Sweet Craft

Open Now

Now Closed

呢個粉雪冰Book mark咗好耐但係一直都冇去到，前幾日喺黃埔有嘢做就同朋友去咗食！當日係星期日所以都要排隊等位等咗大概接近30分鐘。叫咗最多人叫嘅海鹽焦糖粉雪冰，個人覺得唔係自己鍾意食嘅嘢只係得焦糖好食其他都係覺得一般般，如果要我排隊等位嘅話就唔值得了。

人氣粉雪冰🥕焦糖海鹽$52⭐️⭐️⭐️⭐️☆好似一座山既係芝士奶蓋，側邊有焦糖爆谷同埋插住焦糖脆脆，中間係牛奶粉雪冰，d冰真係好似粉雪甘，入口即溶，芝士奶蓋加再加d焦糖真係冇得頂，最底層就係焦糖布丁。🥕黑蜜胡麻$34⭐️⭐️⭐️⭐️⭐️表面淋左d黑蜜糖，胡麻雪糕口感好濃厚又滑，而且味道都勁濃郁，最底係鹹米脆，同芝麻雪糕一齊有d夾夾不入，所以🐰冇撈住一齊食。======詳情======Sweet Craft紅磡黃埔天地百寶坊(第3期)地下G33號舖👣黃埔站B出口5分鐘================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #紅磡好去處 #紅磡美食 #RR紅磡 #RR甜品 #甜品 #甜品控 #黑蜜胡麻 #焦糖海鹽 #雪糕 #雪糕控 #RR雪糕 #粉雪冰 #芝麻雪糕 #焦糖爆谷 #黃埔 #RR黃埔 #黃埔美食 #SweetCraft

被外表吸引咗嘅一間甜品鋪👀 聽聞呢間雪冰除咗賣相好適合打卡，味道都唔錯！於是就想試試佢😚 但可能希望愈大，失望愈大。整體都覺得麻麻🥲✨焦糖海鹽粉雪冰 ($52)雪冰黎到個陣真係忍唔住打卡💗！成個冰分咗三層～第一層有一舊舊白色好似CREAM咁嘅原來係芝士奶蓋，食落去都咸香，有芝士味🧀仲有焦糖脆脆同爆谷🍿焦糖脆脆食落苦甜，爆谷淋淋地唔太脆🫠 下一層到牛奶雪冰🥛，質感幼細，但食落冇咩味。撈埋啲焦糖醬同脆脆會更好。最底有雞蛋布甸，食落好有雞蛋味🥚覺得係最好味🤣 整體感覺就覺得一般，三層感覺好分開，夾唔到一齊🥹✨青深蘋果氣泡飲 ($28)飲品用青深蘋果果醬調制出黎🍏果醬飲落唔太甜，飲得出青蘋果嘅味道！而表層仲有一粒粒青蘋果，增加口感🤪 成杯撈埋一齊飲都幾清爽！———————————————————————🌼評分：5個🌕為滿分🫧味道：🌕🌖🫧環境：🌕🌕🌖🫧性價：🌕🌕🫧回頭：🌕⏰限時：NA

呢間之前已經食過一次，一直對佢念念不忘，終於有機會可以再嚟過，上次試咗白桃味唔錯，點知今次呢2款更加好食黑麥脆脆$52呢款係新口味，面頭啲cream咸咸甜甜，撈埋啲冰口味啱啱好，啲粒粒好似珍珠咁但又有啲唔同，幾彈牙口感幾好😚個base係伯爵茶，茶味幾香濃，食得出唔係求其牌子嘅茶包嚟，反而個兩舊金黃色西多士係敗筆，主因係啲包炸定，油味較重又有啲乾。不過整體嚟講都好食😋紅豆抹茶$52味道唔使講，我諗大家都知，值得一讚嘅係佢個抹茶係現磨🍵我一路食一路見到佢磨緊，睇得出佢哋嘅食物絕對無馬虎👍🏻所以啲抹茶甘而不澀，紅豆旁邊仲放咗幾嚿抹茶蕨餅，煙煙韌韌，好好食🤤

話說敲碗敲咗好耐，終於畀我等到佢哋出返雪糕😭 呢間之前已經介紹過佢個雪花冰，自己都回訪過n次，但係就未食過豆乳雪糕，今次係特登專程到訪食呢個🍦當日就食咗個豆乳雪糕 ($38)冰感較重，但呢個應該係豆乳雪糕嘅硬傷，好睇個人喜好，食落去未到雪葩咁冰感，但係可以更滑🤏🏻不過豆味未算好突出，冇上次食芝麻味雪糕咁impressive🫢最底有啲脆米令佢多一重口感都唔錯👍🏻老實講個人覺得佢哋雪花冰，同埋以前嘅黑芝麻雪糕都好正😛下次都係食返舊款😂

焦糖海鹽粉雪冰 ($52)每次經過都話要食，終於都食倒😂見焦糖海鹽係人氣no.1 當然就試下佢😜面頭有焦糖爆谷、焦糖脆脆，配上芝士奶蓋咁嘅cream ，杯邊就加有焦糖醬，加上粉冰同最底嘅布丁食落口感多層次而且入口都好夾，粉冰食落十分輕盈綿密，食落仲唔會覺得好甜，好有驚喜🤩唯一係爆谷似乎有少少疏左氣，脆啲就好了賣相岩哂打卡，而且都算係大杯，2個人食岩岩好，行過可以一試呀😆有帶住狗狗嘅仲可以坐出面添

紅磡最強雪冰🍧Sweet Craft@sweetcrafthkg 任何時段（我係飯後去想食甜食😋）🍽人均$50🕰星期日下午人流唔算多，就咁walk in都唔洗等有位坐🙌🏻今次只係點咗2個甜品，menu上仲有好多想試，唯有等下次😋❤️🍧no.1 招牌焦糖海鹽粉雪冰 $52好有驚喜嘅雪冰，甜品嚟講佢真心好有心意，亦好多唔同材料！面上除咗雪冰仲有焦糖脆脆，加上焦糖爆谷👍🏻跟住係乳酪雪糕加沙冰，最底層係布甸🍮！實在太好味❤️🍹白桃花蜜 $28性價比總體而言好高。其他地方飲台式飲品價錢仲貴，但依杯更好飲！有桃味但唔會太甜，值得一試👍🏻Bible rating:9/10📍地址：Sweet Craft (紅磡)紅磡黃埔天地百寶坊(第3期)地下G33號舖

今次叫咗兩款口味焦糖海鹽$52見到都覺得好正，有好多層不同口感😋表面白色的是cream,左邊一粒粒是焦糖寒天，右邊是焦糖多士。一路食落去是好濃奶味的牛奶冰，最底是焦糖布丁。下午茶一個人食晒成杯，好滿足☺️果蜜白桃$54這款是桃為主題，表面放咗乾和新鮮兩種有很大差別口感的🍑🍑好特別👍🏻還有cream 和牛奶冰，最底是桃味布丁。這間甜品的賣相好吸引😍每次經過見到都好想行入去食，但認真唔平，所以都係間中食下唔同口味😁下次要試雪糕🍦

—再次驚嘆黃埔係個自成一角嘅地區10 mins walking distance已經搵到晒所需嘅嘢好多餐廳都吸引 奈何唔係成日嚟呢邊🍨濃厚豆乳軟雪糕// 𝒯𝑜𝒻𝓊 𝒮𝑜𝒻𝓉 𝒞𝓇𝑒𝒶𝓂($34)𢳂落去幾挺身實淨 甜甜嘅豆香味可能飲慣咗無調整豆乳 對我嚟講有點兒甜配上鹹鹹地嘅脆米通———————————————————————Sweet Craft 紅磡黃埔天地百寶坊(第3期)地下G33號舖

Sweet Craft (紅磡)📍紅磡黃埔天地百寶坊(第3期)地下G33號舖黃埔外圍開咗好多間文青Cafe，特色西餐廳，同埋鍾意打卡女士必去嘅甜品店！今次試吓呢間出名食雪花杯嘅甜品店睇吓點解會咁多人排隊！我哋叫咗杯焦糖海鹽雪花冰，面頭鋪滿焦糖爆谷，仲有一嚿嚿忌廉，下面先至係軟綿綿嘅雪花冰😍其實份量比較少，基本上一定要一人一杯先夠喉！雪花冰奶味重，而且超級軟綿綿！但係食嘅時候要同時間競賽，因為雪花冰真係溶得太快！基本上都冇乜時間影相，同埋唔可以慢慢嘆….佢個味道係幾好嘅，賣相亦都一流，不過定價有點兒進取😎

我知 好多人推薦佢地既雪花冰 有好多味道好吸引所以今次我就要試吓佢嘅其他嘢啦黑糖黑芝麻軟雪糕係新品 一食落去發現 係黑芝麻湯圓入面個餡嘅味道啊！ 雪糕好軟滑 食落會見到有啲‘黑芝麻餡’喺雪糕入面 軟雪糕嚟講 黑芝麻味道都幾濃 雪糕表面淋咗黑糖漿 不過對於整體味道冇乜大分別 而個雪糕底鋪咗一層好趣嘅米通 米通係有少少鹹鹹地嘅 加埋雪糕一齊食 一甜一鹹 一軟一脆 令到口感更加豐富 又幾好食喎 一杯$30倒 2 個人share 岩岩好 性價比ok

果蜜白桃粉雪冰 $54配料有芝士奶蓋、桃肉、桃乾、桃味布甸。芝士奶蓋味道鹹鹹地，份量有啲多，一開始只係食到奶蓋，食唔到冰😅 粉雪冰唔夠綿密，放入口唔會即刻融化，而且冇桃味。桃肉同桃乾正正常常，布甸就有少少桃味，不過個質感好似唔係好夾個粉雪冰！？🥲〰️〰️〰️〰️〰我唔知係我揀錯味定點？我覺得啲配料同個冰唔係好夾，每一款都好似獨立個體咁🥲 冰品嚟講，呢間餐廳同銅鑼灣出名嗰2間冰店係完全冇得比，唔係同一個層次🤣 想食冰嘅朋友仔，我建議可以直接跳過呢間🤭我去到嘅時候就唔洗等位，都係自助形式，所以服務冇乜特別。臨走見到店員都好快手咁執嘢抹枱，安排排緊隊嘅客人入座，都有效率嘅~〰️〰️〰️〰️〰️食物: 3/5消費: 2/5 環境: 3.5/5服務: 3.5/5Revisit: No

試咗佢嘅招牌 #焦糖海鹽雪花冰 $52牛奶冰幾有奶香🐄，Cheese cream好細滑，帶點咸香～ 焦糖太大舊，如果佢係細細粒咁配埋牛奶冰食就正！爆谷🍿相對之下唔夠味，同埋會林。中間啲焦糖醬唔夠，食到有啲dry，底仲有一層類似奶凍嘅嘢都幾好食😌整體嚟講冇太大驚喜，不過都唔錯，一試無妨～

之前呢一直都有聽朋友介紹過，大家都淨係話好好食好好食，今次經過見到有有啲攰，想搵個地方坐下食下野，所以諗都唔諗就入咗去。同朋友揀咗兩個冰冰食 紅豆抹茶 $52 黑麥脆脆 $52朋友話紅豆抹茶，都係正常發揮，紅豆蓉略嫌有少少太甜，但係茶味濃郁，底層布甸好滑我自己就食黑麥脆脆原來其實即係珍珠奶茶味😂 識落個冰嘅口感好神奇，真係入口即溶，食到好龍滑嘅奶香，但係食完之後口感唔會覺得啲奶味停留黐住個口，相反竟然有少少覺得小清新嘅感覺，唔知係因為溫度問題定係乜嘢原因，我覺得好神奇🤣黑麥脆脆上面有一嚿麵包質地嘅嘢，好似啲一口西多士咁樣，好咁連埋沙冰一齊食，其實都幾match ,我覺得值得再返轉頭試，希望下一次是朱古力味

呢間甜品店成日見人介紹，見到佢個樣咁打卡已經bookmark 咗好耐🤣 一直都想試今次過開紅磡終於係機會喇！但因為好多人排隊🥲 所以我都係叫外賣算了果蜜白桃粉雪冰 $54粉雪冰既頂層一共鋪滿三種材料，包括：蜜桃果乾脆片、新鮮白桃肉同埋cream尖尖既cream 係芝士忌廉，似平時飲廢水既奶蓋芝士味，而且較挺身。中間就係粉雪冰，而底層有白桃味布丁，呢種配搭又幾驚喜喎😮 總結：50 幾蚊嚟講 有果乾脆片同白桃肉，真係對得住個價錢，所以整體真係都唔錯，唔怪得咁多人食，可以再戰啊🤣