小糖鈕甜品專門店 (Moved) New Location

夜晚係元朗行下 無意中見到呢間甜品店色彩繽紛 整個餐廳氣氛感覺良好於是吸引到我入黎試下店員好貼心咁招呼 坐底之後俾menu我睇點左小糖紐精選拼盤甜品上枱 成個拼盤砌得好靚顏色鮮艷証明師父係好用心整👍👍👍👍👍老闆好貼心講解由右上角個個甜品開始食起 之後再從左至右食右上角既係富士蘋果撻配雲呢拿雪糕好多蘋果肉同果仁 甜甜地又脆又暖配合雲呢拿雪糕 一暖一凍 很配合很有意思最左邊係紅豆綠茶奶凍食開甜品既人都知綠茶跟紅豆係絕配加上滑lulu既奶凍 正👍左上係迷你心太軟上面係藍莓朱古力略少少濃 入面仍能做到流心效果中間係香蕉慕絲拿破崙帶少少冧酒 好濃郁既香蕉味 慕絲好滑配合拿破崙一齊食 口感豐富而層次分明最右邊好得意 造型成個漢堡包咁入面有朱古力 吉士 雪芭仿真度好高 味道都唔錯最後嗌左杯柑菊蜜梨茶消消滯意想不到的好飲 嗅到好香花香杯底仍有些少既雪梨肉👍很驚喜既一個晚上

大糖鈕特選拼盤（$198）去到心大心細揀唔落手，店員話不如揀返個拼盤啦，有五款menu上既甜品，另外仲有三款神秘甜品🤔，咁神秘？咁梗係即刻叫啦。一上枱，全個拼盤已經好靚，除左八款甜品外，仲有好多店家自製既伴碟，例如鈕形既朱古力，完全係勁match全店主題。 芒果心太軟💛好難得有舖頭唔用叫貨既心太軟，而係肯落心機自己整，心太軟細細個，唔算好流心，不過芒果味夠真。 小糖鈕大蘑菇🍄咖啡奶凍配奶茶泡沫，咖啡味相當濃，好彩有帶甜既奶茶泡，同埋司令好中意上面既大蘑菇，咬落有少少似煙韌既馬卡龍，偏甜，正好配返咖啡奶凍一齊食。 冧酒香蕉拿破倫🍌有別於一般既拿破倫，除左呢款既拿破倫酥皮層較少之外，冧酒同香蕉味又出奇地好夾，而酥皮層數雖少，但同樣鬆脆。另外入面仲有🍵綠茶燉蛋、🍫70%特濃朱古力慕思、🍎富士蘋果金寶、🎃南瓜肉桂芝士酥皮卷、🌹玫瑰荔枝士多慕絲，岩曬三心兩意又或者中意驚喜既大家。

Me and my friend got really tired after doing some shopping in Yuen Long, while we were looking for a place to eat down and rest, we saw this dessert place “Sweet button dessert”. Without thinking, we went inside. The place was cozy, it was a nice place to relax and have a chat.It was quite a cold day so I got the osmanthus honey tea, the tea was sweet and I love the osmanthus taste because it helps to calm me down. My friend got the ice apple ginger ale, after looking at her drink; I regrett

係元朗講食甜品、食糖水，大家腦海通常只會出現某間老字號既名。我同朋友今次打算發掘下元朗其他甜品店 ！ 門面Logo大大粒鈕 同店名「小糖鈕」互相對應  坐底後，我地問老闆有咩推介，因為天氣最近轉涼，所以推薦左我地飲Apple Ginger Ale，我地嗌左一杯熱一杯凍既   Apple Ginger Ale (hot) ($30)其實薑類產品我好少會點，因為怕薑既味道，太刺激。但呢杯Apple Ginger Ale好在蘋果味佔比重不少，令杯野飲帶來不少甜味，易入口好多！而且，飲完之後成個人都暖哂，可以除番件大褸 （PS 貼心既老闆即刻拉多張凳俾我地放野！）Apple Ginger Ale (Iced) ($30)特別要提既係凍果杯既視覺效果。我估計老闆係用蘋果肉包實乾冰，令乾冰沉底，造出呢個視覺效果。令隔離台既人都眼甘甘飲住我地.. 杯野  而食野方面，由於menu上有太多甜品都好想試 貪心既我地點左個大糖鈕特選拼盤 ($198)因為上面有5款menu有既同3款off the menu既甜品 上台一刻，我不自覺地「嘩」左聲！除左因為佢靚得滯之外，我好擔心憑二人之力會否食得

小糖鈕！元朗明明有咁多甜品鋪，點解要選擇你?登登登登，因為佢有個勁大又靚到好似畫咁既甜品拼盤！岩晒想食多種甜品又有選擇困難症既我！.............推介：大糖鈕特選拼盤 👍👍👍👍$198(5分滿分).............大糖鈕特選拼盤 ，包括左五款主打甜品，同三款神秘甜品！咁有神秘感，一於試一試先！同朋友2個人食完晚餐黎，share食就岩岩好啦！不過如果你好似我咁係甜品愛好者，一個人食晒都可以哦！獨食更美味！一上台，心心眼出現！靚到畫咁，睇得出好心機去整嫁！全部都好精緻，老闆仲會介紹下點樣食依八款甜品。先食熱食甜品！.............推介：藍苺心太軟 👍👍👍👍(5分滿分).............一般出面食，都係食朱古力心太軟 同抹茶心太軟。依到係藍苺呀！好有驚喜！好特別的口味！藍苺心太軟味道好好，一切開有流心藍苺！旁邊有藍苺醬同雲呢拿雪糕,，又冷又熱，好好食！大推.............推介：芒果芭菲 👍👍👍👍(5分滿分).............芒果芭菲好清新， 甜甜芒果粒同火龍果粒加上芒果味的芭菲， 芒果味好濃郁！.............袖子慕絲杯(中間粉

以前在屯門讀書，偶然會與三五知己來元朗吃串燒和糖水，簡單又好味的宵夜。畢業之後很久沒有來元朗，難得一場到來，當然要找好吃的。元朗出名多糖水甜品店，多到不知道應該怎樣選擇。這一次我們挑了特別一點的甜品店——小糖鈕。故名思意，就是以糖鈕為主題的甜品店，整間店舖都見到糖鈕的蹤影，當然也會出現在甜品之中！在我們不知怎樣選擇甜品的時候，老闆推介了甜品拼盤，當中包括了五款指定甜品，還有三款隨機甜品，夠心思！二話不說就要了一個。有點口渴的我們，點了兩杯特飲，沒想過會以乾冰上！一看到煙霧瀰漫我們就十分興奮。一杯是蘋果薑味特飲，香甜的蘋果味，配上很濃的薑味，第一次喝這個組合，味道竟出奇地夾，裡面還有蘋果粒可以吃。另一杯是香檸薄荷梳打，酸酸的檸汁配上薄荷，非常清新怡人。 喝了幾口，甜品拼盤就來了，女孩子看到如此精緻的一幅甜品拼圖，可謂嘆為觀止！不斷地拿手機去拍照。 老闆著我們先吃兩款熱食甜品。蘋果金寶: 粒粒香甜的蘋果, 溫熱香軟, 配上脆卜卜的脆脆餅碎, 還有冷冷的雲呢拿雪糕, 冷熱交織著味蕾, 不同的口感, 很正。 這個忘了名字的熱食甜品, 樣子像烏巢, 中間是香甜的南瓜蓉, 外面是香酥而脆, 甜而不

今日同朋友們去咗元朗揾食，食完飯嚟到小糖鈕食甜品。大糖鈕特選拼盤 ($198) 有5款餐牌甜品+ 3 款神秘甜品。黑松露醬配churros 一拎上手就嗅到好香黑松露味！Churros香脆不油膩，配上松露醬一齊食，咸咸甜甜幾得意！一口梨撻 梨清甜多汁，pastry牛油味香，係出色之作。熱情果布丁 呢款甜品好清新醒胃，熱情果味道濃郁，布丁軟滑，上面仲有好香口既芝麻脆片。抹茶燉蛋配紅豆 呢個燉蛋好好食！綠茶味同甜平衡得好好，而且蛋滑奶香，加上同綠茶好夾既紅豆一齊食一流！車厘子芝士蛋糕 texture似newyork cheesecake，外面既車厘子卷味道帶酸，能中和芝士蛋糕既甜膩。芒果芭菲 芒果味道天然香甜，芭菲食落有d似雪糕，上面既爆爆珠都係芒果味，食落幾得意。藍莓流芯 朱古力心太軟就食得多，但係藍莓心太軟真係第一次食！一切開心太軟見到藍莓醬流出黎，味道唔會太甜而且特別又好食！糖鈕漢堡 係所有甜品入面比較失色既一個，味道唔突出，漢堡賣相有d似菠蘿包，但味道有d淡。食完甜野，飲返杯茶岩岩好！呢間小店非常有心思，設計咗呢個甜品拼盤，岩哂我呢啲乜都想試，樣樣都想食小小嘅朋友仔，同幾個朋友一齊s

前陣子跟朋友們到元朗食過大閘蟹，意猶未盡，於是找家甜品店坐下再繼續詳談。來到這間小小的甜品店，估不到這裏的甜品是如此精彩的，每種甜品都很精緻，好不容易才決定了要點什麼。我點了伯爵茶奶凍配意式薄荷西瓜冰及雲呢拿雪糕($88)，而朋友則點了富士蘋果撻配焦點果仁及雲呢拿雪糕($78)。不一會甜品已經送到，賣相十分精緻。伯爵茶奶凍最上層是芝麻造成的脆片，雖然個人不太喜歡芝麻的味道，但脆片的確做得很香濃芝麻味，喜愛吃芝麻的朋友很快便幫我把這個脆片吃清光。杯內是香滑的雲呢拿雪糕，充滿奶味。配上一點混入了薄荷味的西瓜冰感覺十分清新。想不到雲呢拿雪糕和西瓜冰的配搭會是如此深得我心。最底層的意大利奶凍亦做得很香滑。而朋友點的富士蘋果撻同樣出色。蘋果撻原來是以煮過的蘋果粒放置成為撻底。每一粒富士蘋果都混入了肉桂的清香，很是好味。香濃的玉桂加上雲呢拿雪糕亦同樣很搭。 

落街食宵夜，黎左小糖鈕到食下甜品。四個人都揸唔定主意叫咩好，最後揀左有八款甜品嘅併盤。賣相精緻，除了八款甜品外，仲有果汁糖，朱古力做成嘅鈕扣等等做裝飾，成幅畫咁靚。黑菌醬配上法式油炸鬼，新奇有趣，醬帶少少鹹味，好特別。蘋果金寶，香甜蘋果味。一口梨，脆！甜甜酸酸好正。熱情果汁做成嘅甜品，再讓返落去個熱情果到，美味。呢款叫漢堡包，好得意呀～芒果布甸，香芒味。抹茶燉蛋，好滑又重綠茶味，賣相贏哂。酸車厘子芝士蛋糕，芝味濃，車厘子酸酸的去膩感，味道好平衡。198四個人，ok啦。

食完手打漢堡包後，就行去前面隔幾個鋪位既小糖鈕食甜品。.小小的店子內都用左鈕扣圖案作主題，無論牆壁、燈罩，餐牌圖案都用上鈕扣，色彩繽紛的，也讓人印象深刻!.除左主打甜品外，店子都有售賣自家製爆谷、馬卡龍和蛋糕，老闆也很好的講解一些甜品款式推薦給客人。一路都見到店員把甜品送上鄰桌，每次甜品出場時都頗震撼的，擺飾都很有心機，還有充滿效果既煙霧，每款都讓人驚嘆，相信這可以叫甜品藝術吧!?.香檸薄荷梳打$29及蜂蜜桂花茶 $29，呢度既特飲真係好有視覺效果呢! 飲品一端上黎都煙霧迷漫的，真讓小妹呢個相機食先不停狂拍。小妹點的香檸薄荷梳打放入不少片薄荷葉，入口酸酸咪咪清涼又好飲! 蜂蜜桂花茶見到不少桂花在內，入口不過甜而且很滋潤呢!.甜品餐牌，原先小妹係想送叫2-3款甜品，感覺賣相應該會很驚艷，但又想試多款味道，最終還是點了這裡的特選拼盤。.大糖鈕特選拼盤 $198(廚師精選8款甜品，包括餐牌內5款主打甜品，3款神秘甜品).五款主打甜品包括牛奶朱古力慕絲配甘荀茸、伯爵茶奶凍、傳統芝士蛋糕、藍莓布甸配草莓雪糕及冧酒香蕉慕思拿破崙。另外三款神秘甜品包括紅豆綠茶慕思撻、咖啡奶凍配奶茶泡沫、及70%特濃

在家吃過晚飯一家人散散步，口痕想食甜品。元朗人，十個有九個會話你知，B記其實並不是你想象一樣非去不可。介紹這間小糖鈕，B記再向前行就見到。主打高檔次甜品，精美到不上機食先會對自己唔住。一個拼盤有齊8款甜品。這8款甜品，單點亦可以，拼盤可以一次過給你試，選擇困難人士最適合。8款當中，我介紹一下我的最愛和值得翻兜的幾款吧。這個是酸車厘子皮包著芝士蛋糕，酸甜balance得非常出色，其實是有點酸的，但我好喜歡，極之有特色的一枚！芒果芭菲，這麼小都做到這麼精緻。啖啖芒果味，口感介乎雪糕和奶酪之間，好滑溜，芒果爆珠和糖霜條不只賣相，味道一樣絕配。百香果奶凍和百香果脆片，那些核是真的核啦，因為奶凍是由真果肉製成，非常香，帶微微果酸的。蘋果金寶，下面是暖暖的蘋果蓉，加上雲呢拿雪糕和餅碎，口感一流！這個苞芙內有朱古力榛子醬，吉士，和一片益力多雪芭，和漢堡包幾可亂真！味道都不錯！綠茶燉蛋配紅豆，看下去不怎麼樣，一吃下發現綠茶味甚濃，拍得住抹X館。我是綠茶迷，但我讚的綠茶甜品並不多，小糖鈕實在有驚喜！伴碟七彩繽紛的全部都吃得的，有的是拖肥糖，有的是朱古力，有姿勢有實際。價錢方面，元朗區這條街來說我覺得是偏

食甜品都可以有咁靚既擺盤，真係好靚好有心機！估唔到元朗都會有咁有水準既甜品店，門口有粒鈕係度，好易認甜品店細細間，但座位唔少架，可以揀坐入面／入出面入面裝修都係以“鈕”為主，好colourful睇到人都開心埋。今次揀既係大糖鈕特選拼盤($198)，總共有8款甜品，但邊8款甜品日日都唔同架，5款係餐牌入面有既甜品，其餘3款係神秘甜品，真係要上到枱先知會有咩食！未食之前先揀野飲真係估佢唔到會係呢種present方式，乾冰效果超勁，杯野好似滾湯咁卜卜卜，呢杯係蜂蜜桂花茶($29)，味道飲落似桂花糕，天然得黎好香，唔會話太甜，桂花既香配甜品食唔錯。另一杯都有乾冰效果，香檸薄荷梳打($29)，呢杯飲落似Mojito，檸配薄荷好香，清清地既梳打，呢杯好飲！未食甜品之前，老闆好有心機咁逐一介紹唔同既甜品，話畀我地知每款甜品係咩黎，有咩材料係入面等等，最重要係佢會教埋我地點樣食，個次序點樣食先會最好味，因為如果先食左d好濃味既甜品會令之後食淡味d既失色不少，覺得老闆教埋客人點食證明佢真係想客人品嚐得到當中既味道，想客人食到最原味既甜品，睇得出佢好有heart下，老闆加分不少！！先食呢個因為雪糕會好易溶

約了同樣愛吃甜品的朋友仔相聚，選了這間以鈕扣作主題的甜品小店，店內裝潢滿佈色彩繽紛的鈕扣，colourful 之餘也很可愛。還沒想好甜品已先點了飲料，因為今天太熱了，點了無酒精的Mojito 和蜂蜜桂花茶（$29 each)， 因為有乾冰的關係，所以不斷起泡出煙，相當有氣勢也很特別，而且乾冰能令飲品冷凍又不會令其淡味，好有gimmick。Mojito 的青檸梳打喝下覺得很涼快，而且有清新的薄荷葉味，好refresh。蜂蜜桂花相對較甜，能吃到粒粒桂花，很滋潤的感覺，不錯。終於想好我們二人要個甜品拼盤（$198）有8款甜品，因為款款都看似吸引，所以難以選擇。賣相很吸引，立即相機食先。店員簡單介紹各款甜品，還建議我們先由淡味的甜品吃起，很細心。伯爵茶奶凍配西瓜冰，很清甜，奶凍很滑，淡淡的伯爵茶味配西瓜冰，真的很新穎。冧酒香蕉慕思拿破倫，我覺得最好吃的一個甜品，濃濃香蕉味，慕思很滑溜，冧酒味不會太重而覆過香蕉味，配合鬆脆拿破倫，好有層次的口感。迷你心太軟配上有杏仁的雪糕，朱古力味不夠濃，而且迷你版所以難做出流心效果。綠茶慕絲，有紅豆和芒果粒，出奇地芒果是爽口的，幾特別。芝士蛋糕，較重奶味的輕芝

是晚係元朗食完晚飯，心思思諗住食甜品，同區大部份甜品都試過，喺朋友介紹下就黎左呢間都算新開既甜品店，朋友話舖頭水準有番咁上下。舖頭地點其實好方便，就係好多出名既食店附近，空間唔大，牆身同MENU都用左好多七彩繽紛既鈕去做主題，配合番個餐廳名。坐低之後老闆就比左個MENU我地睇，因為岩岩食完晚餐，開頭都諗唔到點D乜野先好，老闆見我地咁頭痕，非常貼心咁同我地了解下想食D咩口味，佢就再做介紹，我就ORDER左個特濃朱古力慕思杯配新鮮橙啫喱，朋友就ORDER左個藍莓心太軟配乳酪雪糕。老闆問我地會唔會試下D飲品，本身我地都驚太飽所以唔諗住ORDER，但見老闆咁熱心我地就問佢有咩飲品可以推介比我地(但其實我地無同老闆講我地岩岩食得好飽)。老闆過左一陣就拎左杯香檸薄荷梳打$29出黎，杯野其實就好似一杯無酒精既MOJITO一樣，但老闆用左粒乾冰去令杯野KEEP住係凍飲，於是杯野就變得好煙霧彌漫，又夠凍同時又唔會令LIME味變淡，加上酸酸地好開胃，呢杯野真係好介紹，好貼心！甜品正式上場-藍莓流芯$98~先講朋友既心太軟，同一般心太軟一樣外表係黑色，但其實係完全無朱古力味的！係用莓做既蛋糕，中間流心既亦都

之前係網上無意中睇到有人介紹呢間野，已經覺得好吸引，上個月終於同朋友黎左試一坐低睇餐牌，個老闆已經非常有禮貌介紹。有兩三種飲品係有乾冰，我地就揀左兩款，唔係好記得咩名，其中一個係唔知咩薄荷梳打 之後我地兩個人仲叫左個$158有5款甜品嘅落完單，老闆就請左兜自家製紫薯爆谷俾我地試。幾特別，唔錯。之後野飲同甜品都到喇。野飲有d乾冰係到好特別，味道都唔錯! 甜品有5款，老闆逐款同我地講係咩黎，仲教我地食邊樣先。個人覺得抹茶果樣同蘋果金寶好好食! 其他都ok。連碟上嘅裝飾都食得，d鈕係朱古力!除左食物質素好之外，服務態度都一流! 老闆好好人好nice，會耐心講解，又會同你傾計。我朋友電話無電，老闆仲好好人借埋充電器俾我地，超貼心! 係度食野係一個好開心嘅體驗! 8點前埋單每樣$80以上嘅野仲有8折