想甜嚐甜

Open Now

Now Closed

食物選擇多元化: 心太軟、窩夫🧇、雪糕🍦、中式糖水同芋圓等🧚🏻‍♀️設有最低消費: 每人最少光顧一杯飲品或食品🥤🔸開心果心太軟配乳酪雪糕 $65 8/10心太軟味道選擇多又特別: 阿華田/ 開心果/ 紫薯/ 奶醬多 etc.‼️心太軟即叫即整‼️外層香脆鬆軟🤩🔪一切開, 啲開心果醬好似熔岩咁慢慢流出嚟🌋勁流心😍🥳配埋碟上嘅開心果粒同餅乾脆脆一齊食 可以增加口感😚一定要加埋原味乳酪雪糕🍦酸酸地 中和心太軟嘅甜膩🌟推薦食法: 窩夫筒＋開心果心太軟＋乳酪雪糕 (自砌一個甜筒🤣) (唔記得咗係喺邊個youtube channel 見到呢個食法🤧)✨但推薦大家一試🤪🔸雪糕芭菲杯(白桃) $56 6.5/10原味乳酪雪糕🍦+ 白桃果肉🍑＋椰果粒▫️＋穀物片＋迷你甜筒乳酪雪糕不錯, 唔會太甜～配搭✨清甜的白桃, 脆卜卜穀物片有咬口的椰果粒多重口感😆~~~~~~~~~~~~~~~~~~~~~~~~~~~~~~🤤食物：🤤🤤🤤🤤🪞環境：🪞🪞🪞🕴🏻服務：🕴🏻🕴🏻🕴🏻🕴🏻🔙回頭草: ☘️☘️☘️☘️抵食👻：👻👻👻👻10% service charge: ✔️

5個人叫咗5個甜品食物水準OK紫薯鍋夫夠脆夠多薯唔太甜個芒芋冇乜芒果味個心太軟夠流心夠橙味&朱古力苦味，甜度可以earl grey焦糖燉蛋幾特別不過甜咗啲啲不過唔該換咗個阿姐佢佢真係唔啱做服務業入去前通知咗冇女廁去，要去嘅話出面去OK。坐坐吓想去廁所，問佢邊度有佢話“我咪同你講咗呢度冇囉”心諗：大佬我冇話你冇講，我問你邊度有啫我：“你唔係話出面有咩？”佢：“一係去公廁一係去XXX”我問點去“我唔知㗎”一句冇尾音嘅，連“唔好意思，唔係好清楚”都唔識講唔知阿姐平日去邊個廁所㗎呢？🤔去完廁所坐低食嘢大家share 撈亂食，想要5隻餐具問阿姐攞，一句“冇呀，我哋冇咁多士啤餐具”，走開咗er...咁我哋係咪要用手食住先？🤔宜家要請個有手有腳有少少說話技巧+CS嘅人係咪咁難呢？🧐

星期五晚8點半嚟到，好好彩唔洗等位☺️晚餐食到好飽但心思思想食佢哋嘅乳酪雪糕，叫咗杯 星球玫瑰（$48），材料包括玫瑰、荔枝、鮮乳、乳酪雪糕🍦杯野飲好靚好適合打卡，玫瑰同荔枝味好夾而且兩隻味都好出。至於乳酪雪糕果然無令我失望，好滑而且唔會太酸👍🏻

呢間甜品舖嘅心太軟真係好出色！👍🏻佢另外喺西環都有另外一間分店！其實我都已經幫襯過兩次！市面上心太軟太多都係朱古力為主，但係呢度就加入咗新口味，例如有開心果、奶醬多、阿華田、仲有期間限定芫荽味！💚開心果心太軟配乳酪雪糕呢個口味係成間舖頭嘅招牌甜品！當然要試吓啦！一切開個心太軟入面嘅岩漿即刻湧出嚟！再夾埋碟上嘅餅乾碎同開心果粒一齊食！口感非常豐富！味道都唔算好甜！而旁邊嘅乳酪雪糕剛好中和返開心果嘅甜膩感覺！個人覺得唔錯！如果心太軟外層可以脆少少仲好！💛奶醬多心太軟配乳酪雪糕口感一樣好豐富，甜度比開心果甜！中間流心有大量嘅花生醬湧出！連埋旁邊嘅花生碎一齊食，真係好正😋花生醬控必食🫶🏻💙至於其他甜品就覺得一般，上次食芒果西米露直頭覺得唔好食，絕對唔夠心太軟出色！所以大家去依間舖頭一定要食心太軟👍🏻

好差呀個荔枝果園同埋apple crumble細份到不得了 好細兜 唔好食 唔抵食！等咗成粒鐘 服務態度又差，唔係咁做生意架話唔會再幫襯 no next time !!!!!!!!!

難得到大角咀附近食飯梗係黎試下個心太軟配乳酪雪糕好衰唔衰 原本由好期待嘅心情變到好失望原因係有位女店員非常冇禮貌入座時已非常大聲吆喝 食物未到前請不要除口罩我哋已經非常唔好意思 同行朋友即刻帶返口罩轉頭就聽到大姐怒火匆匆地質問男店員你見唔到個客冇戴口罩㗎咩由於朋友坐最側 無留心除低咗個口罩 大姐又即刻黎𠺫 見佢好火咁講左句 食物未到前請不要除口罩 我哋有權可以請你離開 嚇到我以為入咗訓練營 大概等咗十分鐘後食物到台質素個樣都靚靚仔仔擰轉個頭又見到大姐同客有拗撬精彩 幾好食都好 無下次 大姐睇場祝生意興隆

同朋友一心諗住食甜品，睇openrice 睇到甜品既相都幾靚，就諗住試下。店內有3、4枱都無人，我哋就問佢可唔可以執好張較大啲既二人枱，個女店員就話「唔得，我今晚得兩個人」，然後無尾音地叫我哋兩位坐張細枱。咁我哋都無堅持，見你哋得兩個人，體諒一下（雖然人手安排唔係食客要理既嘢）。咁我哋就坐低睇下食乜，正諗住除低口罩之際，個女店員就以九秒九跑嘅速度衝過黎叫我戴返口罩，我比佢嚇到呆咗。有心有力有時間係咁睇住邊個早咗除口罩，但都唔執枱做好基本嘢。對住啲對答無禮貌又「無服務可言」既店員，為免食到一肚氣，我哋都係起身走人。

食完晚飯時間尚早！想食甜品嘅胃走了出來😛專程搭過去想甜嚐甜😆同呢位朋友都鍾意呢間甜品店～特別鍾意佢地嘅乳酪雪糕！！泡芙榴槤香蕉木船配荔枝乳酪雪糕$68未上枱個陣味就飄過黎😒呢個香蕉船最驚喜嘅係兩粒泡芙！入面係雪糕黎！好味！！由於榴槤味太搶，荔枝乳酪雪糕嘅味道似乎被蓋過左～開心果心太軟配荔枝乳酪雪糕$64我想食嘅紫薯心太軟沒有，咁就揀返穩陣嘅開心果，比起上一次食爭左啲，冇乜開心果味！荔枝乳酪雪糕配呢個食就食到好正嘅荔枝味啦👍🏼

想甜嚐甜 - 大角咀》前日同朋友們喺旺角食左間一般般既火鍋店🥸諗住食番個美妙甜品調節一下空虛的心情，OR search 左一下附近有咩好食既糖水鋪🤔見到呢間甜品店好多人介紹，仲有我近期著左魔瘋狂去搵既開心果甜品😎於是一行三人走過大角咀😂當時九點七左右，去到見好多人排隊，咪跟住一齊排囉🥹點知一等就係九個字啦😭但要等咁耐既原因唔係因為人多咼，而係佢廚房同樓面冧檔🥹當日去到餐廳唔算坐滿，應該話有枱但佢地執唔切，差不多20分鐘有兩張枱空左都無人執無放人入去，入面既食客有四成客人枱面係未有野食🤔不過我諗佢地真係好辛苦，成個場得三人員工做野，樓面妹妹應該新黎好無助，而廚房既同事又忙到無停手，最後我地入座後大約15分鐘左右有第一個甜甜💁🏻‍♀️開心果心太軟（$65）😅不過我果個心太軟真係唔太軟，無Lava效果🥲當係brownie 食其實都ok 既，配埋乳酪雪糕幾解滯，之後約10分鐘左右黎左個黑朱古力心太軟（$49）😣朋友果個有Lava仲要係流過不停😭朋友話相對來話較甜，但係好食既，而再等5分鐘左右，最後一個阿華田心太軟終於都到（$59）但由於我哋等待嘅時間太長，朋友嗱嗱聲食完都冇乜comment😂但係

以前喺堅尼地城食過幾次，食物同服務態度都非常好👍🏼😋前排同朋友入大角咀食完晚餐，醒起大角咀有分店，即刻走左過嚟食，一坐低唔洗諗，一定係嗌開心果心太軟😋，嗰日都唔算太多人，落單時店員(應該係店長/經理？)語氣態度勁差，完全不尊重😡，落完單後就坐左係收銀，黑口黑面，見佢間唔中會望下我哋，本身以為我做錯左啲咩要針對我哋，但見佢對枱枱客都係咁，我建議老細要再培訓下呢個店員，咁樣真係好趕客囉。下次冇咩事，我都係去堅尼地城分店食算😓，點解兩間分店服務態度可以差咁遠😵‍💫

【大角嘴良心甜品店🍭想甜嚐甜】-食完飯梗係要食返個飯後甜品🤪於是就同朋友嚟到🤍想甜嚐甜🤍食糖水-甜品店夜晚人氣高企😗幾乎滿座😝餐廳採用落地玻璃👍🏻增加空間感牆上仲有唔少創意插畫😁個性十足食物選擇多元化😋有心太軟、窩夫🧇、雪糕🍦、香蕉船🍌、中式糖水同芋圓等應有盡有🤩仲要每款都好吸引😗真係唔知嗌咩好🥹💝溫馨提示💝店舖設有最低消費😗每人最少光顧一杯飲品或食品🥤-😋開心果心太軟配乳酪雪糕 $65佢有好多款心太軟🤩我地最後就決定試佢嘅招牌開心果味🥳甜品造型特別😝綠色嘅心太軟非常搶眼仲有個倒轉嘅雪糕🍦心太軟淋咗層白朱古力🤍一切開啲開心果醬好似熔岩咁慢慢流出嚟🌋非常治愈😍食到開心果嘅香醇🥹仲可以加埋碟上面嘅開心果粒同餅乾脆脆一齊食🥰口感十足😍再配埋乳酪雪糕🍦酸酸地可以中和心太軟嘅甜膩美中不足嘅係心太軟外皮唔夠脆😗同埋個人覺得白朱古力偏甜😝但整體都相當唔錯👍🏻好味指數：🌕🌕🌕🌕🌘-😋芒芋🥭$46+10(熱情果)呢個糖水相當豐富🥳我地仲加咗熱情果😚芋圓｜ 地瓜圓｜ 紫薯圓｜丸子｜奶凍｜水晶珠｜芒果🥭｜芒果糖水啲芋圓食落煙煙韌韌😍透明嘅水晶珠食落脆脆的🤩增加口感奶凍香滑😝芒果都夠甜🥭而畫龍點睛嘅就係個熱情

想甜嚐甜🧇🍦💛……….呢間係良心黃店甜品店，好耐以前去食過黃大仙店，依家就得返兩間分店，分別係大角咀同西環。營業時間由下午2/3點至12點，食完晚餐行下再食甜品都可以。呢度無加一服務費，但每人需要購買一份甜品或飲品！呢間都有其他甜品選擇，最推薦就係心太軟， 必試！🤤……….🟢開心果心太軟配乳酪雪糕 $65🌟•推薦！呢度有好多不同特色嘅熔岩心太軟口味道可選擇，有阿華田，開心果，紫薯，積及橙心，經典朱古力，宇治抹茶，奶醬多，就連芫荽心太軟都有。我只係食過阿華田同開心果味呢兩款味嘅心太軟，兩款都好好味。心太軟即叫即整，上枱嗰時仲係熱辣辣。焗到外層香脆得黎口感夠鬆軟，一用匙羹整開嗰心太軟，就有源源不絕嘅開心果漿流出來，絕對夠哂流心！開心果味真係好香又夠濃郁，每一啖都有香而不膩又重nuts嘅味道，甜度啱啱好。擺盤仲有開心果碎，一齊連埋心太軟食，嗰口感同味道都有提升！仲有嗰原味乳酪雪糕，味道酸酸地，口感似雪皅，食哂成個都唔會好heavy😋……….💰人均 $65/per person (1人)

有光環，食物好，唔代表可以咁態度。先講食物，開心果和橙的心太軟的確唔錯，味夠濃，賣相得。原本影咗想打算分享，但因為受到不禮貌對待而怒刪。其實佢講明係限時，我相信唔會有呢件不愉快事件發生。事源：當晚排隊，入座前員工要求先點食物，這個有部分地方有此做法，本人覺得可以配合，又指明入坐後不能加單，這個雖較少見，但諗住食完傾一陣就走，也沒問題。入坐後，等了大約5-10分鐘，甜品上枱，享用咗大概20-30分鐘左右，杯嘢飲到一半，忽然個女睇場就插張單埋嚟，同我哋講出面有人要你張枱，請埋單。果下我哋真係O晒咀，我重以為阻咗佢成個幾鐘，跟住睇下入場記錄，再望下錶，喂！阿姐，好似35-40分鐘左右咋喎，個心太軟都係食完無耐咋喎。跟住眾人無奈快速飲埋杯嘢離開，朋友也自己走去埋單。如果個朋友唔係咁快手，我就走去問下係咪唔歡迎我哋。我明白人多，我都明白唔速食速走阻住間舖做生意，在間舖立場我哋係奧客，在舖立場係無問題架！但在客人立場，你咁態度對客係相當有問題。第一，我哋都跟規矩排隊，唔係插隊。第二，從來無人講過限時，要速食，咁其實食個飯坐半小時或一小時有幾出奇？要急我不如外賣？你咁急要人入坐前落單，係咪事實想客速

-一直知道好出名，想試好耐，終於有機會去試😍😍😍星期六8點半左右到，唔洗等位yeah🥳-😋 黑草 ($42)👉🏻 入面有芋圓、地瓜圓、紫薯圓、丸子、珍珠、西米、黑糖條、仙草、台灣黑糖，佢可以揀配花奶或者忌廉，我地揀左花奶👉🏻 開頭驚會勁飽，好彩佢啲煙煙韌韌嘅野 (eg 芋圓)同仙草嘅比例都平均，唔會過多，配合花奶，食落唔會太膩，反而有食涼粉嘅清爽感覺👍🏻👍🏻👍🏻-😋 星球玫瑰 ($44)👉🏻 粉紅色就係女仔必備嘅顏色，一上枱已經被影個不停🥰🥰👉🏻 入面有玫瑰、荔枝、鮮乳同乳酪雪糕，係非常適合夏天嘅味道，玫瑰同荔枝好balanced，加埋個乳酪雪糕，好透心涼，好消暑！-🙋🏻‍♀️ 其他說說👉🏻 留意返呢到有限每人最低消費一個甜品，不過甜品唔算誇張地大份，一個人食都食得落🥰

book mark左勁耐既餐廳😋終於有機會去食下。呢間係大角咀同堅尼地城都有分店，今次去左大角咀個間。地方唔係好大不過樓底高身無咁有壓迫感，而且服務質素都唔錯。開心果心太軟好濃既開心果味🤤一切落去啲朱古力即刻流晒出黎超邪惡！配埋酸酸地乳酪雪糕就岩岩好😋除左啲流心朱古力，擺盤上都有啲開心果碎同醬，岩晒開心果既fans🤣