甜甜地 (Moved) New Location

非常鍾意食呢度D芝麻湯圓, 即叫即淥, 熱辣辣非常好味!! 個人preference 係薑湯湯圓, 試過叫杏仁茶湯圓, 原來會比薑湯版少幾粒湯圓的! 哈哈!另外也推薦呢度的木桶飯, 我試過(1)牛肉(2)北菇雞(3)排骨, 個人認為就算唔落鼓油都好夠味!

20080423是日經過，見小店的氣氛也頗清雅，就進來試一試。很容易被店名騙了，其實不止甜品，雖然甜品的種類也頗多，主菜是屬於fusion的那一類，以這類店來說價錢不算便宜，是日不餓，沒有試。只叫了一個薑汁冰花燉蛋，有點不喜歡的是她從外面的冷櫃裏拿進廚房再翻熱，雖然店家可能有實際的難處，不過給19元吃小小的一碗燉蛋，如果有“叮”味總是心理上覺得有點介意。說回食物本身，薑汁的味道略顯不足，蛋香也不突出，所以整體都是那麼淡淡的，所幸也不太甜。應該有下次，再試試別的。

話雖老闆一定會hard sell自己店鋪既食品。但今日同甜甜地既老闆交流佢對食品既心得。再上黎睇睇食客既食評。我實在懷疑食過既客人係抱住咩心態去食既呢?我本人今日就係一個機緣下試食左甜甜地既芒果布甸。由一上檯比我。我見倒個顏色做左漸變色。外表唔錯。到入口。味道清新。唔太甜。個味唔假。有層次。有d布甸食多2啖個奶味好重好漏。佢好均衡。依我而言。雖然我今次只係試食左個布甸。不過個人就覺得唔錯。再加上老闆對食物既堅持。好老實句。佢既甜品係出育面貴小小。不過我覺得如果同樣對食品有味道既人一定會鍾意呢度。如果只係在乎價錢同份量既呢d冇得講啦。^^

其實都食過3次第1次食覺得好好印象中係食芒果白汁豬扒天使麵天使麵咁林雞扒夠鬆有味道不過4X-5X呢個價錢就真係好貴下如果佢調整到35-40 我覺得我會成日黎第2次黎食純粹只係食TEA 普通1個TEA都要2X-3X 講真...係好貴第3次食係芒果白汁雞扒天使麵都係果句真係太貴喇=[不過老閣娘真係幾好人奉送布甸真係唔錯

2008年3月9日晚上:9:00 行過餓餓地, 試下想試好耐o既呢一間, 全店只有沙牛男友同我, 憑記憶大家推介o既好似係芒果糯米滋同豆腐花, 即叫:1) 芒滋–塊皮硬硬地, 可能雪得太耐, 芒果係甜, 但係整體麻麻地, 技術未夠, 更加唔洗同發記比啦! 差九十條街.2) 原味豆腐花–佢重響menu上面寫住豆味香濃, 但係我咩味都食唔到喎! 得個滑字, 好心d紅糖就唔好用d”渣”野啦! 靚糖都唔係好重成本遮, 既然係鎮店之寶就比d心機, 落少少本錢同心機做好佢啦!埋單56蚊, 我覺得唔值! 無下次!

是日3人試食裝修不錯甜品種類也多不過味道就比較清淡，沒有原料的味道豆腐花有一個木桶盛裝，很有特色，還很大桶，一上場很膽心清唔哂，豆腐花很有家庭feel(我家裏媽咪時常整的），夠滑但豆味不濃。芒果班戟及糯米糍也是一般，芒果比較酸但不夠香味雖然感到廚師很用心調理，但材料平凡(價?)，售價不平的情況下，仍有很大改進的空間。

10:15pm 同朋友S 及朋友OC 食宵夜, 行緊去華康0既途中朋友S 俾呢度的甜品menu 吸引, 入了0黎睇睇. 呢間鋪仲0係九龍城0既時候幫襯過幾次, 印象中佢得招牌芒果糯米(米茲)好食, 今日第一次幫襯灣仔呢間, 試試佢的芒果pancake.Pancake 一客3 件, 一件size 亦唔係咁大, 層皮夠薄不過幾乾, 入面cream 份量適中, 不過芒果酸到喊, 認真大剎風景.另外同朋友們share 了招牌芒果糯米(米茲)... 味道同之前食過的完全無變, 芒果又甜又多汁, 加了椰絲的皮煙煙韌韌, 好食! 不過一客4 件要$30, 都幾貴, 特別當許留山的同類出品一樣好食但比佢平@_@"朋友OC 就因為未食晚飯, 叫了個白汁+芒果汁豬扒意粉... 試了少少豬扒, 白汁味道ok, 唔稀又唔太杰, 雖然食唔到芒果汁味, 不過無所謂啦, 最怕就係呢類"fusion" 食物@_@" 豬扒夠腍亦有肉味, 唔錯.環境ok, 乾淨企理; 雖然老闆娘比較hard sell, 推介呢樣推介0個樣, 但態度殷勤又有禮貌, 服務值得一讚.埋單約$30 一個人, 一般抵食啦... 會唔會再0

在金鍾British Council 上完堂,剛剛是lunchtime, 但是間間都好爆,又大多是fastfood, 結果叮去灣仔搵食來到譚辰道, 見有位就食.........跟fd share, 食了燒茄子牛扒& 香芒雞扒飯唔錯!!! 牛扒雞扒容易切,幾入味!!!service 普通, 人地個d會漏單!!!overall ok la....

經店員推介下買了榴槤班戟和芒果糯米糍榴槤班戟聞落沒什味道怎料一咬下那股獨特的氣味立即撲鼻而至,奶油與榴槤比例分配得宜,一試無妨本人覺得稱為糯米卷更貼切,皮包裹著custard cream和一大舊芒果,容我這麼說:糯米皮十足十paper mask因它既薄且注滿水份似的,這有點突破傳統的口感還不錯;三十元四件作為這裡的招牌貨式,試一試不為過吧

今次同豬精俏公主第一次試甜甜地，我地叫左芒果糯米糍、木桶薑汁豆腐花、木桶杏仁豆腐花。芒果糯米糍係推介食品，但係令我地兩個太失望了。芒果完全冇味道，唔甜唔酸。只係覺得食緊一舊淋pat pat既果肉。糯米皮雖然好軟，但入口都係冇味道，真的有少少失望。到左兩個豆花出場，果然好唔同。薑汁豆花好香，離遠已經嗅到薑汁既味道，入口好滑。可能用小木桶關係，每一啖都係熱騰騰的，好正。杏仁豆花都係一樣，好香的杏仁味道，又夠滑，真係非常好吖…但係，如果價錢平少少就好了，$24一碗，實在都幾貴。

食左:1.木桶薑汁豆花:好食,好滑,咁細桶o既豆花真係好難撞得好食,佢可以整到咁滑真係好考功夫。不過我就覺得薑汁味可以再多d~2.芒果豆花希甸魚:好食,佢個布甸係豆腐味,幾特別,加埋d芒果,味道好夾。3.芝麻燉奶:我唔太中意食芝麻味,不過我個男生fd就話好食,好快就食晒,我就覺得ok啦。4.木瓜燉蛋:我又唔太中意食燉蛋,不過d木瓜切到細細粒,好搞笑,木瓜味淡淡地滲入d燉蛋度,都ok。5.皇后布甸:較甜同埋濃奶味,最底有燉蛋,中間係西米,最上就係平時食o個d黃色焗布甸。個人唔係太中意佢甜同濃味。

至從譚臣道「X記」情況每況愈下及出品不知所為後，很少入甜品店。今晚我最愛的老婆食完壽司後，話要來試食甜品，八點鐘左右來到店前，看到一個客也沒有，心想「出事啦」，不過都行到來，就試一試。一口氣叫了杧果糯米糍,湯丸紅豆沙及薑汁冰花燉蛋，糯米糍夠凍，糯米糍同杧果肉OK。湯丸紅豆沙，湯丸食落唔似急凍湯丸，後來先知是店鋪自製。薑汁冰花燉蛋，有薑汁味，但還可以加多點，蛋唔夠嫩滑。臨走老婆買了湯丸紅豆沙及薑汁冰花燉蛋，請爸媽食，爸就喜歡湯丸紅豆沙，媽就要了薑汁冰花燉蛋，評語同我一樣薑汁可以加多點。整體上不過不失，還有改進空間，會試多一次。

這間都入圍係因為那杧果糯米糍係難以抗拒！杧果糯米糍雖然賣$30 一客，但想想那層糯米皮係由芒果汁搓出來，再想想店家加入原塊厚切芒果，再想想加入芒果味奶黃醬，再想想那種軟滑質地，便沒話說！那兒的原桶豆腐花係經典，雲石口味好得，薑汁味道係好惹味，質地係驚人的滑，才賣$24 一小桶，抵！甜甜地的杧果糯米糍，我會記得！

其實灣仔唔多糖水鋪, 知道呢間d食評幾好, 所以一試.... 結果好失望叫左兩個外賣.....1) 芒果涼粉- 其實呢個甜品好難整得唔好食... 但係佢個賣相同份量真係唔得. 首先d涼粉只係有外賣碗o既一半, 無錯, 只係一半, 上面放左少量芒果汁同大約8-10粒o既芒果肉, 但係d 芒果肉只有1cmx0.5cmx0.5cm咁大度........ 但係呢碗野要$24 大元. 咁o既價錢, 但係咁既份量, 太貴. 咁o既價錢, o係第二應該會食到半個芒果o既肉. 比多次機會佢, 叫多左一樣"看似推介"甜品- 2) 楊枝金露- 有冇攪錯, 我未食過咁"稀" o既楊枝金露. 其實只係一碗花奶糖水, 加左"10條"柚子同約8粒芒果肉, 仲有約20粒o既西米. 簡單d 黎講, 佢稀到可以唔使用羹食, 就咁倒入口都得. 又係$25 大元.... 去許留山一定抵d同好味d .......唔會再幫襯! 難怪見佢lunch都水靜鵝飛...... (p.s. 佢有lunch set offer)

價錢的確唔抵!!!我們上次試食彵們的西米露, 西米煮得未夠熟芒果布丁的瑩光色未食先嚇一嚇豆腐布丁魚..是最正常的食品另試食他們的芒果糯米滋, 不知怎樣我們一行四人都覺得很大陣膠味, 可能是魚膠粉下多了在比錢時好心提醒他們, 他們自己試也沒試, 就話：無喎, 點會作為食肆, 是不是該接受多點意見?態度好點點, 食物好點, 價錢貴一點也無妨