Sweet Craft

Open Now

Now Closed

呢間之前已經食過一次，一直對佢念念不忘，終於有機會可以再嚟過，上次試咗白桃味唔錯，點知今次呢2款更加好食黑麥脆脆$52呢款係新口味，面頭啲cream咸咸甜甜，撈埋啲冰口味啱啱好，啲粒粒好似珍珠咁但又有啲唔同，幾彈牙口感幾好😚個base係伯爵茶，茶味幾香濃，食得出唔係求其牌子嘅茶包嚟，反而個兩舊金黃色西多士係敗筆，主因係啲包炸定，油味較重又有啲乾。不過整體嚟講都好食😋紅豆抹茶$52味道唔使講，我諗大家都知，值得一讚嘅係佢個抹茶係現磨🍵我一路食一路見到佢磨緊，睇得出佢哋嘅食物絕對無馬虎👍🏻所以啲抹茶甘而不澀，紅豆旁邊仲放咗幾嚿抹茶蕨餅，煙煙韌韌，好好食🤤