壽司郎 (黃埔天地)

Open Now

Now Closed

開咗多間分店, 但仍然要排好耐隊所以都係間中去排嚟食店舖環境佈置整潔舒服好日本嘅氣氛(◡‿◡✿)🍣壽司種類多壽司飯大小適中魚生都算新鮮🐟味道都唔錯(● ゚▽゜●)員工服務態度唔錯美中不足係要排好耐隊先有得食🥲整體而言以便宜嘅價錢有多種嘅款式選擇同唔錯嘅質素已經好好💓抵食📍 壽司郎(黃埔)🐰: 4/5#黃埔 #eatwithkeikei #壽司郎 #壽司 #whampoa #sushi #japan #日本 #sushiro #yum #hkfood #hkfoodie #foodiehk #hk #humghom #beef #salmon #tuna #shrimp #chicken #roll #sushiroll #salad #crab #softcrab #recommend #yum #紅磡

今晚陪主子睇完醫生, 時間已經有d 夜, 又想食壽司就諗起壽司郎, 好彩仲可以外賣自取, 所以就快快手落單喇。🥢超人氣盛合🍣油甘魚: 新鮮爽滑🍣魷魚: 本身肉質較黏而唔算太新鮮, 所以食落口唔夠爽🍣三文魚: 個樣麻麻地, 不過都充滿濃濃嘅魚味🍣日本產帆立貝: 得半粒係有少少失望嘅, 不過好新鮮好清甜🍣特選中吞拿魚腩: 只係介乎赤身同中拖羅中間, 都係有少少失望🍣極上鰻魚: 好大塊鰻魚放喺面, 視覺上已經好滿足。而鰻魚唔會好多魚骨, 好食🍣吞拿魚蓉軍艦: 雖然包住嘅紫菜已經淋咗, 但係吞拿魚蓉好新鮮, 配合埋仍然好好食🥢單點壽司🍣大切三文魚腩: 新鮮肥美, 充滿油脂🍣醬烤鰈魚鰭邊: 紫蘇葉味濃厚, 鰈魚鰭邊燒得好香🍣壽喜燒牛排: 有好甜嘅壽喜燒味, 牛排唔會燒得太老🍣炙燒三文魚腩: 炙燒得唔夠, 同普通三文魚嘅感覺差唔多整體壽司尚算新鮮, 不過d 壽司飯唔夠黏, 一夾就會散, 要好好改善。如果外賣餐牌可以有多d 選擇就更好喇！

◦•●◉✿✿◉●•◦😋: 𝟠/𝟙𝟘💭: 終於比我哋等到呢間人氣壽司店啦～ 試完壽司郎就會明點解咁多人排隊～用餐時間係60分鐘，食物好新鮮，最鐘意食醬烤日本產帆立貝 - 啖啖肉、海膽、蟹膏🤤 熱食就較普通～ 所以就唔多介紹喇☺️唔好諗住過江龍收費一定好貴，佢其中一個受歡迎嘅原因就係因為食物高質但收費相宜！店員服務亦好好，真係有係日本食壽司嘅感覺🤣 仲有杯梅酒都好好飲😗 推介👍🏻♾ 蟹膏壽司 $12♾ 海膽海苔包$17♾ 松葉蟹軍艦 $17♾ 醬烤日本產帆立貝 $17 ♾ 梅酒 $27

壽司郎十一月限定大大大祭，多款壽司大切及厚切，雖然無之前特盛祭咁震撼，不過都食得好爽。大切極上鰻魚 $22 正！正！正！大切三文魚，大切日本産油甘魚，厚切中呑拿魚腩 $17 肥美又鮮嫩，正！厚切劍魚腩 $17 堅厚！大切甘鯛天婦羅 $12 好似食緊Fish and Chip咁，應該叫埋個薯條一齊食！配飯好似要加粟米汁…大切真烏賊 $12 有少少痴牙厚切玉子燒 $12 甜甜地都唔錯 食魚食到款款魚都差唔多咁，呢款秋刀魚 $12 平平地，個味幾獨特，幾好食。另外，上個月壽司郎更新左個常設餐目，#日本産原隻帆立貝 $22 取代原有的日本産帆立貝 $17，以前久唔久都會推出，宜家轉常設實在太好！貴$5但隻帆立貝差唔多大一倍！必食之選！.星期六11:30拎籌，13:40先入座…下次想星期六收工食應該要11:00開始拎籌！

上次試過上環壽司郎，今次試下黃埔，呢間好多人排隊，人地住樓上拎完票可以休息，我就企係度等，下次都係去番上環。點了油甘魚腩，係幾肥美，口感好滑好肥，有魚香。點了拖羅蓉，都唔錯。又試下呢邊嘅拖羅，好過上環果間！ 好香好好食，勁多油香。

自從壽司郎黎左香港，無論開左幾多間分店都好，人氣依然持續高企，每次必須要等幾個鐘先有得食，真係有錢都未必食到。咁耐以黎食壽司郎嘅次數真係五隻手指都數得哂，因為真係唔係次次都可以咁等法，特別係男朋友，已經好比面我😂。我淨係食過荔枝角店、黃埔店、葵芳店，發現黃埔店係平日黎講係最大機會食到，而又唔洗等好耐。兩個人每次食三百幾四百蚊左右，總之就唔會超過五百。雖然選擇唔算係好多，但係勝在食材新鮮，食到好滿足😋😋😋

📍厚切中吞拿魚腩 $17佢個厚切都唔係特別厚，佢都唔夠肥，可能下次要嗌大切特選大吞拿魚腩。📍大切三文魚 $17代替左厚切三文魚但係冇咁肥，我會寧願佢俾返我多啲。📍大切甘鯛天婦羅 $12非常推薦，好大件熱辣辣脆卜卜，12蚊好抵食，一定要嗌。📍大切日本產油甘魚腩 $17呢個油甘魚就好夠肥啦，入口即融，但係食到最後就有一條筋。📍厚切劍魚腩 $17劍魚腩都對唔起佢厚切呢個名，普普通通啦，唔係特別推薦大家食，之前食過更加好食嘅劍魚腩。📍1.5倍卡達拉娜 $22壽司郎名物卡達拉娜終於都返嚟啦，今次1.5倍超好食又抵食大家一定要叫，一貫嘅水準！📍三文魚腩 $12我覺得三文魚腩比佢個大切三文魚更加值得嗌，好肥入口即溶又平又抵食！📍三文魚牛油果卷 $22今日嘅三文魚牛油果卷縮咗水，牛油果又唔夠熟，有失水準。📍蔥花吞拿魚軍艦 $12每次黎都會嗌，非常之好食，推薦叫呢個啊多過大家叫吞拿魚赤身！

壽司郎性價比高好多人都知，但當中有幾款係比較美味同性價比高得來又值得encore就有以下幾款食物方面 :蝦三味握壽司 : 三款蝦鮮甜肥美，必食推介炙燒三文魚田樂味噌握壽司 : 三文魚子新鮮，再加上半熟的炙燒三文魚，雙重享受海膽壽司 : 份量適中，味道鮮甜 三文魚子軍艦 : 三文魚子新鮮爽脆，可以有一咬即破的美味奶茶卡達拉娜 : 絕對有驚喜，面層薄薄的焦糖，濃濃的奶茶味，口感幼滑又有口感油甘魚天身 : 天身係油甘魚比較稀少部位，魚香同嫩滑，魚油味重

我發現香港人其實真係好鍾意食壽司，而且壽司郎嘅擴展真係做得非常之正確🤣不過如果可以再開多啲分店，18區都有嘅話就好啦🤣👍壽司郎除咗壽司好出名之名，其實佢哋嘅熟食都一樣咁好味😋真係唔知點解佢可以連熟食都整得咁好🤣🤣佢嘅黃金脆薯係炸得超級脆，識落後嘅薯仔味超級濃，而且入面仲要唔係空心，分分鐘整得好食過出面連鎖快餐店嘅薯條😂😂❤️仲有就係佢嘅牛肉烏冬，烏冬出奇地滑，個湯亦都整得好夠味，加埋啲鐵道幼幼嘅青葱真係無敵啊🤣

每隔一段時間都會心思思，掛住sushiro，今期有新的秋季限定商品餐牌，朝早十點嚟排隊，好彩都可以第一轉入到去。第一款炙燒赤鯥壽司（$17）魚油充足，非常適合炙燒，啱啱嚟到嘅時候，魚塊剛好跌在碟上，一夾起立即見到碟上已經沾滿魚油，好有魚油香之後嚟咗赤蝦二貫、秋刀魚同沙甸魚，三碟都係$12。赤蝦一貫爽口，又大隻$12兩件真係好抵食。同行友人最鍾意食銀色皮青身魚，非常欣賞秋刀魚同沙甸魚，話好似去日本食的味道。下一道濃厚海膽拌麵（$32），海膽、海膽醬及麵條，海膽鹹香充滿口腔同時又加上紫菜同紫蘇葉，中和口中嘅油膩感。👍🏻正接著，炙燒伊佐木壽司（$17)比較爽身有魚味。鍾意青身魚的朋友，繼續叫咗道少有的銀皮魚 小肌（$12） 同encore 秋刀魚。同平時唔同，今次淨係叫秋季限定都已經半飽，最後加多咗個最愛的三文魚子壽司（$17），三文魚子新鮮，鹹香味同青瓜，仲有Wasabi，真係好夾。最後，叫多個牛奶雪糕再自行加上抹茶粉😋完美的brunch。友人極力推介今期嘅秋季青身魚，可惜我始終唔係太識欣賞，我都係食番肥美嘅赤鯥😁

香港人真係好鍾意食壽司壽司郎無論開左幾多間分店都係要排隊特別係呢2年黎無得去日本旅行大家更加熱愛去食壽司每次去到食，都一定要點既茶碗蒸超級滑，入邊仲有蝦仁同帶子個雞蛋蒸出黎好鮮味仲有唔少得既三文魚同中腹吞拿如果唔使排隊排咁耐就好了一定會經常去食

壽司郎好像每個月都會有一些特別的款式，今次主要試下特別的期間限定的款式。赤蝦二貫（加量不加價）感覺比平常的赤蝦大一點，同埋肉質會實少少。三文魚三味（加量不加價）有三文魚腩，厚切三文魚同炙燒三文魚腩。依碟感覺不到「加量」以及「不加價」，可能比起分開點的話平一點點，但如果不是3款都想食的話不如散叫。另外，10月有期間限定的萬聖節甜品蜜瓜味雪葩個蜜瓜幾「的色」，好冰凍，都好濃蜜瓜味架。唔知點解有國民回憶的稱號北海道南瓜焦糖燉蛋蛋糕面頭果層焦糖加上底層的脆脆，好脆好有咬口；而中間的燉蛋就幾滑，層次感幾豐富，亦都幾飽肚架。

今日紅日一朝早未夠10:30開門嘅時間就已經去咗排隊，排咗三個鐘終於到。去到兩點幾就已經折左龍，想再食都冇。講吓啲嘢食，壽司來講大部份都好好食，甜品仲真係好正。嗰個甜番薯我嗌左兩客，蜜瓜雪吧勁好食，個新地都真係幾唔錯。但係環境來講，勁凍勁凍，係超級凍。已經着咗件長袖厚外套，但係啲風蓬蓬聲吹落個頭到，吹到返屋企之後勁頭痛。所以其實樣樣野都幾好，但係真係要帶定大褸同埋仲要戴帽，如果唔係返屋企真係會頭痛同凍死😂

壽司郎喺香港開咗之後今次係第一次食一早撳咗飛攞位等咗兩個鐘….超級多人終於都入到去坐底吞拿魚壽司🍣三文魚子壽司，味道好鮮甜刺身蝦壽司帆立貝細隻咗少少🤣整體來講味道唔錯但係排隊排太久了所以試一次就夠啦

去壽司郎真係排好耐隊，幾經辛苦終於排到入去了。今次都食咗唔少嘢，真係擦咗餐勁！雖然食咗好多嘢，不過影得好少相🥲🥲不得不說，佢個茶碗蒸真係圖片只供參考。佢張圖幾靚，拎上手真係......差咗少少不過啲料係沉咗底啫，冇事！✨味道嚟講都唔錯，蛋味都幾重！同質感都滑，唔會太老，都合格！甜品真係好重要，尤其係去到壽司郎！叫咗佢呢款芭菲。呢款幾抵食，夠大杯。上面有啲莓果，同雪糕食幾夾！今次真係食得好飽！正！整體嚟講都係好食！