壽司郎 (翔盈里)

Open Now

Now Closed

見食評話好 即管試一試 點知都係失望我地食嘅壽司 魚生除左有細骨 中吞亦有根 呢個價錢預咗 但無預過食壽司 魚生會有細骨 埋單時同服務員反映魚生有骨 服務員真係答得妙 魚生係有骨😓😓😓 （魚就當然有骨 但而家講緊魚生）🤮🤮🤮因質素差 所以無加單 以後亦吾會再光顧公司真係好有問題 員工冇受過培訓嘅咩？ 竟然可以咁答個客人🤬🤬🤬

排左好耐隊終於有得食啦我哋一家人叫左好多件壽司最抵食嘅就係紅色點我地加加埋埋食左成廿幾30件就係而黑色最貴嘅我覺得最好食嘅壽司就係鰻魚壽司，大家一定要try try鰻魚壽司, 入口即融中溶化嘅感覺真係好爽呀餐廳嘅座位比較細， 食物整體非常好食

好想食好想食呀！呢間排1個鐘就食得啦！原本想用apps 排隊，太天真，一早apps 冇籌lo.......去到間鋪頭拎飛，比我想像中快，排1個鐘就食到lo......一入去就狂叫叫叫三文魚腩.......好肥美炸蝦捲........冇得輸要encore3式蝦........好抵食，又好食吞拿魚.......就一般la三文魚捲.....好味道以呢個價錢，有呢個質素，cp值高，值得佢狂開分店，排禁耐都值得呀........好想再食

壽司郎咁多間分店，黃大仙呢間都算係小人排，5點半去拎飛，等三四個字就有得食。壽司質素so far so good,不過呢間啲海膽唔算太新鮮，有啲出水情況。埋單執枱都算快，唔錯既一次用餐！

午後下午茶時間，去幫襯黃大仙壽司郎，最快又唔洗點等位，等左10分鐘左右就有位喇今次打算速食壽司郎，一解咁耐以黎鍾意食壽司郎既口癮即刻用店內tablet落單點點點餐先今次點左本月推介藍鰭中吞拿魚腩，特盛甜蝦，同一向高水準既茶碗蒸同名物黃金脆薯藍鰭中吞拿魚腩大大件，鮮味尚好，略欠油脂，性價比尚可特盛甜蝦一件有8隻甜蝦，抵食又大份，$12真係冇得輸，讚讚讚！！！茶碗蒸鮮甜蛋質細滑，配料豐富，讚讚讚！！！黃金脆薯即叫即炸，香脆熱辣辣，原條薯條好過外面既連鎖快餐店好多呢！$12 一碗真係超正

🎈成日見到人介紹壽司郎，壽司比起x氣平同好食就唔使講啦，但去壽司郎其實要食嘅唔止係壽司而係甜品🍮 (壽司呢一part有機會再講，因為太多人介紹過‼️）有YouTuber話其實薯條都係必食，有機會再試😂🎈呢杯白桃芭菲好正，啲白桃超清甜🍑係清甜唔係浸糖水嗰種甜！雪糕（好似）係vanilla味，配埋凍凍嘅雪芭同底層嘅蛋糕，依家咁熱食即刻降哂溫🔻🎈小插曲：近排又食左一次壽司郎，當日唔係好多人拎左飛，五點九去到仲有飛拎，拎完之後5分鐘就cut walk-in‼️勁好彩‼️#期間限定

店舖早上10:30開門，我10:30來到排隊時，已經打了好幾個蛇餅。第一輪食客入完後，便會開始派飛，拿到了大約40號籌，等約一小時便可，剛好是中午飯的時候。蟹膏軍艦蟹膏軍艦上的蟹膏份量多，紫菜脆，抵食。🤤燒鱈魚子芝士軍艦鱈魚子未有完全燒熟，呈現半生的狀態，芝士味道濃郁。炸蝦天婦羅壽司炸蝦天婦羅熱辣辣炸起，外層的炸醬仍然燙口。😜蝦肉彈牙爽口。梳乎厘海鰻是兩週年創業的特別，口感軟綿綿，味道偏淡。🥲

🍣 壽司郞嘅威力，我諗大家都見識過，全盛時期真係可以排成個幾兩個鐘先食到🙈好在而加開多左好多間分店，就埋下午茶時間三四點先去呢，就算星期六都係排半個鐘就已經有得食喇🤤今次特別介紹幾款期間限定比大家————————————————👅梳乎里海鰻（$12）👍🏻$12一件就唔係平ga喇，但係都算幾大條！食落無刺，無伏🤣👅濃厚海膽拌麵（$32）👌🏻比期間限定幾隻字吸引左，本住中伏心態去試，估唔到又唔伏喎🤣海膽無醒味，撈麵食唔算好膩，可以一戰👅極上厚切長鰭吞拿魚腩($27)👌🏻比sales哥哥行過黎sell到，一件$27，見佢話係新鮮即切，所以個standard都set高左😝吞拿魚鮮味十足，魚油都幾香，美中不足係有條小筋，扣左d分👅蝦三味（$17）👅蔥花吞拿魚蓉（$12）另外蝦三味同蔥花吞拿魚蓉都好值得返啅！$17蚊有3款蝦壽司性價比極高，而蔥花吞拿魚蓉期間限定下有加大份量，係咪值得叫多幾件先😊———————————————💡 用餐時間60分鐘📍 壽司郎 (黃大仙):黃大仙龍翔道110號豪苑G3樓翔盈里5號舖

壽司郎喺香港越開越多，但仍然要大排長龍，到底係咩令到佢咁受歡迎呢？今日又再去幫襯，食物質素依然保持到，舊飯夠硬身，唔會一夾就散開，而且壽司款式多選擇，刺身夠新鮮，再加上有期間限定嘅特色壽司以及小食，難怪keep住咁旺場。基本上有一款壽司我每次去到必定會點，就係蝦三味，因為20幾蚊就可以食到三種唔同嘅蝦，包括生蝦、熟蝦以及甜蝦，真係超級抵食！除此之外,壽司郎嘅天婦羅亦都係高質嘅,天婦羅雖然係炸，但食落唔會好油膩，表面香脆可口，而且拼盤仲有兩隻蝦，個人認為比起叫天婦羅烏冬更加抵食。最後一樣推介就係甜品芭菲，牛奶雪糕超香濃幼滑，絕對食得出係北海道牛奶整嘅，抹茶大福加紅豆，以及下面嘅脆脆，簡直就係一大享受！

星期六一早便來到黃大仙分店排隊食壽司，幸好這個商場近來開了多一些生活超市，慢慢行完幾間店，再等多一會便可以入座。店內有二人並列的吧枱及四人卡位，用電子屏幕落單，再由運輸帶送餐，減少人的接觸，感覺衛生一點。蛋壽司上的甜蛋幾大塊，甜蛋不會煮得太實。卷物大件，壽司飯不會太厚。帶點沙律醬，吃起來有點濕潤的口感。炸蝦天婦羅的外皮脆卜卜，食了三隻有點熱氣。雖然刺身鮮甜味不足，但由於價錢相宜，感覺都化算。間中有期間限定推出，比較有新鮮感。

8月27日，細仔仔話請肥爸食晏，知佢心意係慶祝肥爸今個月登六，兼抛錨及退休了，難得仔仔咁有我心，當然應約啦，是日就選擇咗去住所附近的超人龍食店，寿司郎食午餐，為避開人龍在早上11：OO，我們一行三人已到此店攞位，見到門庭冷落，但吾駛排隊攞筹等位，仲可以即時入座用餐，點知開心都來吾切，該店員工就同我哋講，用餐時間衹得一小時，就攪到呢一餐食到趕喉趕命，完全違反一句中國成語，幸苦揾來自在食的態度，成個用餐過程就係柯打食物，跟住食，食完又柯打食物，食物未到就留意運輸帶有冇啱食物品，仲惨過食放题，因放题店都起碼有個半小時用餐時間，總知試過呢劑速食寿司餐，雖然該店食品吾算差，價錢吾算貴，我揾食肥華都吾會再攞個胃來較飛，光顧此間店，但話雖如此埋完單走人，此店門口又排龍排到出商場通道，真係你吹得佢漲咩。

壽司郎係我心目中係全香港壽司連鎖店最好食嘅壽司店（沒有之一) 間唔中壽司癮起就會想去食壽司郎 每次都會早大概90分鐘去攞飛 然後會諗定之後去邊度Hea陣先再返返去 通常11:30去攞一點到會入到 😅 最鍾意嘅係魷魚天婦羅壽司 呢款壽司係其他連鎖店冇嘅 魷魚係超級厚 彈牙 加埋酸酸美味嘅燒汁 仲要只係$12 一件軍艦上枱嘅時候紫菜都係脆的 證明係新鮮製作 其他白身魚好似吞拿魚三文魚油金等等都係好新鮮 而且厚切 其他酒水飲品湯等等都係性價比好高

壽司郎相信唔駛多講如果你見到等walk-in係少人基本上你嗰日已經有買六合彩嘅資格Weekend都已經唔講真心唔明點解我有時平日去都有咁多人黎生呢？又話香港人好鍾意返工嘅！！！特盛吞拿魚蓉好多好爆好正特盛甜蝦有9隻中吞配海膽 本身兩樣都鍾意食所以都係必試🤤同特大三文魚腩配新洋蔥汁都值得試👍🏿反而炙燒赤鯪個人麻麻地 就咁煎魚咁 唔識欣賞和牛可樂餅就APITA $10牛肉餅好食啲除咗兩周年祭之外多點咗其他壽司 都係幾好味😋以下就唔多講啦😍✅加一服務費

一直都知道壽司郎都係比較多人，於是check完個app決定去少d人既黃大仙分店，果然冇令我失望，等左半個鐘多d就有得入去～不得不讚既係佢既大拖羅，真係好好食！一放入口就慢慢咁融化，個種油香令我忍唔住encore左一件～而佢既帶子壽司舊帶子真係大大舊，十分新鮮，個種鮮甜會令到即刻有種幸福感而蝦三味壽司都真係幾抵，佢十幾廿蚊就有三件，性價比都真係最高！另外，佢既白桃雪糕都真係好好食，白桃清甜配上濃濃既牛奶味一流，本人知道一個隱藏食法，係加下d綠茶粉，會令到個雪糕提升到另一個層次簡單尼講，壽司郎真係值得一試，如果唔咁多人排就完美啦

✨北海道產炙燒喜之次喜之次 鮮味 帶魚油香 肉質鮮嫩 口感帶少少爽飯 調味偏向酸 帶黏✨北海道產北寄貝賣相味道都麻北寄貝份量少 淡而無味 口感偏腍唔爽✨海螺雙味海螺爽脆 本身冇乜味 重點食口感✨北海道產真烏賊配鱈魚子鱈魚子 微微辣 唔會好鹹 但食落感覺唔太鮮鮮 口感偏水較散烏賊份量偏少 口感彈牙 ✨北海道產魷魚伴辣醬軍艦紫菜只係微脆 魷魚彈牙 唔會韌 辣醬微辣帶甜 好惹味✨特大虎蝦天婦羅卷虎蝦 今次天婦羅皮偏厚 肉質結實玉子香甜 青瓜爽脆 ✨赤蝦赤蝦鮮甜 口感少少爽彈 帶黏性✨炙燒芝士鮮蝦芝士味唔算濃 反而沙律醬味突出 味道微酸帶甜 蝦略嫌太薄✨白桃味芭菲芭菲有四層 有兩粒桃白桃雪芭 桃味香濃 味道香甜 口感綿綿牛奶雪糕 奶味算濃 香甜 帶少少冰感忌廉 偏稀身 都算幼滑 蛋糕略濕✨北海道牛奶味卡達拉娜焦糖 薄脆卡達拉娜 口感軟滑 牛奶味唔濃 呢隻味比較普通總結：七月限定都幾好 冇乜伏野但d料越黎越少 魚越黎越薄 又差左黃大仙分店都可以 我都係覺得樂富店好食d環境闊落 服務唔錯