沙律及芒果奶凍甜品)✨職員在上菜時多次提醒筆者二人要小心熱鍋，避免因觸碰而燙傷，尤其貼心。✨食物方面，份量亦值得稱讚的，大大片的豚肉滿佈鍋面，口感適中，不會過韌，配上滑溜的溫泉蛋，增添色、香、味，滋味的交疊讓人吃得滿足。🍣 壽司定食配牛肉烏冬 ($17

新都城人氣高企既日本餐廳二人餐平日先有套餐都有好多野食日式前菜煙三文魚和風沙律沙律超大碗而且沙律菜好新鮮油甘魚壽司油甘魚新鮮鮮甜三文魚刺身刺身新鮮肥美牛肉湯烏冬有兩小碗烏冬好滑兩個人食剛剛好什錦天婦羅有茄子，番薯，冬菇，秋葵新鮮炸，唔會林三文魚鮫腩三文魚鮫皮脆肉滑野菜牛肉鍋牛肉份量都好多大大塊厚身超級滿足大蜆味噌湯大蜆鮮甜甜品雲尼拿泡夫成個餐禁多野食有前菜又有甜品想食壽司刺身仲有烏冬都係三百幾蚊滿足哂貪心既我

今日同朋友放工之後去咗將軍澳依間壽司店食晚飯，一入到去電聯再安排我哋坐喺吧枱前面，完全好合乎我心意，因為我好喜歡去食日本嘢嘅時候坐係吧枱前邊，因為可以欣賞師傅對食物好似藝術品咁去製造，之後我同我個朋友叫咗幾樣食物，我叫咗一個壽司定食配牛肉烏冬，呢個定食我覺得抵食得黎質素亦頗好，牛肉烏冬係用稻庭烏冬，牛肉有口感，非常好食，壽司方面，有吞拿魚壽司、帶子壽司、三文魚壽司、熟蝦壽司同埋三文魚子壽司，呢幾款壽司都係即叫即做，用料非常新鮮，可見得師傅好用心去做每一舊壽司，另外呢個餐仲會包麵豉湯同埋一個沙律，另外一樣要介紹嘅就係我朋友食果個日式海膽蒸蛋，我朋友話海膽好鮮甜，完全唔似一般出邊食有苦澀嘅味道，再加上佢個蛋蒸得好滑，呢一味菜嘅配搭非常匹配，再之後我追加左一個冷麵，因為太耐冇食過日本餐廳整嘅冷麵，佢個冷麵麵質爽滑，加埋醬汁同鵪鶉蛋一齊食再加上啲麵夠凍，夏天食簡直非常透心涼，總括而言，依間餐廳啲食物有質素得黎，價錢相比出邊嘅日本餐廳又唔會特別貴，如果大家想食一間有質素嘅壽司但又想價錢比較上平，呢間絕對係你嘅選擇。

🇯🇵掛住日本系列。一到日本旅遊就會胃口大增，可以由日食到夜。其中特別鐘意去二十小時壽司店食宵夜，西京燒銀雪魚及燒火卷係必點。🍣香港嘅連鎖壽司店五指可數，今次就發掘一下低調地壯大嘅「德美壽司」。將軍澳門店門庭若市，氣氛熱鬧。小編依舊試試西京燒銀雪魚及燒火卷嘅水平，另外單嗌咗一份新香小卷。🥢新香卷（$32）：一客六貫，內餡為醃黃蘿蔔。黃蘿蔔都幾爽脆；醋米以白醋調製，醋味適中，有醋嘅酸度，同事亦都保留到米嘅香味。🥢鐵火卷（$58）一客六貫，內餡係吞拿魚赤身。魚肉新鮮，口刁嘅朋友亦都給予正面嘅評價，一口氣叫咗兩客！🍱西京燒銀雪魚定食（$120）：- 套餐包括三文魚沙律，味增湯，白飯，及兩件銀雪魚。說實話，銀雪魚真係好驚喜！店家用咗口味偏甜嘅白味增作腌製。另外亦好有心機地將整件銀雪魚喺平均受熱嘅同時，做到輕微烤焦嘅效果。高溫先加強揮發出味增，味琳等香料嘅香味，繼而將魚油香逼出，達至微焦效果。- 味道方面，尤其啲烤焦左嘅位置，特別香口。魚肉滑嫩，每一口都充滿著銀雪魚油嘅油脂香。第一啖到最後一啖都好味！🍮最後嘅最後，侍應為我哋送上是晚甜品，芒果布甸以及綠茶啫喱，為晚餐畫上一個完美嘅句號。德美壽司 (

經常爆滿 款式多多嘅日式餐廳🥰​​壽司必點🍣​今次嗌咗油甘魚壽司（$40)，三文魚腩壽司（$42)，腐皮壽司（$28)，帆立貝壽司（$39)，活赤貝壽司（$66)，蔥拖羅茸軍艦（$49)，蟹肉蟹膏軍艦（$45)，芥辣八爪魚軍艦（$33)，火炙左口魚邊（$50)​🍣好新鮮大大件，貝類刺身幾爽口​其他嘢食都好唔錯​​

今日放假一天，去左將軍澳玩，晚飯係將軍澳呢間德美壽司食。呢度晚市都有定食餐牌，有生有熟食。主餐牌有薄切刺身，空運直送刺身，其他刺身，壽司，卷物，手卷，丼物，沙律，漬物珍味，前菜，揚物，天婦羅，燒物，串燒，一品料理，鍋物，飯麵等等。下午茶食得晏，晚飯時間仲飽飽哋，今次只係叫左兩款刺身同一款壽司分享。今次坐喺壽司吧，正呀，直頭係睇住師傅整我哋啲野食。油甘魚刺身 $95 另加一油甘魚刺身一客五塊，好厚切，仲有黃色花瓣點綴。食落魚油豐富，好鮮甜。北海道大甜蝦刺身 $90 另加一北海道大甜蝦刺身一客五隻，睇住師傅即刻幫我哋剝殼。食落又爽脆又鮮甜，蝦頭仲有汁。鰻魚壽司 $39 另加一鰻魚壽司一客兩件。鰻魚上面灑上白芝麻粒，壽司飯有火炙香，如果鰻魚熱啲就更好。食完仲有甜品送，係抹茶粉蕨餅，質素可以啦。落單用QR code，裝修好日式，坐得都舒服。特別欣賞d餐具好精緻，令人賞心悦目。

今日來到將軍澳，本來想食爭鮮，但好多人排隊，同行友人推薦食呢間日本餐廳等了約15分鐘後，可以內進享用美食，平日餐廳人流好多，入座後已有茶水供應，抵讚叫了魚生、天婦羅、海膽以及壽司，大大滿足點評如下︰一板海膽($199)︰數量好小，有小小腥臭，口感唔FRESH油甘魚刺身︰好味，好有厚度，新鮮鵝肝吞拿魚壽司︰好好味，不油膩海鮮雜錦天婦羅︰有小小油膩(可能太飽)總括來說，好評會再次幫襯

都幾多人話呢間壽司 好味所以黎試吓見佢二人set幾多嘢食 就直接揀呢個三文魚切得幾厚 好味不過其中一舊有骨油甘魚壽司都幾好食 油脂幾豐富三文魚既骨煙三文魚沙律 有幾塊煙三文魚蕃茄同啲菜都幾新鮮 加埋胡麻醬 味道唔錯野菜牛肉鍋入面都有幾多牛肉一隻糖心蛋同埋菜 個湯底都幾甜中華沙律普通味增湯入面有一隻蜆有啲海大 個味有少少甘甘地同平時飲嘅味增湯唔同炒飯唔知係咪我哋放得太耐都未食個底變咗飯焦 咬落去有幾粒飯會好硬整體味道都係偏淡天婦羅有蝦、甜薯、茄子、南瓜全部都炸得幾好食 唔會好厚粉 又唔會好油條鯖魚好大條 好多肉 好味最後甜品係奶凍上面有啲芒果醬本身個奶凍都幾好味 奶味好重但係啲芒果醬好酸 加左反而冇咁好味另外嗌咗兩款壽司帶子幾厚身 不過感覺上唔夠凍咬落有啲黏海膽軍艦好味 食到鮮甜味

難得山長水遠入到將軍澳，唔好好hea一日對唔住自己。六點左右開始肚餓，咁啱經過新都城中心嘅德美壽司開市，記得網上風評唔錯，就一於試試。壽司定食配牛肉烏冬｜沙律、味噌湯（$171）壽司總共六件，同餐牌上嘅圖示有少少唔同，我呢份有帆立貝、三文魚籽、熟花竹蝦、三文魚腩、池魚、吞拿魚，另外仲有兩塊玉子燒。每件壽司嘅肉都好鮮甜大份，很是正。牛肉烏冬嘅湯唔會太濃，略為清淡健康清甜。牛肉比得都幾多，烏冬拿捏到分寸，好食。洋風鰻魚班戟（$62）驚喜之作！本身已經好好奇到底會係點嘅料理，結果發現好正好正。班戟裡面包住嘅唔單止鰻魚，仲有牛油果同芒果。食落口首當其衝係班戟不軟不硬嘅嚼感，然後係入口即散嘅芒果甜，同鰻魚柔軟嘅質感、照燒汁嘅甜，再到牛油果嘅淡泊作為收結。講咁多，其實都係想話真係好好食好好食，超大驚喜。———————————————#德美壽司德美壽司 (將軍澳)將軍澳貿業路8號新都城中心1期地下99-100號舖

質素只屬一般.左個壽司🍣牛肉烏冬set..前菜茶碗蒸，應該無用錫紙蓋住蒸，出嚟起泡，賣相扣分。.沙律🥗醬好咸..牛肉烏冬叫做正常，但唔係好食，只係夠晒熱。.壽司啲飯好實，壽司豉油好咸。食完有啲望失，無其他人講到咁好食🥲.

經朋友介紹就去咗依間德美壽司食日本嘢🍣舖頭唔算大 坐得有啲迫 不過好有日本嘅感覺🤣首先我哋嗌左幾款壽司 全部都幾大舊 三文魚壽司($29) 正常發揮 都幾新鮮 火炙洋風三文魚($34) 三文魚表面稍為燒過 有好香嘅三文魚味 有少少入口即溶 帆立貝壽司($39) 帆立貝幾大粒 食落去超級滿足 冇咩腥味另外嗌咗大蝦天婦羅吞拿魚茸卷($85) 超大一卷 吞拿魚茸好好食 連我平時唔太食吞拿魚食落去都覺得冇咩問題 至於天婦羅蝦炸得好脆口 成個卷物口感豐富燒腐皮餃子($50) 佢話係自家製嘅 確實喺其他地方好少見到有依樣嘢 有少少油膩 不過整體幾好食 個腐皮煎得好香口 幾特別雜錦天婦羅($80) 一份雜錦天婦羅入面有齊蝦 南瓜 番薯 冬菇 茄子 辣椒 其實幾抵食 抵讚嘅係蝦唔係用冰鮮蝦而係新鮮嘅 炸得都幾好 炸皮唔厚 非常脆整體來講價錢唔算太貴 食物質素幾好