德美壽司

Open Now

Now Closed

德美壽司口碑好。貭量好。寿司大件夾抵食. 壽司飯軟硬適中.刺身厚身新鮮。還有串烧。炒飯。炸物。湯鍋等…样样精致；用料考究，味道鲜美，色泽诱人；米飯粒粒爽，炸物.炸鸡软脆可口，食后满嘴留香。繁忙时段基本都是满座，座无虚席.服务非常周到，餐后仲有甜品送，係抹茶红豆糕!吃心一片，一片吃心，印象好好下次再来食!德美壽司(尖沙咀)尖沙咀厚福街8號H8 5樓//加州卷＄50，壽司四大件。考究在鱼子酱。裹满寿司在嘴巴里跳跃，颗颗晶莹饱满，口感丰富极了。

德美壽司📍尖沙咀厚福街8號H8 5樓厚福街一向好多野食，雖然德美壽司係樓上舖，但平日都坐滿人，人氣旺盛。食物🍲風味海鮮鍋 ($117)湯底唔會好喊，沙白好鮮味，海蝦爽口彈牙。我哋揀咗配飯，唔想配飯的話都可以揀烏東。辛子燒明太子 ($83)明太子好入味得嚟又唔會太喊，一點都唔腥，配飯都好惹味。七味燒雞腎 ($26)雞腎好爽，不過支然粉有少少重手，下次淡返少少就好啲。甜品 (送贈)每一枱都會送贈甜品，我哋嗰日係芒果奶凍。芒果醬唔會好假，配Q彈的奶凍好好味。服務👩‍🍳落單係用QR Code，不過服務員都好細心主動加茶。

日式前菜如詩般綻放，煙三文魚與風沙津風味相融。油甘魚壽司兩片香滑，三文魚刺身鮮美迷人。日式炒飯為味蕾奏韻律，什錦天婦羅脆爽又美味。鹽烧三文魚鮫腩滋味撩人，野菜牛肉鍋溫暖心靈。大蜆味噌湯滋潤口腔，最後的甜品甘甜心驚艷。【精選二人会席 358HKD】1️⃣日式前菜2️⃣煙三文魚和風沙津3️⃣油甘魚壽司2件4️⃣三文魚刺身 厚切🤍5️⃣日式炒飯6️⃣什錦天婦羅7️⃣鹽烧三文魚鮫腩 超巨型啖啖肉🤍8️⃣野菜牛肉鍋 食唔停口🤍9️⃣大蜆味噌湯🔟甜品

-南瓜拼蕃薯天婦羅 $50.0南瓜好甜, 番薯好香同粉嫩, 天婦羅的炸醬好乾爽, 唔油膩 ,脆卜卜, 配埋特製醬汁好食-韓式泡菜豬肉鍋 $75.0豬肉片好大塊, 肥瘦分明, 豬肉片油脂分佈平均，肉質彈牙爽口, 內有大量蔬菜, 豆腐, 冬菇, 粉絲配埋韓式泡菜, 湯頭微辣香甜-煙肉蠔卷 $55.0煙肉卷住鮮蠔, 蠔肉肥嘟嘟, 脹卜卜, 燒過嘅煙肉不油膩, 出奇地同蠔好夾既鹹香又勁有蠔味, 必食, 值得推介-加州卷 $50.0加州卷性價比極高, 好大卷, 有四大件, 內有牛油果, 青瓜絲, 蟹柳, 加州卷面鋪滿大量蟹子

🇭🇰 #一粒波食好西-又來厚福街覓食了～每次來厚福街都好像皇上選妃般煩惱😂😂今天想吃日本菜，選了德美壽司🍣叫了兩個秋冬之選套餐～套餐附味噌湯和沙律🥗最後還有送一份小小的芒果奶凍～-🍣北海道魚生丼 $142有油甘魚/帶子/蝦/三文魚/呑拿魚，還有很多蟹籽～魚生很新鮮，蝦很鮮甜⭐️⭐️⭐️⭐️⭐️-🐟 洋風燒三文魚丼 $102第一次嘗試海鮮丼加蛋的配搭溫泉蛋包裹著飯粒，與魚生也很配👍🏻三文魚很鮮美，微微炙燒過油脂更香⭐️⭐️⭐️⭐️⭐️-💬每個座位底下有兜兜放袋很貼心坐吧枱位置還可以看著師傅在面前做壽司🧑🏻‍🍳性價比不錯～-🍣 德美壽司尖沙咀厚福街8號H8 5樓12:00 - 23:00 (15:00 - 18:00休息)-#一粒波ARollingBall #一粒波碌去尖沙咀 #hongkongfood #hongkong #香港美食 #尖沙咀美食

係正！呢個價錢嘅二人餐超抵食！真心係要讚呢啲良心店舖！品質不錯，味道好，大碟頭好多野食嘅2人餐，叫咗個最普通嘅二人餐已經好好食！入面嗰個油甘魚壽司超正！好鮮想特別讚佢嘅炒飯！係炒到一粒粒嘅炒飯仲有個燒鯖魚又係好正好好食！啲肉唔會好老真係成個餐食晒呢係捧住個肚走！同埋佢個泡菜豚肉鍋都好好食！飲咗佢勁多湯！臨尾仲有個抹茶泡芙甜點去過黃埔分店，尖沙咀分店都係第一次去同以前嘅感覺一樣，係一間會有下次再下次嘅日本式食點！

💪🏻 洋風燒三文魚丼 ($102)呢個魚生丼嘅三文魚係火灸過在鋪上飯上面，所以令三文魚嘅油香好突出，食落好香口😋 而且三文魚都好肥美，切得好厚身。而且丼飯仲有一溫泉蛋同蟹籽，加少少刺身豉油撈飯一流！💪🏻 厚燒玉子 ($45)玉子燒好厚身，甜甜地，蛋香出色😚 而且玉子燒都煎得好滑好綿！💪🏻 火灸鰻魚壽司 ($41)鰻魚啱啱火灸完仲有微暖咁上枱，食落好香魚油香🤤 鰻魚肉質都好軟淋！味道：7.5/10性價比：7/10 食住瘦指數：💪🏻💪🏻💪🏻💪🏻/5

德美壽司 (尖沙咀)尖沙咀厚福街8號H8 5樓黎到尖沙咀厚福街覓食，好多餐廳，花多眼亂，這次老友推介高汁日式料理，果然有驚喜。😄鱈場蟹鍋🦀配料有雪場蟹腳、蟹柳、獅子狗、野菜、冬菇、豆腐。湯底吸收了配料的精華，沒有味精，好好飲，好快畀我飲曬。雪場蟹腳鮮味十足，大廚預先剪開了，可以輕鬆品嚐，必食！🤤壽司定食🍣大廚即叫即製，壽司定食有大蝦、吞拿魚、油甘魚、三文魚和帶子，新鮮厚切，魚油豐富，三文魚子軍艦的魚子在口中爆汁好正🤣，玉子調味得恰到好處，煙韌彈牙，壽司飯份量適中又夠香，推薦！😻牛肉烏冬牛肉肉汁豐富，湯底吸收了牛肉和海帶的精華好鮮甜，烏冬口感煙韌。😋味噌湯鹹度適中，蔥花和海帶提升層次，食壽司前飲最正。😉沙律蔬菜新鮮，加麻醬好開胃。😸甜品三色糕層次分明，甜度適中，好味道。☺德美壽司 食物高質，沒有味精，環境舒適，侍應服務態度好，還會再來。😎🤘🏻

厚福街尾H8啲舖頭成日都轉手, 唯獨德美咁多年都屹立不倒. 今晚想me time一下, 決定一個人的浪漫. 《海膽軍艦$72》 是必須的. 見到有留言話係屎味, 我倒真想試下屎係咩味. 是晚海膽是馬糞海膽, 那當然有馬糞味呀, 仲好濃郁嘅馬糞味添！！😋😋 《芝士鰻魚卷$69》鰻魚有焦香, 同大大粒嘅cream cheese, 夾到揼一聲. 食完呢四舊巨型卷物都已經飽咗🤰 《海膽花の戀$63》《洋風三文魚$36》 火炙三文魚冇得輸, 海膽加三文魚直頭宇宙無敵！ 最後店員送上是晚甜品三色糕： 綠茶椰汁紅豆topped with mango puree. 我見隔離枱食完埋單都冇, 佢話淨係送畀我. 哎呀～ 一定係我人見人愛冇誤(๑•́ ₃ •̀๑) 😇🥰

❗️德美壽司 (尖沙咀)❗️餐廳座位坐得舒服，用QR code 落單。食物款式都好多選擇，我就叫咗刺身、丼飯、天婦羅同串燒。食完餐廳有奶凍作為甜品，口感軟綿嫩滑，好重奶香味。整體嚟講： 刺身新鮮，串燒同天婦羅好香口，性價比高，絕對值得回頭再食。♦️北海道魚生丼$142有蟹籽，甜蝦，油甘魚，三文魚都好新鮮。♦️魚子蔥拖羅茸飯 $146魚子粒粒爽脆，吞拿魚蓉份量好多，成價比高。♦️三文魚腩刺身（六片）$92新鮮，肥美肉厚，魚油豐富，值得一食。♦️帆立貝刺身 $79清甜爽滑，肉質鮮嫩♦️大蝦天婦羅 $88有4大蝦，蝦肉鮮嫩美味，炸漿香而唔會好油膩。串燒燒得好香口，有基本調味。♦️燒牛舌$45牛舌牛味濃郁，口感爽口。♦️黑豚串$52黑豚串油香好充足，肉味濃。♦️燒雞軟骨 $21雞軟骨燒得好香又有咬口。🏠：尖沙咀厚福街8號H8 5樓

一直聽朋友講過話德美壽司好正，今日終於有機會去尖沙咀分店試下。原來佢地有好多間分店，每一間都以日式木門同窗棱嘅設計，仲有各式各樣嘅日式料理，包括壽司、刺身同燒物等等選擇。我同朋友分別叫左幾款壽司同鍋物，人均都只係$130左右，十分抵食！火炙帆立貝 🍣🔥：帆立貝鮮嫩多汁，火炙過嘅外皮帶微焦香，一入口即化！蟹子軍艦 🦀🚢：蟹子十分爽口，配上脆口紫菜，好滋味！三文魚壽司 🍣🐟：三文魚鮮嫩又新鮮，大廚嘅刀功幾好，切成薄片，一咬就融入口中。加州卷 🍣🥑：呢個經典卷物，大大件，配合切左絲既青瓜，牛油果，蛋絲同埋蟹柳，口感豐富又平衡，每一口都好好味！野菜牛肉鍋 🍲🥩：滑嫩嘅牛肉同新鮮野菜一齊煮，牛肉保持柔軟口感，湯汁鮮甜好味，仲有豆腐香菇等配料，份量好足！😍整體評分味道：🌟🌟🌟🌟🌟環境：🌟🌟🌟🌟🌟

今次係第三次黎德美壽司，前兩次正正常常，但今次食到一肚氣！我和朋友分別點了壽司餐和什錦海鮮丼。朋友的壽司餐先到，點知我哋見到平時靚靚仔仔印住「德美」嘅蛋，竟然係蛋磚切剩嘅尾尾，仲要被格硬一分為二，細到連字都印唔到！嗰時已經覺得企喺店面整嘢食嘅廚師，連整一份新嘅蛋都懶，格硬將唔應該攞黎奉客嘅嘢擺上碟，當個客死嘅！之後什錦海鮮丼上埋，menu相有嘅連頭蝦刺身變咗熟蝦。☹️ok其實蛋同蝦都只係小事，個海膽先係戲肉。我分咗啲海膽俾朋友，點知佢試完竟然即刻要飲茶洗口！我小心翼翼試咗少少，原來個海膽嘅屎味真係災難級，試少少都已經成口屎味！我好好奇呢啲巨量屎味海膽，究竟係邊度黎，韓國？智利？定深圳大小梅沙？實在食唔落啲海膽，唯有放棄（見圖）😞己所不欲，勿施於人，更莫講話奉客。我唔信店主食得落啲海膽。今次真係中大伏。

今日係尖沙咀行開街就去左呢間成日食嘅德美壽司，地點方便，一岀地鐵站行5分鐘左右就到。6.30左右上到去唔洗排隊，落完單5分鐘就開始上菜一開頭就食個三文魚刺身先，質素一如既往，勁厚新鮮。之後再食炸蝦天婦羅，有4舊，啲粉勁薄&蝦都大隻，味道唔錯。壽司個人覺得唔錯嘅係鰻魚壽司同帆立貝壽司，其他仲叫左魷魚海膽、蟹膏壽司呢啲就麻麻地。主食叫左一個鍋燒烏冬同牛肉鍋，夠多配料，牛肉份量都唔少仲有啲粉絲係底，個湯底都唔會太鹹。

同事話今晚請食飯，咁我緊係即刻搵日本野啦，呢間餐廳之前聽朋友介紹過話選擇好多又高質又近公司就毫不猶豫揀呢到，我哋叫左個野菜牛肉鍋，超級喜歡個壽喜燒牛肉湯底，味道非常濃郁，甜度啱啱好，材料包括大葱、洋蔥、冬菇、白菜、金針菇、麵條、溫泉蛋，當然唔少得主角厚切牛肉片，成個湯底明顯係靠食材既清甜熬製而成，所以好好飲，食完都唔會好口渴，牛肉片份量好多，吸咗個湯更加juicy，冬菇彈牙，麵條煙韌有咬口，北海道魚生丼好大碗，有三文魚、油甘魚、甜蝦，想講佢個Wasabi都幾好食，我平時都好少沾Wasabi，但今次原來加埋都幾好食，蝦膏鮮甜滑嫩，油甘魚同三文魚厚切新鮮，仲有叫左個洋風鰻魚班戟，一嚟係比呢個配搭好新奇吸引到，二來係我同同事都鍾意食鰻魚，冇諗過原來呢個配搭都幾好，牛油果、芒果、鰻魚，加埋pancake同沙律醬，甜甜酸酸幾開胃，最後甜品芒果三色糕，芒果汁同椰汁紅豆糕，清清地做個結尾，埋單都係$315 only❤️

🇭🇰✨尖沙咀厚福街老字號日式料理要去尖東上堂，隨便喺附近食晚飯～之前同朋友食過呢間老字號日式料理，覺得食物質素OK，今次自己一個嚟就試下晚市定食～獨食嘅話推薦嗌壽司定食，可以品嚐到6款壽司及招牌德美甜蛋，適合選擇困難症嘅朋友，仲配麵豉湯、迷你沙律及牛肉烏冬，一定夠飽～餐廳仲會贈送一客甜品，今晚係椰味紅豆抹茶三色糕，為晚餐劃上完美句點～① 秋冬之選：壽司定食配牛肉烏冬 $172🔹套餐包咗6件壽司，包括帆立貝、三文魚、吞拿魚、油甘魚、熟蝦、三文魚籽，仲有2件德美甜蛋；三文魚子大粒好有鮮味，魚生亦相當厚身。套餐配上麵豉湯、迷你沙律及牛肉烏冬。② 腐皮壽司 $29③ 七味燒雞腎 $26📍德美壽司 尖沙咀厚福街8號H8 5樓