Video
4-min walk from Exit A, Mei Foo MTR Station
continue reading
Telephone
36190644
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
Recommended Dishes
黑口黑面無乜禮貌，野食ok但服務態度認真麻麻，打風唔開黑雨唔開，呢啲都算得上係好老闆，但點解員工咁大怨氣？上openrice 都有人講過，入面既女侍應西口西面，係咪應該改善下？入嚟食野唔係受你氣架
continue reading
串燒 一定要試 會有驚喜火喉時間控制得合適壽司及刺身 新鮮 魚油香餃子亦可一嘗小店有生啤供應,十分滿意環境舒適潔淨是日推介亦有好多選擇唯座位相隔比較近全程聽着隔籬坐對答另有一番意境
continue reading
🍽️食物方面：🍱鮨德刺身壽司便當💲1085件🍣加刺身 玉子 中華沙律 牛肉餅 唔使加烏冬都夠飽😆🌸櫻花角切魚生飯💲78溫泉蛋加魚生粒唔會乾爭爭但超多飯🙆🏻♀️唔食生嘢嘅可以叫鮨德和食便當💲108有刺身煮物小食炸物 好多🍚➕🐮➕🥟Lunch set會送甜品 當日係蕨餅📷打卡方面：鐘意用兜兜裝🤣坐房好影啲 🔈環境方面：唔夠人手 staff唔記得俾紙QR code落單 等咗陣 壽司師傅要送埋餐😂💬其他資訊：鮨德 📍美孚寶輪街1號曼克頓山商場(曼坊)1樓101A號舖
continue reading
間嘢啲服務無一樣做得啱1.唔識過黎幫客人加水，每次要自己出聲2.一坐底一嘢qr code落單丫車埋黎，其實入得黎食貴嘢已經係門口menu睇定大概食咩先入黎幫襯，好就睇吓仲有咩小食啊其他嘢揀，點知間嘢個menu唔係好多嘢食揀，好啦禁完qr code完全無人印番張單比我，qr code落完單坐係度等等等，真係好驚其實有無落到單3. 食食下拎張單黎話埋數要比錢先（收我錢果時9點半間嘢門口大大隻貼住寫10點閂門），都算，仲要匆匆懶底句收現金就走咗去？食緊嘢已經唔想中途掂錢，最嬲係我擺低左錢之後就聽到隔離枱收錢係比銀聯！仲未完找錢果陣找232蚊，個2蚊係特登分兩個1蚊銀找比我！仲咩事？咁嘅服務仲想博我比貼市？cs4.佢個廚房又係日式開放式廚房，唔知係未啲廚師趕收工，佢地係度一邊執嘢洗嘢一邊切嘢，兩三個都唔帶口罩，唔帶無問題，但佢地係戴住個口罩但拉底哂落條頸果隻！仲要個個都係咁戴法！好唔整潔！間嘢又有冷氣，拉番上口罩洗死？其實你唔帶我都ok。咁嘅情況仲要比我見到廚師隻手無戴手套切嘢，個口罩拉哂落嚟，我點知你會唔會無拿拿又搞個口罩㗎！感覺有啲唔乾淨。5. 間鋪係有播啲日文流行曲，但聽聽下竟然比我聽到有seed高達啲歌！講真唔係唔好聽，但聽落係有啲cheap感，佢播yoasobi果啲都還好。6.收我碟果時完全無禮貌問我仲要唔要，我係食定食同再加個小食，都收咗我幾次嘢，無一次收係有問，仲要有次碟嘢真係仲有啲伴菜沙律菜係到。7. 走果時，條店manager係同我講bye bye，成件事有啲odd，首先佢個語氣係已經有啲怪，另外入嚟果時明明都無講日文‘e一生一世’果啲，同埋走係都講日文嘅歡迎再次光臨啦。8. 聽到隔離枱多次要求要唔同嘅餐具，比如食鍋類無比湯羹、食燒羊架無比刀叉……9. 枱與枱之間仲用隔版，無問題，但佢係用果啲cheap雞白色發泡膠仲要啲邊已經爛哂，啲面黃哂嘢食無特別1. 我食西京燒銀雪魚，完全聞唔到任何香味，然後食果時係勁多骨！我係鐘意食魚嘅人嚟，不嬲唔介意lun魚骨，但我食咁多次西京燒印象中真係唔會有骨，食嘅時要就住就住無得好方便利落咁食個銀鱈魚，食啲時候會搞到散哂，做緊乜？ 仲要本身未食都無鼻塞，但食食吓懷疑比佢燒魚個煙燶味龔到個鼻搞到鼻塞埋。2.個飯唔夠熱又硬，佢硬到直頭會黐住個碗然後一大舊一舊舊咁。總結比2百尾食餐飯，比啲咁嘅資素我？唔寫篇食評真係過唔到自己，極不建議依間嘢
continue reading
是日嚟咗呢間日本餐廳食午餐，點咗佢哋嘅Lunch set, 有壽司拼盤又有烏冬，整體感覺都好出色，味道好好，份量適中，價錢亦都合理。壽司拼盤有唔同種類嘅壽司，例如三文魚、帶子、甜蝦等等，每款壽司都好新鮮，賣相精美，味道鮮美，而且每款都有啲不同嘅風味，令人回味無窮。烏冬煮得恰到好處，有啲Q彈嘅口感，湯汁味道鮮美，加埋啲牛肉，味道好開胃，非常滿足。餐廳嘅環境都好舒適，裝修又靚，而且服務員都好有禮貌，服務好好。總括而言，日本餐廳嘅壽司拼盤、烏冬都好好食，味道豐富，份量適中，價錢亦都合理，環境舒適，值得一試。如果你鍾意日本菜同壽司，一定要嚟試下呢間日本餐廳啦！
continue reading