Video
Above information is for reference only. Please check details with the restaurant.
277 views
每次食壽司郎都係去屯市店， 今次試下華都店， 估唔到都係一樣人山人海， 星期四工作日晚上也擠得水洩不通。不過今次霖迪早有準備， 早就用壽司郎app預約， 雖然時間是六點三早了些， 勝在即使遲了一些到達店面也能即時安排入座。一心諗住試大好評的焦糖鵝肝壽司， 點知收到官網信息剛剛售罄， 傷心！ 事實到店見到原來仲有極小量， 即刻下單兩客試試！炙燒焦糖鵝肝($17)， 華都分店焦糖燒得唔算好脆，不過鵝肝真係漏曬油， 跟微酸的赤醋飯好夾好好味！ 唔怪得鍾意食鵝肝嘅人會咁着迷。北海道產白海螺($22)，今日啱啱上市， 一向好鍾意食海螺， 非常爽脆是必試推介！ 不過有些疑惑與12元的海螺，味道有多大差別。寒鰤魚腩($17) 最初覺得只有一件都幾貴， 但食落有值回票價， 非常肥美充滿油份， 帶柚子味嘅天然清香， 聽說入冬才有如此肥美，都是必食推介！北海道產白子天婦羅拼盤配柚子醋蘿蔔蓉 ($17) 壽司郎的白子一向伏伏地，造成天婦羅就係熟了的白子， 更不好吃了不要浪費錢。炸蝦餅配他他醬($17) 又是大熱的一款， 做成吉列都幾脆， 他他醬都幾好味， 但蝦餅有啲太實淨， 是有新鮮感的但唔太啱食。炙燒瀨戶內檸檬芝士蛋糕($22) ，聽講之前係日本限定， 這款蛋糕都幾酸似益力多，口感似凍餅多過蛋糕， 唔太啱我口味。黃金脆薯($13)，忽然想食薯條， 原來是可以向店員取蛋黃醬的。 今次食呢款薯條發現它跟哈迪斯的薯條有點相似， 好懷念哦。第一次來華都商場店， 心想作為屯門第二分店人流應該少一些， 估唔到都係咁墟冚， 相比之下華都商場店比較闊落新淨， 下次可以轉戰華都店。壽司郎 (華都商場)屯利街1號華都商場3樓2C&2D號舖#文迪漫遊慢生活
continue reading
8：00pm屯門華都商場取飛得叫號9：10pm入座，其間見到5-6組客人埋單離開，都未見1組叫號入座，似乎收拾清潔比較慢。而且晚上last dinner time流轉慢，冇員工主動掃走上一round已經過60分鐘的客人，令門口其他等候客人過久或流失。倒埋茶和豉油，兩個人只落左頭四碟壽司等埋上檯坐唔夠10分鐘後。9：30pm突然cut order！入座前門口reception“”冇“”提醒last order時間！cut 單前又“”‘沒有“”開廣播叫客人盡快點餐！問店長情況，佢還好輕鬆講佢哋9點半冇得落單明顯店長唔想最尾一轉俾客狂加單令大家上下齊心唔想遲收工，而我哋呢啲唔知last order time的客人就浪費一整晚時間+餓住個肚局住埋單離開。
continue reading
今日唔知食乜，留返喺香港，最後揀咗壽司郎，因為留返喺香港只係得返壽司郎一個選擇。壽司郎嘅價錢非常之合理，因為佢哋好似冇再加價。仍然係紅色嘅碟子$12，藍色嘅碟係$17。呢個價錢嚟講喺香港食真係非常之合理。今次都係叫咗嗰幾個壽司，都係吞拿魚壽司，三文魚壽司，同平時一樣咁好食，餐牌魚壽司食性價比最高，呢一款唔係拖羅，只係普通嘅吞拿魚壽司。但係佢哋嘅味道係非常之好食，如果以$12嚟講，性價比真係非常之高。
continue reading
屯門即使有兩間壽司郎, 但依然佈滿人流。假日中午時間大概等待30分鐘。6月期間限定的食物並不是太吸引, 所以都是點了日常的壽司款式。北海道產海螺：質感好爽口天然赤須海老海苔包：蝦鮮甜灸燒帆立貝配智利海膽：帆立貝的味道正常，但海膽不是太新鮮有少少怪味香蔥赤蝦：蔥的份量稍微不足，但仍然是我心目中的第一選擇。赤蝦的鮮甜和香蔥相輔相成，每次都要食2-3件才滿足。炙燒三文魚腩：三文魚的腥味較重醬烤鰈魚鰭邊：燒過後充滿濃郁的魚油香氣和嫩滑的口感小總結❤️❤️❤️📌香蔥赤蝦是推薦之選📌部分菜品的味道需要改進
continue reading
壽司郎在香港開咗咁耐真係第一次食看完電影經過不用排隊 就進去吃了估唔到11點幾入到去 入面已經差不多坐滿人最抵食嘅壽司🍣香港壽司郎人氣三味 、天然藍鰭吞拿魚三味 、魚蝦蟹軍艦三味 ：完全是經濟實惠的選擇剌身都幾厚幾高質最特別的是迷你壽司🍣 適合我這種在減肥的人🤭我最愛的茶碗蒸 ：都是很滑嫩好好味啊🤤個螢光魷魚🦑口感幾得意 有d腥活鮑魚刺身 ：完全沒有味道的 感覺是在食貝類那些 口感一點都不像鮑魚🌝除了有點貴外 其他都不錯👍🏻
continue reading