想甜嚐甜

Open Now

Now Closed

同朋友喺大角咀食完飯想再黎多個甜品，上openrice搵就搵到呢間想甜嚐甜😋佢好似咩類型既甜品都有啲，朋友就嗌左個芒芋而我就嗌左個黑糯米芒底🥭🥭佢既芒果係有少少溶溶爛爛咁，食落口都感覺到唔係好新鮮，有種發酵既氣泡感😵‍💫😵‍💫其他野都正正常常😶😶但特別想提出既係佢既份量真係好細🤏🏼我估唔到我俾左$44食個甜品可以咁細兜🥲🥲另外我地仲加左$10加個乳酪雪糕🍦佢既乳酪雪糕同坊間既味道係有啲唔同，佢呢隻係再酸多少少乳酪味再重少少😯因為我冇太鍾意乳酪所以第一啖食時有少少衝擊🫣但食多幾啖又真係幾好食👍🏼👍🏼👍🏼不過都係嗰句，份量真係有啲少🫣🫣🫣🤏🏼朋友就唔多鍾意個芒芋，佢話啲芋圓好似未煮熟咁，咁我都試左幾粒，中間的確有麵團未煮熟既感覺，同埋味道方面都唔多出色，芒果同我果兜一樣都係怪怪地😵‍💫😵‍💫😵‍💫其他野都尚算正常但未到好🥹🥹我諗下次黎大角咀應該都唔會黎食佢😶😶

🧀挪威國民美食 | 𝘛𝘐𝘕𝘌 𝘉𝘳𝘶𝘯𝘰𝘴𝘵焦糖芝士😍挪威的雪山甜品 挪威家傳戶曉嘅品牌TINE® Brunost™終於嚟到香港啦!!最近係韓國超級hit嘅焦糖芝士，依加係香港都品嚐到佢嘅甜品😋 挪威焦糖芝士同一般芝士造法好大分別😳用乳清、cream同原乳加熱到糖份焦糖化，顏色係焦糖橙啡色🧡🤎食落有焦糖香甜味，比一般芝士更濃郁奶香味🥛入口微微融化後會變杰身，鹹香味道停留係口，市面上未食過一種芝士做到呢個口感!!🤤✧ 挪威的雪山 Norwegian Alaska $90呢款甜品好大堆頭🏔️落咗超多焦糖芝士，係火槍燒過嘅蛋白霜裡面有泡芙同frozen yogurt，撈埋焦糖醬同爆谷🍿一齊食，唔會太甜太漏，又有焦糖芝士鹹香味，兩個人share啱啱好，一人自肥亦得!🧀TINE® Brunost™ @tine_brunost_asia📍想甜嚐甜 Sweet Dreamer Dessert大角咀嘉善街18號利奧坊二期地下G703號舖@sweetddhk

想甜嘗甜應該算係大角咀嘅人氣甜品鋪(?)，喺一個老化嘅小區，呢間西式甜品鋪幾特別。叫咗兩個甜品，一個係開心果心太軟配乳酪雪糕($65)，另外一個係伯爵茶巴斯克芝士蛋糕($60)。芝士蛋糕芝士味濃厚，伯爵茶嘅味中和咗，無咁膩，蛋糕texture厚實。乳酪雪糕酸酸地配上芝士蛋糕啱曬，可以解膩。開心果心太軟好正好特別，因為開心果味好少見。開心果味好濃好出，一啲都唔假，又唔會太甜，流心效果唔錯。兩款甜品都好唔錯都推薦，可以一試，如果價錢稍為降低更好🤪。

呢間算係大角嘴附近 不錯嘅甜品店😋佢自家乳酪雪糕同好多餐廳做過Crossover之前就出過雪糕拉麵 創意爆棚布朗尼可可香蕉木船 $56上枱賣相勁吸引 兩大球雪糕配上烤焦糖香蕉仲有粒粒brownie仔 見到都覺得好興奮原味乳酪 酸酸甜甜 好快樂好滿足另外呢個芒芋 $45份量比較少 味道一般般啦～建議食芋圓都係返返去鮮芋仙！想甜嚐甜 Sweet Dreamer Dessert地址：大角咀嘉善街18號利奧坊二期地下G703號舖

想甜嘗甜應該算係大角咀嘅人氣甜品鋪(?)，喺一個老化嘅小區，呢間西式甜品鋪幾特別。叫咗兩個甜品，一個係開心果心太軟配乳酪雪糕($65)，另外一個係伯爵茶巴斯克芝士蛋糕($60)。芝士蛋糕芝士味濃厚，伯爵茶嘅味中和咗，無咁膩，蛋糕texture厚實。乳酪雪糕酸酸地配上芝士蛋糕啱曬，可以解膩。開心果心太軟好正好特別，因為開心果味好少見。開心果味好濃好出，一啲都唔假，又唔會太甜，流心效果唔錯。兩款甜品都好唔錯都推薦，可以一試，如果價錢稍為降低更好🤪。

甜品味道其實好普通，冇咩特別，係賣相幾好，啱打卡。但係！職員服務態度好差！好串！想睇下餐牌有咩食都叫我地出去睇，唔好阻住個門口出入。入座俾左張我懷疑係全場最細張檯我地坐，窄到冇朋友，完全唔合理。職員話最低消費係每人一份甜品，但係周圍都唔見有白紙黑字寫出黎今次食左芝麻糊同紫薯乳酪雪糕（好似係）。芝麻糊好稀⋯唔好食⋯ 紫薯乳酪雪糕好酸。唔難食，但都唔係好食總結就係：食物又唔係話好好食，仲要坐得咁唔舒服，好似俾錢貼難受咁絕對冇下次！

本身個地址已經好難搵，入到去嗰位粉紅色衫呀姐得我哋一台客都好似唔優做咁，一除低口罩已經鬧人！成班侍應連埋個阿姐一齊傾偈仲嘈過我哋一台客，係咁講去旅行，咁鍾意防疫咪淨係做外賣囉，同埋唔使鬧人嘅，講嘢又冇尾音，就算係同路人都唔會盲撐，正如其他食評話齋，服務態度非常之差，唔會再特登去食，又唔係特別平，仲要受你氣。見佢對後來入嚟嘅客人，態度都係咁差，祝佢早日關門大吉！成班一齊去旅行，慢慢傾傾飽佢。

服務態度超差，之前冇講明叫一份甜品，我哋六個人去，其中有一位朋友肚痛去咗廁所，返嚟嘅時候都冇食到甜品，買單的時候店員話你哋要每人我一個甜品，枱面有寫，我話我哋冇睇到，店員亦都冇提我地，朋友肚痾根本都食唔到，你態度10分差，話叫我哋叫一個外賣，我哋話根本都食唔到。但係喺期間佢又冇提我地個朋友去落單⋯⋯服務態度超級差佢叫他店員來對質，店員話有枱我哋，我哋喎我哋冇人聽到、我哋話咁如果我哋有朋友暈低咗你唔通都叫我哋叫多一個甜品…

同朋友黎快一步～慢多步都要排曬大隊啦🤣香蕉船好足料🫶🏻兩邊既乳酪雪糕系實心滿曬無留空的 是日系原味乳酪～凍到d敏感牙齒都震曬🤣🤣華田心太軟既華田味好足 同一切開d料就流曬出黎仲好熱辣辣🔥🔥價錢平民又水平好高 食完一次都會想下次再去❤️同臨走時買左2L焦糖爆谷😎🤘🏻大滿足啦要注意只接受現金付款🤣見到乳酪雪糕可以外賣走 但怕會融曬所以最後都系放棄左 有興趣可以買滿$600有得外賣到自家地址～

之前試過幾次，我哋覺得味道唔錯，所以都翻check，但今次體驗唔好首先間舖坐左一半到，bar台位無人但未執台，問其中一位女店員可唔可以坐時，佢以未執台加未消毒而拒絕，但我哋見有下一台客入黎就即刻執到台同消毒，呢個位係奇怪。另外問有無水飲嘅時候，雖然唔係老馮一定要有，但索價$10一支就真係好誇張⋯野飲真係唔差，希望體驗上會做得好D，唔想因為堂食體驗而搞到最後都唔想再翻check，咁就有d得不償失了。

食完lunch完仲未夠飽 就去咗大角嘴呢間一直都好出名既甜品店！堅尼地城分店我都去過 但呢間空間感大好多 坐得舒服啲 都光猛好多 同堅尼地城店感覺完全唔同呢～第一次食佢地既tea set menu 價錢好抵 大部分都係below $60 而選擇都唔少 我地揀咗waffle ($3x) 同烤棉花糖多士鍋($5x) waffle既syrup有好多款可以揀 我地揀咗honey 佢同waffle同froyo都好夾！佢地用既honey似係d人用黎沖蜜糖水嗰隻蜜糖 所以有淡淡既花蜜香 唔會淨係得甜味 配埋froyo酸酸甜甜既味道 令成個dessert冇咁heavy! 佢地既froyo唔會太杰唔會太稀 岩岩好～ 而waffle既口感都好好 唔會一切就散 有少少外脆內軟既感覺 係好食既waffle!而多士鍋就要用多少少時間先上到菜 但黎到既時候係熱辣辣架 多士粒數量唔多 不過做tea黎講都足夠既～ 不過棉花糖淨係痴到最頂既4粒多士粒 下面既就無棉花糖既～ 但佢地本身都有少少caramel syrup 所以唔會無味 加上都有一個froyo 兩樣加埋都好夠味好滿足！不過如果計性價比我覺得佢地個waffle

星期六嘅下午四五點去都唔洗排隊，個環境坐得太舒服。1.椰芋呢碗好足料嘅糖水，有芋圓、地瓜圓、紫薯圓、丸子、西米、紅豆、海底椰、椰汁，係所有材料都有，特別係芋圓同地瓜圓都好味，芋圓係食到有芋頭粒係入面，椰汁都好香好濃，每啖糖水都有唔同口感嘅材料，食得好開心！2.阿華田心太軟配乳酪雪糕呢個都係一個驚喜，第一次食到華田味嘅心太軟，成個心太軟嘅外面都係華田粉，食落口每一啖都係華田味，一切開啲朱古力華田醬就流出黎，一定要襯熱食，而乳酪雪糕就正常味道，可以連埋雪糕筒食！

開心星期五相約好友去到大角咀食串燒，見時間尚早有少許意猶未盡，食埋甜品渡過完滿一夜。Jacob橙心太軟配乳酪雪糕 $60 曾經食過一間名牌橙皮朱古力，天然橙香配上苦甜朱古力，香氣甜度恰到好處，自此以後對於橙味朱古力尤其喜愛。見小店提供多款心太軟口味選擇，選來心儀的滿心歡喜地期待着，一切，咦？ ！說好的流心呢？冇嘅。不過撇除太熟有少少失望之外，蛋糕朱古力味香濃，配埋微酸嘅乳酪雪糕甚是匹配。好友嘅開心果味倒有驚喜，切開如泉湧之餘果仁香自然，好好食，下次會encore。玄米小丸子紅豆鮮奶 $45另一半怕太飽滯，選來簡單一點嘅糖水。配料有紅豆、小丸子、咖啡果凍、椰果、玄米脆脆等等，恰如其分但沒大驚喜。整體食物水準以上，惟其中一個店員比較嚴肅，令人有壓力，如果可以寛容少少更好哈哈。

｡✩*:ﾟ･⑅*॰¨̮♡今次係二訪大角咀呢間想甜嚐甜 🍬 食完到而家呢刻睇返相又想encore了 想甜嚐甜比一般甜品舖有更加多唔同類型嘅甜品🍦新式fushion啲舊式傳統啲嘅都有~ 我表示佢嘅乳酪雪糕喺夏天完全係解暑良品 .ᐟ.ᐟ🥹🫶🏻⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 布朗尼可可香蕉木船配乳酪雪糕 $56 (4.7/5)一上枱見到呢款甜品配料同乳酪雪糕都十分多🍫布朗尼粒粒嘅份量係完全夠配埋乳酪雪糕一齊食 .ᐟ.ᐟ刮到底都仲有😚 而且布朗尼粒粒大小適中唔會過甜 好好食 .ᐟ.ᐟ香蕉亦都有用焦糖燒過🍌面頭仲有一個迷你雪糕筒 好食又打卡able📸😆⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 開心個心太軟配乳酪雪糕 $62 (4.5/5)好似冇喺其他甜品店見過呢隻味嘅心太軟 作為開心果控😍我覺得開心果味好濃郁 而且一啲都唔假👍🏻亦都做得夠流心 .ᐟ.ᐟ心太軟本身係比較漏嘅甜品~ 所以配埋乳酪雪糕可以解漏 完全perfect match🥰 不過一個人食晒都會有啲漏 .ᐟ.ᐟ建議大家搵埋朋友仔一齊share食👭🏻⊶⊷⊶⊷⊶⊷⋆⊶⊷⊶⊶⊶⊷⊶⊷⊶⊷⋆⊶⊷⊶⊷⊶•͈౿•͈

🐽 - 大角咀 - 想甜嚐甜友人高度評價呢間甜品舖，原因係有好多特別款式既甜品；例如心太軟會有奶醬多、阿華田、開心果，仲有期間限定既芫荽味👍🏻- 黑草入面有芋圓、地瓜圓、紫薯圓、丸子、珍珠、西米、黑糖條、仙草及台灣黑糖；可以揀配花奶或者忌廉- 奶醬心太軟配乳酪雪糕心太軟奶醬味香濃，鍾意食既朋友值得一試👍🏻每款心太軟均配有乳酪雪糕，相比起其他傳統既雲呢拿雪糕，感覺冇咁”溜”- 斑斕巴斯克芝士蛋糕配乳酪雪糕平時巴斯克芝士蛋糕就食得多，斑斕味真係第一次食，雖然味道唔算太突出但勝在夠特別